قۇمىل:
50 مىڭنان استام قالا، اۋىل تۇرعىنى ”ولكە اتتاپ ءبىر تۇتاس بىتىرۋدەن“ يگىلىكتەندى
انار بۇلت / شينجياڭ گازەتىنىڭ ءتىلشىسى ۋي يۇڭگۇي، ەرىكتى ءتىلشى يە سۇي
قۇمىل قالاسىنىڭ تۇرعىنى گو ۋىنجاڭ حاڭجوۋداعى ءبىر كاسىپورىندا 3 جىلدان استام ۋاقىت قىزمەت ىستەپ، بيىل قۇمىلعا قايتىپ كەلىپ شارۋاشىلىق قۇردى. جۋىقتا ول قوعامدىق قامتاماسىزداندىرۋ بايلانىسىن اۋىستىرىپ اكەلمەكشى بولادى، ءبىراق بارىپ - كەلۋىمەن 5000 − 6000 كيلومەتر جول باسۋ ونى داعدارتتى.
12 - ايدىڭ 16 - كۇنى گو ۋىنجاڭ قۇمىل قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنە بارىپ كەڭەس سۇراعاندا، قىزمەتكەر وعان ”ەلەكتروندى قوعامدىق قامتاماسىزداندىرۋ كارتچكاسى“ APPىن تانىستىرىپ، ”ولكە اتتاپ ءبىر تۇتاس بىتىرۋگە“ بولاتىندىعىن ايتادى ءارى سول جەردىڭ وزىندە ونىڭ جۇمىستى بىتىرۋىنە كومەكتەسەدى.
”15 مينۋتقا جەتپەي - اق ءبىتىپ بولدى، ارنايى بارمايتىن بولدىم“، - دەدى گو ۋىنجاڭ قۋانا.
بيىل قۇمىل قالاسى پارتيا تاريحىن ۇيرەنۋ تاربيەسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىندا بۇقارانىڭ پىكىر - ۇسىنىستارىن كەڭىنەن جيناپ، نازاردى بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىنە شوعىرلاندىرا وتىرىپ ناقتى شارا الىپ شىعىپ، ناقتى ىستەر ىستەدى. مۇنىڭ ىشىندە قۇمىل قالاسى ينتەرنەت جەلىسىندەگى ءتۇرلى ۇكىمەتتىك قىزمەت وتەۋ تۇعىرلارىندا 86 تۇردەگى ”ولكە اتتاپ ءبىر تۇتاس ءبىتىرۋ“ ءىسىن جاريالادى، بۇل تۇرعىنداردىڭ جەكە قوعامدىق قامتاماسىزداندىرۋى، ەمدەۋ جانە تۇرعىن ءۇي الەۋمەتتىك قورىن باسقا جەرگە اۋىستىرىپ جالعاستىرۋ، اۆتوكولىك باسقارۋ سياقتى ىستەرگە جانە كاسىپورىن قۇرۋ، تىزىمنەن ءوشىرۋ سياقتى ىستەرگە سايادى. وسى ىستەردى ءبىتىرۋ ءتاسىلى ”ينتەرنەتتە ءبىتىرۋدى، قول تەلەفوندا ءبىتىرۋدى، پوچتامەن جونەلتىپ ءبىتىرۋدى، كۇنى بۇرىن كەلىسىپ ءبىتىرۋدى“ قامتيدى، بيىل جىل باسىنان بەرى 50 مىڭنان استام قالا، اۋىل تۇرعىنى ”ولكە اتتاپ ءبىر تۇتاس ءبىتىرۋ“ قولايلى قىزمەت وتەۋىنەن يگىلىكتەندى.
قوعامدىق قامتاماسىزداندىرۋ جۇمىسىن ”ولكە اتتاپ ءبىر تۇتاس بىتىرۋگە“ ۇقساس، اۆتوكولىك باسقارۋ جۇمىسى دا بۇقارانىڭ ”ولكە اتتاپ ءبىر تۇتاس بىتىرۋدەگى“ ەڭ كوپ كەزىگەتىن جۇمىسى. اۆتوكولىك باسقارۋ جۇمىسىن ”ولكە اتتاپ ءبىر تۇتاس ءبىتىرۋدى“ ىلگەرىلەتۋ ءۇشىن قۇمىل قالالىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ اۆتوكولىك باسقارۋ ورنى اۆتوكولىكتەردى مەملەكەت بويىنشا ”ءبىر تۇتاس تەكسەرۋ“، جۇرگىزۋشىلىك كۋالىگى ەمتيحانىن مەملەكەت كولەمىندە بەرۋ، وتكەرمەلى اۆتوكولىك ۋاقىتشا ءنومىر تاقتاسىن باسقا جەردە ءبىتىرۋ سياقتىلاردى بەلسەنە تياناقتاندىرىپ، جيىنى 10 تۇردەگى جۇمىستا ”ولكە اتتاپ ءبىر تۇتاس ءبىتىرۋدى“ جۇزەگە اسىردى.
