شىندىق ارقىلى وسەك - اياڭدى پاش ەتەمىز، ەڭبەك ارقىلى باقىت جاراتامىز

اۆتونوميالى رايون ”زورلىقپەن ەڭبەككە سالدى“ دەگەنگە تويتارىس بەرۋ جونىندە ارناۋلى اقپار جاريالاۋ ءماجىلىسىن اشتى

شىندىق ارقىلى وسەك - اياڭدى پاش ەتەمىز، ەڭبەك ارقىلى باقىت جاراتامىز

　　انار بۇلت / شينجياڭ گازەتىنىڭ ءتىلشىسى لي شيڭ 12 - ايدىڭ 23 - كۇنى ۇرىمجىدەن حابارلايدى. ”قازىر شينجياڭداعى ءار ۇلت بۇقاراسى كۇن شۇعىلاسى استىندا ابىرويلى ەڭبەك ەتىپ، وزدەرىنە تيەسىلى باقىتتى دا تاماشا تۇرمىس جاراتۋدا“. 12 - ايدىڭ 23 - كۇنى اۆتونوميالى رايون اشقان ”زورلىقپەن ەڭبەككە سالدى“ دەگەنگە تويتارىس بەرۋ جونىندەگى ارناۋلى اقپار جاريالاۋ ماجىلىسىندە اۆتونوميالى رايوندىق عىلىم - تەحنيكا قوعامىنىڭ ورىنباسار ءتوراعاسى گۇلنار وبۇل شينجياڭنىڭ قالا، اۋىلدارىنداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋ جاعدايىن تانىستىرعاندا وسىنى ايتتى.

　　اقپار جاريالاۋ ءماجىلىسى ۇستىندە شينجياڭداعى ءار ۇلت بۇقاراسىنىڭ ءوز قالاۋىمەن جۇمىستانىپ، قاجىرلىلىقپەن بايىعان شىندىقتى تانىستىرۋ ارقىلى امەريكاداعى، باتىستاعى جۇڭگوعا قارسى كۇشتەردىڭ ويدان قيىستىرعان ”زورلىقپەن ەڭبەككە سالدى“ دەگەن وسەك - اياڭىنا، ساندىراعىنا پارمەندى تويتارىس بەردى.

　　جەرگىلىكتى ورىنداعى ماقتا ەگۋشى ءىرى وتباسى، اۋات اۋدانىنداعى ماقتاشى تۇرحان ىدىرىستىڭ وتباسى 200 مۋ جەرگە ماقتا ەگىپ، جىلدىق تازا كىرىسى 200 نەشە مىڭ يۋانعا جەتتى. ”بيىل ماقتانىڭ بازار باعاسى جاقسى، تاعى ءبىر مول ءونىم جىلى بولدى. ءبىزدىڭ ماقتا ەگۋ قىزعىندىلىعىمىز كۇشتى“! تۇرحان ىدىرىس كوپشىلىككە وتباسىنىڭ ماقتانى بۇكىلدەي ماشينامەن ەككەندىگىن، ونىمدىلىگى جوعارى، اقىسى تومەن بولعاندىعىن، سودان قولى بوساپ جەمىس اعاشىن ەگىپ، باعىمشىلىقپەن اينالىسىپ، ەرەن بازار اشىپ، قالتاسىنىڭ بارعان سايىن قامپايعاندىعىن قۋانا ايتتى.

　　”ماقتا شينجياڭداعى ءار ۇلت ۇلاندارىنىڭ باقىتىنا دەمەۋ بولدى ءارى ءار ۇرپاق ادامدارىمىزدىڭ تاماشا ەستەمەسى“. شينجياڭ بوشىران اۋىل شارۋاشىلىق ماشينالارى عىلىم - تەحنيكا شەكتى سەرىكتەستىگىنىڭ جاۋاپتىسى ليۋ شۋاي تانىستىرىپ بىلاي دەدى: ساۋاندا سەرىكتەستىگىمىز جەرگىلىكتى ورىنداعى 100گە تاياۋ ارتىق ەڭبەككۇشتى قابىلداپ، ءاربىر قىزمەتكەرمەن زاڭ بويىنشا ەڭبەك توقتامىنا قول قويىسىپ، ولاردى تاماقپەن، جاتاقپەن تەگىن قامدادى. كوپتەگەن از ۇلت قىزمەتكەرلەرى ءوز قۇلشىنىستارى ارقىلى سەرىكتەستىكتىڭ تىرەكتىسىنە اينالىپ، ءۇي، اۆتوكولىك ساتىپ الىپ، اتا - اناسىن، بالا - شاعاسىن قاستارىنا الدىرىپ بىرگە تۇرمىس كەشىردى، سەرىكتەستىكتەگى قىزمەتكەرلەردىڭ باقىت سەزىمى، تاۋەلدىلىك سەزىمى ۇزدىكسىز كۇشەيدى.

