【التىنشى جالپى ٴماجىلىس رۋحى نەگىزگى ساتىدا】
گىندىن جاڭا قىستاعىنىڭ جالپى كورىنىسى (8 – ايدىڭ 6 - كۇنى ۇشقىش اپپاراتپەن تۇسىرىلگەن).
12 – ايدىڭ 20 – كۇنى ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇراتىن قىزمەت اترەتىنىڭ مۇشەلەرى، قىستاق كادرلارى جانە قىستاق تۇرعىندارى گىندىن جاڭا قىستاعىنىڭ بۇقارا كەڭەس زالىندا كەلەر جىلعى دامۋ وي جەلىسىن اقىلداسۋدا.
12 – ايدىڭ 21 – كۇنى بۇراتالا قالالىق پارتكوم ۇگىت ٴبولىمىنىڭ ۇتىبۇلاق قالاشىعى گىندىن جاڭا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى تىكە تاراتۋ ارقىلى جەرگىلىكتى اۋىل شارۋاشىلىق قوسىمشا ونىمدەرىن تانىستىرۋدا.
12 ـ ايدىڭ 21 ـ كۇنى گىندىن جاڭا قىستاعىنىڭ تۇرعىنى ەرەكشە ەگىمشىلىك بازاسىندا حولۇڭگونى (پيتايانى ەكى ءتۇرلى اۋدارماسىن دا الساق دەيمىن) باپتاۋدا.
12 – ايدىڭ 21 - كۇنى قىستاق تۇرعىنى گىندىن جاڭا قىستاعىنىڭ اكىمشىلىك ىستەر زالىندا ەمدەۋ قامسىزداندىرۋىنا قاتىستى ٴراسمياتتاردى بىتىرۋدە.
12 ـ ايدىڭ 20 ـ كۇنى گىندىن جاڭا قىستاعىنىڭ تۇرعىنى دۋ پيڭ قىستاقتاعى كاسىپورىندا جۇمىس ىستەۋدە.
12 – ايدىڭ 21 – كۇنى قىستاق تۇرعىندارى گىندىن جاڭا قىستاعىنىڭ كىتاپحاناسىندا كىتاپ وقۋدا.
12 ـ ايدىڭ 21 ـ كۇنى گىندىن جاڭا قىستاعىنداعى پارتيا مۇشەلەرى ەرىكتى قىزمەت وتەۋ اترەتىنىڭ مۇشەلەرى قىستاق تۇرعىنىنىڭ ۇيىنە بارىپ ەرىكتى قىزمەت وتەۋدە.
12 ـ ايدىڭ 20 ـ كۇنى گىندىن جاڭا قىستاعىنداعى بالالار سۋرەت قالامى ارقىلى وزدەرىنىڭ نازارىنداعى قىستاق كەلبەتىن سىزۋدا.
سۋرەتىن ٴتۇسىرىپ، ماقالاسىن جازعان تيانشان تورى - شينجياڭ گازەتىنىڭ تىلشىلەرى حان لياڭ، ياۋ گاڭ
12 – ايدىڭ 20 – كۇنى قىزعىلت ٴتۇستى جول شىراعىنىڭ جارىعىندا، بۇراتالا قالاسى ۇتىبۇلاق قالاشىعى گىندىن جاڭا قىستاعى بەينە ٴبىر قابات ”جۇقا تورعىن“ جامىلىپ العانداي؛ قىستاقتاعى يىنما شارۋالار شاتتىعى ساياجايىندا قوناقتار ٴبىر – بىرىنە شاراپ ۇسىنىپ، شاتتىق كۇلكىسى ەستىلەدى.
”قىستاعىمىز بارعان سايىن جاقسارىپ، ساياجايعا كەلىپ تاماقتاناتىن قوناقتار دا كوبەيە ٴتۇستى“. يىنما ساياجايىنىڭ جاۋاپتىسى ما يىن-يىن ٴبىر جاعىنان قوناقتارعا شاي قۇيىپ، ەندى ٴبىر جاعىنان جاڭا قۋىرماشتاردى تانىستىرىپ، قاربالاستىققا ٴتۇستى.
گىندىن جاڭا قىستاعىنا بارا قالساڭىز، كەڭ دە تەگىس جول، تازا دا رەتتى تۇرعىن ۇيلەر، بارلىق وتباسىلارىنىڭ تازا سۋ جولى مەن لاس سۋ جولى اشىلعانى كوزگە شالىنادى، حالىققا قولايلى قىزمەت وتەۋ ورتالىعى، مادەنيەت الاڭى، بالالارباقشاسى، ەمحانا قىستاق تۇرعىندارىنىڭ تۇرمىسىنا، اۋرۋ كورسەتۋىنە، بالالارىنىڭ وقۋعا تۇسۋىنە بارعان سايىن قولايلى بولا ءتۇستى.
سوڭعى جىلدارى كورىكتى اۋىل ـ قىستاق قۇرۋ ارقىلى گىندىن جاڭا قىستاعىنىڭ نەگىزدىك قۇرىلعىلارى ۇزدىكسىز كەمەلدەندى. كوركەم كورىنىستى قايتكەندە كوركەم شارۋاشىلىققا اينالدىرىپ، بۇقارانى ”كوركەمدىك“ ىشىندە شىنايى يگىلىككە كەنەلتۋ جونىندە قىستاق بەلسەنە ىزدەنىس جاسادى.
