تيانشان تورى
تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

شينجياڭعا باعىتتامالى كومەكتەسۋ كورىنىس جەلىسى丨الىس ارالىقتان ”بەتپە ـ بەت“ دياگنوز قويدى، ماماندار مەن ناۋقاستار ”نولدىك قاشىقتىقتا“ كەزدەستى

انار بۇلت / شينجياڭ گازەتىنىڭ ٴتىلشىسى ۋاڭ شينحۇڭ

  ”جياڭيىن قالاسىنان شينجياڭعا كومەككە كەلگەن شيپاگەرلەردى القايمىن، ولاردىڭ ماعان الىس ارالىقتان دياگنوز قويۋدى ورنالاستىرىپ، ەمدەۋ جوباسىن دەن قويا جاساعانىنا العىس ايتامىن“،ـ دەدى 12 ـ ايدىڭ 20 ـ كۇنى جالعىز ٴوزى قورعاس اۋدانىندا جۇمىس ىستەپ جاتقان ليۋ مەي گيپس قاتىرعان اياعىن سيپاپ، ەرەكشە تەبىرەنە.

  اتا مەكەنى شانشي ولكەسىنىڭ شي - ان قالاسى بولعان ليۋ مەي بىرنەشە كۇننىڭ الدىندا ابايسىزدا جىعىلىپ، وڭ اياعىنىڭ كوپ جەرى سىنادى. ليۋ مەيدىڭ وتباسىنداعىلاردىڭ كوڭىلىن ورنىقتىرۋ، سونداي - اق ليۋ مەي ساۋىققاندا زارداپ قالماۋى ٴۇشىن، قورعاس اۋداندىق 1 ـ حالىق شيپاحاناسىنىڭ (جياڭسۋ شيپاحاناسى) شينجياڭعا كومەككە كەلگەن شيپاگەرلەرى جياڭيىن قالالىق حالىق شيپاحاناسىنىڭ سۇيەك اۋرۋلار ٴبولىمىنىڭ ماماندارىمەن ارناۋلى بايلانىس جاساپ، ليۋ مەيگە الىس ارالىقتان دياگنوز قويدى ٴارى وعان ەگجەي ـ تەگجەيلى ەمدەۋ جوباسىن جاسادى.

  قورعاس اۋداندىق 1 ـ حالىق شيپاحاناسىنىڭ (جياڭسۋ شيپاحاناسىنىڭ) شينجياڭعا كومەككە كەلگەن شيپاگەرى جياڭيىن قالالىق حالىق شيپاحاناسىنىڭ سۇيەك اۋرۋلار ٴبولىمىنىڭ ماماندارىمەن بىرگە ناۋقاس ليۋ مەيدىڭ اۋرۋ جاعدايىنا الىس ارالىقتان دياگنوز قويدى. سۋرەتتى ما جۇڭحۇڭ تۇسىرگەن

  قورعاس اۋداندىق 1 ـ حالىق شيپاحاناسى (جياڭسۋ شيپاحاناسى) ەمدەۋ ٴبولىمىنىڭ مەڭگەرۋشىسى حى شۇيگۋاڭ بىلاي دەپ تانىستىردى : ”ۇيىرمە قۇراۋ ۇلگىسىندەگى“ ەمدەۋ ارقىلى شينجياڭعا كومەكتەسۋ قىزمەتىنىڭ تالابىن ىشكەرىلەي تياناقتاندىرىپ، قورعاس اۋدانىنىڭ ەمدەۋ قىزمەت وتەۋ دەڭگەيىن ۇزدىكسىز جوعارىلاتۋ ٴۇشىن، جياڭسۋ ولكەسى جياڭيىن قالاسىنىڭ شينجياڭعا كومەكتەسۋ قىزمەت گرۋپپاسىنىڭ زور كۇشپەن قولداۋىندا، بيىل 4 ـ ايدا قورعاس اۋداندىق 1 ـ حالىق شيپاحاناسى (جياڭسۋ شيپاحاناسى) جياڭيىن قالالىق حالىق شيپاحاناسىمەن بىرلەسىپ الىس ارالىقتان دياگنوز قويۋ جانە ينفورماتسيادان ورتاق پايدالانۋ تۇعىرىن اشتى ٴارى الىس ارالىقتان دياگنوز قويۋ ورتالىعىن قۇردى. قازىرگە دەيىن 20 مايدان (رەت) بىرلەسىپ دياگنوز قويۋدى، 5 رەت الىس ارالىقتان وقىتۋ كۋرسىن ۇيىمداستىردى. الىس ارالىقتان دياگنوز قويۋ ورتالىعى ماماندار مەن ناۋقاستاردىڭ ”نولدىك قاشىقتىقتا“ كەزدەسۋىن جۇزەگە اسىرىپ، ەكى جاق شيپاگەرلەرى ەمدەۋ جوباسىن ”بەتپە - بەت“ اقىلداستى.

