تيانشان تورى   ›   جاڭالىقتار   ›   ەل ءىشى حابارى

ورتالىق كوميتەت كەڭسەسى، مەملەكەتتىك كەڭەس كەڭسەسى «2022 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى ۇقتىرۋدى» باسىپ تاراتتى

  شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «2022 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى ۇقتىرۋدى» باسىپ تاراتتى. تولىعى تومەندەگىدەي:

  2022 - جىل − ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا ساپارىنا قادام تاستايتىن ماڭىزدى جىل، جىل باسىندا بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى وتكىزىلەدى، جاڭا جىل، كوكتەم مەرەكەسى كەزىندەگى قىزمەتتەردى ويداعىداي ىستەۋ ايرىقشا ماڭىزدى. وڭىرلەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا، مەرەكە كەزىندەگى قىزمەتتەردى ءبىر تۇتاس جوسپارلاپ ويداعىداي ىستەپ، حالىق بۇقاراسىنىڭ مەرەكەنى كوڭىلدى دە امان - ەسەن وتكىزۋىنە شىنايى كەپىلدىك ەتۋ كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن قاتىستى ىستەر جونىندە مىنانى ۇقتىرامىز:

  ءبىرىنشى، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماستان ويداعىداي ىستەپ، ىندەتتىڭ قايتا بەلەڭ بەرۋىنەن، ورشۋىنەن باتىل ساقتانۋ. ”سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا“ تاباندى بولىپ، ۇدايىلانعان دالمە - ءدال ساقتانۋ - تىزگىندەۋ مەن ءىشىنارا شۇعىل جاعدايعا توتەپ بەرۋ بويىنشا ءبىر جاقتى ەتۋدى ۇشتاستىرۋعا تاباندى بولىپ، ”ەكى مەرەكە“ كەزىندە ادامداردىڭ اعىلۋى مەن باس قوسۋىن ازايتۋ كەرەك. شەكارا وتكەلى قالالارىندا ىندەتتەن ساقتانۋ - تىزگىندەۋدى كۇشەيتىپ، ادام، زات، ورتا جاقتارىندا بىردەي ساقتانۋ مەن ايروپورت شەكارا وتكەلدەرىندە ايىرۋ شارالارىن قاتاڭ اتقارىپ، يمپورتتىق سۋىق تىزبەك ازىق - تۇلىك بازارىن باقىلاۋ - باسقارۋدى كۇشەيتىپ، شەكارا سىرتىنداعى ىندەتتىڭ كىرۋىنەن قاتاڭ ساقتانۋ كەرەك. ىندەتتى قاداعالاۋدى، الدىن الا ساقتاندىرۋدى كۇشەيتىپ، ساپار، اس - سۋ، ساياباق - كورىنىس اۋماعى، ساۋدا سارايى - ەرەن بازار سياقتى ءتۇيىندى بۋىندار مەن ورىنداردا ىندەتتەن ساقتانۋ - تىزگىندەۋدى كۇشەيتۋ كەرەك. الدىن الا تەكسەرۋ، اۋاشالاپ دياگنوز قويۋ مەن العاشقى دياگنوز قويۋشى جاۋاپتى بولۋ ءتۇزىمىن تياناقتاندىرىپ، قىزۋى ورلەگەن ناۋقاستاردى جابىق باسقارۋدى قاتايتىپ، مەديتسينالىق قۇتقارۋ - ەمدەۋ قىزمەت وتەۋىن كۇشەيتۋ كەرەك. بۇقارانى ءوزىنىڭ سالاماتتىعىنا ءبىرىنشى جاۋاپتى ادام بولۋ تانىمىن كۇشەيتىپ، از باس قوسۋ، قولدى ءجيى جۋۋ، ماسكى تاعۋ، ورتاق ساقپى پايدالانۋ سياقتى تازالىق ادەتتەرىنەن جازباي، جەكە باستىق ساقتانۋ - قورعانۋدى ويداعىداي ىستەۋگە جەتەكتەۋ كەرەك.

