شينحۋا اگەنتتىگىنىڭ 12 - ايدىڭ 22 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - ايدىڭ 22 - كۇنى تۇستەن كەيىن جۇڭنانحايدىڭ يىڭتاي سارايىندا بەيجيڭگە قىزمەتتەن ەسەپ بەرۋگە كەلگەن شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ىمەن كەزدەسىپ، ونىڭ شياڭگاڭنىڭ كەزەكتەگى جاعدايىنان جانە ەرەكشە اكىمشىلىك رايون ۇكىمەتىنىڭ قىزمەت احۋالىنان بەرگەن مالىمەتىن تىڭدادى.
شي جينپيڭ بىلاي دەپ اتاپ كورسەتتى: ءبىر جىلدان بەرى شياڭگاڭنىڭ بىلىقپالىقتان جونگە سالۋعا قاراي وتكەن جاعدايى ۇزدىكسىز بەكەمدەلىپ، اۋقىمى ۇزدىكسىز جاقسارۋعا قاراي دامىدى. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ ونىمدىلىگى كورنەكتىلەنىپ، ەكونوميكاسى بىرتىندەپ جاندانىپ، قوعامى تىنىشتىقتى ساقتادى. اكىمشىلىك رايونىنىڭ اكىمى لينجىڭ يۋە - ى ەرەكشە اكىمشىلىك رايون ۇكىمەتىنە باسشىلىق ەتىپ، مەملەكەتتىك حالىق قۇرىلتايىنىڭ قاتىستى قاۋلىسىنا جانە مەملەكەتتىك حالىق قۇرىلتايى تۇراقتى كوميتەتىنىڭ قاتىستى زاڭ شىعارۋىنا ساي، شياڭگاڭنىڭ سايلاۋ تۇزىمىنە جۇيەلى وزگەرىس جاسادى، كەمەلدەندىردى؛ سايلاۋ كوميتەتىنىڭ سايلاۋىن جانە زاڭ شىعارۋ كەڭەسىنىڭ سايلاۋىن ءساتتى وتكىزىپ، شياڭگاڭنىڭ ءىس جۇزىندىك جاعدايىنا ۇيلەسەتىن دەموكراتيالىق دامۋعا نىق قادام تاستاۋىن ىلگەرىلەتتى؛ شياڭگاڭعا قاتىستى مەملەكەت حاۋىپسىزدىگى زاڭىن باتىل اتقارىپ، زاڭ بويىنشا زورلىقتى كۇشتى تيىپ، بىلىقپالىقتى شاۋجايلاپ، بىلىقپالىقتى وڭاپ، زاڭمەن باسقارۋدىڭ بەدەلى مەن ار - نامىسىن قورعادى؛ بەلسەندى شارالار قولدانىپ، ەرەكشە اكىمشىلىك رايونىنىڭ مەملەكەتتىڭ دامۋ كەلەلى جاعدايىنا توعىسۋىن ىلگەرىلەتىپ، ىشكى وڭىرلەرمەن اۋىس - كۇيىس جاساۋىن، سەلبەسۋىن جاپپاي تەرەڭدەتتى. ورتالىق ەرەكشە اكىمشىلىك رايونىنىڭ اكىمى لينجىڭ يۋە - ىنىڭ جانە ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى.
