ەرىكتى تىلشىلەر حۇي زىرۇڭ، جاۋ تيانرۇي 12 ـ ايدىڭ 15 ـ كۇنى ونسۋدان حابارلايدى. 11 – ايدىڭ 28 - كۇنى ونسۋ يۇنجيڭيۋان سەيىل ـ سەرۋەن اۋىل شارۋاشىلىق كاسىپ سالاسى باقشاسىنىڭ تيانشان ميلليون سويىس قويان باعىمشىلىق نىسانى بازاسىنا بارعانىمىزدا، قاتار – قاتار ٴتۇستى تاقتادان جاسالعان ولشەمدەنگەن قويان قورالارى كوزگە شالىنىپ، جۇمىسشىلار جەردى تەگىستەۋ، سىرتقى تامدى دانەكەرلەۋ، جەلدەتكىش ورناتۋ سياقتىلارمەن قاربالاستاپ، قۇرىلىس الاڭىندا قاربالاس جاعداي بايقالدى.
اۋىل ـ قىستاقتى گۇلدەندىرۋدە كاسىپ سالاسىن، ٴسوز جوق، گۇلدەندىرۋ كەرەك. ونسۋ اۋدانى كوكيار قالاشىعى پاكلىك قىستاعى كاسىپ سالاسىن گۇلدەندىرۋدى ماڭىزدى ٴتۇيىن ەتىپ، بايلىق باسىمدىعىن ىشكەرىلەي اشىپ، ساۋداگەر شاقىرىپ، قارجى ەنگىزۋدى كەڭەيتىپ، ەگىمشىلىك، باعىمشىلىق، ساياحات سەيىل - سەرۋەنى ٴبىر تۇلعالاندىرىلعان ۋنيۆەرسال سەيىل ـ سەرۋەن اۋىل شارۋاشىلىعىنان ۇلگى كورسەتۋ باقشاسىن قۇرىپ، اۋىل ـ قىستاقتى دامىتۋدىڭ قوزعاۋشى كۇشىن ونان ارى سەرپىلتىپ، قىستاق تۇرعىندارىنىڭ كىرىسىن ارتتىرۋ ارناسىن كەڭەيتتى.
”قازىر سالىنىپ جاتقان تيانشان ميلليون سويىس قويان باعىمشىلىعى نىسانىنىڭ يەلەگەن جەر اۋماعى 200 مۋ، كەلەر جىلدىڭ باسىندا رەسمي ىسكە قوسىلىپ، مەجەمەن جىلىنا ٴبىر ميلليوننان استام سويىس قويان قولدان شىعادى“. ونسۋ يۇنجيڭيۋان سەيىل ـ سەرۋەن اۋىل شارۋاشىلىق كاسىپ سالاسى باقشاسى نىسانىنىڭ تەحنيكالىق جاۋاپتىسى لي چياڭ بىلاي دەدى: تيانشان ميلليون سويىس قويان باعىمشىلىعى نىسانى ولشەمدى قويان قوراسى، جەم ـ ٴشوپ قويماسى، دايراق جيناۋ قالتقىسى، سويۋ سەحى، مانەرلەۋ سەحى سياقتى قۇرىلعىلاردى قامتيدى. نىسان سالىنىپ بولعاننان كەيىن، جەرگىلىكتى ورىننىڭ كاسىپ سالاسىنداعى ولقىلىقتارىن تولىقتاپ، ٴناسىل جەتىلدىرۋ، ەگىمشىلىك، باعىمشىلىق، جىنتىكتەي مانەرلەۋ، ساياحات سەيىل - سەرۋەنى سياقتى كەمەلدى كاسىپ سالاسى تىزبەگىن دامىتۋ جاعدايىن قالىپتاستىرادى.
اۋدارعان: قادىر ماقان
