تيانشان تورى
تيانشان تورى   ›   جاڭالىقتار   ›   ماڭىزدى حابارلار

100 جىلدىق اۋەلگى ماقسات سارا جولعا اينالدى، 10 مىڭ شاقىرىمدىق جورىق اسقاق ايبىنمەن باستالدى

− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا تاريحىن ۇيرەنۋ تاربيەسىن باسشىلىق ەتىپ ورىستەتكەندىگى تۋرالى ەستەلىك

  □ شينحۋا اگەنتتىگىنىڭ تىلشىلەرى

  ”باسىپ وتكەن كۇرەس جولىنا قايىرىلا قاراپ، الدىڭعى جاقتاعى ەكپىندەي ىلگەرىلەۋ جولىنا كوز جىبەرگەندە، ءبىز، ءسوز جوق، پارتيانىڭ تاريحىن ويداعىداي ۇيرەنىپ، ويداعىداي قورىتىندىلاپ، پارتيانىڭ تابىستى تاجىريبەلەرىن ويداعىداي جالعاستىرۋىمىز، ويداعىداي ساۋلەلەندىرۋىمىز كەرەك“.

  جۇڭگو كوممۋنيستىك پارتياسى دۇنيەگە كەلگەندىگىنىڭ 100 جىلدىعى سىندى كەلەلى تاريحي ساتتە، شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق شەشىم جاسادى، ءبىر رەتكى ەرەكشە دە ماڭىزدى پارتيا ىشىندەگى شوعىرلى تاربيە − پارتيا تاريحىن ۇيرەنۋ تاربيەسى بيىل بۇكىل پارتيادا دابىرالى ورىستەتىلىپ، پارتيا تاريحىن ۇيرەنۋ ارقىلى قاعيدانى ءتۇسىنۋدىڭ، پارتيا تاريحىن ۇيرەنۋ ارقىلى سەنىمدى ارتتىرۋدىڭ، پارتيا تاريحىن ۇيرەنۋ ارقىلى ءمورالدى اسقاقتاتۋدىڭ، پارتيا تاريحىن ۇيرەنۋ ارقىلى ۇمتىلا ىستەۋدىڭ قىزۋ ورلەۋى كوتەرىلدى.

  تاريحتاعى جولىمىزعا قايىرىلا قاراپ، تاريحتان اقىل - پاراسات قابىلداپ، تاريحي سەنىمدى بەكەمدەپ، تاريحي ىرىقتىلىقتى يگەردى.

  قالىڭ پارتيا مۇشەلەرى پارتيا تاريحىن ۇيرەنۋ تاربيەسى بارىسىندا قىزىل قان تامىردى جالعاستىرىپ، اۋەلگى ماقساتتى، بورىشتى شىڭداپ، ۇيرەنۋ جەتىستىكتەرىن ۇزدىكسىز العا ىلگەرىلەۋدىڭ ەرلىك جىگەر مەن كۇش - قۋاتىنا اينالدىرىپ، اسقاق بەينەمەن جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن قۇلشىنا باستادى.

  جوعارى ارقىلى تومەنگە باستاماشىلىق ەتىپ، الدىمەن ۇلگى كورسەتتى −

  باس شۋجي شي جينپيڭ ءوزى جوسپارلاپ، ءوزى ورنالاستىرىپ، ءوزى ىلگەرىلەتىپ، بۇكىل پارتيانىڭ پارتيا تاريحىن ۇيرەنۋ تاربيەسىن ورىستەتۋىنە ايقىن باعدار كورسەتتى

  11 - ايدىڭ 8 - كۇنى تۇستەن بۇرىن بەيجيڭ جيڭشي قوناق ءۇيى ءماجىلىس عيماراتىنىڭ 1 - قاباتىنداعى ۇلكەن جيىن بولمەسى ايبىندى دا قىزۋ مەرەيگە شومدى، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ 1 - رەتكى جالپى جيىنى وسى ارادا وتكىزىلدى.

  ءبىر جىلدان بەرگى قىزمەتتەرگە جاپپاي كوز جىبەرىپ، باس شۋجي شي جينپيڭ ورتالىق كوميتەت ساياسي بيۋروسى قىزمەتتەردى جالپى بەتتىك ىلگەرىلەتۋمەن بىرگە، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتاۋ، پارتيا تاريحىن ۇيرەنۋ تاربيەسىن ورىستەتۋ، پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىنە دايىندالۋ سىندى ”3 ءىرى ءىستى“ ءتۇيىندى يگەرگەندىگىن تىلگە الدى.

  بۇل ”3 ءىرى ءىستى“، باس شۋجي شي جينپيڭ ەرتەدە - اق ستراتەگيالىق جوسپارلاپ، جوعارى دەڭگەيدە جوبالاپ، ءبىر تۇتاس ورنالاستىردى.

  بۇل ”3 ءىرى ءىس“ نازاردى تۇگەلدەي تاريحتى اينا ەتىپ، بولاشاققا جول اشۋ سىندى ءبىر نەگىزگى تاقىرىپقا شوعىرلاندىرىپ، وسى ءبىر ماقساتتى بەتكە الدى.

  بۇل ”3 ءىرى ءىس“ ورگانيكالى قوسىلا ارەكەت ەتىپ، بىرىنە - ءبىرى تىرەك بولىپ، ءبىرىن - ءبىرى ايشىقتاپ، پارتيا تاريحىن ۇيرەنۋ تاربيەسىن بىرتىندەپ تەرەڭدەۋگە، تولاسسىز قىزۋ ورلەۋ كوتەرىلۋگە باستادى جانە ىلگەرىلەتتى.

  تاريحتى تۇسىنگەندە عانا الىستى كورۋگە بولادى، تاريحتى ۇعىنعاندا عانا الىسقا جەتۋگە بولادى. ءار رەت ماڭىزدى تاريحي ءسات پەن ەلەۋلى تاريحي كەزەڭ كەلگەن سايىن، پارتيامىز تاريحقا قايىرىلا قاراۋعا، تاجىريبەلەردى قورىتىندىلاۋعا باسا ءمان بەرىپ، تاريحتان ۇزدىكسىز العا ىلگەرىلەۋدىڭ اقىل - پاراساتى مەن كۇش - قۋاتىن قابىلدادى.

  ۋاقىت سترەلكاسى 2021 - جىلدى كورسەتكەندە، گۇلدەنۋدى مۇرات ەتكەن جۇڭحۋا ۇلتى شەشۋشى جورىقتىڭ ءتۇيىندى كەزەڭىنە جەتتى.

  ”بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − پارتيا ورتالىق كوميتەتىنىڭ پارتيانىڭ 100 جىلدىق تاريحىنىڭ جاڭا باستاماسىن تياناق ەتىپ، جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، بۇكىل پارتيانى، بۇكىل ەلدى جاپپاي سوتسياليستىك وسىزاماندانعان مەملەكەت قۇرۋعا كوكىرەك كەرنەگەن سەنىممەن ات سالىسۋعا جۇمىلدىرۋ ءۇشىن جاساعان كەلەلى شەشىمى“.

  2 - ايدىڭ 20 - كۇنى كوكتەم مەرەكەسىنىڭ دەمالىسى ەندى عانا وتكەن كەز، 95 ميلليوننان استام پارتيا مۇشەسىن قامتىعان پارتيا ىشىندەگى شوعىرلى ۇيرەنۋ تاربيەسىنىڭ شىمىلدىعى اشىلدى.

  باس شۋجي شي جينپيڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنا قاتىناسىپ ءارى ماڭىزدى ءسوز سويلەپ، پارتيا تاريحىن ۇيرەنۋ تاربيەسىن ورىستەتۋدىڭ كەلەلى ماڭىزىن تەرەڭ بايانداپ، پارتيا تاريحىن ۇيرەنۋ تاربيەسىنىڭ ءتۇيىنى مەن قىزمەت تالاپتارىن تەرەڭ ءتۇسىندىرىپ، پارتيا تاريحىن ۇيرەنۋ تاربيەسىنە جالپى بەتتىك جۇمىلدىردى جانە ورنالاستىرۋ جاسادى.

  ”ءدال دەر كەزىندە بولدى، توتەنشە قاجەتتى“.

  بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ اۋەلگى ماقساتتى، بورىشتى ەستە بەرىك ساقتاۋدىڭ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ىلگەرىلەتۋدىڭ قاجەتتى تالابى، سەنىمدى، نانىمدى بەكەمدەۋدىڭ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ قاجەتتى تالابى، پارتيانىڭ وزىنە - ءوزى توڭكەرىس جاساۋىن ىلگەرىلەتۋدىڭ، پارتيانىڭ جالىندى ومىرشەڭدىك كۇشىن ماڭگى ساقتاۋدىڭ قاجەتتى تالابى.