شي جينپيڭ بىلاي دەپ اتاپ كورسەتتى: بىرنەشە كۇننىڭ الدىندا شياڭگاڭ 7 - كەزەكتى زاڭ شىعارۋ كەڭەسىنىڭ سايلاۋىن وتكىزدى. جاڭا سايلاۋ تۇزىمىمەن شياڭگاڭ ەرەكشە اكىمشىلىك رايوندىق سايلاۋ كوميتەتىنىڭ سايلاۋى جانە 7 - كەزەكتى زاڭ شىعارۋ كەڭەسىنىڭ سايلاۋى ىلگەرىندى - كەيىندى وتكىزىلىپ، تۇگەلدەي تابىستى بولدى. قالىڭ شياڭگاڭدىق باۋىرلاستاردىڭ وزىنە - ءوزى قوجايىن بولۋ دەموكراتيالىق ۇقىعى ايگىلەنىپ، ”وتانشىلداردىڭ شياڭگاڭدى باسقارۋ“ پرينسيبى تياناقتانىپ، قوعامنىڭ ءار جىگىندەگىلەردىڭ، ءار سالاسىنداعىلاردىڭ كەڭىنەن، بىركەلكى قاتىناساتىن ساياسي ارناسى تۇراقتاندى. اماليات جاڭا سايلاۋ ءتۇزىمى ”ءبىر ەل، ەكى ءتۇزىم“ پرينسيبىنە ۇيلەسەتىن، شياڭگاڭنىڭ ءىس جۇزىندىك جاعدايىنا ۇيلەسەتىن، ”ءبىر ەل، ەكى ءتۇزىمنىڭ“ ورنىقتى قاداممەن الىستارعا جەتۋىنە شىنايى كەپىلدىك ەتۋگە، شياڭگاڭنىڭ ۇزاق ۋاقىت گۇلدەنۋىنە، ورنىقتى بولۋىنا شىنايى كەپىلدىك ەتۋگە تۇزىمدىك تىرەك ازىرلەگەن جاقسى ءتۇزىم ەكەندىگىن دالەلدەدى.
شي جينپيڭ بىلاي دەپ باسا دارىپتەدى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. پارتيا 19 - كەزەكتى ورتالىق كوميتەتى التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارار شىعارىپ، ”ءبىر ەل، ەكى ءتۇزىمدى“ ماڭىزدى مازمۇن رەتىندە ەنگىزدى. شياڭگاڭنىڭ وتان قۇشاعىنا ورالعان 20 نەشە جىلدىق وزگەشە بارىسى مىنانى تولىق دالەلدەدى: ”ءبىر ەل، ەكى ءتۇزىمدى“ اتقارۋ مەملەكەتتىڭ ءتۇبىرلى مۇددەسىن قورعاۋعا ءتيىمدى، شياڭگاڭنىڭ ءتۇبىرلى مۇددەسىن قورعاۋعا ءتيىمدى، قالىڭ شياڭگاڭدىق باۋىرلاستاردىڭ ءتۇبىرلى مۇددەسىن قورعاۋعا ءتيىمدى. ورتالىق ”ءبىر ەل، ەكى ءتۇزىم“ باعىتىن بۇلجىماستان ۇزدىكسىز دايەكتىلەندىرەدى. ءبىز مىناعان كامىل سەنەمىز: امالياتتىڭ ۇزدىكسىز ىشكەرىلەۋىنە جانە ءتۇزىم جۇيەسىنىڭ ۇزدىكسىز كەمەلدەنۋىنە بايلانىستى ”ءبىر ەل، ەكى ءتۇزىم“ ابزالدىلىعى ونان ارى ايگىلەنەدى. قالىڭ شياڭگاڭدىق باۋىرلاستار وتاندى ءسۇيۋ، شياڭگاڭدى ءسۇيۋ داڭقتى ءداستۇرىن، ءسوز جوق، اسقاقتاتىپ، بۇكىل ەلدەگى ءار ۇلت حالقىمەن بىرگە تىزە قوسىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن ورتاق كۇرەس جۇرگىزەدى.
حان جىڭ، ديڭ شۋەشياڭ، گو شىڭكۇن، يوۋ چۋان، ۋاڭ ي، شيا باۋلۇڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 22 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - ايدىڭ 22 - كۇنى تۇستەن كەيىن جۇڭنانحايدىڭ يىڭتاي سارايىندا بەيجيڭگە قىزمەتتەن ەسەپ بەرۋگە كەلگەن اۋمىن ەرەكشە اكىمشىلىك رايونىنىڭ اكىمى حى يچىڭمەن كەزدەسىپ، ونىڭ اۋمىننىڭ كەزەكتەگى جاعدايىنان جانە ەرەكشە اكىمشىلىك رايون ۇكىمەتىنىڭ قىزمەت احۋالىنان بەرگەن مالىمەتىن تىڭدادى.
