تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

شينجياڭ ەرەكشەلىگىندەگى وسى زامانعى ”فۋچۇن تاۋلى تۇراعىن“ قالىپتاستىرامىز

اۆتونوميالى رايون اۋىل - قىستاقتى گۇلدەندىرۋ جونىندە ارناۋلى اقپار جاريالاۋ ءماجىلىسىن اشتى

شينجياڭ ەرەكشەلىگىندەگى وسى زامانعى ”فۋچۇن تاۋلى تۇراعىن“ قالىپتاستىرامىز

  انار بۇلت / شينجياڭ گازەتىنىڭ ءتىلشىسى فان چيۇڭيان 12 - ايدىڭ 21 - كۇنى ۇرىمجىدەن حابارلايدى. 12 - ايدىڭ 21 - كۇنى اۆتونوميالى رايون اۋىل - قىستاقتى گۇلدەندىرۋ جونىندە ارناۋلى اقپار جاريالاۋ ءماجىلىسىن اشىپ، قاتىستى تاراۋلارداعى جاۋاپتىلاردىڭ ءتۇسىندىرۋى، بەينە ەكران بايلانىسى، تىلشىلەردىڭ سۇراۋىنا جاۋاپ بەرۋ سياقتى تاسىلدەر ارقىلى شينجياڭنىڭ اۋىل - قىستاقتى گۇلدەندىرۋ قىزمەتىنىڭ اياق الىسى مەن قول جەتكىزگەن تابىستارىن جالپى بەتتىك تانىستىرىپ، امەريكاداعى، باتىستاعى جۇڭگوعا قارسى كۇشتەر ويدان قيىستىرعان ”زورلىقپەن ەڭبەككە سالۋ“، ”مادەنيەت جويۋ“ سياقتى وسەك - اياڭ، ساندىراقتارعا پارمەندى تويتارىس بەردى.

  اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ ورىنباسار باستىعى شۇي تاۋ بىلاي دەپ تانىستىردى: قازىر اۋىل - قىستاقتى گۇلدەندىرۋدىڭ ”ءتورت ارقالىعى، سەگىز تىرەۋى“ قالىپتاستى، كەلەسى قادامدا بەكەمدەلىپ دارەجەسى جوعارىلاتىلاتىن 35 اۋدان، ۇلگى كورسەتىپ جەتەكشىلىك ەتەتىن 20 اۋدان، ورنىقتى دامىتىلاتىن 38 اۋدان بويىنشا تۇرگە ءبولىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتەدى؛ 100 ۇلگى كورسەتەتىن اۋىل - قالاشىق، 1000 ۇلگى كورسەتەتىن قىستاق قۇرىلىسىن كۇش سالا مىقتاپ يگەرىپ، اۋىل شارۋاشىلىعىن وسىزامانداندىرۋ مەن اۋىل - قىستاقتى وسىزامانداندىرۋدى ءبىر تۇلعالاندىرا جوبالاۋعا، ءبىر تۇلعالاندىرا ىلگەرىلەتۋگە تاباندى بولىپ، شينجياڭ ەرەكشەلىگىندەگى وسى زامانعى ”فۋچۇن تاۋلى تۇراعىن“ قالىپتاستىرامىز.

  ”كاسىپ كىرىسى شارۋالار وتباسى كىرىسىنىڭ %67تەن استامىن ۇستايدى“. حوتان ايماقتىق اۋىل شارۋاشىلىعى، اۋىل - قىستاق مەكەمەسىنىڭ باستىعى ءنابيجان ابدۇقادىر كاسىپ سالاسىن گۇلدەندىرۋ جاعدايىن تانىستىرعان كەزدە حوتاننىڭ كاسىپ سالاسىنىڭ ونىمدىلىگىن ارتتىرعان، شارۋالاردىڭ كىرىسىن ارتتىرعان، كاسىپورىنداردىڭ قۇنىن ارتتىرعان جاڭا دامۋ جولىمەن جۇرگەندىگىن ايتتى.

  قاشقار ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ باستىعى تۇرسۇن سايداق مىنانى ءبىلدىردى: قاشقار باستان - اياق ەڭبەكشىلەردىڭ تىلەگىنە قۇرمەت ەتۋدى باۋلۋ مەن جۇمىستاندىرۋ قىزمەتىنىڭ ماڭىزدى نەگىزى ەتتى، جىل باسىنان بەرى جالپى 444 مىڭ 900 ەگىنشى - مالشى بۇقاراسىن باۋلىپ، ورنىقتى جۇمىستاندىرۋدى جۇزەگە اسىرۋعا شەبەرلىك تىرەگىن ازىرلەدى.