  پارتيا تاريحىن ۇيرەنۋ ارقىلى قاعيدانى ءتۇسىنۋدى، پارتيا تاريحىن ۇيرەنۋ ارقىلى سەنىمدى ارتتىرۋدى، پارتيا تاريحىن ۇيرەنۋ ارقىلى ءمورالدى اسقاقتاتۋدى، پارتيا تاريحىن ۇيرەنۋ ارقىلى ۇمتىلا ىستەۋدى كورنەكتىلەندىرىپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى ورىندادى، باس شۋجي شي جينپيڭنىڭ ءوزى جوسپارلاپ، ءوزى ورنالاستىرىپ، ءوزى ىلگەرىلەتۋىندە، پارتيا ىشىندەگى وسى رەتكى شوعىرلى تاربيە باستالا سالىسىمەن بۇكىل پارتيادا جوعارىدان تومەنگە دەيىن دەرەۋ ورىستەدى.

  9 - ايدىڭ 13 - كۇنى، شانشيدەگى يۇيليندە قىزمەت تەكسەرىپ جۇرگەن باس شۋجي شي جينپيڭ ياڭجياگوۋ توڭكەرىس بايىرعى جۇرتىنا باردى.

  كوز الداعى بىرنەشە ۇڭگىر ءۇي سوناۋ جىلدارداعى ”جەلتوقسان ءماجىلىسى“ اشىلعان جەر. بايىرعى جۇرتتا، ءبىر جاقتا جۇڭگو تاريحىنا اسەر ەتكەن توڭكەرىستىك اعا بۋىنداردىڭ توپتىق ايكەلى تۇر، ەندى ءبىر جاعىندا، ءماجىلىس كورىنىسىنىڭ ماي بوياۋلى سۋرەتى تۇر. تاريحتىڭ جاڭعىرىعىن دەن قويا تىڭداپ، باس شۋجي ۇزاق ويعا باتتى.

  وسى رەتكى شانبەيگە ساپارىندا، ياڭجياگوۋ توڭكەرىس بايىرعى جۇرتىنان جۇڭگو كوممۋنيستىك پارتياسى سۇيدى ايماقتىق كوميتەتىنىڭ بايىرعى جۇرتىنا، ودان ”قىزىل ۇلگىلى قىستاق“ حاۋجياچياۋ قىستاعىنا دەيىن، باس شۋجي شي جينپيڭ تاريحتىڭ ءىزىن بويلاي ءجۇردى: ”جولدى جاقسى ءجۇرۋ ءۇشىن كەلگەن جولىمىزدى ۇمىتپاۋىمىز كەرەك. وتكەن تار جول، تايعاق كەشۋلەرگە قاراساق، ءبىز سول ارادان كەلگەنبىز، بەلگىلى ءبىر زات نەمەسە قۇبىلىس باستابىندا جاي، قاراپايىم كورىنگەنىمەن، ءبىراق دامي، وزگەرە كەلە وراسان زور ىقپال، وزگەرىس تۋدىرادى“.

  ءبىر جىلدان بەرى باس شۋجي شي جينپيڭ تاريحپەن ۇشتاستىرىپ، رەالدىقتى زەردەلەپ، تەرەڭدەي ءتۇسىندىرىپ، تالاپتاردى ورتاعا قويدى.

  جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا، باس شۋجي شي جينپيڭ 100 جىلدىق جورىقتىڭ ايقىن نەگىزگى تاقىرىبىن تەرەڭ بايانداپ، 100 جىلدىق كۇرەستىڭ شۇعىلالى تاريحىن جۇيەلى قورىتىندىلاپ، ۇزدىكسىز العا ىلگەرىلەۋدىڭ ۇلى ۇندەۋىن العا قويدى.

  فۋجياندا، ”تاريحتى ۇيرەنۋ ارقىلى قاعيدانى ءتۇسىنۋدى“ ءتۇسىندىردى: ”جۇڭگو كوممۋنيستىك پارتياسى نە ءۇشىن ىسكەر، ماركسيزم نە ءۇشىن جارامدى، جۇڭگوشا سوتسياليزم نە ءۇشىن جاقسى، ت. ب دەگەن قاعيدالاردى جەتە ءتۇسىنۋ كەرەك“، ”جۇڭگو كوممۋنيستىك پارتياسىنىڭ باسشىلىعىنا تاباندى بولۋدىڭ تاريحي سوزسىزدىگىن جەتە ءتۇسىنۋ كەرەك“، ”ماركسيزمنىڭ، سونداي - اق ونىڭ جۇڭگوشالانعان جاسامپاز نازارياسىنىڭ اقيقاتتىق سيپاتىن جەتە ءتۇسىنۋ كەرەك“، ”جۇڭگوشا سوتسياليزم جولىنىڭ دۇرىستىعىن جەتە ءتۇسىنۋ كەرەك“.

  گۋاڭشيدە، ”تاريحتى ۇيرەنۋ ارقىلى سەنىمدى ارتتىرۋدى“ باسا دارىپتەدى: ”ماركسيزم، كوممۋنيزم جونىندەگى نانىمدى كۇشەيتۋ كەرەك“، ”جۇڭگوشا سوتسياليزم جونىندەگى ۇستانىمدى كۇشەيتۋ كەرەك“، ”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جونىندەگى سەنىمدى كۇشەيتۋ كەرەك“، ”نانىم، ۇستانىم، سەنىم − ءبىزدىڭ بارلىق كۇشتى جاۋدى جەڭۋىمىزدەگى، بارلىق قيىنشىلىقتى جەڭۋىمىزدەگى، بارلىق جەڭىسكە قول جەتكىزۋىمىزدەگى قۇدىرەتتى رۋحاني كۇش - قۋاتىمىز“.

  چيڭحايعا بارعاندا، ”تاريحتى ۇيرەنۋ ارقىلى ءمورالدى اسقاقتاتۋدى“ ءتۇسىندىردى: ”قالىڭ پارتيا مۇشەلەرىن، كادرلاردى قىزىل گەندى جالعاستىرۋعا، اسقاق ءمورالدىق قاسيەتتى نارلەندىرىپ“، ”پارتياعا ادال بولۋ ۇلى ءمورالىن اسقاقتاتۋعا“، ”حالىقتى باقىتقا كەنەلتۋ الەۋمەتتىك ءمورالىن اسقاقتاتۋعا“، ”ءوزىن قاتاڭ تارتىپكە سالاتىن ءمورالدىق قاسيەتتى اسقاقتاتۋعا جەتەكتەۋ كەرەك“.

  شيزاڭعا بارعاندا، ”تاريحتى ۇيرەنۋ ارقىلى ۇمتىلا ىستەۋگە“ ۇندەدى: ”تاريحتى ۇيرەنۋ ارقىلى قاعيدانى ءتۇسىنۋدىڭ، تاريحتى ۇيرەنۋ ارقىلى سەنىمدى ارتتىرۋدىڭ، تاريحتى ۇيرەنۋ ارقىلى ءمورالدى اسقاقتاتۋدىڭ جەتىستىكتەرىن سۋبيەكتيۆ دۇنيە مەن وبيەكتيۆ دۇنيەنى وزگەرتۋدىڭ ءىس جۇزىندىك ارەكەتىنە اينالدىرۋ كەرەك“، ”پارتيالىلىقتى شىڭداۋدا ۇمتىلا ىستەۋ كەرەك“، ”حالىق ءۇشىن قىزمەت ىستەۋدە ۇمتىلا ىستەۋ كەرەك“، ”دامۋدى ىلگەرىلەتۋدە ۇمتىلا ىستەۋ كەرەك“.

  باميننىڭ بايتاق جەرىنەن باگۇي اۋىلىنا دەيىن، كورىكتى چيڭحايدان شيزاڭ ۇستىرتىنە دەيىن... باس شۋجي شي جينپيڭ جاندى دا تەرەڭ ”پارتيا تاريحى تاربيەسى ساباقتارىمەن“ بۇكىل پارتيانىڭ پارتيا تاريحىن ۇيرەنۋ تاربيەسىن ويداعىداي ورىستەتۋىنە ءتۇبىرلى بويسۇنۋ ولشەمىن ازىرلەدى.