  ەكىنشى، تومەنگى شەكتەن تۇسىرمەي قامتاماسىز ەتۋ سەرپىنىن ارتتىرىپ، قيىنشىلىعى بار بۇقاراعا شىن نيەتپەن، شىنايى سۇيىسپەنشىلىكپەن قامقورلىق جاساۋ. نەگىزگى زەينەتاقى مەن جۇمىسسىزدىق قامسىزداندىرۋى قاراجاتىن دەر كەزىندە، تولىق تاراتىپ، قوعامدىق قۇتقارۋ - كومەكتەسۋ ساياساتتارىن مۇقيات تياناقتاندىرىپ، قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرىپ، حالىق تۇرمىسىنىڭ تومەنگى شەگىن باتىل بەكەمدەۋ كەرەك. قوعامدىق قۇتقارۋ - كومەكتەسۋ مەن قامتاماسىزداندىرۋ ولشەمىن زات باعاسىنىڭ ورلەۋىمەن بايلانىستىرۋ، سايكەستىرۋ مەحانيزمىن اتقارۋ قىزمەتىن ويداعىداي ۇيىمداستىرۋ كەرەك. ”كومىردى گازعا وزگەرتۋ“، ”كومىردى ەلەكترگە وزگەرتۋ“ قوسىمشا قاراجاتىن دەر كەزىندە تياناقتاندىرىپ، قيىنشىلىعى بار قاۋىمعا جىلۋ قوسىمشا قاراجاتىن بەرۋ سەرپىنىن ارتتىرىپ، بۇقارانىڭ قىستان جىلى وتۋىنە شىنايى كەپىلدىك ەتۋ كەرەك. ەڭ تومەنگى تۇرمىسى قامتاماسىزداندىرىلاتىندار، ەرەكشە قيىنشىلىعى بارلار، سالماقتى اۋرۋى بار نەمەسە اۋىر دارەجەدە مۇگەدەك بولعاندار، سەرگەلدەڭ قايىرشىلار، ۇيدە قالعان بالالار سياقتى قيىنشىلىعى بار بۇقارانى قۇتقارۋ - كومەكتەسۋدى، ولارعا كومەكتەسۋ - سۇيەمەلدەۋدى كۇشەيتىپ، كەدەيلىكتەن ارىلۋى ورنىقسىز حالىقتى، تۇتقيىلدان اۋىر قيىنشىلىققا ۇشىراعان وتباسىلاردى قاداعالاۋدى، كومەكتەسۋ - سۇيەمەلدەۋدى كۇشەيتىپ، اپاتقا ۇشىراعان بۇقاراعا اپاتتان قۇتقارۋ قارجىسىن، زاتتىق ماتەريالداردى دەر كەزىندە تاراتۋ جانە قىس پەن كوكتەمدە تۇرمىستىق جاقتا قۇتقارۋ - كومەكتەسۋ، سول ارقىلى ولارعا پارتيا مەن ۇكىمەتتىڭ مەيىرىن سەزىندىرۋ كەرەك. قىسقى ارناۋلى ارەكەت ورىستەتىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋدى جونگە سالۋ سەرپىنىن ارتتىرىپ، شارۋا جۇمىسكەرلەردىڭ زاڭدى ۇقىق - مۇددەسىن شىن مانىندە قورعاۋ كەرەك.

