جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى
ساناقتىق باقىلاۋدىڭ فۋنكتسيالىق رولىن اناعۇرلىم ءونىمدى ساۋلەلەندىرۋ جونىندەگى پىكىردى باسىپ تاراتتى
شينحۋا اگەنتتىگىنىڭ 12 - ايدىڭ 21 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «ساناقتىق باقىلاۋدىڭ فۋنكتسيالىق رولىن اناعۇرلىم ءونىمدى ساۋلەلەندىرۋ جونىندەگى پىكىردى» (تومەندە قىسقارتىلىپ «پىكىر» دەلىندى) باسىپ تاراتتى ءارى جەر - جەردەن، تاراۋلاردان ءىس جۇزىندىك جاعدايمەن ۇشتاستىرىپ، دەن قويا دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار اتاپ كورسەتىلدى: ساناقتىق باقىلاۋ پارتيا مەن مەملەكەتتىڭ باقىلاۋ جۇيەسىنىڭ ماڭىزدى قۇرامداس بولىگى، ۇكىمەتتىڭ ساناق قىزمەتىنىڭ نەگىزگى فۋنكتسياسى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ساناق ساندى مالىمەت ساپاسىن شىن مانىندە جوعارىلاتىپ، ساناق ساندى مالىمەتىنىڭ جالپىلىق، نەگىزدىك، وبيەكتيۆ ەرەكشەلىگىن اناعۇرلىم ويداعىداي ساۋلەلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ەكونوميكالىق، قوعامدىق دامۋ جونىندەگى كەلەلى شەشىمدەرىن، ورنالاستىرۋلارىن دايەكتىلەندىرۋگە، تياناقتاندىرۋعا جاقسى اقىلشى، جاردەمشى بولىپ، جۇيەلى دە كەمەلدى، سايكەستى دە جوعارى ءونىمدى، تەجەۋى پارمەندى ساناقتىق باقىلاۋ جۇيەسىن جەدەل ورناتۋ كەرەك. ءتاسىلدىڭ عىلمي بولۋىنا، زاڭدىلىققا بويسۇنۋعا، دەر كەزىندە، ءدال، شىنايى، سەنىمدى بولۋعا، جالعاندىق ىستەۋدەن ساقتانۋعا تاباندى بولىپ، ”سانداعى شىرىكتەسۋدى“ باتىل تيىپ، ساناقتىق باقىلاۋدىڭ ونىمدىلىگىن جوعارىلاتىپ، باقىلاۋ ناتيجەسىنىڭ امالياتتىڭ جانە تاريحتىڭ ساراپتاۋىنان وتۋىنە مۇمكىندىك جاساپ، جاپپاي سوتسياليستىك وسىزاماندانعان مەملەكەت قۇرۋعا ساناق قامتاماسىزدىعىن ازىرلەۋ كەرەك.
نەگىزگى مىندەت مىنالار: ساناقتىق باقىلاۋ - تەكسەرۋ ونىمدىلىگىن كۇش سالا جوعارىلاتۋ، ساناق جاعىندا زاڭ اتقارۋ سەرپىنىن ۇزدىكسىز ارتتىرۋ، ساناق قۇرىلىمىن جەرگىلىكتى ورىننىڭ ەكونوميكالىق، قوعامدىق دامۋ نىساناسىن ورىنداۋداعى جاۋاپتى ورىن ەتۋگە بولمايدى، تومەن دارەجەلى قۇرىلىمنان نەمەسە تەكسەرىلەتىن وبيەكتىدەن بەلگىلەنگەن ساندىق ءمان بويىنشا ساندى مالىمەت تولتىرۋدى تالاپ ەتۋىنە بولمايدى، تەكسەرىلەتىن وبيەكتى جولداعان ساناقتاعى ساندى مالىمەتتى ءتۇرلى باعالاۋدىڭ، ماداقتاۋ - سيلاۋدىڭ جانە تولىمدىلىعىن تۇراقتاندىرۋدىڭ نەگىزى، ت.ب ەتۋگە بەتالدى اۋىستىرىپ پايدالانۋعا بولمايدى. باقىلاۋ - تەكسەرۋ، باعالاۋ فۋنكتسياسىن زاڭ بويىنشا دەربەس اتقارۋ، جوعارى ساپالى دامۋدى ىلگەرىلەتۋ جاعدايىنا ساناقتىق باقىلاۋ جۇرگىزۋدى كۇشەيتۋ، ساناقتىق باقىلاۋدىڭ سايكەستى، جاناسىمدى مەحانيزمىن ورناتۋ، كەمەلدەندىرۋ.