  6 - ايدىڭ 18 - كۇنى، جۇڭگو كوممۋنيستىك پارتياسى تاريح كورمە سارايىنىڭ قىزىل زالى ايبىندى بەينەگە ەندى. باس شۋجي شي جينپيڭ ورتالىقتاعى باسشى جولداستار مەن پارتيالى باسشى كادرلاردى باستاپ جۇڭگو كوممۋنيستەرىنىڭ وسى رۋحاني سارايىنا كەلىپ، نارت قىزىل پارتيا تۋىنا قاراپ تۇرىپ، وڭ قولدارىن كوتەرىپ، پارتياعا كىرۋ سەرتىن قايتالاي ەسكە ءتۇسىردى.

  ”مەن ءوز ەركىممەن جۇڭگو كوممۋنيستىك پارتياسىنا كىرەمىن، پارتيانىڭ باعدارناماسىن جاقتايمىن، پارتيانىڭ ۋستاۆىنا بويسۇنامىن... كوممۋنيزم ءۇشىن اقتىق دەمىمە دەيىن كۇرەسەمىن، پارتيا مەن حالىققا بارىمدى قۇربان ەتۋگە قاي - قاشان دا دايىنمىن، پارتياعا ەشقاشان دا وپاسىزدىق ىستەمەيمىن“. ەكپىندى سەرت ءۇنى زالدا ۇزاققا دەيىن جاڭعىرىپ تۇردى.

  باس شۋجي شي جينپيڭ كوممۋنيستەردىڭ ەڭ شىنايى، ەڭ ايبىندى تاسىلىمەن بۇكىل پارتياعا شۇعىلالى ونەگە كورسەتتى.

  بىرنەشە كۇننەن كەيىن، باس شۋجي شي جينپيڭ ورتالىق كوميتەت ساياسي بيۋروسىنداعى جولداستاردى باستاپ بەيجيڭ داشۋەسىنىڭ قىزىل عيماراتىنا جانە فىڭزىيۋان ماۋ زىدۇڭ جولداستىڭ بايىرعى تۇراعىنا بارىپ، ەكسكۋرسيالاۋ مەن تالقىنى ۇشتاستىرۋ تاسىلىمەن ورتالىق كوميتەت ساياسي بيۋروسىنىڭ 31 - رەتكى توپتىق ۇيرەنۋىن وتكىزدى.

  ”ءاربىر تاريحي وقيعا، ءاربىر توڭكەرىستىك قاھارمان، ءاربىر توڭكەرىستىك رۋح، ءاربىر توڭكەرىستىك مادەني مۇرا تۇگەلدەي پارتيامىز باسىپ وتكەن شۇعىلالى بارىسقا، قول جەتكىزگەن كەلەلى جەتىستىككە ۋاكىلدىك ەتىپ، پارتيامىزدىڭ ارمانى مەن تالپىنىسىن، سۇيىسپەنشىلىگى مەن جاۋاپكەرشىلىگىن، قۇرباندىق بەرۋى مەن ۇلەستەرىن ايگىلەپ، توپتالا كەلە پارتيامىزدىڭ قىزىل قان تامىرىن قالىپتاستىردى“.

  جۇرەكتە سەنىم بولسا، الىسقا جەتۋگە بولادى؛ ۇيرەنگەندى تۇسىنگەندە، تاباندى ارەكەت ەتۋگە بولادى.

  تالاي رەت ءوزى ونەگە كورسەتۋ ارقىلى باس شۋجي شي جينپيڭ قالىڭ پارتيا مۇشەلەرىن پارتيا تاريحىن ۇيرەنۋ بارىسىندا اقىل - پاراساتتى وياتۋعا، مىنەز - قۇلىقتى شىڭداۋعا، الدىڭعىلاردىڭ ءىزىن باسىپ بولاشاققا جول اشۋعا، ءورىس اشا العا ىلگەرىلەۋگە تاربيەلەدى، جەتەكتەدى.

  ”پارتيانىڭ تاريحي دامۋىنىڭ نەگىزگى تاقىرىبىن، نەگىزگى جەلىسىن، نەگىزگى اعىمىن، نەگىزگى ءمانىن دالمە - ءدال يگەرىپ، تاريحتى تەرىستەۋشىلىككە تۋى ايقىن تۇردە قارسى تۇرۋ جانە ونى تەجەۋ كەرەك“، ”بۇكىل پارتيانى پارتيانىڭ ەرەكشە تاريحي بەلەسىنەن ماركسيزمنىڭ جۇڭگونى قالاي تەرەڭ وزگەرتكەندىگىن، دۇنيەنى قالاي تەرەڭ وزگەرتكەندىگىن تۇسىنۋگە تاربيەلەۋ، جەتەكتەۋ كەرەك“... دۇرىس پارتيا تاريحى كوزقاراسىن ورناتۋدى جانە نازاريالىق جەتەكشىلىككە ءمان بەرۋدى باس شۋجي قاي - قاشان دا كوكەيىندە ساقتادى.

  ”پارتيا تاريحىن ۇيرەنۋ تاربيەسىن كۇشەيتۋ، سونىمەن بىرگە جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋ كەرەك“، ”پارتيا تاريحىن ۇيرەنۋدى، پارتيا تاريحىن سويلەۋدى اڭگىمە ايتۋ، اڭگىمە تىڭداۋ دەڭگەيىندە قالدىرىپ قويۋعا بولمايدى“، ”قىزىل بايلىقتان ويداعىداي پايدالانۋ كەرەك“... نازاردى ۇيرەنۋ ادىسىنە شوعىرلاندىرۋ كەرەك، باس شۋجي وسىلايشا ىقىلاستى ءتالىم بەردى.

  ”جاستار مەن ورەندەردىڭ ۇيرەنۋ تاربيەسىن ويداعىداي يگەرىپ، قىزىل گەندى، توڭكەرىس ۇشقىنىن ۇرپاقتار بويى جالعاستىرۋ كەرەك“، ”قالىڭ جاستار وتاندى ءسۇيىپ، حالىقتى ءسۇيىپ، پارتيا تاريحىن ۇيرەنۋ بارىسىندا سەنىمدى قاۋلاتۋ، شابىت الۋ، كۇش قابىلداۋ كەرەك“... جاس ۇرپاققا كوڭىل بولگەن باس شۋجي تەرەڭ ماعىنادا وسىلاي دەدى.

  باس شۋجي شي جينپيڭنىڭ زەر سالا جوسپارلاۋىندا، ءوزى ىلگەرىلەتۋىندە، وسى ”پارتيانىڭ ساياسي تۇرمىسىنداعى ءىرى ءىس“ باستان - اياق دۇرىس ساياسي بەتالىسپەن، دالمە - ءدال ارەكەت بەتالىسىمەن، ايقىن اماليات جەتەكشىلىگىمەن بۇكىل پارتيادا ىشكەرىلەي ىلگەرىلەدى.

  شىندىققا جۇگىنىپ، ناقتى ىستەپ، تۋراشىلدىقتان تايماي، جاڭالىق اشتى −

  بۇكىل پارتيادا جوعارىدان تومەنگە دەيىن ايرىقشا ءمان بەرىپ، تارتىپپەن ۇيىمداستىرىپ، تىڭعىلىقتى ىلگەرىلەتىپ، پارتيا تاريحىن ۇيرەنۋ تاربيەسىنىڭ مىندەتتەرىن جوعارى ولشەمدە، جوعارى ساپادا ورىندادى

  قاقاعان قىس مەزگىلى، جيلين ولكەسى چاڭچۇن قالاسى كۋانچىڭ رايونى چاڭشان حۋايۋان الەۋمەتتىك اۋماعىنىڭ ءماجىلىس بولمەسىنەن جىلى لەپ ەستى.

  ”بۇل پارتيامىزدىڭ ءۇشىنشى تاريحي قارارى، ءمانى ەرەكشە زور“، ”وسى ’ون تاباندى بولۋ‘ پارتيامىزدىڭ 100 جىلدىق كۇرەسىنىڭ تابىس قۇپياسى“، ”’ەكىنى تۇراقتاندىرۋ‘ ادامداردىڭ ورتاق جۇرەك ءۇنىن بەينەلەدى“... الەۋمەتتىك اۋماقتاعى نەگىزگى ساتى پارتيا مۇشەلەرى قورالانا وتىرىپ، اركىم ءوز ويىن ورتاعا سالىپ، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن ۇيرەنۋدەن العان اسەرلەرىن ورتاقتاستى.

  نەگىزگى ساتى الەۋمەتتىك اۋماعىنداعى وسى ءبىر دۋماندى ۇيرەنۋ كورىنىسى ءدال بۇكىل پارتيادا جوعارىدان تومەنگە دەيىن كەڭىنەن ورىستەتىلگەن پارتيا تاريحىن ۇيرەنۋ تاربيەسىنىڭ جاندى دا ىقشام كورىنىسى ەسەپتەلەدى.

