تيانشان تورى   ›   جاڭالىقتار   ›   ماڭىزدى حابارلار

دەن قويا، سۇيىسپەنشىلىكپەن، دالمە - ءدال قىزمەت وتەپ، قاراپايىم قىزمەت ورنىندا كەرەمەت ناتيجە جاراتۋعا قۇلشىنۋ كەرەك

شي جينپيڭ بۇكىل ەلدىڭ قارت كادرلار قىزمەتىنە ماڭىزدى نۇسقاۋ بەرىپ، بىلاي دەپ باسا دارىپتەدى

دەن قويا، سۇيىسپەنشىلىكپەن، دالمە - ءدال قىزمەت وتەپ، قاراپايىم قىزمەت ورنىندا كەرەمەت ناتيجە جاراتۋعا قۇلشىنۋ كەرەك

  شينحۋا اگەنتتىگىنىڭ 12 - ايدىڭ 21 - كۇنى بەيجيڭنەن بەرگەن حابارى. مەملەكەتتىك قارت كادرلار قىزمەتىندەگى وزات كوللەكتيۆتەر مەن وزات جەكەلەردى ماداقتاۋ - سيلاۋ جينالىسى 12 - ايدىڭ 21 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، پارتيا ورتالىق كوميتەتى اتىنان جينالىستىڭ اشىلعانىن قىزۋ قۇتتىقتاپ، بۇكىل ەلدەگى قالىڭ قارت كادرلارعا وسكەلەڭ قۇرمەت ءبىلدىردى، بۇكىل ەلدەگى قارت كادرلار قىزمەتكەرلەرىنەن شىنايى حال سۇرادى.

  شي جينپيڭ بىلاي دەپ اتاپ كورسەتتى: پارتيانىڭ 100 جىلدىق كۇرەس بارىسىنا قايىرىلا قاراعاندا، قالىڭ قارت كادرلار جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋىن باستان كەشىرىپ، اۋەلگى ماقساتتان، بورىشتان اينىماي، مۇرات - سەنىمدە بەرىك بولىپ، پارتيا مەن حالىق ىستەرىنە شەكسىز ادال بولىپ، ماڭىزدى ۇلەس قوستى. قالىڭ قارت كادرلاردىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، قارتتىق رولىن ساۋلەلەندىرۋگە، ۇزدىكسىز بەلسەندىلىك كورسەتۋگە تاباندى بولىپ، پارتيانىڭ تاڭداۋلى ءداستۇرىن ساۋلەلەندىرىپ، قىزىل قان تامىردى ۇزدىكسىز جالعاستىرىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى حيكايالاردى ويداعىداي بايانداپ، ەكىنشى 100 جىلدىق كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى ءۇشىن بەلسەندى تۇردە اقىل - پاراسات پەن كۇش - قۋاتتارىن ارناۋلارىن ءۇمىت ەتەمىن.

  شي جينپيڭ بىلاي دەپ باسا دارىپتەدى: قارت كادرلار قىزمەتى پارتيا ورتالىق كوميتەتىنىڭ قارت كادرلارعا كوڭىل ءبولۋ، ايالاۋ ماڭىزدى مىندەتىن ارقالاپ وتىر. ۇزاق ۋاقىتتان بەرى قالىڭ قارت كادرلار قىزمەتكەرلەرى ءۇن - ءتۇنسىز، قالتقىسىز ۇلەس قوسىپ، قارت كادرلار قىزمەتىن ويداعىداي ىستەۋگە جۇرەك قاندارىن سارقا جۇمساپ، بەلسەندى ۇلەس قوستى. قارت كادرلار قىزمەت تاراۋلارى مەن قارت كادرلار قىزمەتكەرلەرى دەن قويا، سۇيىسپەنشىلىكپەن، دالمە - ءدال قىزمەت وتەپ، قاراپايىم قىزمەت ورنىندا كەرەمەت ناتيجە جاراتۋعا قۇلشىنۋ كەرەك. ءار دارەجەلى پارتكومدار مەن ولاردىڭ ۇيىمداستىرۋ تاراۋلارى قارت كادرلار قىزمەت قوسىنىنا ءمان بەرىپ جانە قامقورلىق جاساپ، ولاردى باۋلۋدى، تاربيەلەۋدى كۇشەيتىپ، توتەنشە ىستىق ىقىلاسپەن ولاردىڭ جەتىلۋىنە، العا باسۋىنا كوڭىل ءبولۋ كەرەك.

  جينالىس شي جينپيڭنىڭ ماڭىزدى نۇسقاۋىن جەتكىزدى، ۇيرەندى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ءبولىمىنىڭ باستىعى چىن شي جينالىستا ءسوز سويلەپ بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى پارتيا ورتالىق كوميتەتىنىڭ قالىڭ قارت كادرلارعا دەگەن قۇرمەتىن، كوڭىل ءبولۋىن جانە قارت كادرلار قىزمەتكەرلەرىنە دەگەن ىقىلاستى ءۇمىتىن تولىق ايگىلەدى. باس شۋجي شي جينپيڭنىڭ قارت كادرلار قىزمەتى جونىندەگى ماڭىزدى بايىمداۋىن ءتۇبىرلى بويسۇنۋ ولشەمى ەتۋگە تاباندى بولىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى قارت كادرلار قىزمەتىن سۇيىسپەنشىلىكپەن جانە جاۋاپكەرشىلىكپەن ويداعىداي ىستەپ، ىقىلاس قويا، ىجداعاتتىلىقپەن، دالمە - ءدال، ويداعىداي قىزمەت وتەپ، قالىڭ قارت كادرلاردى پارتيا مەن مەملەكەت ىستەرىنىڭ دامۋى ءۇشىن تىڭ ۇلەس قوسۋعا جەتەكتەۋ كەرەك. قارت كادرلار قىزمەتى تاراۋلارىنىڭ ءوز قۇرىلىسىن كۇشەيتىپ، پارتيانى الاڭسىز ەتەتىن، قارت كادرلار رازى بولاتىن ۇلگىلى تاراۋدى قۇلشىنا قۇرىپ، ساياسي دا بەرىك، ستيلى تاماشا، كاسىپكە جەتىك مايتالمان قوسىن تۇلعالاۋ كەرەك.

  جينالىستا مەملەكەتتىك قارت كادرلار قىزمەتىندەگى 100 وزات كوللەكتيۆ پەن 300 وزات جەكە ماداقتالىپ - سيلاندى. وزات كوللەكتيۆتەردىڭ، وزات جەكەلەردىڭ ۋاكىلدەرى جينالىستا ءسوز سويلەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.