پاكيستانداعى شينجياڭدىق چياۋمين باۋىرلاستار مەن پاكيستاندا وقىپ جاتقان وقۋشىلاردىڭ ۋاكىلدەرى شينجياڭداعى تۋىس - تۋعاندارىمەن ”بۇلتتا باس قوستى“
ساعىنىشتارىن بىرگە اڭگىمەلەپ، شينجياڭعا اق تىلەك تىلەدى
انار بۇلت / شينجياڭ گازەتىنىڭ ءتىلشىسى ۋاڭ نا 12 - ايدىڭ 22 - كۇنى ۇرىمجىدەن حابارلايدى. 12 - ايدىڭ 21 - كۇنى جۇڭگو شينجياڭ − پاكيستانداعى شينجياڭدىق چياۋمين باۋىرلاستار مەن پاكيستاندا وقىپ جاتقان وقۋشىلار ۋاكىلدەرىنىڭ بەينە ەكران اۋىس - كۇيىس ءماجىلىسى وتكىزىلدى. پاكيستانداعى شينجياڭدىق چياۋمين باۋىرلاستار مەن پاكيستاندا وقىپ جاتقان وقۋشىلاردىڭ ۋاكىلدەرى بەينە ەكراندا بايلانىس جاساۋ ءتاسىلى ارقىلى شينجياڭداعى تۋىس - تۋعاندارىمەن ”بۇلتتىق كليەنتتە“ باس قوسىپ، ساعىنىشتارىن بىرگە اڭگىمەلەپ، شينجياڭنىڭ دامۋىن، وزگەرىسىن تىلگە تيەك ەتتى.
اۆتونوميالى رايوندىق پارتكومنىڭ تۇراقتى مۇشەسى ءزۇمىرات وبۇل قوعامنىڭ جاراسىمدىلىعىن، ورنىقتىلىعىن قورعاۋ، ەكونوميكانىڭ جوعارى ساپالى دامۋىن ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ، ءدىني سەنىم ەركىندىگىن قامتاماسىز ەتۋ، چياۋمين باۋىرلاستاردىڭ جانە ولاردىڭ تۋىس - تۋعاندارىنىڭ زاڭدىق ۇقىق - مۇددەسىن قورعاۋ سياقتى جاقتاردان شينجياڭنىڭ ورنىقتىلىعىنىڭ، دامۋىنىڭ تاريحي تابىستارىن تانىستىردى. ول بىلاي دەدى: جاقىننان بەرى امەريكاداعى، باتىستاعى جۇڭگوعا قارسى كۇشتەر شينجياڭداعى ءار ۇلت حالقى تاماشا تۇرمىس وتكىزىپ جاتقان شىندىقتى ەلەپ - ەسكەرمەي، شينجياڭدا ايتىلمىس ”ءناسىل جويۋ“، ”زورلىقپەن ەڭبەككە سالۋ“ ءومىر ءسۇرىپ وتىر دەگەن سياقتى ساندىراقتاردى تاراتتى، بۇل بۇكىلدەي وتىرىك ايتىپ جالا جابۋ، بارىپ تۇرعان وسەك - اياڭ. چياۋمىن باۋىرلاستاردىڭ، شەتەلدە وقىپ جاتقان وقۋشىلاردىڭ كوپىرلىك، دانەكەرلىك رولدارىن تولىق ساۋلەلەندىرىپ، وتان مەن اتا مەكەننىڭ دامۋىنا اقىل - پاراساتتارى مەن كۇش - قۋاتتارىن قوسىپ، ءتىپتى دە كوپ شەتەل جۇرتشىلىعىنىڭ شينجياڭدى تۇسىنۋىنە، شينجياڭدى تانۋىنا، شينجياڭدى قولداۋىنا مۇمكىندىك جاساۋلارىن ءۇمىت ەتەمىن.
تانىستىرۋدى تىڭداعاننان كەيىن، پاكيستانداعى شينجياڭدىق چياۋمين باۋىرلاستاردىڭ، پاكيستاندا وقىپ جاتقان وقۋشىلاردىڭ ۋاكىلدەرى بەلسەندىلىكپەن ءسوز سويلەپ، اتا مەكەنگە دەگەن ساعىنىشتارى مەن ىزگى تىلەكتەرىن جەتكىزدى، امەريكاداعى، باتىستاعى جۇڭگوعا قارسى كۇشتەردىڭ وسەك - اياڭدارىنا، ساندىراقتارىنا تويتارىس جاسادى؛ شينجياڭداعى چياۋباۋلاردىڭ تۋىس - تۋعاندارى شەتەلدەگى تۋىستارىنا پارتيانىڭ حالىققا تيىمدىلىك جەتكىزۋ ساياساتتارى مەن اتا مەكەننىڭ كۇن سايىن تۇرلەنىپ، اي سايىن جاڭارعان وزگەرىستەرىن جارىسا تانىستىردى.