  اتتانىسقا كەلتىرىپ ورنالاستىرۋدان جاپپاي ىلگەرىلەتۋگە، ودان ساتى - ساتى بويىنشا تەرەڭدەتۋگە دەيىن، پارتيا تاريحىن ۇيرەنۋ تاربيەسىنىڭ ءساتتى ورىستەتىلۋى بۇكىل پارتيانىڭ ۇيىمداستىرۋ قابىلەتى، اتتانىسقا كەلتىرۋ قابىلەتى، ارەكەتتەنۋ قابىلەتى جونىنەن ءبىر رەتكى سىناق بولدى.

  پارتيا ورتالىق كوميتەتىنىڭ پارمەندى باسشىلىعىندا، پارتيا تاريحىن ۇيرەنۋ تاربيەسى باسشىلىق گرۋپپاسىنىڭ جەتەكشىلىگىندە، ءار دارەجەلى پارتيا ۇيىمدارى وسكەلەڭ ساياسي سانالىلىقپەن پارتيا تاريحىن ۇيرەنۋ تاربيەسىن ماڭىزدى مىندەت ساناپ، تىڭعىلىقتى ورنالاستىرىپ، دەن قويا جايعاستىرىپ، ءىس جۇزىندىك جاعدايدى تياناق ەتىپ، تۋراشىلدىقتان تايماي، جاڭالىق اشىپ، ۇيرەنۋ تاربيەسىنىڭ مىندەتتەرىن جوعارى ولشەمدە، جوعارى ساپادا ورىندادى.

  − ۇگىت لەكسيا ورىستەتىپ، ۇيرەنۋ تاربيەسىنىڭ نەگىزگى ساتىعا تەرەڭدەۋىن ىلگەرىلەتتى.

  پارتيا تاريحىن ۇيرەنۋ تاربيەسىنىڭ بۇقاراعا تەرەڭدەۋىن، جۇرت جۇرەگىنە تەرەڭ ۇيالاۋىن ىلگەرىلەتۋ ءۇشىن، ورتالىق كوميتەت ورتالىق كوميتەت ۇگىت ءبولىمىنىڭ ورتالىقتاعى قاتىستى تاراۋلارمەن بىرگە پارتيا تاريحىن ۇيرەنۋ تاربيەسى جونىندەگى ورتالىق ۇگىت لەكسيا ۇيىرمەسىن قۇرۋىن ۇيعاردى.

  3 - ايدىڭ 16 - كۇنى، حالىق سارايىنىڭ كىشى زالىندا پارتيا تاريحىن ۇيرەنۋ تاربيەسى جونىندەگى ورتالىق ۇگىت لەكسيا ۇيىرمەسىنىڭ العاشقى بايانداما ءماجىلىسى وتكىزىلدى. بەيجيڭدەگى پارتيا، ۇكىمەت، ارميا ورگاندارىنداعى كادرلار، ورتالىق كاسىپورىندارىنىڭ جاۋاپتىلارى، جوعارى مەكتەپ وقىتۋشى - وقۋشىلارىنىڭ ۋاكىلدەرى جانە ءار سالاداعى بۇقارا بولىپ جيىنى 700دەن استام ادام ەرتە كەلىپ جايعاسىپ، ۇگىت لەكسيا بايانداماسىن تىڭدادى.

  ”پارتيا تاريحىن ۇيرەنۋ تاربيەسىن ويداعىداي ورىستەتۋدىڭ قانداي كەلەلى ماڭىزى بار“،”ۇيرەنۋ تاربيەسى قايسى جاقتاردى ءتۇيىندى تۇردە قامتيدى“... ورتالىق ۇگىت لەكسيا ۇيىرمەسىنىڭ مۇشەلەرى ەگجەي - تەگجەيلى ءتۇسىندىرىپ، سول جەردەگى تىڭدارمانداردى تەرەڭ تۇسىنىككە يە ەتتى.

  5 كۇننەن كەيىن فۋجيان ولكەسى فۋجوۋ قالاسى ما - ۋي رايونى بينجياڭ الەۋمەتتىك اۋماعىنىڭ پارتيا مۇشەلەرىنە، بۇقاراعا قىزمەت وتەۋ ورتالىعى دۋمانعا بولەنىپ، ءالسىن - ءالى شاپالاق ءۇنى ەستىلدى.

  ”پارتيا تاريحىن ۇيرەنۋ تاربيەسىندە نەگىزگى ساتىداعى پارتيالى كادرلاردىڭ پارتيانىڭ سيپاتى، باس ماقساتى جونىندەگى تانىمىن تەرەڭدەتۋىنە قالاي جەتەكشىلىك ەتۋ كەرەك“، ”قايتكەندە حالىق ءۇشىن ناقتى ءىس ىستەپ، قيىن ماسەلەلەردى اناعۇرلىم ويداعىداي شەشۋگە بولادى“... نەگىزگى ساتىداعى كادرلاردىڭ ءوز قىزمەتتەرىمەن بىرلەستىرىپ العا قويعان ماسەلەلەرىنە ساي، ۇگىت لەكسيا ۇيىرمەسىنىڭ مۇشەلەرى ەگجەي - تەگجەيلى، مۇقيات جاۋاپ بەردى.

  ورگان، مەكەمە - ورىنداردان قالا، اۋىل - قىستاقتارعا دەيىن، مەكتەپ، كاسپورىنداردان سەح، زاۆود - كەندەرگە دەيىن، ورتالىق ۇگىت لەكسيا ۇيىرمەسىنىڭ مۇشەلەرى ءبىرىنشى شەپكە ىشكەرىلەي بارىپ، نەگىزگى ساتىداعى پارتيالى كادرلارمەن، بۇقارامەن بەتپە - بەت كەزىگىپ، كوپشىلىك كوڭىل بولگەن ماسەلەلەر توڭىرەگىندە باي مازمۇندى ۇگىت لەكسيا قيمىلىن ورىستەتىپ، پارتيا تاريحىن ۇيرەنۋدى ۇعىنىقتى، قونىمدى، تەرەڭدەي، ناقتى جۇرگىزدى.

  ءبىر قىدىرۋ شوعىرلى ۇگىت لەكسيا قيمىلىندا ورتالىق ۇگىت لەكسيا ۇيىرمەسى رايونداردا، تاراۋلاردا، ورىنداردا 80 نەشە رەت بايانداما جاساپ، ءتۇرلى فورمادا 100 نەشە رەت ىقپالداسۋ، اۋىس - كۇيىس جاساۋ قيمىلىن ورىستەتىپ، تىكەلەي تىڭداۋشىلار 90 مىڭ ادامعا تايادى، تەلەۆيزوردا تىكە تاراتۋ، ينتەرنەتتە جالعاپ تاراتۋ سياقتى جولدار ارقىلى كورگەن، تىڭداعان ادام 79 ميلليون رەتتەن اسىپ، پارتيالى كادرلاردىڭ، بۇقارانىڭ قىزۋ قارسى الۋىنا بولەندى.

  − قاتاڭ باقىلاپ، ناقتى جەتەكشىلىك ەتىپ، ورتالىقتىڭ رۋحىنىڭ تياناقتانىپ تامىر تارتۋىنا شىنايى كەپىلدىك ەتتى.

  بيىل 5 - ايدا پارتيا ورتالىق كوميتەتىنىڭ ورنالاستىرۋىنا ساي، پارتيا تاريحىن ۇيرەنۋ تاربيەسى باسشىلىق گرۋپپاسى ورتالىقتىڭ جەتەكشىلىك ەتۋ گرۋپپاسىنان 25ىن جىبەردى، مۇنداعى 10 گرۋپپا ولكەگە (رايون، قالا) جانە شينجياڭ ءوندىرىس - قۇرىلىس بيڭتۋانىنا جەتەكشىلىك ەتۋگە جاۋاپتى بولدى، 15 گرۋپپا ورتالىقتىڭ جانە مەملەكەت ورگاندارىنىڭ ءارقايسى مينيسترلىكتەرى مەن كوميتەتتەرىنە، حالىقتىق ۇيىمدارعا جەتەكشىلىك ەتۋگە جاۋاپتى بولدى.

