5 جىلدا 60 مىڭنان استام بازالىق ستانسيا تىڭنان ارتتىرىلادى
اۋىل - قالاشىق جانە ودان جوعارى وڭىرلەردە 5G نەگىزىنەن جالپىلاسادى
انار بۇلت / شينجياڭ گازەتىنىڭ ءتىلشىسى فان چيۇڭيان 12 - ايدىڭ 18 - كۇنى ۇرىمجىدەن حابارلايدى. تاياۋدا باسىپ تاراتىلعان «شينجياڭ ۇيعۇر اۆتونوميالى رايونىنىڭ 5G حابارلاسۋ نەگىزدىك قۇرىلعىلارى ارناۋلى جوباسىندا (2021 − 2025 - جىلعا دەيىن)» كورسەتىلۋىنشە، 2025 - جىلدىڭ سوڭىنا دەيىن شينجياڭدا تىڭنان ارتتىرۋ جوسپارلانعان 5G بازالىق ستانسيا 61 مىڭ 716عا جەتىپ، جالپى 22 ميلليارد 900 ميلليون يۋان قارجى قوسىلادى ەكەن.
«جوبادا» مىنالار ايقىندالدى: 2025 - جىلدىڭ سوڭىنا دەيىن ءارقايسى ايماقتاردىڭ (وبلىس، قالا) ورتالىق قالا رايوندارىندا مەملەكەت دارەجەلى 23 باقشا رايونىندا 5G ينتەرنەت جەلىسىن تولىق جالپىلاستىرۋدى جۇزەگە اسىرۋ؛ قاجەتكە قاراي بىرتىندەپ كەڭەيتۋ ۇلگىسىندە بۇكىل رايوننىڭ اۋدان دارەجەلىدەن جوعارى وڭىرلەرىندە اۆتونوميالى رايون دارەجەلى 68 باقشا رايونىندا، ءتۇيىندى اۋىل - قالاشىقتاردا، 3A دارەجەلىدەن جوعارى ساياحات كورىنىس وڭىرلەرىنىڭ ساياحاتشى شوعىرلى وڭىرلەرىندە 5Gدى بولمە سىرتىنا دەيىن ۇزدىكسىز جالپىلاستىرۋدى جۇزەگە اسىرۋ بۇكىل رايوننىڭ اۋىل - قالاشىقتارىندا، سونداي - اق ودان جوعارى وڭىرلەردە جانە ءتۇيىندى اكىمشىلىك قىستاقتارداعى ءتۇيىندى وڭىرلەردە 5Gدى نەگىزىنەن جالپىلاستىرۋدى جۇزەگە اسىرۋ.
«جوبادا» مىنالار اتاپ كورسەتىلدى: ءار دارەجەلى پارتيا - ۇكىمەت ورگاندارى، ءىسورىندار، مەكتەپ، شيپاحانا، ساياحات كورىنىس وڭىرلەرى، الاڭ - ساراي سىندى الەۋمەتتىك قۇرىلىمدار قۇرىلىستارى، سونداي - اق قالا اكىمشىلىك ىستەرى، كوگال، اۋەجاي، تەمىر جول، رەليستى قاتىناس جانە بەكەت، كوپىر، تۋنەل، تاس جول جولاۋشى تاسىمال بەكەتى، جەر استى كەڭىستىگى سياقتى الەۋمەتتىك نەگىزدىك قۇرىلعىلار قۇرىلىستارىنىڭ حابارلاسۋ كاسىپورىندارىنا جانە تيەتا سەرىكتەستىگىنە اقىسىز اشىق ۇستالۋىن ىلگەرىلەتۋ كەرەك؛ ءارقايسى ايماقتار (وبلىس، قالا) الەۋمەتتىك قۇرىلىستارى، الەۋمەتتىك قۇرىلعىلارى حابارلاسۋ نەگىزدىك قۇرىلعىلارىنا اقىسىز اشۋ تىزىمدىگىن جاساۋى كەرەك؛ ساۋدا عيماراتتارى، مەكتەپ اۋلاسى، جاڭادان سالىنعان تۇرعىن ۇيلەر، شاعىن اۋماق سياقتىلاردىڭ مەنشىك يەلەرى نەمەسە قوجالىق باسقارۋ ورىندارى 5G بازالىق ستانسياسى، بولمە ىشىندە ورنالاستىرۋ سياقتى حابارلاسۋ نەگىزدىك قۇرىلعىلار قۇرىلىسىنا كەڭىستىك قالدىرۋ نەمەسە قۇرىلىس جۇرگىزۋ قولايلىلىعى سياقتىلاردى ازىرلەۋ كەرەك.