  ءۇشىنشى، بازاردا قامداۋعا كەپىلدىك ەتىپ، باعانى ورنىقتىرۋدى كۇشەيتىپ، بۇقارانىڭ مەرەكەلىك تۇتىنۋ قاجەتىن قاناعاتتاندىرۋ. كومىرمەن، ەلەكترمەن، جانار مايمەن، تابيعي گازبەن، تاسىمالمەن قامتاماسىزداندىرۋدى، قامداۋدى ءبىر تۇتاس جوسپارلاپ، ويداعىداي ورنالاستىرىپ، كومىرمەن، اسىرەسە، ەلەكتر شىعارۋعا پايدالانىلاتىن كومىرمەن قامداۋدى شىن مانىندە ارتتىرىپ، ەلەكترمەن قامداۋدى قامتاماسىزداندىرۋ قۋاتىن ءونىمدى جوعارىلاتىپ، وڭدەلگەن مۇناي ءوندىرۋدى، قامداۋدى ورنىقتى ارتتىرىپ، سولتۇستىك وڭىرلەردىڭ جىلۋمەن قامدالۋىنا، تابيعي گازدان پايدالانۋىنا كەپىلدىك ەتۋ كەرەك. استىق حاۋىپسىزدىگىنە پارتيا مەن ۇكىمەت بىرگە جاۋاپتى بولۋ جانە ”كوجە قاتىققا“ قالا باستىعى جاۋاپتى بولۋ ءتۇزىمىن جاپپاي تياناقتاندىرىپ، بازار اينالىمىن قاداعالاۋدى كۇشەيتىپ، استىق، ازىقتىق ماي، ەت، جۇمىرتقا، ءسۇت، جەمىس، كوكونىس سياقتى ماڭىزدى حالىق تۇرمىسى تاۋارلارىمەن قامداۋعا كەپىلدىك ەتۋ، باعاسىن ورنىقتىرۋ قىزمەتىن شىن مانىندە ويداعىداي ىستەپ، تۇرمىستىق قاجەتتى بۇيىمدارمەن قامداۋدىڭ ءۇزىلىپ قالماۋىنا، تاۋسىلىپ قالماۋىنا شىنايى كەپىلدىك ەتۋ كەرەك. مەرەكەلىك بازاردىڭ قامداۋىن بايىتىپ، حالىق بۇقاراسىنىڭ الۋان ءتۇرلى تۇتىنۋ قاجەتىن قاناعاتتاندىرۋ كەرەك. ازىق - تۇلىك حاۋىپسىزدىگىندەگى ”ءتورت ەڭ قاتاڭ“ تالاپتى قاتاڭ تياناقتاندىرىپ، ازىق - تۇلىك حاۋىپسىزدىگىن قامتاماسىز ەتۋ كەرەك. مەرەكەدەگى ءتۇيىندى تۇتىنۋ بۇيىمدارىنىڭ ساپاسىن باقىلاۋ - باسقارۋ مەن باعاسىن باقىلاۋ - باسقارۋدى كۇشەيتىپ، تۇتىنۋشىلاردىڭ ۇقىق - مۇددەسىنە زيان جەتكىزەتىن زاڭعا قايشى ارەكەتتەردى زاڭ بويىنشا تەكسەرىپ ءبىر جاقتى ەتىپ، تاماشا بازار ءتارتىبىن قورعاۋ كەرەك.