”بۇرىن كۇنىنە 400 دە 500 ادام جۇمىس بىتىرۋگە كەلەتىن، بۇقارانىڭ ءىس بىتىرۋىنە نۇقسان جەتكىزبەۋ ءۇشىن تەرەزەدەگى قىزمەتكەرلەردىڭ، ءتىپتى، دارەت سىندىرۋعا دا مۇرساتى كەلمەيتىن“. قۇمىل قالالىق قاتىناس ساقشى تارماق اترەتى اۆتوكولىك باسقارۋ ورنى جالپىلىق جۇمىس تەرەزەسىنىڭ قىزمەتكەرى دۋان يۇڭحۇي بىلاي دەدى: ”’ولكە اتتاپ ءبىر تۇتاس ءبىتىرۋدى‘ ، ’ينتەرنەت + اۆتوكولىك باسقارۋ جۇمىسىنىڭ‘ تولىق قامتۋىنا بايلانىستى زالعا جۇمىس بىتىرۋگە كەلەتىندەردىڭ سانى بارىنشا ازايدى، قازىر ەڭ كوپ بولعاندا دا 100 ادام اينالاسىندا عانا، ينتەرنەتتە جۇمىس ءبىتىرۋ، اسىرەسە، ولكە اتتاپ جۇمىس ءبىتىرۋ ءارى قولايلى، ءارى تەز بولىپ، بۇقارانىڭ قارسى الۋىنا بولەندى“.
”ولكە اتتاپ ءبىر تۇتاس ءبىتىرۋ“ قۇمىل قالاسىنىڭ شارۋاشىلىق - ساۋدا ورتاسىن ونان ارى ساپالىلاندىرۋىن ىلگەرىلەتتى. بيىل قۇمىل قالاسى باسىپ تاراتقان «2021 - جىلعى ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن ساپالىلاندىرۋ قىزمەت تۇيىندەرىندە» ءبىر تۇلعالانعان ۇكىمەتتىك قىزمەت وتەۋ تۇعىرىنا سۇيەنىپ، ءوڭىر اتتاعان، تاراۋ اتتاعان، سالا اتتاعان سەنىمدىلىكتى، ءبىرىن - ءبىرى مويىنداۋدى ورىستەتىپ، ۇكىمەتتىك سالادا ينفورماتسيادان بىرگە يگىلىكتەنۋ نەمەسە ەلەكتروندى كۋالىك ارقىلى سىپاتتاۋعا بولسا كاسىپورىننان قايتا بەرۋدى تالاپ ەتپەۋىنە بولادى؛ جىل سوڭىنان ىلگەرى ەلەكتروندى تيجارات كۋالىگىنىڭ سالىق، قوعامدىق قامسىزداندىرۋ، تۇرعىن ءۇي الەۋمەتتىك قورى، ساۋدا بانكەسى سياقتى سالالاردا قولدانىلۋىن جاپپاي ىلگەرىلەتتى.
”قازىر ءبىزدىڭ 80 تۇردەگى اكىمشىلىك رۇقسات ەتۋ ىستەرىمىز ينتەرنەتتە بىتەدى، مۇنىڭ ىشىندە ۇنەمى كەزدەسەتىن 13 تۇردەگى اكىمشىلىك رۇقسات ەتۋ ىستەرىندە ’ولكە اتتاپ ءبىر تۇتاس ءبىتىرۋ‘ جۇزەگە استى“. قۇمىل قالالىق بازار باقىلاۋ - باسقارۋ مەكەمەسى تىركەۋ ءبولىمىنىڭ باستىعى ۋاڭ لەي مىنانى ءبىلدىردى: ”ولكە اتتاپ ءبىر تۇتاس ءبىتىرۋ“ كاسىپورىنداردىڭ جۇمىس وزىندىك قۇنىن ازايتىپ، كاسىپورىنداردىڭ ىرگە تەبۋى مەن دامۋىنا قولايلىلىق ازىرلەدى، بۇل شارۋاشىلىق - ساۋدا ورتاسىن ساپالىلاندىرۋدىڭ، بازار تۇلعالارىنىڭ ومىرشەڭدىك كۇشىن قاۋلاتۋدىڭ پارمەندى شاراسى.
قۇمىل قالالىق ”تومەنگە بەرۋ، باسقارۋ، قىزمەت وتەۋ“ رەفورماسى كەڭسەسى جالپىلىق سايكەستىرۋ گرۋپپاسى كەڭسەسىنىڭ ورىنباسار مەڭگەرۋشىسى ياڭ بو مىنانى ءبىلدىردى: كەلەسى قادامدا قۇمىل قالاسى بۇقارانىڭ قاجەتىن باعدار ەتىپ، ۇنەمى كەزدەسەتىن ىستەرگە دارالانعان قىزمەت وتەپ، وڭىرلىك سەلبەستىكتى كۇشەيتىپ، ”ولكە اتتاپ ءبىر تۇتاس ءبىتىرۋدىڭ“ قىزمەت وتەۋ سالاسىن ۇزدىكسىز كەڭەيتەدى.