”گىندىن جاڭا قىستاعى قالا رايونىنا جاقىن، قاتىناسى قولايلى، اۋىل ـ قىستاق ساياحاتىن دامىتۋدا باسىمدىققا يە“. بۇراتالا قالالىق پارتكوم ۇگىت ٴبولىمىنىڭ ۇتىبۇلاق قالاشىعى گىندىن جاڭا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى تۋشين بىلاي دەدى: توڭىرەكتەگى قىستاقتاردىڭ بارىندە تاماشا ەكولوگيالىق ورتا، سونداي-اق كەمەلدى نەگىزدىك قۇرىلعىلار بار، اعالاپ العا شىعۋ ءۇشىن، وزگەشەلىككە سۇيەنۋىمىز كەرەك.
قىستاقتا تۇراتىن قىزمەت اترەتى، قىستاق ”ەكى كوميتەتى“ قىستاق تۇرعىندارىمەن تالاي رەت اڭگىمەلەسىپ، كوپ بولىپ اقىل قورىتتى، ”قازىر ادامداردىڭ بارلىعى اۋىل ـ قىستاق تۇرمىسىن اڭسايدى، قىستاق تۇرعىندارىنىڭ تاماق جاساۋ ونەرى جاقسى، ازىق ـ تۇلىك ماتەريالدارى تۇگەلدەي قىستاقتا ەگىلگەن كوكونىس، قىستاقتا باعىلعان قوي، سيىر، وتباسى تاعامدارى قارسى الىنادى ...“ اۋىل ـ قىستاقتىڭ ٴدامدى تاعامدارىن تانىستىرىپ، اۋىل ـ قىستاق ساياحاتىن دامىتىپ، شارۋالار شاتتىعى ساياجايىن اشۋ كوپشىلىكتىڭ ورتاق پىكىرىنە اينالدى.
ما يىن-يىن قىستاقتا تۇراتىن قىزمەت اترەتىنىڭ كومەگىندە 150 مىڭ يۋان قارىز اقشا الىپ، قىستاقتاعى تۇڭعىش شارۋالار شاتتىعى ساياجايىن اشتى.
”اپتا سوڭىندا وسى اراعا كەلىپ تاماقتاناتىنداردىڭ سانى 100 ادامنان اسادى، كوبى قايتا كەلگەن مەيماندار“. ما يىن-يىن بىلاي دەدى: شارۋالار شاتتىعى ساياجايىن تانىستىرۋ ٴۇشىن، قىستاقتا تۇراتىن قىزمەت اترەتى جەرگىلىكتى ورىنداعى تور جۇلدىزدارىن ۇسىنىس ەتىپ، قىسقا كەسكىن ٴتۇسىرىپ، شارۋالار شاتتىعى ساياجايىمدى ۇگىتتەدى، تانىستىردى.
ما يىن-يىننىڭ باستاۋىندا، گىندىن جاڭا قىستاعىندا باي - ى ساياجايى، حۋا ـ ىر اۋلاسى، جيۋيۋەجيۋ اۋىل ساياجايى، يىنما ساياجايى سياقتى 12 ەرەكشە شارۋالار شاتتىعى ساياجايى اشىلدى. ”شارۋالار شاتتىعى ساياجايىن اشۋ اۋىل ـ قىستاق ساياحاتىن دامىتۋعا نەگىز قالادى، سونىمەن قاتار وسى قىستاق پەن توڭىرەكتەگى قىستاقتاردان 200دەن استام ادامدى جۇمىسقا ورنالاستىردى“، ـ دەدى تۋشين.
گىندىن جاڭا قىستاعى بيىل تاعى اۆتوكولىك توقتاتۋ الاڭى مەن ساياحات دارەتحاناسىن جاڭادان سالىپ، اۋىل ـ قىستاق ساياحاتىنا قىزمەت وتەۋ ورەسىن اناعۇرلىم ٴوسىردى. بيىل 1 ـ ايدان 11 ـ ايعا دەيىن اتالعان قىستاق قابىلداعان ساياحاتشى سانى 100 مىڭ ادام ـ رەتكە جەتتى.
بۇگىنگى گىندىن جاڭا قىستاعى بۇراتالا قالاسى مەن ونىڭ ماڭىنداعى اۋدان، قالالارداعى كوپتەگەن ادامدى وسى اراعا كەلىپ قارىنمەن تۇيىلگەن ەت، قۋىرىلعان شوشىرە سياقتى ەرەكشە ٴدامدى تاعامداردان ٴدام تاتۋعا باۋراپ، ينتەرنەتتە تانىمالى قىستاققا اينالدى.
بيىل گىندىن جاڭا قىستاعى بۇرىنعى شارۋالار شاتتىعى ساياجايى نەگىزىندە تاعى دا قىستاق باۋ - باقشالى تۇراعى، باۋ ـ باقشالى تۇراقتى گۇلدەندىرۋ سياقتى 8 ەرەكشە حالىقتىق تۇسەلحانا اشتى.
”اۋىل ـ قىستاق ساياحاتىن ارقاۋ ەتىپ، قىستاق اۋىل ۋنيۆەرسال تۇلعاسىن قۇرىپ، ەرەكشە عىلىم ـ تەحنيكالىق ەگىمشىلىك جىلىجايىن، اۋىل ـ قىستاق سەيىل ـ سەرۋەن ساياحاتىن دامىتۋدا، بۇدان كەيىن قىستاعىمىزعا كەلگەن ساياحاتشىلار ٴتىپتى دە كوبەيەدى“، ـ دەدى ما يىنيىن بولاشاقتان زور ٴۇمىت كۇتىپ.
اۋدارعان: قادىر ماقان