«جوبادا» مىنالار تالاپ ەتىلدى: قاتىستى تاراۋلار ”تومەنگە بەرۋ، باسقارۋ، قىزمەت وتەۋ“ قىزمەت تالابىن تياناقتاندىرىپ، 5G بازالىق ستانسياسىنىڭ جەردەن پايدالانۋىن قولداۋ تەبىنىن ارتتىرىپ، حابارلاسۋ نەگىزدىك قۇرىلعىلارىنا ءوتىنىش بەرۋدى، تەكسەرىپ بەكىتۋ راسمياتىن جانە ءتارتىبىن قاراپايىمداستىرىپ، جەردەن پايدالانۋدى تەكسەرىپ بەكىتۋ مەن ۇقىق - مۇددە كۋالىگىن ءبىتىرۋ قارقىنىن جەدەلدەتۋى كەرەك.
شينجياڭ حابارلاسۋدى باسقارۋ مەكەمەسى ينفورماتسيا - حابارلاسۋدى دامىتۋ باسقارماسىنىڭ ورىنباسار باستىعى ليڭ حۋافىڭ تانىستىرىپ بىلاي دەدى: «جوبانىڭ» ماڭىزى زور، تۇتاس رايوننىڭ ينفورماتسيا نەگىزدىك قۇرىلعىلار قۇرىلىسى دامۋىنىڭ تۇتاس تۇلعالىق سيپاتىن، ماكرولىق سيپاتىن جانە باياندىلىعىن ارتتىرۋعا ءتيىمدى؛ ”كوپ بەلگىلەمەنى توعىستىرۋدى“ جۇزەگە اسىرىپ، حابارلاسۋ كاسىبىن جوبالاۋدى اۆتونوميالى رايوننىڭ مەملەكەت جەرى كەڭىستىگىن جوبالاۋمەن، حالىق شارۋاشىلىعى جانە قوعامدىق دامۋ سياقتى جوبالارمەن ءبىر تۇتاس جوسپارلاپ، ءونىمدى ۇشتاستىرۋعا ءتيىمدى؛ 5G قۇرىلىسىن ءبىر تۇتاس جوسپارلاپ، 5G ينتەرنەت جەلىسىن ورنالاستىرۋ مەن كولەمدەندىرىپ پايدالانۋدى ىلگەرىلەتىپ، بايلىق قاينارىنان ورتاقتاسۋدى كۇشەيتىپ، قايتالامالى قۇرىلىستى ازايتىپ، جاڭا ءبىر بۋىن ينفورماتسيا حابارلاسۋ تەحنيكاسىنىڭ دامۋىنا بەرىك نەگىز قالاۋعا ءتيىمدى؛ جاڭاشا زەردەلى قالا، زەردەلى باقشا رايونى، زەردەلى الەۋمەتتىك اۋماق قۇرىلىسىن ىلگەرىلەتىپ، قالانى كەشەندى باسقارۋدى جەبەپ، ەگجەي - تەگجەيلى باسقارۋدى جۇزەگە اسىرۋعا ءتيىمدى؛ ”سيفرلى شينجياڭنىڭ“ دامۋ اياق الىسىن ىلگەرىلەتىپ، جاڭاشا ونەركاسىپتەندىرۋدى، ينفورماتسيالاندىرۋدى، قالا - قالاشىقتاندىرۋدى، اۋىل شارۋاشىلىعىن وسىزامانداندىرۋدى توعىستىرۋدى جەدەلدەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا كۇشتى تىرەك ازىرلەۋگە ءتيىمدى.
