چىن چۋانگو ءسوز سويلەدى
لي يفي بايانداما جاسادى ءارى ءسوز سويلەدى، پىڭ جيارۇي قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، ميھىرگۇل عوپۇر 12 - ايدىڭ 18 - كۇنى ۇرىمجىدەن حابارلايدى. 12 - ايدىڭ 17 - كۇنىنەن 18 - كۇنىنە دەيىن جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 7 - كەزەكتى كوميتەتىنىڭ ون ءۇشىنشى جالپى ءماجىلىسى اشىلدى.
ءماجىلىس «جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 7 - كەزەكتى كوميتەتىنىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ جونىندەگى پىكىرىن»، «جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 7 - كەزەكتى كوميتەتى ون ءۇشىنشى جالپى ءماجىلىسىنىڭ جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - قۇرىلتايىن اشۋ جونىندەگى قارارىن» قاراپ ماقۇلدادى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋيى چىن چۋانگو ماجىلىسكە قاتىناستى ءارى ءسوز سويلەدى. بيڭتۋان پارتكومىنىڭ شۋجيى، جىڭۋيى لي يفي بيڭتۋان پارتكومىنىڭ تۇراقتى كوميتەتى اتىنان جالپى ماجىلىسكە قىزمەتتەن بايانداما جاساپ، بيڭتۋاننىڭ 8 - رەتكى پارتيا قۇرىلتايىن اشۋعا قاتىستى ىستەرگە تۇسىنىك جاسادى ءارى ءسوز سويلەدى. بيڭتۋان پارتكومىنىڭ ورىنباسار شۋجيى، سىليڭيۋانى پىڭ جيارۇي ماجىلىسكە قاتىناستى ءارى بيڭتۋاننىڭ ەكونوميكالىق قىزمەتتەرىن ورنالاستىردى.
چىن چۋانگو بيىل جىل باسىنان بەرگى بيڭتۋاننىڭ ءتۇرلى ىستەردە قول جەتكىزگەن جاڭا ناتيجەلەرىن تولىق تۇراقتاندىردى. ول بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى بيڭتۋان قىزمەتىنە ايرىقشا ءمان بەردى، باس شۋجي شي جينپيڭ تالاي رەت بيڭتۋان قىزمەتىن ويداعىداي ىستەۋ جونىندە ماڭىزدى ءسوز سويلەدى، ماڭىزدى نۇسقاۋ بەردى، بۇل بيڭتۋان قىزمەتىنىڭ جەڭىسپەن العا ىلگەرىلەۋىنىڭ قۋاتتى يدەيالىق قارۋى بولىپ، جاڭا داۋىردە بيڭتۋان قىزمەتىن ويداعىداي ىستەۋگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى. باتىلدىقپەن يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىمەن جانە پارتيا ورتالىق كوميتەتىنىڭ بيڭتۋان قىزمەتى جونىندەگى ورىن تۇراقتاندىرۋىمەن جانە تالاپتارىمەن بىرلىككە كەلتىرىپ، بۇلجىماستان باس شۋجي شي جينپيڭ نۇسقاعان دۇرىس بەتالىسپەن العا ىلگەرىلەۋ كەرەك.
چىن چۋانگو بىلاي دەپ باسا دارىپتەدى: بيڭتۋان شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تولىق، دالمە - ءدال دايەكتىلەندىرىپ، قىزمەت جاۋاپكەرشىلىگىن، بورىشىن ادالدىقپەن اتقارىپ، بورىشتى، جاۋاپكەرشىلىكتى ۇزدىكسىز كۇشەيتىپ، ”ءۇش ۇلكەن فۋنكتسيانى“ اناعۇرلىم ويداعىداي اتقارىپ، ”ءتورت ۇلكەن رولدى“ ساۋلەلەندىرىپ، جاڭا داۋىردەگى بيڭتۋان قىزمەتىنىڭ تىڭ ساتىعا كوتەرىلۋىن، جاڭا جاعداي اشۋىن قۇلشىنا ىلگەرىلەتىپ، ۇزدىك ناتيجەلەرمەن پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك. ورنىقتىلىقتى قورعاۋ، شەكارانى كۇزەتۋ قابىلەتىن بۇلجىماستان جوعارىلاتىپ، بۇكىل رايوننىڭ قوعامدىق كەلەلى جاعدايىنىڭ ورنىقتىلىعى ءۇشىن تىڭ ۇلەس قوسۋ؛ وڭتۇستىككە قاراي دامۋدى بۇلجىماستان ىلگەرىلەتىپ، وڭتۇستىككە قاراي دامۋ جوبا باعدارلاماسىنىڭ تياناقتانۋىن ءبىر تۇتاس جوسپارلاپ ىلگەرىلەتىپ، ستراتەگيالىق ورنالاستىرۋدى ۇزدىكسىز ساپالىلاندىرۋ؛ رەفورمانى بۇلجىماستان ۇزدىكسىز تەرەڭدەتىپ، بيڭتۋاننىڭ دامۋ ومىرشەڭدىك قوزعاۋشى قۋاتىن ۇزدىكسىز كۇشەيتۋ؛ جوعارى ساپالى دامۋدى بۇلجىماستان ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“، ”التىنى قامتاماسىزداندىرۋ“ قىزمەتتەرىن تىڭعىلىقتى تۇردە ويداعىداي ىستەپ، جوعارى ساپالى دامۋدى حالىق تۇرمىسىمەن جاناستىرا ىلگەرىلەتۋ؛ بيڭتۋان مەن جەرگىلىكتى ورىننىڭ توعىسا دامۋىن بۇلجىماستان ىلگەرىلەتىپ، بيڭتۋان مەن جەرگىلىكتى ورىن ءبىر تۇتاس جۇيە يدەياسىن بەرىك ورناتىپ، ءتۇزىلىس - مەحانيزمدى كەمەلدەندىرىپ، سايكەسۋدى، سەلبەسۋدى كۇشەيتىپ، بيڭتۋان مەن جەرگىلىكتى ورىننىڭ ءارقايسى جاقتاردا تەرەڭدەي توعىسۋىن ىلگەرىلەتۋ؛ پارتيا قۇرىلىسىن بۇلجىماستان كۇشەيتىپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، ساياسي قۇرىلىستى كۇش سالا نىعايتىپ، ءار دارەجەلى باسشىلىق القاسىن، كادر، جۇمىسشى - قىزمەتكەرلەر قوسىنىن، نەگىزگى ساتى ۇيىمدىق قۇرىلىسىن كۇشەيتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى تەرەڭدەتىپ، جاڭا داۋىردەگى بيڭتۋان قىزمەتىن ويداعىداي ىستەۋگە پارمەندى كەپىلدىك ازىرلەۋ كەرەك.