　　”ءبىز شينجياڭنىڭ ماقتا كاسىبى سالاسىنىڭ دامۋىنا ۇزدىكسىز كۇش - قۋاتىمىزدى ارناپ، شىندىق ارقىلى وسەك - اياڭدى پاش ەتەمىز، ەڭبەك ارقىلى باقىت جاراتامىز“، - دەدى ليۋ شۋاي.

　　شينجياڭ حىشىڭ كرەمني شەكتى جاۋاپكەرشىلىك سەرىكتەستىگى ورگانيكالى كرەمني ساپاسىن تەكسەرۋ ورتالىعىنىڭ ساراپشىسى ايگۇل سىدىق كوڭىلىندەگى ىزا − كەگىن ايتا كەلىپ: ”مەن بۇل قىزمەتىمە وتە ريزامىن، قۇلشىنىپ ىستەپ ءجۇرمىن، بۇل قالاي عانا ’زورلىقپەن ەڭبەككە سالۋعا‘ اينالىپ قالىپ وتىر؟ بارىپ تۇرعان بىلجىراق“، - دەدى.

　　ايگۇل سىدىق بىلاي دەدى: ءبىزدىڭ جاپ − جاقسى جۇمىس ىستەپ جاتقانىمىز انىق، امەريكاداعى، باتىستاعى جۇڭگوعا قارسى كۇشتەردىڭ ايتىلمىس ادامدىق ۇقىقتى جەلەۋ ەتىپ، سەرىكتەستىگىمىزگە جازا قولدانۋى ءبىزدى ”زورلىقپەن“ جۇمىسسىز قالدىرۋ، ”زورلىقپەن“ كەدەيلەستىرۋ ەمەس پە؟ ءبىز استە الدانبايمىز.

　　ماكىت اۋدانى قۇرما اۋىلى بازار قىستاعى مەشىتىنىڭ حاتيبى ءيۇسۇپ ابليميت تە ايتىلمىس ”زورلىقپەن ەڭبەككە سالدى“ دەگەنگە قاتتى نارازىلىعىن ءبىلدىردى. ول ءدىن ىستەرى قيمىلدارىمەن شۇعىلدانۋدان تىس، ۇيىندە تاعى 60 قوي باعىپ، 60 مۋ جەرگە ماقتا ەكتى، جىلدىق تازا كىرىسى 80 نەشە مىڭ يۋانعا جەتەدى. ”ءبىز بۇكىلدەي ءوز قالاۋىمىزبەن، ەرىكتى ەڭبەك ىستەپ وتىرمىز، ەشقاشان ەشكىم ءبىزدى زورلاعان جوق“. ءيۇسۇپ ابليميت بىلاي دەدى: قوس قولىما سۇيەنىپ قاجىرلىلىقپەن بايىدىم، ءار كۇنى تاسقىنداعان قايرات − جىگەرمەن اناعۇرلىم تاماشا تۇرمىستى جوسپارلايمىن، قارالاۋ، كۇيە جاعۋ شينجياڭداعى ءار ۇلت حالقىنىڭ ىنتىماعىنا، ورنىقتىلىعىنا بوگەت بولا المايدى، تەك ءبىزدى اناعۇرلىم تاباندىلىقپەن اناعۇرلىم تاماشا تۇرمىسقا ۇمتىلدىرادى.

　　اقپار جاريالاۋ ءماجىلىسىن جۇرگىزۋشى قايرات بىلاي دەپ اتاپ كورسەتتى: امەريكاداعى، باتىستاعى جۇڭگوعا قارسى كۇشتەر شينجياڭداعى ءار ۇلت حالقى تىنىش، باقىتتى تۇرمىس كەشىرگەن شىندىقتى ەلەپ - ەسكەرمەي، ايتىلمىس شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەگەن سياقتى وسەك - اياڭداردى، ساندىراقتاردى قايتا - قايتا ويدان شىعاردى، بۇل ادىلدىككە، ار - ۇجدانعا قايشى بولىپ قالماستان، ەشقانداي شىندىق نەگىزى جوق. فاكت پەن شىندىقتىڭ جاي - جاپسارى الدىندا، مەيلى قانشالىقتى جانتالاسىپ وسەك - اياڭ شىعارسا دا، امەريكاداعى، باتىستاعى جۇڭگوعا قارسى كۇشتەردىڭ سۇرقيا ماقساتى تەك جەڭىلىسپەن عانا تىنادى.