  مۇنان تىس، پارتيا تاريحىن ۇيرەنۋ تاربيەسى باسشىلىق گرۋپپاسىنىڭ تاپسىرۋىمەن جۇڭگو بانكە - قامسىزداندىرۋ باقىلاۋ - باسقارۋ كوميتەتى، مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى، وقۋ - اعارتۋ مينيسترلىگى 18 جەتەكشىلىك ەتۋ گرۋپپاسىن جىبەرىپ، ورتالىق باسقاراتىن فينانس كاسىپورىندارىنىڭ، ورتالىق باسقاراتىن كاسىپورىنداردىڭ، ورتالىق باسقاراتىن جوعارى مەكتەپتەردىڭ پارتيا تاريحىن ۇيرەنۋ تاربيەسىنە جەتەكشىلىك ەتۋ قىزمەتىنە جاۋاپتاندىردى.

  ورتالىقتىڭ رۋحىن جاقسى ءتۇسىنۋ، جاقسى جەتكىزۋ، جاقسى دايەكتىلەندىرۋ ءۇشىن، ورتالىقتىڭ جەتەكشىلىك ەتۋ گرۋپپالارى وزدەرى جەتەكشىلىك ەتەتىن جەرلەرگە، تاراۋلارعا، ورىندارعا جىلدام جايعاسىپ، جاعدايدى جان - جاقتى ۇعىسىپ، قاتاڭ جەتەكشىلىك ەتىپ، وتكەلدى يگەرىپ، بايقالعان ماسەلەلەرگە ساي دەر كەزىندە شاقىرىپ سويلەسىپ، ەسكەرتىپ، جەر - جەردىڭ، تاراۋلاردىڭ، ورىنداردىڭ پارتيا ورتالىق كوميتەتىنىڭ ورنالاستىرۋىن، تالابىن پارتيا تاريحىن ۇيرەنۋ تاربيەسىنىڭ تۇتاس بارىسىندا، ءار جاعىندا قاز - قالپىندا دايەكتىلەندىرۋىن، تياناقتاندىرۋىن ىلگەرىلەتتى.

  ”1 - شىلدەدەگى“ ماڭىزدى ءسوزدىڭ رۋحىن دەر كەزىندە جەتكىزىپ، دايەكتىلەندىردى، ۇيرەنۋ تاربيەسىنىڭ جەتىستىكتەرىن كەزدەيسوق ۇلگى الىپ تەكسەرۋدى باياندى جۇرگىزدى... ورتالىقتىڭ جەتەكشىلىك ەتۋ گرۋپپالارى ءوز ورنىن دالمە - ءدال يگەرىپ، جەتەكشىلىك ەتۋ قىزمەتىنىڭ باعىتتامالىلىعىن، ناقتى ونىمدىلىگىن، عىلميلىعىن كۇشەيتتى.

  12 - ايدىڭ ورتا شەنىنە دەيىن، ورتالىقتىڭ جەتەكشىلىك ەتۋ گرۋپپاسى جانە ورتالىق باسقاراتىن فينانس كاسىپورىندارىنىڭ، ورتالىق باسقاراتىن كاسىپورىنداردىڭ، ورتالىق باسقاراتىن جوعارى مەكتەپتەردىڭ جەتەكشىلىك ەتۋ گرۋپپالارى جيىنى 4182 نەگىزگى ساتى ورنىنا بارىپ تەكسەرۋ - زەرتتەۋ جۇرگىزىپ، جەتەكشىلىك ەتتى؛ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ارقاۋ ەتىپ، ولكە، مينيسترلىك دارەجەلى باسشىلىق القاسىنىڭ حالىق ءۇشىن ناقتى ءىس ىستەگەن ىستەر تىزىمىنەن 776سىن (رەت) وقىپ تەكسەرىپ، 1053 رەت اڭگىمە ءماجىلىس اشىپ، 7150 پارتيالى كادرمەن، بۇقارامەن كەزدەيسوق اڭگىمەلەسىپ، پارتيا تاريحىن ۇيرەنۋ تاربيەسىنىڭ ءساتتى ورىستەتىلۋىنە پارمەندى قامتاماسىزدىق ازىرلەدى.

  − ىشكەرىلەي بورشالاپ، ارناۋلى تاقىرىپتىق ۇيىمدىق تۇرمىس جيىنىنان جاڭا بەينە، جاقسى ناتيجە كورسەتتى.

  ”مەن مىناداي پىكىر ايتپاقشىمىن، اۋىل - قىستاقتى گۇلدەندىرۋدەن ۇلگى كورسەتۋ قىستاعى بولعان، حالىقتىق سالت - سانا كوشەسىندە تاعى كوپتەگەن اق ءتۇستى قوقىر - قوقسىق بار، گۇل تەكشەسىندەگى كورىنىستەر بىركەلكى ەمەس، ءار كۇنى سىرتتان كەلەتىن نەشە جۇزدەگەن ساياحاتشى مۇنى كورسە نە دەپ ويلايدى؟“، بۇل ءبىر قىستاق پارتيا ياچەيكاسىنىڭ ارناۋلى تاقىرىپتىق ۇيىمدىق تۇرمىس جيىنىندا ءبىر پارتيا مۇشەسىنىڭ ياچەيكا شۋجيىنە بەرگەن سىن پىكىرى.

  اسەرلەرىن سويلەدى، قول جەتكىزگەن تابىستارىن اڭگىمەلەدى، ماسەلەنى العا قويىپ، پارىقتى تاۋىپ، ولقىلىقتى تولىقتاپ، ساپانى، ونىمدىلىكتى جوعارىلاتتى. بيىل ”1 - شىلدەدەن“ كەيىن جەر - جەر، تاراۋلار، ورىندار ۇيىمدىق باسشىلىقتى كۇشەيتىپ، نىسانا - مىندەتتى ايقىنداپ، دەن قويا جوبا جاساپ، ارناۋلى تاقىرىپتىق ۇيىمدىق تۇرمىس جيىنىندا ۇيرەنۋ ونىمدىلىگىن سىننان وتكىزدى.

  ورگانداردا، ارناۋلى تاقىرىپتىق ۇيىمدىق تۇرمىس جيىنى باسشى كادرلاردىڭ جاي پارتيا مۇشەلەرىمەن بەتپە - بەت پىكىر اۋىستىرىپ، شىنايى سىرلاسىپ، ماسەلەنى بىرگە تابۋىنا مۇمكىندىك جاسادى؛ نەگىزگى ساتىدا، ارناۋلى تاقىرىپتىق ۇيىمدىق تۇرمىس جيىنى ىندەتكە قارسى اتتانۋدىڭ ”شايقاس مايدانى“ جانە وقۋشى پارتيا مۇشەلەرىنىڭ اماليات بازاسى سياقتى ءبىرىنشى شەپتە اشىلىپ، جيىندا ناقتى ونىمدىلىككە قول جەتكىزۋگە شىنايى كەپىلدىك ەتتى.

  سىن ايتۋ رايى كۇشتى ارناۋلى تاقىرىپتىق ۇيىمدىق تۇرمىس جيىنى پارتيا تاريحىن ۇيرەنۋ تاربيەسى بارىسىن پارتيا ىشىندەگى ساياسي تۇرمىستىڭ سىن جانە ءوز - وزىنە سىن ايتۋ ستيلىن تولىق ساۋلەلەندىرۋ بارىسىنا اينالدىرىپ، ”ۋىتتى ايداپ، اۋرۋدى ەمدەيتىن“، ” كالتسي تولىقتاپ، تۇلعانى شىمىرلايتىن“ پارتيالىلىق تاربيە بارىسىنا اينالدىرىپ، پارتيالى كادرلاردىڭ ساياسي سانالىلىعىن، يدەيالىق سانالىلىعىن جانە ارەكەت سانالىلىعىن ۇزدىكسىز جوعارىلاتۋىنا كۋا بولدى.

  − فورمادا جاڭالىق اشىپ، پارتيا تاريحىن ۇيرەنۋ تاربيەسىمەن جاپپاي قامتۋدى، جانداندىرۋدى، تەرەڭدەتۋدى ىلگەرىلەتتى.

  بۇل جولعى پارتيا تاريحىن ۇيرەنۋ تاربيەسى الدىڭعى كەزەكتەردەگى پارتيا ىشىندەگى شوعىرلى تاربيەنىڭ تاماشا ادىستەرىن، جاقسى تاجىريبەلەرىن مۇقيات قابىلداپ، پارتيا تاريحىن ۇيرەنۋ تاربيەسىنىڭ ەرەكشەلىگىن جانە پارتيا مۇشەلەرىنىڭ، كادرلاردىڭ ءىس جۇزىندىك قاجەتىن تياناق ەتىپ، مازمۇنىن ۇزدىكسىز كەڭەيتۋ نەگىزىندە، ءبىر قىدىرۋ جاسامپازدىققا باي ۇيرەنۋ ادىستەرىن، ۇيرەنۋ دانەكەرلەرىن قاراستىرىپ قالىپتاستىرىپ، كىتاپتان ۇيرەنۋدى، امالياتتان ۇيرەنۋدى، سول جەردىڭ وزىندە ۇيرەنۋدى ۇشتاستىرىپ، ”مەن ۇيرەنەمىن“ دەيتىن جالىندى جاعداي قالىپتاستىردى.

