شي جينپيڭ ماڭىزدى نۇسقاۋ بەرىپ، بىلاي دەپ باسا دارىپتەدى
پارتيانىڭ ىشكى زاڭ ەرەجەلەرىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن قورعاۋ، پارتيانىڭ ۇزاق ۋاقىت بيلىك جۇرگىزۋى مەن مەملەكەتتىڭ باياندى تىنىشتىعىن قامتاماسىز ەتۋ جاعىنداعى كەلەلى رولىن ويداعىداي ساۋلەلەندىرۋ كەرەك
ۋاڭ حۋنيڭ پارتيانىڭ ىشكى زاڭ ەرەجەلەرى قىزمەتى جونىندەگى بۇكىل مەملەكەتتىك ماجىلىسكە قاتىناستى ءارى ءسوز سويلەدى
شينحۋا اگەنتتىگىنىڭ 12 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا ماڭىزدى نۇسقاۋ بەرىپ، بىلاي دەپ باسا دارىپتەدى: پارتيامىز ەجەلدەن پارتيانىڭ ىشكى زاڭ ەرەجە، ءتۇزىم قۇرىلىسىنا باسا ءمان بەرىپ، پارتيانىڭ ىشكى زاڭ ەرەجەلەرى ارقىلى پارتيانى باسقارۋعا، پارتيانى جونگە سالۋعا، پارتيانىڭ بيلىك جۇرگىزۋ قابىلەتى مەن باسشىلىق ورەسىن جوعارىلاتۋعا دەن قويىپ كەلەدى. پارتيا 18 - قۇرىلتايىنان بەرى، پارتيا ورتالىق كوميتەتى پارتيانى جاپپاي قاتاڭ جونگە سالۋعا، پارتيانى ەرەجە بويىنشا جونگە سالۋعا تاباندى بولىپ، پارتيا ۋستاۆىن قاتاڭ اتقارىپ، پارتيانىڭ ءبىرشاما كەمەلدى ىشكى زاڭ ەرەجە جۇيەسىن قالىپتاستىردى، ءتۇزىمنىڭ بەدەلى مەن اتقارۋ قابىلەتى ۇزدىكسىز كۇشەيىپ، پارتيانىڭ ىشكى زاڭ ەرەجە، ءتۇزىم قۇرىلىسىندا كورنەكتى ناتيجەگە قول جەتكىزىپ، جاڭا دا ماڭىزدى تاجىريبە توپتادى. پارتيانى ەرەجە بويىنشا جونگە سالۋداعى سانالىلىق پەن تاباندىلىقتى كۇشەيتىپ، ساياسي بەتالىستى مىقتى يگەرىپ، ساياسي دەڭگەيدى جوعارىلاتىپ، ساياسي جاۋاپكەرشىلىكتى ارقالاپ، پارتيا مەن مەملەكەت قىزمەتىنىڭ كەلەلى جاعدايىن تىعىز ارقاۋ ەتىپ، پارتيانىڭ ىشكى زاڭ ەرەجە، ءتۇزىم قۇرىلىسىن ۇزدىكسىز ىلگەرىلەتۋ كەرەك. پارتيانىڭ ىشكى زاڭ ەرەجەلەرىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن قورعاۋ، پارتيانىڭ ۇزاق ۋاقىت بيلىك جۇرگىزۋى مەن مەملەكەتتىڭ باياندى تىنىشتىعىن قامتاماسىز ەتۋ جاعىنداعى كەلەلى رولىن، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋ، پارتيانى جاپپاي قاتاڭ جونگە سالۋدى تياناقتاندىرۋ جاعىنداعى كەلەلى رولىن ويداعىداي ساۋلەلەندىرىپ، پارتيانىڭ جۇڭگوشا سوتسياليزمگە تاباندى بولۋ جانە ونى دامىتۋداعى تاريحي ۇردىسىندە باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن پارمەندى ساياسي كەپىلدىك ازىرلەۋ كەرەك.