  ءتورتىنشى، نەگىزگى اۋەندى زور كۇشپەن اسقاقتاتىپ، بۇقارانىڭ رۋحاني مادەني تۇرمىسىن بايىتۋ. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇگىتتەۋ، دايەكتىلەندىرۋ توڭىرەگىندە، فورماسى الۋان ءتۇرلى، مازمۇنى باي مادەنيەت، ادەبيەت - كوركەمونەر قيمىلدارىن ۇيىمداستىرىپ، ورىستەتىپ، قالىڭ بۇقارانىڭ پارتيانى قىزۋ ءسۇيۋ، وتاندى قىزۋ ءسۇيۋ، سوتسياليزمدى قىزۋ ءسۇيۋ ىنتاسىن قاۋلاتىپ، ىنتىماقتاسا العا ىلگەرىلەيتىن، قايراتتانا ۇمتىلاتىن رۋحاني كۇش ۇيىستىرۋ كەرەك. ”ءبىزدىڭ جۇڭگو ارمانىمىز“ − مادەنيەتتى وتباسىلارعا جەتكىزۋ قيمىلىن، ”ءبىزدىڭ جاڭا ءداۋىرىمىز“ نەگىزگى تاقىرىپتىق تۋىندى شىعارۋ، كورسەتۋ قيمىلىن، ”مادەنيەتتى وتباسىلارعا جەتكىزۋ − اۋىلداعى مەرەكەنى بەينە ەكرانمەن تىكە تاراتۋ“ قيمىلىن ورىستەتىپ، سوتسياليستىك وزەكتى قۇن كوزقاراسى مەن جۇڭحۋانىڭ تاڭداۋلى ءداستۇرلى مادەنيەتىن اسقاقتاتىپ، جاڭا ءداۋىردى جىرلاۋ كەرەك. زاڭ اتقارۋدى كۇشەيتىپ، مادەنيەت جانە ساياحات مەرەكەسى بازار ءتارتىبىن قورعاۋ كەرەك.

  بەسىنشى، كوكتەمگى تاسىمال قىزمەتىن ءبىر تۇتاس جوسپارلاپ ورنالاستىرىپ، بۇقارانىڭ امان، ءتارتىپتى ءجۇرىس - تۇرىسىن قامتاماسىز ەتۋ. قاتىناس - تاسىمالدىڭ ىندەتتەن ساقتانۋ - تىزگىندەۋ تالابىن قاتايتىپ، ءبىر ۋاقىتقا شوعىرلاندىرماي جۇرۋگە باستاۋ، ساپارداعى حاۋىپ - قاتەردى تومەندەتۋ، ادامداردىڭ ساقتانۋ - قورعانۋىن كۇشەيتۋ پرينسيبى بويىنشا، كوكتەمگى تاسىمال قىزمەتىن ويداعىداي ىستەۋگە ۇيىمداستىرۋ كەرەك. جولاۋشى تاسىمال الاڭ - بەكەتتەرى مەن قاتىناس - تاسىمال قۇرالدارىن زارارسىزداندىرۋ - اۋا الماستىرۋ، ينفورماتسيالاردى تىزىمگە الۋ، اۋاشالاۋ اۋماقتارىن بەلگىلەۋ سياقتى شارالاردى ەگجەي - تەگجەيلى تياناقتاندىرىپ، جولاۋشى تاسىمالىنىڭ ءبىرىنشى شەبىندەگى قىزمەت وتەۋشى قىزمەتكەرلەردىڭ كۇندەلىكتى سالاماتتىعىن قاداعالاۋ مەن مەرزىم بويىنشا حىسۋان تەكسەرۋدى كۇشەيتىپ، شۇعىل جاعدايعا توتەپ بەرۋ دايىندىق جوباسىن جاساۋ، كەمەلدەندىرۋ كەرەك. ءتۇيىندى ۋاقىت ارالىعىندا، وزەكتى جول لەنيالارىندا تاسىمال قۋاتىمەن قامداۋدى ارتتىرىپ، تاسىمال ءادىسىن ءتۇيىلىستىرۋدى، جولاۋشى تاسىمال توراپتارىندا قىزمەت وتەۋدى، ىندەتتەن ساقتانۋ تەكسەرۋ پۋنكتتەرىن بەلگىلەۋدى ساپالىلاندىرىپ، اۆتوكولىكتەردىڭ بوگەلۋىن، ادامداردىڭ توپتالۋىن ازايتۋ كەرەك. سالاماتتىق كودى بويىنشا بۇكىل ەلدە ”ءبىر كودپەن ءجۇرۋدى“ تياناقتاندىرىپ، قارتتار سياقتى ەرەكشە قاۋىمنىڭ زەردەلىلەنگەن جاعدايداعى ءجۇرىس - تۇرىسىن قامتاماسىز ەتۋ كەرەك. سۇركەيلى اۋا رايىنا باعىتتاي شۇعىل جاعدايعا توتەپ بەرۋ دايىندىعىن ويداعىداي ىستەپ، زور كولەمدە جولاۋشىلار، اۆتوكولىكتەر بوگەلۋىنەن ساقتانۋ كەرەك. تاسىمال حاۋىپسىزدىگىن باقىلاۋ - باسقارۋدى كۇشەيتىپ، بۇقارانىڭ ءجۇرىس - تۇرىس حاۋىپسىزدىگىن قامتاماسىز ەتۋ كەرەك.