  ”ٴبىز ’ينتەرنەت + ەمدەۋ‘ ينفورماتسيالانعان ٴتاسىلى، ’ينتەرنەت جەلىسىندە تالقىلاۋ + ينتەرنەت جەلىسىنەن تىس دارىندىلاردى ەنگىزۋ‘ ارقىلى دالمە ـ ٴدال ەمدەۋدى جەبەپ، ساپالى ەمدەۋ بايلىعىنان بىرگە يگىلىكتەنۋدى جۇزەگە اسىرىپ، سالماقتى ناۋقاستارعا جاسىل ارنا اشىپ، تۇرعىنداردىڭ جاقىن ماڭدا ەمدەلۋىنە، الاڭسىز ەمدەلۋىنە مۇمكىندىك جاسادىق“، ـ دەدى حى شۇيگۋاڭ.

  قورعاس اۋداندىق پارتكوم ۇيىمداستىرۋ ٴبولىمىنىڭ ورىنباسار باستىعى ما جۇڭحۇڭ بىلاي دەپ تانىستىردى: الىس ارالىقتان دياگنوز قويۋ ناۋقاستاردىڭ اۋرۋىن ەمدەۋگە كومەكتەسەدى، ٴارى مەديتسينالىق وقىتۋ تەكشەسى. ەكى جەردەگى شيپاحانا الىس ارالىقتان بىرلەسىپ دياگنوز قويۋ ورتالىعى سىندى تۇعىردان پايدالانىپ، اۋىس ـ كۇيىس جاساۋ، ۇيرەنۋ ارقىلى جياڭيىن قالاسىنىڭ ساپالى ەمدەۋ بايلىعىن ”ەنگىزىپ“، قورعاس اۋداندىق 1 ـ حالىق شيپاحاناسى (جياڭسۋ شيپاحاناسى) مەن جياڭيىن قالالىق حالىق شيپاحاناسى اراسىنداعى پارىقتى قىسقارتىپ، ەمدەۋ قىزمەتكەرلەرىنىڭ نازاريالىق جانە تەحنيكالىق دەڭگەيىن ٴونىمدى جوعارىلاتتى، سونداي ـ اق قورعاس اۋدانىنداعى ٴار ۇلت بۇقاراسىنىڭ اۋداننان شىقپاي ـ اق 3A دارەجەلى شيپاحانانىڭ ساپالى قىزمەت وتەۋىنەن جانە ەمدەۋ تەحنيكاسىنان يگىلىكتەنۋىنە مۇمكىندىك جاسادى.

  ”كەلەسى قادامدا جياڭيىن قالاسىنىڭ شينجياڭعا كومەكتەسۋ قىزمەت گرۋپپاسى ”ۇيىرمە قۇراۋ ۇلگىسىندەگى“ ەمدەۋ ارقىلى شينجياڭعا كومەكتەسۋدىڭ جاڭا ۇلگىسى جونىندە ۇزدىكسىز ىزدەنىس جاساپ، چىڭيۋان ەمدەۋ ارناۋلى كاسىپتىك بىرلەستىگىن، ۋشي - جياڭيىن ايگىلى شيپاگەرلەر قورعاس قىزمەت پۋنكتىن قۇرماقشى بولىپ وتىر“، ـ دەدى ما جۇڭحۇڭ.

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.