”شينجياڭ ەجەلدەن جۇڭگونىڭ ايرىلماس ءبىر بولىگى“. راۋالپيندي حۋارىندار قوعامىنىڭ باستىعى مۇحاممەت ناسيرحان بىلاي دەدى: جۇڭگو كوممۋنيستىك پارتياسىنىڭ باسشىلىعىندا، شينجياڭنىڭ ەكونوميكاسى جوعارى ساپالى دامۋدى جۇزەگە اسىرىپ، كەدەيلىكتەن ارىلتۋدان قامال الۋ جالپى بەتتىك جەڭىسكە جەتىپ، ءار ۇلت بۇقاراسىنىڭ تۇرمىسى باقىتتى، تاماشا بولا ءتۇستى، امەريكاداعى، باتىستاعى جۇڭگوعا قارسى كۇشتەردىڭ شينجياڭدى داتتاۋىنا، كۇيە جاعۋىنا باتىل قارسى تۇرامىز.
”مەن ءوزىم شەتەلدە بولعانىممەن، شينجياڭنىڭ جاعدايىن ابدەن بىلەمىن“. گلگيت − بالتيستان حۋارىن - حۋاچياۋلار قوعامىنىڭ باستىعى ابدۇ حايۇمماجيد بىلاي دەدى: شينجياڭ از ۇلتتاردىڭ سالت - سانا، ادەت - عۇرپىنا تولىق قۇرمەت ەتىپ، ۇلتتاردىڭ تاڭداۋلى ءداستۇرلى مادەنيەتىن زاڭ بويىنشا قورعادى، جالعاستىردى جانە اسقاقتاتتى، دىنگە سەنەتىن بۇقارانىڭ قالىپتى ءدىني قيمىلىن جانە ءدىني قاجەتىن زاڭ بويىنشا قامتاماسىز ەتتى، امەريكاداعى، باتىستاعى جۇڭگوعا قارسى كۇشتەردىڭ مۇنى كورسە دە كورمەسكە سالىپ، قۇتىرىنا جالا جاپقانى ادامنىڭ زىعىردانىن قاتتى قايناتادى.
ءىسلاماباد حۋاشيا سۇيىسپەنشىلىگى حالىقتىق تۇسەلحاناسىنىڭ تيجاراتشىسى ۋ يانفىڭ بىلاي دەدى: شينجياڭ لاڭكەستىككە زاڭ بويىنشا سوققى بەرىپ، جەرگىلىكتى حالىققا تىنىش تۇرمىس سيلاۋمەن بىرگە، الەمدىك لاڭكەستىككە قارسى تۇرۋ كۇرەسىنە دە ماڭىزدى ۇلەس قوستى. امەريكاداعى، باتىستاعى جۇڭگوعا قارسى كۇشتەردىڭ سۇرقيالىقپەن شابۋىلداۋى مەن كۇيە جاعۋى شينجياڭنىڭ گۇلدەنۋ، دامۋ قادامىن استە توسا المايدى، شينجياڭداعى ءار ۇلت حالقىنىڭ تىلەكتەس ەتەنە بولعان، تىزە قوسا كۇرەس جۇرگىزگەن، بىرگە العا باسقان اسا تاماشا جاعدايىن وزگەرتە المايدى.
”اكە، شەتەلدە جۇرگەندە بىزدەن الاڭداماڭىز“. كورىسپەگەنىنە ۇزاق بولعان اكەسىمەن بەينە ەكراندا سويلەسكەندە، ءۇرىمجى قالاسى تيانشان رايونىنىڭ تۇرعىنى شوكىراتالي شىجا - ات بىلاي دەدى: ۇكىمەت قاتىناس نەگىزدىك قۇرىلعى قۇرىلىسى، كونە، ەسكى شاعىن اۋماقتاردى وزگەرتىپ سالۋ ينجەنەرياسى سياقتىلارعا زور مولشەردە قارجى سالدى، ءۇرىمجى ءتىپتى دە ادەمى، تۇرمىس ءتىپتى دە قولايلى بولدى. باتىستاعى كەيبىر ەلدەردىڭ شينجياڭعا ساياتىن حابارلارى وتىرىك، ولار ءبىزدىڭ جاقسى تۇرمىس وتكىزگەنىمىزدى كورە الماي وتىر.
سول كۇنى جۇڭگونىڭ پاكيستانداعى كىشى ەلشىسى پاڭ چۇنشۋە پاكيستانداعى شينجياڭدىق چياۋمين باۋىرلاستار مەن پاكيستاندا وقىپ جاتقان وقۋشىلاردىڭ قاتىستى جاعدايىن تانىستىردى. شينجياڭنىڭ جوعارى مەكتەپ وقىتۋشىلارى، بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەر، ءدىني قايراتكەرلەر، دولان مۇقامىنىڭ مۇراگەرلەرى قاتارلىلار سول جەردە نەمەسە بەينە ەكراندا بايلانىس جاساۋ ءتاسىلى ارقىلى شينجياڭنىڭ از ۇلت دارىندىلارىنا ءمان بەرۋ جانە ولاردى باۋلۋ، ەڭبەكپەن جۇمىستاندىرۋدى جەبەۋ، ءدىني سەنىم ەركىندىگىن قورعاۋ، از ۇلتتاردىڭ مادەنيەتىن، كوركەمونەرىن جالعاستىرۋ جانە قورعاۋ سياقتىلارداعى قازىرگى دامۋ جاعدايىن تانىستىرىپ، امەريكاداعى، باتىستاعى جۇڭگوعا قارسى كۇشتەردىڭ شينجياڭ جونىندەگى وسەك - اياڭىنا تويتارىس بەردى.