  ەكرانداستىرا ۇيرەنۋگە، سيفرلاندىرا ۇيرەنۋگە ءمان بەرىلدى، ءبىر توپ پارتيا تاريحى لەكسيا كەسكىن كورسەتىلىمدەرى قويىلىپ، تاراتىلىپ، كينو - تەلەۆيزيا، تەاتر، اسەمونەر، مۋزيكا سىندى كوركەمونەر تاسىلدەرىنەن جان - جاقتىلى پايدالانىلىپ، ءبىر قىدىرۋ جاڭا ءارى جاندى جاڭامەديا تۋىندىلارى جاراتىلىپ، پارتيا تاريحىمەن ”كۇندە جۇزدەسۋ“، ”ءار ۋاق جۇزدەسۋ“، ”بارلىق جەردە جۇزدەسۋ“ سىندى جاندى دا جالىندى كورىنىس قالىپتاستىرىلدى.

  شي جينپيڭنىڭ «جۇڭگو كوممۋنيستىك پارتياسىنىڭ تاريحى جونىندە»، «ماۋ زىدۇڭ، دىڭ شياۋپيڭ، جياڭ زىمين، حۋ جينتاۋدىڭ جۇڭگو كوممۋنيستىك پارتياسىنىڭ تاريحى تۋرالى بايىمداۋلارىنان ۇزىندىلەر جيناعى»، «شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدەن سۇراۋ - جاۋاپتار»، «جۇڭگو كوممۋنيستىك پارتياسىنىڭ قىسقاشا تاريحى» سىندى پارتيا تاريحىن ۇيرەنۋ تاربيەسىنىڭ بەلگىلەنگەن 4 كىتابىن ىشكەرىلەي ۇيرەنىپ، «جۇڭحۋا حالىق رەسپۋبليكاسىنىڭ قىسقاشا تاريحى»، «رەفورما جاساۋ، ەسىك اشۋ قىسقاشا تاريحى»، «سوتسياليزم دامۋىنىڭ قىسقاشا تاريحى» سىندى ماڭىزدى پايدالانۋ ماتەريالدارىنان ويداعىداي پايدالانىپ، نەگىزگى ساتىداعى پارتيا مۇشەلەرىنىڭ ۇيرەنۋدەن ناتيجەگە جەتۋىن، ۇيرەنۋدەن تۇسىنىككە يە بولۋىن تەرەڭدەتتى.

  اۋىل - قىستاقتاعى پارتيا مۇشەلەرىنىڭ، جىلجىمالى پارتيا مۇشەلەرىنىڭ ۇيرەنۋ تاربيەسىن ناقتى يگەرۋ، ويداعىداي يگەرۋ ءۇشىن، نەگىزگى ساتى جابال ءىس جۇزىندىككە ۇشتاستىرىپ، پارتيا تاريحىن ۇيرەنۋ تاربيەسىنىڭ جاپپاي قامتۋىنا شىنايى كەپىلدىك ەتتى.

  پارتيا مۇشەلەرىن ەسكەرتكىش سارايلارىنا، كورمە سارايلارىنا بارىپ قىزىل ىزدەردى سەزىنۋگە ۇيىمداستىرىپ، زەيىن سىناۋ جارىسى، كىتاپ وقۋ، ماقالا قابىلداۋ سىندى قيمىلداردى ورىستەتىپ ۇيرەنۋ قىزعىندىلىعىن قاۋلاتتى، قاھارمان ۇلگى ۋاكىلدەرىن نەگىزگى تاقىرىپتىق پارتيا تاريحى ساباقحاناسىنا كەلىپ پارتياعا ماڭگى ىلەسۋ جونىندەگى تەرەڭ اسەرلەرىمەن بولىسۋگە ۇسىنىس ەتتى، كينو - تەلەۆيزيا پارتيا ساباعىن، مۋزيكا پارتيا ساباعىن، تەاتر پارتيا ساباعىن اشىپ، ”پارتيا تاريحى مادەنيەت تاقتاسى“ سياقتى ۇيرەنۋ دانەكەرلەرىن بەلگىلەدى...

  جەر - جەر، تاراۋلار، ورىندار مازمۇندا، فورمادا، ادىستە جاڭالىق اشۋدى ۇزدىكسىز ىلگەرىلەتىپ، قالىڭ پارتيا مۇشەلەرى اراسىندا ۇيرەنۋ قىزۋ ورلەۋىن كوتەرىپ، پارتيا تاريحىن ۇيرەنۋ تاربيەسىنىڭ بۇقارا اراسىنا، نەگىزگى ساتىعا ىشكەرىلەي جەتكىزىلۋىن، جۇرت جۇرەگىنە تەرەڭ ۇيالاۋىن ىلگەرىلەتىپ، ۇيرەنۋ ارقىلى تولعانۋدى، ۇيرەنۋ ارقىلى ءتۇسىنۋدى، ۇيرەنۋ ارقىلى ناتيجەگە يە بولۋدى شىن مانىندە ورىندادى.

  تاريحتى اينا ەتىپ، بولاشاققا جول اشتى −

  قالىڭ پارتيا مۇشەلەرى پارتيا تاريحىن ۇيرەنۋ تاربيەسى بارىسىندا اۋەلگى ماقساتتى ءتۇسىنىپ، بورىشتى امالياتتا ايگىلەپ، ۇزدىكسىز العا ىلگەرىلەۋدىڭ كۇرەس ىنتاسىن قاۋلاتتى

  ”قىزىل الحورى گۇلدەرى شەشەك اتتى، شوق - شوق بولىپ كوز تارتتى...“. بيىل 6 - ايدا پارتيانىڭ 100 جاسقا كەلگەن تۋعان كۇنى قارساڭىندا سيمفونيالىق سۇيەمەلسىز ءان تەاترى «جياڭجيە» چيڭحۋا داشۋەسىنىڭ جاڭا چيڭحۋا مەكتەبىندە ورىندالدى. كونسەرتتە ”جياڭجيەنىڭ“ ۇستانىمى بەرىك، پارتياعا ادال، ولىمنەن قورىقپايتىن توڭكەرىستىك رۋحى زالداعى وقىتۋشى - وقۋشىلاردى تەرەڭ اسەرگە بولەدى.

  كوپتەگەن وقىتۋشى - وقۋشىلار كونسەرتتى تاماشالاعاننان كەيىن تەبىرەنىپ: ”بۇل فورماسى جاندى پارتيا تاريحى ساباعى بولدى، جەلەكتى قاھارمان ’جياڭجيە‘ جونىندەگى تانىمىمىزدى اناعۇرلىم تەرەڭدەتىپ، بايىتىپ قانا قويماي، ءبىزدى مۇنان بىلايعى ۇيرەنۋ، تۇرمىس بارىسىندا ءىس جۇزىندىك ارەكەتتەرىمىز ارقىلى اعا بۋىنداردىڭ رۋحىنا مۇراگەرلىك ەتۋگە دە شابىتتاندىردى“.

  بۇل مۇرات - سەنىمنىڭ تەرەڭ سىناعى −

  انحۇي ولكەسى حىفي قالاسىنىڭ فيشي اۋدانىندا ۇزىندىعى شامامەن 1.1 كيلومەتر كەلەتىن دۋماندى ۇلكەن كوشەگە تۇتاسىپ جاتاتىن يانچياۋ كوشەسى ”ينتەرنەتتەگى تانىمال كوشەگە“ اينالدى، مۇندا الىستان ارنايى كەلىپ قۇرمەت بىلدىرەتىندەردىڭ اياعى ۇزىلمەيدى.

  ”مىنا كوركەيگەن زامان سەندەردىڭ ارمانداعان تىلەكتەرىڭ ەدى، ءبىز ەندى اينالاعا سەندەردىڭ كوزدەرىڭمەن قاراپ بارىنە كۋا بولامىز“. جىل باسىنان بەرى توڭكەرىستىك قۇربان چىن ياننياننىڭ، چىن چياۋنياننىڭ اتىنا بەرىلگەن كوشە ەسىمى تاقتاسىنىڭ استىنا گۇل شوقتارى، اتكرەتكالار ءۇيىلىپ قالاتىن بولدى، مۇنداي جاعداي قىسى - جازى تولاستاعان ەمەس.