لي يفي باياندامادا بيىل جىل باسىنان بەرگى بيڭتۋان پارتكومى تۇراقتى كوميتەتىنىڭ قىزمەتىنە قايىرىلا قاراپ، قورىتىندى جاسادى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ورنىقتىلىقتى قورعاۋ، شەكارانى كۇزەتۋ قىزمەتىن كۇش سالا ويداعىداي يگەرىپ، قوعامنىڭ جاراسىمدىلىعىن، ورنىقتىلىعىن بار كۇشپەن قورعاۋ، وڭتۇستىككە قاراي دامۋدى كۇش سالا جەدەلدەتىپ، ۇزدىكسىز جاڭا ناتيجەگە، تىڭ سەرپىلىسكە قول جەتكىزۋ، بازار تۇلعالارىن كۇش سالا جەتىلدىرىپ، زورايتىپ، ەكونوميكانىڭ جوعارى ساپالى دامۋىن ىلگەرىلەتۋ، شينجياڭدى مادەنيەتپەن نارلەندىرۋدى، جۇڭحۋا ۇلتى ورتاق تۇلعا تانىمىن بەرىك ورناتۋدى كۇش سالا ىلگەرىلەتىپ، حالىق تۇرمىسىن كۇش سالا قامتاماسىزداندىرىپ جانە جاقسارتىپ، قالىڭ جۇمىسشى - قىزمەتكەردىڭ، بۇقارانىڭ تاماشا تۇرمىسقا دەگەن جاڭا تىلەگىن اناعۇرلىم ويداعىداي قاناعاتتاندىرۋ، بيڭتۋاننىڭ رەفورمانى تەرەڭدەتۋىن كۇش سالا ىلگەرىلەتىپ، ىشكى قوزعاۋشى كۇش پەن دامۋ ومىرشەڭدىگىن ارتتىرۋ، بيڭتۋان مەن جەرگىلىكتى ورىننىڭ توعىسا دامۋىن كۇش سالا تەرەڭدەتىپ، تەرەڭ كىرىگۋدى، تەرەڭ توعىسۋدى قۇلشىنا جۇزەگە اسىرۋ، كۇش سالا حاۋىپ - قاتەردەن ساقتانىپ، تومەنگى شەكتى ساقتاپ، قاداعالاۋدى، ساقتاندىرۋدى جانە ساقتانۋدى، جويۋدى كۇشەيتىپ، بيڭتۋان ىستەرىنىڭ جوعارى ساپالى دامۋىن تىڭعىلىقتى ىلگەرىلەتۋ كەرەك. جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن بۇلجىماستان ىلگەرىلەتىپ، پارتيانىڭ ساياسي قۇرىلىسىن جاپپاي كۇشەيتىپ، جوعارى مەن تومەن تۇتاسقان، اتقارىلۋى پارمەندى بولعان ۇيىمدىق جۇيەنى اقاۋسىزداندىرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادر - دارىندىلار قوسىنىن قۇرىپ، تاباندىلىقپەن ستيلدى تۇزەتىپ، ءتارتىپتى قاتايتىپ، شىرىكتەسۋگە قارسى كۇرەستى ىشكەرىلەي ىلگەرىلەتىپ، پارتيانىڭ بيڭتۋانداعى بيلىك جۇرگىزۋ نەگىزىن بەكەمدەۋ كەرەك.
بيڭتۋان پارتكومىنىڭ تۇراقتى مۇشەلەرى كۇڭ شيڭلۇڭ، لي شينميڭ، حالمۇرات ابدۇراحمان، شاۋ فىڭ، جاڭ ۋىنچۋان، ليۋ جيانميڭ، ءمۇتالىپ ءماتتوحتى، ياۋ شينمين، جاڭ يۇڭ، لي پيڭ، لۋ شۇيپيڭ، لي جيدۇڭ، جۇڭ بو ماجىلىسكە قاتىناستى.