  التىنشى، تومەنگى شەك وي جەلىسىن بەرىك ورناتىپ، ءوندىرىس حاۋىپسىزدىگى قىزمەتىن مىقتى، ناقتى يگەرۋ. حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ءوندىرىس حاۋىپسىزدىگى جاۋاپكەرشىلىگى مەن باسقارۋ ءتۇزىمىن قاتاڭ تياناقتاندىرىپ، حاۋىپسىزدىك كومەسكى قاتەرىن اداقتاي تەكسەرىپ جونگە سالۋدى كۇشەيتىپ، اۋىر، ەرەكشە ۇلكەن شىرعالاڭنىڭ تۋىلۋىن باتىل تەجەۋ كەرەك. ءتۇيىندى كاسىپتەردە، سالالاردا حاۋىپسىزدىك بويىنشا ساقتانۋدى مىقتى يگەرىپ، ارنايى جابدىقتار، قۇرىلىس جۇمىسىن جۇرگىزۋ، حاۋىپتى حيميالىق بۇيىمدار، جارقىلداق - تورسىلداق، بالىقشىلىق كەمەسى سياقتىلاردىڭ حاۋىپسىزدىگىن باقىلاۋ - باسقارۋدى كۇشەيتىپ، ءىرى قيمىلداردى تەكسەرىپ بەكىتۋدى قاتايتىپ، ساۋدا دۇكەندەرى مەن تۇرعىن ۇيلەر ارالاسقان عيماراتتار، ءىرى كەشەندەر سياقتى ادامدار شوعىرلانعان ورىنداردىڭ ءورت ءسوندىرۋ، ورتتەن ساقتانۋ حاۋىپسىزدىك كومەسكى قاتەرىن جويىپ، وتىندىق گاز حاۋىپسىزدىگى بويىنشا جونگە سالۋدى تىڭعىلىقتى ورىستەتۋ كەرەك. ەنەرگيامەن قامداۋعا كەپىلدىك ەتۋ حاۋىپسىزدىگىن كورنەكتىلەندىرە ويداعىداي يگەرىپ، حاۋىپ - قاتەرى جوعارى كەن شاحتالارىندا ارناۋلى ادام كۇزەتۋدى تياناقتاندىرىپ، زاڭعا قايشى كەن اشۋ ارەكەتتەرىنە قاتاڭ سوققى بەرىپ، مۇناي، تابيعي گاز ساقتاۋ، تاسىمالداۋ سياقتى قاتەر كوزدەرىن شارلاپ تەكسەرۋدى كۇشەيتۋ كەرەك. ەرەكشە سۋىق اۋا رايى مەن جاڭبىر، قار، مۇز قاتۋ سياقتى اپاتتاردى، ورمان - جايلىم ءورت قاتەرىن قاداعالاۋدى، الدىن الا ساقتاندىرۋدى جانە شۇعىل جاعدايعا توتەپ بەرۋ بويىنشا ءبىر جاقتى ەتۋدى كۇشەيتىپ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىن قامتاماسىزداندىرۋ كەرەك.