  بۇل توڭكەرىستىك ارداگەر قۇربانعا دەگەن قۇرمەت، سونداي - اق قىزىل گەندى جالعاستىرعاندىق.

  جۇڭگو كوممۋنيستىك پارتياسىنىڭ 1 - قۇرىلتايى اشىلعان ورىننان قىزىل ارميا ۇزاق جورىعىنداعى شياڭجياڭ شايقاسى ەسكەرتكىش سارايىنا دەيىن، زۇن - ي ءماجىلىسى اشىلعان ورىننان حىبەيدەگى شيبايپوعا دەيىن... توپ - توپ پارتيالى كادرلار، بۇقارا الىستان ارداقتاپ ىزدەپ كەلىپ، كوكىرەك تولى مۇرات - سەنىممەن قايتتى، ولار جاۋاپكەرشىلىك ارقالاۋ نەگىزىن، ارمانعا قانات قاعۋ جولىن، سەنىم ساۋلەسىن تاپتى.

  پارتيا تاريحىن ۇيرەنۋ تاربيەسى بارىسىندا قىزىل بايلىق قاينارى جانداندى، قىزىل تۇلعالار شۇعىلا شاشتى، قىزىل گەن جالعاسا بەردى. بايلىق قاينارىن تەرەڭ كادەگە جاراتىپ، نەگىز قالاپ، رۋحتى سومداپ، قالىڭ پارتيا مۇشەلەرىنىڭ پارتيا قۇرۋ ۇلى رۋحىن تەرەڭ ءتۇسىنىپ، قىزىل اكىمياتتىڭ وڭاي - وسپاق قولعا كەلمەگەندىگىن، جاڭا جۇڭگونىڭ وڭاي - وسپاق قولعا كەلمەگەندىگىن، جۇڭگوشا سوتسياليزمنىڭ وڭاي - وسپاق قولعا كەلمەگەندىگىن تەرەڭ تانۋىنا، سەنىم نەگىزىن اناعۇرلىم بەكەمدەۋگە، رۋحاني كالتسيدى اناعۇرلىم تولىقتاۋعا مۇمكىندىك جاسادى.

  بۇل يدەيانىڭ، نازاريانىڭ تەرەڭ شىڭدالۋى −

  بايتاق گانپو دالاسى قىزىل تۇسكە بولەندى.

  بيىل 3 - ايدا جۇڭگو جيڭگاڭشان كادرلار شۋەيۋانىندا وقىتۋ عىلمي زەرتتەۋ بولىمىندەگى وقىتۋشىلار «شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدەن سۇراۋ - جاۋاپ» قولدارىنا تيىسىمەن، قۇنىتتاي وقۋعا ۇيىمداسىپ، العان اسەرلەرىنەن اۋىس - كۇيىس جاسادى.

  كوپشىلىك جابال مىنالاردى ءبىلدىردى: پارتيا تاريحىن ۇيرەنۋ تاربيەسى ارقىلى پارتيانىڭ 18 - قۇرىلتايىنان بەرگى تاريحي سيپاتتى تابىستاردى جانە تاريحي سيپاتتى وزگەرىستەردى بارىنشا سەزىندىك، جاڭا داۋىردەگى پارتيانىڭ جاسامپاز نازارياسىنىڭ اقيقات ۇلى كۇشىن بارىنشا سەزىندىك، جۇڭگو كوممۋنيستىك پارتياسى باسشىلىعىنىڭ دارا باسىمدىعىن بارىنشا سەزىندىك. پارتيا تاريحىن ۇيرەنۋدىڭ، يدەيانى ءتۇسىنۋدىڭ تابىستارىن وقىتۋمەن ىشكەرىلەي توعىستىرىپ، كۋرسانتتاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىنە، تۇسىنۋىنە ءتىپتى دە ويداعىداي كومەكتەسۋ كەرەك.

  ارمان قۋۋ ساپارىنداعى ۇزدىكسىز كۇرەس جۇرگىزۋ يدەيالىق، نازاريالىق تەرەڭ سانالىلىقتان باستاۋ العان.

  ءتۇپ نۇسقانى وقۋعا، اۋەلگى ءماتىندى ۇيرەنۋگە، قاعيداسىن ۇعىنۋعا تاباندى بولىپ، توپتىق ۇيرەنۋ مەن جەكە ۇيرەنۋدى ءوزارا ۇشتاستىرۋعا تاباندى بولىپ، نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن وتكىزىپ، ىشكەرىلەگەن تۇردە ارناۋلى تاقىرىپتىق ۇيرەنۋ، ارناۋلى تاقىرىپتىق زەرتتەۋ - تالقى ورىستەتىپ، نەگىزگى تاقىرىپتىق پارتيا كۇنى سياقتى فورمالاردى ويداعىداي پايدالانىپ تەرەڭدەي ۇيرەندى، مامانداردى جەتەكشىلىك ەتۋگە ۇسىنىس ەتتى...

  پارتيا تاريحىن ۇيرەنۋ تاربيەسى بارىسىندا جەر - جەر، تاراۋلار، ورىندار جابال نازاريا ۇيرەنۋدىڭ جاڭا ورلەۋىن كوتەرىپ، تەرەڭگە بويلاپ، جان - جاقتىلى ءتۇسىنۋ بارىسىندا تانىمدى جوعارىلاتىپ، نازاريا جاعىنداعى ويانۋ ارقىلى ساياسيداعى تاباندىلىقتى بەكەمدەدى.

  بۇل حالىق ءۇشىن ناقتى ءىس ىستەۋدەگى ناعىز پاراساتتىلىق −

  100 جىلدىق پارتيا تاريحى ۇزدىكسىز حالىق ءۇشىن باقىت جاراتقان تاريح؛ حالىقتى بارىنەن جوعارى قويۋعا تاباندى بولۋ پارتيامىزدىڭ 100 جىلدىق كۇرەس بارىسىنداعى باعالى تاريحي تاجىريبەسى.

  پارتيا تاريحىن ۇيرەنۋ تاربيەسىنەن اۋەلگى ماقساتتى سەزىنىپ، بورىشتى امالياتتا ايگىلەدى، قالىڭ پارتيالى كادرلار پارتيا تاريحىن ۇيرەنۋدى تاجىريبەنى قورىتىندىلاۋمەن، شىندىققا ۇڭىلۋمەن، قىزمەتتى ىلگەرىلەتۋمەن ءوزارا بىرلەستىرىپ، كاسىپتىك امالياتتى جانە نەگىزگى جاۋاپكەرشىلىكتى، نەگىزگى كاسىپتى تياناق ەتىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ورىستەتتى.

  وقۋ - اعارتۋ مينيسترلىگى «مىندەتتى وقۋ - اعارتۋ مەكتەپتەرىنىڭ تاپسىرما باسقارۋىن كۇشەيتۋ جونىندەگى ۇقتىرۋ» سياقتى حۇجاتتاردى باسىپ تاراتىپ، ورتا، باستاۋىش مەكتەپ وقۋشىلارىنىڭ تاپسىرما، ۇيقى، قول تەلەفون، وقۋلىق، دەنە ساپاسى سىندى ”5 ءتۇردى باسقارۋدى“ ۇزدىكسىز كۇشەيتتى؛ حيلۇڭجياڭ شىعىس سولتۇستىك رايونداعى بۇقارانىڭ قىس ماۋسىمىنداعى جىلۋمەن قامداۋ قاجەتىن تياناق ەتىپ، «حيلۇڭجياڭ ولكەسىنىڭ قالالاردى جىلۋمەن قامداۋ ەرەجەسىنە» وزگەرىس ەنگىزىپ، تۇرعىنداردى جىلۋمەن قامداۋداعى بولمە تەمپەراتۋراسى ولشەمىن بۇرىنعى 18 سەلتسي گرادۋستان 20 سەلتسي گرادۋسقا جوعارىلاتتى؛ قۇرىلىس بانكەسى قامتاماسىز ەتۋ سيپاتتى جالعا بەرىلەتىن تۇرعىن ۇيلەردى جانە الەۋمەتتىك جالعا بەرەتىن ۇيلەردى دامىتۋدى قولداپ، بۇقارانىڭ تۇرعىن ءۇي قيىنشىلىعى ماسەلەسىن شەشۋگە دەم بەردى؛ شاڭحاي قاتىناس داشۋەسى كوپتەگەن مەكتەپتەرمەن بىرلەسىپ، وقۋ تاۋىساتىن تۇلەكتەردىڭ قىزمەتكە قابىلداۋ جەلىلەس قيمىلىن وتكىزىپ، وقۋشىلاردىڭ جۇمىستانۋىن قولايلى قىزمەت وتەۋمەن قامدادى...

