شينجياڭ ”زورلىقپەن ەڭبەككە سالدى“ دەگەنگە تويتارىس بەرۋ جونىندە ارناۋلى اقپار جاريالاۋ ءماجىلىسىن اشتى
جالا جابۋ شينجياڭنىڭ العا باسقان قادامىن توسا المايدى
انار بۇلت / شينجياڭ گازەتىنىڭ ءتىلشىسى جىڭ جو 12 - ايدىڭ 21 - كۇنى ۇرىمجىدەن حابارلايدى. ”ءوز ءۇيىمنىڭ 370 مۋ جەردەگى ماقتادان، 200 مۋ جەردەگى ءبيدايدان تاباتىن كىرىستى قوسپاعاندا، ءار جىلى تراكتور جۇرگىزىپ باسقالاردىڭ ەگىن سالۋىنا كومەكتەسۋ ارقىلى 60 مىڭ يۋان كىرىس كىرگىزەمىن“، - دەدى اۋات اۋدانىنداعى اۋىل شارۋاشىلىق ماشيناسىن جۇرگىزۋشى ابلىز ادي اپپارات كوزىنە كۇلە قاراپ.
12 - ايدىڭ 21 - كۇنى شينجياڭ ”زورلىقپەن ەڭبەككە سالدى“ دەگەنگە تويتارىس بەرۋ جونىندە ارناۋلى اقپار جاريالاۋ ءماجىلىسىن اشىپ، سول ورىندا نەگىزگى ساتى بۇقاراسىنىڭ قىزمەت، تۇرمىس بەينەجازباسىن قويىپ، ءار ۇلت ەڭبەكشىلەرىنىڭ ءتۇرلى زاڭدى ۇقىق - مۇددەسىنىڭ زاڭ بويىنشا قورعالعان شىندىقتى باياندادى، بۇل امەريكاداعى، باتىستاعى جۇڭگوعا قارسى كۇشتەر ويدان قيىستىرعان وسەك - اياڭمەن ايقىن سالىستىرما قالىپتاستىردى.
بالعىنگۇل تولەۋ تولى اۋدانى جيۋۋيحۋ كيىم - كەشەك شەكتى جاۋاپكەرشىلىك سەرىكتەستىگى كيىم - كەشەك تىگۋ گرۋپپاسىنىڭ بانجاڭى، ول قىزمەتتەستەرىمەن قاجىرلى ەڭبەك ەتۋدىڭ ارقاسىندا كىرىستەرىن ارتتىردى. ”ءبىز بۇل ارادا ەركىن قىزمەت ىستەيمىز، ءار كۇنىمىزدى ءماندى وتكىزۋدەمىز“. بالعىنگۇل بىلاي دەدى: گرۋپپامىزدا ۇيعۇر ۇلتى، قازاق ۇلتى قاتارلىلاردى قامتىعان تۇرلىشە ۇلت قىزمەتكەرلەرى بار، كوپشىلىك تاتۋ - ءتاتتى وتەدى، ءتۇرلى ۇقىق - مۇددەدەن تەڭ يگىلىكتەنەدى، قىزمەتكەرلەردىڭ ايلىق كىرىسى 3000 يۋان اينالاسىندا، ورنىقتى جۇمىستاندىرۋ ءبىزدىڭ وتباسى تۇرمىس دەڭگەيىمىزدى ۇزدىكسىز جوعارىلاتتى.
كۇنەس اۋدانى بەستوبە اۋىلىندا تۇرمىس كەشىرىپ جاتقان بيلىقىز يمىنجان قاقتاما دۇكەنىن اشتى. تاياۋ ماڭدا شارۋاشىلىق قۇرعاندىقتان ول ءبىر جاعىنان، وتباسىنا قارايلاسىپ، ءبىر جاعىنان، اقشا تاپتى. ”شينجياڭدا 30 جىل تۇرمىس كەشىردىم، ايتىلمىس ’زورلىقپەن ەڭبەككە سالۋدى‘ ەجەلدەن كورگەن ەمەسپىن“.