پارتيانىڭ ىشكى زاڭ ەرەجەلەرى قىزمەتى جونىندەگى بۇكىل مەملەكەتتىك ءماجىلىس 12 - ايدىڭ 20 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: باس شۋجي شي جينپيڭ ماڭىزدى نۇسقاۋىندا جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋ دەڭگەيىنەن پارتيانىڭ ىشكى زاڭ ەرەجە، ءتۇزىم قۇرىلىسىنىڭ پارتيانى باسقارۋ، پارتيانى جونگە سالۋ، پارتيانىڭ بيلىك جۇرگىزۋ قابىلەتى مەن باسشىلىق ورەسىن جوعارىلاتۋ بارىسىنداعى ماڭىزدى ورنىن تەرەڭ بايىمدادى، پارتيا 18 - قۇرىلتايىنان بەرگى پارتيانىڭ ىشكى زاڭ ەرەجە، ءتۇزىم قۇرىلىسىنداعى كورنەكتى ناتيجەلەردى تولىق تۇراقتاندىردى، پارتيانى ەرەجە بويىنشا جونگە سالۋ، پارتيانىڭ ىشكى زاڭ ەرەجە، ءتۇزىم قۇرىلىسىن كۇشەيتۋ جونىندە ايقىن تالاپ قويدى، جاڭا جورىقتا پارتيانىڭ ىشكى زاڭ ەرەجە قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى. پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ جانە باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، پارتيانىڭ ىشكى زاڭ ەرەجە، ءتۇزىم قۇرىلىسىن ىشكەرىلەي ىلگەرىلەتىپ، پارتيانىڭ ىشكى زاڭ ەرەجەلەرى جۇيەسىن اناعۇرلىم كەمەلدەندىرۋ، ءتۇزىمنىڭ اتقارىلۋىن اناعۇرلىم قاتايتۋ، ءتۇزىم ابزالدىلىعىن جونگە سالۋ ونىمدىلىگىنە اناعۇرلىم ويداعىداي اينالدىرۋ كەرەك.
ۋاڭ حۋنيڭ مىنالاردى ءبىلدىردى: پارتيا 18 - قۇرىلتايىنان بەرى باس شۋجي شي جينپيڭ پارتيانىڭ ۇزاق ۋاقىت بيلىك جۇرگىزۋى مەن مەملەكەتتىڭ باياندى تىنىشتىعىن كوزدە ۇستاپ، پارتيانىڭ ءارى نەگىزگى زاڭ مەن زاڭدار بويىنشا ەل باسقارىپ، بيلىك جۇرگىزۋ، ءارى پارتيانىڭ ىشكى زاڭ ەرەجەلەرى بويىنشا پارتيانى باسقارۋ، پارتيانى جونگە سالۋ كەرەكتىگىن جاسامپازدىقپەن العا قويىپ، جاڭا داۋىردەگى پارتيانىڭ ىشكى زاڭ ەرەجە، ءتۇزىم قۇرىلىسىن كۇشەيتۋ جونىندە كوپتەگەن ماڭىزدى تۇجىرىم جانە تەرەڭ بايىمداۋلار جاسادى. باس شۋجي شي جينپيڭ پارتيانى ەرەجە بويىنشا جونگە سالۋ جونىندەگى ماڭىزدى بايىمداۋىندا پارتيانى ەرەجە بويىنشا جونگە سالۋعا تاباندى بولۋداعى، پارتيانىڭ ىشكى زاڭ ەرەجە، ءتۇزىم قۇرىلىسىن كۇشەيتۋدەگى نەگىزگى ماسەلەلەردى جان - جاقتى بايىمداپ، پارتيا قۇرىلىسى مەن پارتيانىڭ ۇزاق ۋاقىت بيلىك جۇرگىزۋى جونىندەگى زاڭدىلىق سيپاتتى تانىمدى تەرەڭدەتتى، بۇل − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى. جاڭا جورىقتا شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، تياناقتاندىرىپ، پارتيانىڭ ىشكى زاڭ ەرەجە قىزمەتىنىڭ ساپاسىن جاپپاي جوعارىلاتىپ، پارتيانىڭ ىشكى زاڭ ەرەجە، ءتۇزىم قۇرىلىسىنىڭ ۇزدىكسىز تىڭ قادام تاستاۋىن ىلگەرىلەتۋ كەرەك.
ديڭ شۋەشياڭ ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءماجىلىستى باسقاردى. ياڭ شياۋدۋ، چىن شي، گو شىڭكۇن، حۋاڭ كۇنميڭ ماجىلىسكە قاتىناستى.
ىشكى موڭعۇل اۆتونوميالى رايونى، سىچۋان ولكەسى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى، ورتالىق كوميتەت ۇيىمداستىرۋ ءبولىمى، ورتالىق پەن مەملەكەت ورگاندارى قىزمەت كوميتەتى سياقتى جەرگىلىكتى ورىندار مەن تاراۋلارداعى جاۋاپتى جولداستار پىكىر اۋىستىرىپ، ءسوز سويلەدى.
ولكەلەردىڭ، اۆتونوميالى رايونداردىڭ، قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ پارتكومدارىنداعى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق اسكەري ىستەر كوميتەتى كەڭسەسىندەگى جاۋاپتى جولداستار، قاتىستى جوعارى مەكتەپتەردىڭ پارتكومدارىنداعى جاۋاپتى جولداستار، ت.ب ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ولكەلەردە، اۆتونوميالى رايونداردا، قالالاردا جانە شينجياڭ ءوندىرىس - قۇرىلىس بيڭتۋانىندا بولىمشە ءماجىلىس ورىندارى ورنالاستىرىلدى.