  تاسقىننان ساقتانىپ، اپاتتان قۇتقارۋدان تارتىپ نەگىزگى ساتىنى باسقارۋعا دەيىن، ”قارتتار مەن بالالارعا“ قىزمەت وتەۋدەن تارتىپ وقۋ - اعارتۋ، جۇمىستاندىرۋ، تۇرعىن ءۇي قامتاماسىزدىعىنا دەيىن جەر - جەر، تاراۋلار، ورىندار كوز الداعى ىستەردى تياناق ەتىپ، بۇقارانىڭ ”شۇعىل، قيىن، ۋايىمداعان، ءزارۋ“ ناقتى ماسەلەلەرىن شەشۋمەن بىرگە، تاعى ۇزاق بولاشاققا كوز جىبەرىپ، حالىق تۇرمىسى ماسەلەلەرىن شەشۋدىڭ ءتۇزىلىس مەحانيزمىن كەمەلدەندىردى، بۇقارا پارتيا تاريحىن ۇيرەنۋ تاربيەسى الا كەلگەن وزگەرىستەر مەن ناقتى ونىمدىلىكتەردى شىن مانىندە سەزىندى.

  بۇل جاۋىنگەرلىك جىگەردى جالىنداتىپ قايتادان اتتانۋ بولدى −

  شياڭجياڭ وزەنىنىڭ جاعالاۋى، گۋاڭشيدەگى گۇيليننىڭ ماۋجۋشان قىستاعى كەزىندە قىزىل ارميا شايقاس جۇرگىزگەن جەر، بۇگىنگى كۇندە ءجۇزىم شارۋاشىلىعىن دامىتۋعا سۇيەنىپ بۇقارانى ىرعىن تۇرمىسقا كەنەلتتى.

     ”ءبىز كىشكەنتايىمىزدان قىزىل ارميانىڭ حيكاياسىن ەستىپ وستىك، قيىنشىلىق قانشاما زور بولسا دا، قىزىل ارميانىڭ ۇزاق جورىعىن ويلاسام، شياڭجياڭ وزەنى شايقاسىن ويلاسام، جەڭبەيتىن ەشتەڭە جوق دەپ ويلايمىن“، - دەدى ماۋجۋشان قىستاعىنداعى ەگىنشى شارۋا ۋاڭ دىلي.

  ۇزاق جورىق رۋحىنىڭ جەتەكشىلىگىندە، ماۋجۋشان قىستاعى گۋمانيتارلىق جانە تابيعات سىندى قوس ەكولوگيانى بىرىكتىرىپ، اۋىل - قىستاق مادەنيەتىن، ساياحاتىن دامىتۋدى توعىستىرۋدى كۇشەيتىپ، اۋىل - قىستاقتىڭ جاپپاي گۇلدەنۋىن ىلگەرىلەتتى.

  جاعداي مەيلى قالاي وزگەرسە دە، جويقىن اعىن، اساۋ تولقىننان قورىقپايمىز. باتىلدىقپەن كۇرەس جۇرگىزۋ، باتىلدىقپەن جەڭىسكە جەتۋ پارتيا مەن حالىقتىڭ جەڭىمپاز، قۋاتتى رۋحاني كۇشى.

  رۋحتىڭ كۇشى ۋاقىت پەن كەڭىستىكتەن شارىقتاپ ءوتتى، ۇيرەنۋ بارىسىندا اسەر الدى، اسەر الۋ بارىسىندا جالعاستىردى.

  جارتى عاسىردىڭ الدىندا عالىم گو يۇڭحۋاي اتى - ءجونىن جاسىرىپ ەلىمىزدىڭ يادرولىق قارۋىن زەرتتەپ جاساۋعا كىرىستى، وتىرعان ۇشاعى قۇلاعان كەزدە ول جانە قورعاۋشى قىزمەتكەر ءومىرىنىڭ ەڭ سوڭعى ساتىندە، سومكەداعى ماڭىزدى حۇجاتتاردى قۇشاقتارىنا قىسىپ قورعادى.

  بۇگىنگى كۇندە، گو يۇڭحۋاي بۇرىن وقىتۋشى بولعان جۇڭگو عىلىم - تەحنيكا داشۋەسىندە، ” 2 بومبى، ءبىر جاساندى سەرىكتى“ جاساعان عالىمداردىڭ ىزگى ىستەرى ءاربىر ۇرپاق جاس وقۋشىلارعا دەم بەرىپ كەلەدى.

  عىلمي زەرتتەۋدەن قامال الۋدى ىلگەرىلەتۋدەن اۋىل - قىستاقتى گۇلدەندىرۋگە كۇش قوسۋعا دەيىن؛ رەفورما جاساۋدى، ەسىك اشۋدى تەرەڭدەتۋدەن تيبىن وزگەرتىپ، دارەجەسىن جوعارىلاتۋدى ىلگەرىلەتۋگە دەيىن؛ زاڭ اتقارۋدى، ءادىليانى كەمەلدەندىرۋدەن جاسىل دامۋ ۇستانىمىن امالياتتا ايگىلەۋگە دەيىن... قالىڭ پارتيالى كادرلار بەكىمىن، جىگەرىن اناعۇرلىم تاسقىنداتىپ، حاۋىپ - قاتەرلى بولعان سايىن سولعۇرلىم العا ىلگەرىلەيتىن رۋحپەن قيىنشىلىقتى جەڭىپ قامال الىپ، پارتيا تاريحىن ۇيرەنۋ تاربيەسىنىڭ جەتىستىكتەرىن جاڭا جورىقتا ەكپىندەي ىلگەرىلەۋدىڭ، جاڭا داۋىرگە ەسە قوسۋدىڭ ىشكى قوزعاۋشى كۇشىنە اينالدىردى.

  شوعىرلى ۇيرەنۋ تاربيەسىنىڭ ۋاقىت شەگى بولعانىمەن، اۋەلگى ماقساتتى، بورىشتى امالياتتا ايگىلەۋدىڭ ۋاقىت شەگى بولمايدى.

  5 جىلدىڭ الدىندا حالىق سارايىندا جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا، باس شۋجي شي جينپيڭ بۇكىل پارتياعا بىلاي دەپ ەسكەرتتى −

  ”قالاي العا تارتساق تا، باسقان ءىزىمىزدى؛ قانشا الىسقا ۇزاپ، قانشا نۇرلى بولاشاققا قادام قويساق تا، باستان وتكەندى جانە نە ءۇشىن جولعا شىققانىمىزدى ەستەن شىعارماۋىمىز كەرەك“.

  5 جىلدان كەيىن تيان - انمىن مىنبەسىندە تۇرىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا، باس شۋجي شي جينپيڭ تاعى دا سەرگىتىپ وياتقانداي ۇندەۋ تاستادى −

     ”ءبىز تاريحتى رەالدىققا اينا ەتىپ، بولاشاققا ۇزاقتان كوز جىبەرىپ، جۇڭگو كوممۋنيستىك پارتياسىنىڭ 100 جىلدىق كۇرەسىنەن وتكەندە نە ءۇشىن تابىسقا جەتكەندىگىمىزگە انىق كوز جىبەرىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارىپ، جاڭا جورىقتا اۋەلگى ماقسات پەن بورىشتى اناعۇرلىم باتىل، اناعۇرلىم سانالى تۇردە ەستە بەرىك ساقتاپ، كوركەم بولاشاق اشۋىمىز كەرەك“.

  تاريح بولاشاقتى نۇرلاندىرادى، كۇرەس جۇرگىزۋ ارقىلى ۇلى ىستەردى ورىنداۋعا بولادى. تاريحتان قايتا - قايتا پاراسات جانە باتىلدىق قابىلداپ، تالايلاعان جەڭىستەردەن تىڭ جەڭىستەرگە اتتانعان جۇڭگو كوممۋنيستىك پارتياسى مەن جۇڭگو حالقى، ءسوز جوق، جاڭا داۋىردەگى تىڭ جورىقتا ءتىپتى دە ۇلى جەڭىستەر مەن داڭقتارعا قول جەتكىزەتىن بولادى.

  (تىلشىلەر جۋ جيچاي، ۋاڭ زىميڭ، حۋاڭ يۋە، ليۋ شو، شيۇڭ فىڭ)

  (شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.