  جەتىنشى، قايشىلىقتاردان، ماسەلەلەردەن ساقتانىپ جانە ونى ءبىر جاقتى ەتىپ، قوعامدىق كەلەلى جاعدايدىڭ ورنىقتىلىعىن بار كۇشپەن قورعاۋ. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ءتۇيىندى سالالاردى، ءتۇيىندى توپتاردى توڭىرەكتەي وتىرىپ، قايشىلىقتى، داۋ - شاردى اداقتاپ تەكسەرۋدى، جويۋدى ىشكەرىلەي ورىستەتىپ، قاراستى جەردىڭ باسقارۋ جاۋاپكەرشىلىگى مەن قاينارىنان جونگە سالۋ شاراسىن تياناقتاندىرىپ، قايشىلىق كومەسكى قاتەرىن سول جەردە جويۋ، نەگىزگى ساتىدا شەشۋ كەرەك. كونە جىلدىڭ سوڭى مەن جاڭا جىلدىڭ باسىنداعى قوعام اماندىعىنىڭ زاڭدىلىعىن، ەرەكشەلىگىن يگەرىپ، قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرا ورىستەتۋمەن ۇشتاسترىپ، مىلتىققا ساياتىن، جارىلعىش زاتتارعا ساياتىن قىلمىستار، تەلەگراف، ينتەرنەت الدامشىلىعى، شەكارا اتتاعان قۇمار ويناۋ، ”سارى الاپات، قۇمارپازدىق، ەسىرتكى تۇتىنۋ“، ”ۇرلاۋ، توناۋ، الداپ الۋ“، ”ازىق - تۇلىككە، ءدارى - دارمەككە، قورشاعان ورتاعا قاتىستى قىلمىستار“ سياقتى بۇقارانىڭ حاۋىپسىزدىك سەزىمىنە ىقپال جاسايتىن كورنەكتى زاڭعا قايشى قىلمىستارعا زاڭ بويىنشا قاتاڭ سوققى بەرىپ، مەرەكە كەزىندەگى قوعام اماندىعىنىڭ ورنىقتى، ءتارتىپتى بولۋىنا شىنايى كەپىلدىك ەتۋ كەرەك. قوعامداعى شارلاپ ساقتانۋ - تىزگىندەۋدى كۇشەيتىپ، ادامدار شوعىرلانعان ورىنداردا حاۋىپسىزدىك بويىنشا ساقتانۋ - تىزگىندەۋدى كۇشەيتىپ، اماندىق كومەسكى قاتەرى مەن ەسكەرىلمەگەن تۇيىندەردى ەڭ جوعارى شەكتە جويۋ كەرەك. كۇزەتشىلىك، اماندىق قورعاۋ جانە ىندەتتەن ساقتانۋ - تىزگىندەۋ قىزمەتىن ءبىر تۇتاس جوسپارلاپ، قىسقى وليمپيادا سپورت جارىسىنىڭ اماندىعىن قورعاۋدىڭ قورعانىس جەلىسىن شىن مانىندە بەكەمدەۋ كەرەك.