شي جينپيڭ مىنانى ءبىلدىردى: 12 - ايدىڭ 20 - كۇنى اۋمىن ەرەكشە اكىمشىلىك رايونى وتان قۇشاعىنا ورالعاندىعىنىڭ 22 جىلدىعىن قۇتتىقتاۋ قيمىلىن وتكىزدى، وسى ورايمەن قالىڭ اۋمىندىق باۋىرلاستارعا مەرەكەلىك سالەم جانە تىلەك جولدايمىن.
شي جينپيڭ بىلاي دەپ اتاپ كورسەتتى: ءبىر جىلدان بەرى اۋمىن ورنىقتىلىقتىڭ، دامۋدىڭ تاماشا جاعدايىن ساقتادى. جاڭا تيپتى ايدارشا ۆيرۋس وكپە قابىنۋ ىندەتىنەن ءونىمدى ساقتانىپ - تىزگىندەپ، ”يكەمدىلىكپەن جويۋدى“ قۇلشىنا جۇزەگە اسىرىپ، ىشكى وڭىرلەرمەن ادامداردىڭ قالىپتى قارىم - قاتىناسىن ساقتادى. اۋمىننىڭ ەكونوميكاسى بىرتىندەپ جاندانىپ، قيىنشىلىعى بار توپتار مەن شاعىن، ۇساق كاسىپورىندار سۇيەمەلدەۋگە - كومەكتەسۋگە يە بولدى. مەملەكەتتىڭ حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمى ۇزدىكسىز كەمەلدەندى. اۋمىن ەرەكشە اكىمشىلىك رايوندىق 7 - كەزەكتى زاڭ شىعارۋ كەڭەسىنىڭ سايلاۋى ءساتتى ورىندالىپ، ”وتانشىلداردىڭ اۋمىندى باسقارۋ“ پرينسيبى ونان ارى تياناقتاندى. ورتالىق «حىڭچين - گۋاڭدۇڭ - اۋمىن تەرەڭدەي سەلبەستىك جاساۋ رايونى قۇرىلىسى جالپى تۇلعالىق جوباسىن» جاريالاپ اتقارىپ، اۋمىن مەملەكەتتىڭ دامۋ كەلەلى جاعدايىمەن توعىسۋدا تىڭ قادام تاستادى. ورتالىق ەرەكشە اكىمشىلىك رايونىنىڭ اكىمى حى يچىڭنىڭ جانە ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى.
شي جينپيڭ مىنالاردى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتى بۇكىل الەمدە ۇزدىكسىز ءورشىپ، ءار ەلدىڭ ەكونوميكاسىنا، قوعامىنا اۋىر ىقپال جەتكىزىپ وتىر. وسى رەتكى ىندەتتەن كەيىن، اۋمىن قوعامىنىڭ ءار سالاسىنداعىلاردىڭ اۋمىننىڭ ەكونوميكالىق قۇرىلىمى جاعىندا ورىن تەپكەن ماسەلەلەر جونىندەگى تانىمى اناعۇرلىم ايقىندالىپ، اۋمىننىڭ دامۋ بەتالىسى تۋرالى تولعانىسى اناعۇرلىم تەرەڭدەدى. وتان قاي - قاشان دا اۋمىننىڭ ۇزاق ۋاقىت گۇلدەنۋدى، ورنىقتىلىقتى ساقتاۋداعى پارمەندى تىرەگى، ورتالىق ”ءبىر ەل، ەكى ءتۇزىم“ باعىتىن بۇلجىماستان ۇزدىكسىز دايەكتىلەندىرىپ، اۋمىننىڭ ەكونوميكانىڭ ۇيلەسىمدى تۇردە كوپ نەگىزدى دامۋىن بەلسەنە ىلگەرىلەتۋىن ۇزدىكسىز قولدايدى، اۋمىن ەرەكشەلىگىنە يە ”ءبىر ەل، ەكى ءتۇزىم“ تابىستى امالياتىنىڭ جاڭا تاراۋىن ۇزدىكسىز جازادى.
حان جىڭ، ديڭ شۋەشياڭ، گو شىڭكۇن، يوۋ چۋان، ۋاڭ ي، شيا باۋلۇڭ قاتارلىلار كەزدەسۋگە قاتىناستى.