  مادەنيەتتى گۇلدەندىرۋدى اۋىزعا العاندا، قىزىلسۋ قىرعىز اۆتونوميالى وبلىستىق حالىق ۇكىمەتىنىڭ ورىنباسار باس حاتشىسى، وبلىستىق مادەنيەت، دەنە تاربيە جانە ساياحات مەكەمەسىنىڭ باستىعى ءبۇباتيما مامەتىبىرايىم بىلاي دەدى: ءار كۇنى جۇزدەگەن، مىڭداعان بۇقارا جەر - جەردەگى مادەنيەت الاڭدارىندا مادەنيەت ۇلكەن اۋلالارىندا بيگە باسىپ، ءان شىرقاپ، كىتاپ وقىپ، گازەت كورەدى، ءبىز مادەنيەت ارقىلى وبراز سومداپ، ەڭ كورىكتى اۋىل - قىستاق قالىپتاستىرۋدامىز.

  التاي ايماقتىق اۋىل - قىستاقتى گۇلدەندىرۋ مەكەمەسىنىڭ باستىعى مۇقيات وتاي بىلاي دەپ تانىستىردى: التاي ساياحات بايلىعى مەن ەرەكشە وڭىرلىك ورىن باسىمدىعىن تىعىز تياناق ەتىپ، مەملەكەتتىك اۋىل - قىستاق ساياحاتىنداعى ءتۇيىندى قالاشىقتان (اۋىل) بىرەۋ، مەملەكەتتىك اۋىل - قىستاق ساياحاتىنداعى ءتۇيىندى قىستاقتان بەسەۋ، جۇڭگوداعى ەڭ تارتىمدى سەيىل - سەرۋەن اۋىل - قىستاعىنان بىرەۋ، جۇڭگو كورىكتى سەيىل - سەرۋەن اۋىل - قىستاعىنان ەكەۋ، جۇڭگو كورىكتى باۋ - باقشا قىستاعىنان بىرەۋ قۇردى.

  اقسۋ ايماقتىق ”ۇعىسۋ، تيىمدىلىك جاساۋ، توعىستىرۋ“ كەڭسەسى جەتەكشىلىك ەتۋ گرۋپپاسىنىڭ باستىعى جان گوتاي سول ايماقتىڭ اۋىل - قىستاقتى گۇلدەندىرۋ قىزمەتىنە تانىستىرۋ جاسادى.

  تىلشىلەردىڭ سۇراۋىنا جاۋاپ بەرگەن كەزدە اۆتونوميالى رايوندىق اۋىل - قىستاقتى گۇلدەندىرۋ مەكەمەسىنىڭ 1 - دارەجەلى شارلاۋشىسى چىن لەي بىلاي دەپ تانىستىردى: شينجياڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ جاعىندا قىزمەت مەحانيزمىن كەمەلدەندىرۋ، قۇرىلىم قۇرىلىسىن كۇشەيتۋ، ساياسات ورنىقتىلىعىن ساقتاۋ، 5 دارەجەلى ورىن بىرگە ارەكەتتەنىپ قايتا كەدەيلەسۋدەن ساقتانۋ، كاسىپ سالاسىن دامىتۋدى كورنەكتىلەندىرۋ، قىزمەت ورنىن ورنىقتىرىپ، جۇمىستاندىرۋدى مىقتاپ يگەرۋ، باسقا جەرگە كوشىرىپ قونىس جاڭالاعاننان كەيىن ۇزدىكسىز سۇيەمەلدەۋدى كۇشەيتۋ، قارجى نىساندارىن ءونىمدى ۇشتاستىرۋدى مىقتاپ يگەرۋ، قونىس ورتاسىن رەتتەۋ - وڭاۋ، اۋىل - قىستاقتى گۇلدەندىرۋدى تۇرگە ءبولىپ ىلگەرىلەتۋ سياقتى 10 ءتۇرلى قىزمەتتى ءتۇيىندى ويداعىداي ىستەيمىز.

  اقپار جاريالاۋ ماجىلىسىندە كوپتەگەن بەينەجازبانى قويۋ جانە نەگىزگى ساتىداعى بۇقارامەن بەينە ەكراندا بايلانىس جاساۋ ارقىلى شينجياڭنىڭ جەر - جەرىنىڭ اۋىل - قىستاقتى گۇلدەندىرۋ قىزمەتىنىڭ تابىستارى جاندى كورسەتىلدى.

  اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى ءيليجان انايات مىنانى ءبىلدىردى: شينجياڭنىڭ اۋىل - قىستاقتى گۇلدەندىرۋ قىزمەتى كورنەكتى كەزەڭدىك تابىستارعا قول جەتكىزدى، بۇدان كەيىن ءبىز كەدەيلىكتەن ارىلتۋدان قامال الۋ جەتىستىكتەرىن ۇزدىكسىز كۇش سالا بەكەمدەپ، اۋىل - قىستاقتى جالپى بەتتىك گۇلدەندىرۋدى ىلگەرىلەتىپ، اۋىل شارۋاشىلىعىن بولاشاعى بار كاسىپكە اينالدىرىپ، شارۋا بولۋدى باۋراۋ قۋاتى بار كاسىپكە اينالدىرىپ، اۋىل - قىستاقتى تىنىش ءومىر، شات - شادىمان تىرشىلىك كەشەتىن كورىكتى مەكەنگە اينالدىرامىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.