  سەگىزىنشى، مەرەكەنى ۇقىپتىلىقپەن مادەنيەتتى تۇردە وتكىزۋگە تاباندى بولىپ، تاماشا قوعامدىق سالتتى باستاماشىلدىقپەن دارىپتەۋ. قالىڭ پارتيالى كادرلاردى، اسىرەسە، باسشى كادرلاردى باستاماشىلدىقپەن ستيلگە بۇرىلىس جاساۋعا، جاڭا سالت قالىپتاستىرۋعا، سانالىلىقپەن ەرەكشە ۇقىق يدەياسىنا، ەرەكشە ۇقىق جايتتەرىنە قارسى تۇرىپ، سانالىلىقپەن اس - سۋ ىسىراپشىلدىعىنا، استا - توك ءسان - سالتاناتقا قارسى تۇرىپ، وتباسى تاربيەسىن، وتباسى سالتىن قاتايتۋعا تاربيەلەۋ، جەتەكتەۋ كەرەك. ەسكى سالت - سانانى وزگەرتۋدى ىلگەرىلەتىپ، ۇقىپتى - ۇنەمشىلدىكتى دارىپتەپ، دابىرالاتىپ، دۇبىرلەتىپ وتكىزۋ، قىرۋار قالىڭمال الۋ، ءولىمدى دابىرالى جونەلتۋ، قارتتارعا قارايلاسۋدى ءجونسال قاراۋ، فەودالدىق سوقىر سەنىم، قابىر باسىنا بارۋداعى مادەنيەتسىزدىك سياقتى ناشار ادەتتەردى باتىل تەجەۋ كەرەك. نەگىزگى ساتىداعى كادرلاردى، اسىرەسە، قيىنشىلىعى كوپ، جاپالى وڭىرلەر مەن شۇعىل، قيىن، حاۋىپتى، اۋىر مىندەتتەردىڭ ءبىرىنشى شەبىندەگى جولداستارعا كوڭىل ءبولىپ، قامقورلىق جاساپ، قىزمەت ۇستىندە قايتىس بولعان نەگىزگى ساتى كادرلارىنىڭ وتباسىلارىنا بارىپ جاعداي ۇعىسىپ، حال سۇراۋ، قارايلاسىپ جاردەمدەسۋ جانە ۇزاق ۋاقىت كومەكتەسۋ - سۇيەمەلدەۋ قىزمەتىن ويداعىداي ىستەپ، ”رەسپۋبليكا وردەنى“، مەملەكەتتىك داڭق اتاعى جانە ”1 - شىلدە وردەنى“ يەگەرلەرىنە قاتىستى مامىلەلەردى تياناقتاندىرۋ جانە جاعداي ۇعىسىپ، حال سۇراۋ قىزمەتتەرىن ويداعىداي ىستەپ، پارتيا ىشىندەگى جىگەرلەندىرۋدى، قامقورلىق جاساۋدى، كومەكتەسۋ - سۇيەمەلدەۋدى كۇشەيتۋ كەرەك.

  توعىزىنشى، ستيلدى دۇرىستاپ، ءتارتىپتى قاتايتۋدى ۇزدىكسىز ىلگەرىلەتىپ، ”مەرەكەلىك شىرىكتەسۋدەن“ قاتاڭ ساقتانۋ. ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن قاتاڭ اتقارىپ، بەلگىلەمەگە قايشى تۇردە ءىشىپ - جەۋ، بەلگىلەمەگە قايشى تۇردە تارتۋ - تارالعى، سياقى بەرۋ - الۋ، بەلگىلەمەگە قايشى تۇردە ۇكىمەت كولىگىن پايدالانۋ، ۇكىمەت اقشاسىمەن ساياحاتتاۋ سياقتى ماسەلەلەردى قاتاڭ تەكسەرىپ، جىلدام ءبىر جاقتى ەتىپ، بەلگىلەمەگە قايشى تۇردە ۇستەمە قاراجات، قوسىمشا قاراجات نەمەسە يگىلىك تاراتۋدى قاتاڭ جازالاپ، جەدەل جەتكىزۋمەن تارتۋ - تارالعى جىبەرۋ، ەلەكتروندىق حۇڭباۋ الۋ - بەرۋ، ”ۇكىمەت اقشاسىمەن جەمەي، قوجايىننان جەۋ“ سياقتى كومەسكى، وزگەرگەن ارەكەتتەردى تۇزەتىپ جونگە سالۋعا كوڭىل قويىپ، ۇزدىكسىز قاتاڭدىق سيگنالىن