”ءارقانداي جالا جابۋ شينجياڭنىڭ العا باسقان قادامىن توسا المايدى“. پوسكام اۋدانىنداعى جيننيۋ شارۋالار باعىمشىلىق كاسىپتىك سەلبەستىك كووپەراتيۆىنىڭ جاۋاپتىسى ءمامتىمين ءسامار امەريكاداعى، باتىستاعى جۇڭگوعا قارسى كۇشتەردىڭ ويدان قۇراستىرعان وسەك - اياڭىن كاپەرىنە الىپ تا قويمادى. داشۋە تاۋىسقاننان كەيىن ول اۋىلىنا قايتىپ مال شارۋاشىلىعى باعىمشىلىق كاسىپتىك سەلبەستىك كووپەراتيۆىن قۇردى، شارۋاشىلىق قۇرۋ بارىسىندا ۇكىمەتتىڭ ءوسىمسىز قارىز اقشا تيىمدىلىك ساياساتىنان تالاي رەت يگىلىكتەندى. ۇكىمەتتىڭ كومەكتەسىپ سۇيەمەلدەۋى مەن ءوزىنىڭ قۇلشىنىسى ارقاسىندا سەلبەستىك كووپەراتيۆىنىڭ باعىمشىلىق كولەمى بارعان سايىن زورايدى.
شينجياڭ داشۋەسى تاريح شۋەيۋانىنىڭ پروفەسسورى راحمۇتۇللا اسەن 2016 - جىلدان بەرى وڭتۇستىك شينجياڭعا ۇنەمى بارىپ تەكسەرۋ - زەرتتەۋ جۇرگىزىپ، نەشە ءجۇز ەگىنشى - مالشىمەن، جۇمىسكەرمەن سۇحباتتاسىپ، شينجياڭداعى ءار ۇلت ەڭبەكشىلەرىنىڭ ناقتى قىزمەت، تۇرمىس جاعدايىن تاپتەشتەي ۇعىستى. اقپار جاريالاۋ ماجىلىسىندە ول ەڭبەك تاماشا تۇرمىس جاراتقان كوپتەگەن حيكايامەن ءبولىستى. ول بىلاي دەدى: جۇڭگو زاڭمەن باسقارىلاتىن مەملەكەت، شينجياڭداعى ءار ۇلت ەڭبەكشىلەرى ءوز قالاۋى بويىنشا كاسىپ تاڭدايدى، ەڭبەك زاڭى سياقتى زاڭدار، زاڭ ەرەجەلەر بويىنشا تەڭ بولۋ، ەركىمەن بولۋ پرينسيبىنە نەگىزدەلىپ، قاتىستى كاسىپورىندارمەن ەڭبەك توقتامىنا زاڭ بويىنشا قول قويىپ، سايكەستى جالاقى الادى، ولار جۇمىستانۋ ورنىن تاڭداۋ جاعىندا دا بۇكىلدەي ەركىندىكتەن يگىلىكتەنەدى، بۇل قايدان ”زورلىقپەن ەڭبەككە سالۋ“ بولسىن؟
راحمۇتۇللا مىنالاردى ءبىلدىردى: شينجياڭنىڭ ورنىقتىلىق، دامۋ شىندىعى الدىندا، امەريكاداعى، باتىستاعى جۇڭگوعا قارسى كۇشتەر مەيلى قالاي وسەك ايتسىن، قالاي الدامكوستىك ىستەسىن، قالاي پالە تۋدىرسىن، بارلىعى شينجياڭنىڭ قوعام ورنىقتىلىعىنىڭ اسا تاماشا جاعدايىن بۇلدىرە المايدى، بارلىعى شينجياڭداعى ءار ۇلت حالقىنىڭ تاماشا تۇرمىسىنا كەدەرگىلىك جاساي المايدى، بارلىعى شينجياڭنىڭ ەكپىندەي ىلگەرىلەگەن باتىل قادامىنا تۇساۋ بولا المايدى.
