قۇماش گۇلىستان وقۋشىلاردىڭ كونكي تەبۋىنە جەتەكشىلىك ەتۋدە. سۋرەتتى ٴوزى بەرگەن
انار بۇلت - شينجياڭ گازەتىنىڭ حابارى (ٴتىلشى رىن جياڭ، ەرىكتى ٴتىلشى ۋ حاييان حابارلايدى).”تەز سىرعاناۋ جارىسىندا وقۋشىلارىم ٴبىر – بىرىنەن قالىسپايدى“. 12 ـ ايدىڭ 19 ـ كۇنى التاي ايماقتىق ورتا، باستاۋىش مەكتەپ وقۋشىلارىنىڭ تەز سىرعاناۋ كومانداسىنىڭ جەتەكشىسى قۇماش گۇلىستان مەكتەپتەر ارا مەملەكەتتىك قار ـ مۇز سپورتى جارىسىنا قاتىناسۋعا اتتانباقشى بولدى.
قۇماشتىڭ وسى جولعى ساپارىندا الىپ باراتىن 34 وقۋشىنىڭ ىشىندەگى جاسى ەڭ كىشىسى رۋسىلان ايبىن 8 جاستا عانا، 6 جاسىنان باستاپ التاي ايماقتىق تەز سىرعاناۋ اترەتىنە كەلىپ جاتتىققان. وسى رەتكى جارىسقا دايىندالۋ ٴۇشىن، بارلىق بالا ٴار اپتانىڭ سوڭىندا جاتتىعۋ جاسادى، ”بالالار ەرەكشە قۋانىپ، توتەنشە قاجىرلىلىقپەن جاتتىقتى“، ـ دەدى قۇماش.
التاي ايماقتىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى دەنە تاربيە ٴبولىمىنىڭ باستىعى ياڭ تيڭ بىلاي دەپ تانىستىردى: بيىلعى مەكتەپتەر ارا مەملەكەتتىك قار ـ مۇز سپورتى جارىسى چاڭچۇندە وتكىزىلەدى، شينجياڭ ٴۇرىمجى قالاسى مەن التاي ايماعىنان ورتاق ۇيىرمە ۇيىمداستىرىپ، جارىسقا قاتىناسادى. وسى رەت شينجياڭ ۋاكىلدەر ۇيىرمەسى باستاۋىش مەكتەپ وقۋشىلارى مەن ورتا مەكتەپ وقۋشىلارى گرۋپپاسىنىڭ تەز سىرعاناۋ، دالالىق شىعىرىق جۇلدەلى جارىسى، ورتا مەكتەپ وقۋشىلارىنىڭ اسقار تاۋدا شاڭعى تەبۋى، جالعىز تاقتالى پاراللەل اينالۋ سياقتى 7 ٴتۇرلى جارىسقا قاتىناسادى. الدىڭعى جىلى التاي ايماعى شينجياڭ اتىنان وسى جارىسقا قاتىناسىپ، توپتىق ٴۇشىنشى بولدى.
التاي قالاسىنىڭ باستاۋىش مەكتەپ وقۋشىلارى شاڭعى الاڭىندا شاڭعى تەبۋ ساباعىن وقۋدا. سۋرەتتى انار بۇلت - شينجياڭ گازەتىنىڭ ٴتىلشىسى رىن جياڭ تۇسىرگەن
”جاستار مەن ورەندەرگە قار ـ مۇز سپورتى ساباعىن ٴوتۋدى جاپپاي ىلگەرىلەتۋ ٴۇشىن، ٴبىز ’قار مەكەنى ساڭلاقتارىن جەتىلدىرۋ ينجەنەرياسىن‘ اتقارىپ، قىرۋار قار ـ مۇز سپورتى زاپاس دارىندىلارىن تاڭداپ، تاربيەلەپ، اتتاندىرىپ، التاي ايماعىنىڭ ’دۇنيە جۇزىلىك دەڭگەيدەگى قار ـ مۇز سپورتىنىڭ، قار ـ مۇز ساياحاتىنىڭ نىسانالى جەرىنە‘ اينالۋىن جەدەل جۇزەگە اسىرامىز“. التاي ايماقتىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسىنىڭ باستىعى ليۋ كىچۋان بىلاي دەدى: جەرگىلىكتى ورىن قار ـ مۇز سپورتىن مەكتەپتەرگە جەتكىزۋ قىزمەتىن جاپپاي ىلگەرىلەتىپ، قار ـ مۇز سپورتىن دەنە تاربيە ساباعىنىڭ مازمۇنىنا ەنگىزدى. قازىرگە دەيىن التاي ايماعىندا قار - مۇز ەرەكشە دەنە تاربيە ساباعىن اشقان مەكتەپ 47گە جەتىپ، 25 مىڭ 200 وقۋشى قاتىناستى ٴارى دەنە تاربيە ساباعىن قار شاڭعى الاڭىنا جاسامپازدىقپەن كوشىرىپ اكەلدى.
اۋدارعان: قادىر ماقان