شىعارۋ كەرەك. نازاردى ىندەتتەن ساقتانۋ - تىزگىندەۋ، ءوندىرىس حاۋىپسىزدىگى، اپاتتى قاداعالاۋ، الدىن الا ساقتاندىرۋ، شۇعىل جاعدايعا توتەپ بەرۋ بويىنشا ءبىر جاقتى ەتۋ، حالىق تۇرمىسىن قامتاماسىز ەتۋ، ۇكىمەتتىك قىزمەت وتەۋ سياقتىلارعا شوعىرلاندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەندىرىلۋىنە، تياناقتاندىرىلۋىنا ىقپال جاسايتىن، بۇقارانىڭ مۇددەسىنە نەمقۇرايدى قارايتىن، زيان جەتكىزەتىن فورماشىلدىقتى، تورەشىلدىكتى باتىل تۇزەتۋ كەرەك. قىزمەتتى قورىتىندىلاۋ، ورنالاستىرۋ سياقتى اتتارمەن قالاعانىنشا نەگىزگى ساتىعا مىندەت بەرىپ، ماتەريال سۇراۋدى، ۇقساس مازمۇنداعى بەينە ءماجىلىستى قات - قابات قوسانجارلاي اشۋ، ”ساۋساقتاعى فورماشىلدىق“ سياقتى ماسەلەلەردى دەر كەزىندە رەتتەۋ - تۇزەتۋگە قۋزاپ، شىن مانىندە نەگىزگى ساتىنىڭ اۋىرتپالىعىن جەڭىلدەتۋ كەرەك. ”ون قاتاڭ تيىم سالۋ“ سىندى كەزەك اۋىستىرۋ ءتارتىبى تالاپتارىن قاتاڭ اتقارىپ، كەزەك اۋىستىرۋ قىزمەتىنىڭ اشىق، ايقىن بولۋىنا شىنايى كەپىلدىك ەتۋ كەرەك.

  ونىنشى، شۇعىل جاعدايعا توتەپ بەرۋ بويىنشا كۇزەتۋدى كۇشەيتىپ، قىزمەتتەردىڭ قالىپتى جۇرىلۋىنە كەپىلدىك ەتۋ. 24 ساعات ارناۋلى ادام كەزەكشى بولۋ جانە باسشى كادرلار قىزمەت ورنىندا باستاماشىلدىقپەن كەزەكشى بولۋ، سىرتقا شىقسا تىزىمگە الدىرۋ سياقتى تۇزىمدەردى قاتاڭ اتقارىپ، شۇعىل جاعدايعا توتەپ بەرۋ بويىنشا كۇزەتتە تۇرۋ مىندەتى ءبىرشاما اۋىر، حالىق بۇقاراسىنىڭ وندىرىسىمەن، تۇرمىسىمەن تىعىز قاتىستى ورىندار شۇعىل جاعدايعا توتەپ بەرۋ بويىنشا كۇزەتتە تۇرۋدىڭ ىلەسە قيمىلداۋ مەحانيزمىن اقاۋسىزداندىرۋ كەرەك. شۇعىل جاعدايعا توتەپ بەرۋ بويىنشا قامتاماسىز ەتۋدى، دايىندالۋدى الدىن الا ويداعىداي ىستەپ، اۋىر، ەرەكشە ۇلكەن، تۇتقيىل تۋىلعان وقيعالارعا نەمەسە باسقا ماڭىزدى، شۇعىل احۋالدارعا جولىققاندا، دەر كەزىندە نۇسقاۋ سۇراپ مالىمدەۋ ءارى دەر كەزىندە ۇيلەسىمدى ءبىر جاقتى ەتۋ كەرەك. بۇقاراعا تىكەلەي قىزمەت وتەيتىن ورىندار مەرەكە كەزىندەگى كەزەكشىلىكتى، جۇمىستى ويداعىداي ورنالاستىرۋ ءارى قىزمەت وتەۋ ساپاسىنا كەپىلدىك ەتۋ كەرەك.

  وڭىرلەر، تاراۋلار ”ءتورت تانىمدى“ كۇشەيتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، قىزمەتىنە ادال بولىپ، قىزمەت جاۋاپكەرشىلىگىن ادا ەتىپ، وسى ۇقتىرۋ رۋحىنىڭ ناقتاپ تياناقتاندىرىلۋىنا شىنايى كەپىلدىك ەتۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.