12 - ايدىڭ 18 - كۇنى، 4 كۇنگە جالعاسقان تارباعاتاي ايماعىنىڭ 2021 - 2022 - جىلعى قار - مۇز ساياحاتى سالتاناتى جەلىلەس قيمىلى — ساۋان قالاسىنىڭ 2021 - جىلعى ”جالپى حالىقتىق دەنە شىنىقتىرۋ . سالاماتتى جۇڭگو“ اتىنداعى بۇكىل مەملەكەتتىك اۋدان كولەمىندەگى قوعامدىق فۋتبول جارىس قيمىلى جانە ساۋان قالاسىنىڭ ”سالاماتتىق ساۋىتى“ اتىنداعى 11 ادامدىق فۋتبول جارىسى تابىسپەن اقىرلاستى.
جارىستا، جارىسقا قاتىناسقان 16 ۋاكىلدەر كومانداسى قاقاعان ايازعا قاراماي، ىتىماقتاسا سەلبەسىپ، قايسارلىقپەن كۇرەس جاسايتىن دەنە تاربيە رۋحىن ساۋلەلەندىردى، قيان - كەسكى بەلدەسۋ ارقىلى، ساۋان قالاسى بورتىڭكە اۋىلى كەگەنشى مەكتەبىنىڭ ۋاكىلدەر كومانداسى، ساۋان قالالىق 4 - ورتا مەكتەپتىڭ ۋاكىلدەر كومانداسى، ساۋان قالالىق 1 - ورتا مەكتەپتىڭ ۋاكىلدەر كومانداسى جەكە - جەكە باستاۋىش مەكتەپ گرۋپپاسى، ورتالاۋ مەكتەپ گرۋپپاسى، ورتا مەكتەپ گرۋپپاسىنىڭ اعا جۇلدەگەرلىگىن ەنشىلەدى. قيمىلدا جانە ەڭ ۇزدىك دوپشى، ەڭ ۇزدىك شابۋىلشى، ەڭ ۇزدىك قاراۋىل ءارى تاڭداۋلى سپورتشى، تاڭداۋلى تورەشى ماراپاتتاۋعا يە بولدى، بۇل رەتكى قيمىل بارشا فۋتبول اۋەسكەرلەرىنە ءوزارا ۇيرەنىپ، پىكىر الماستىراتىن وراي جاراتۋمەن قاتار، تالماي تالاپتانىپ، ىنتىماقتاسا سەلبەستىك جاساۋداي سپورت رۋحىن جالپىلاستىرىپ، قىسقى وليمپيادا سپورت جارىسىنا دەم بەردى.
ساۋان قالالىق 1 - ورتا مەكتەپتىڭ وقۋشىسى جۋ شۋحاڭ بىلاي دەدى: ”بىزگە ىنتىماقتىڭ كۇشىن سەزىندىردى، بۇدان كەيىن ءتىپتى دە كوپ ماراپاتتارعا يە بولىپ، مەكتەبىمىز ءۇشىن داڭق اپەرەتىندىگىمىزگە سەنەمىن“.
ساۋان قالالىق 4 - ورتا مەكتەپتىڭ جاتتىقتىرۋشىسى ۋاڭ حۇڭشيۋ بىلاي دەدى: ”ساۋان قالالىق 4 - ورتا مەكتەبى وقۋشىلارىنىڭ بۇل رەتكى قيمىلعا قاتىناسۋى ءارى اعا جۇلدەگەرلىكتى ەنشىلەۋى، بۇل رەتكى قيمىلدىڭ ەرلىك، قايسارلىق، ىنتىماق رۋحىن ايگىلەدى“.
(ءتىلشى: انارگۇل)
