تيانشان تورى   ›   جاڭالىقتار   ›   شينجياڭ حابارلارى

بۇقارانىڭ باقىت ”جولىن“ ىركىلىسسىزدەندىردى

اۆتونوميالى رايوندىق قاتىناس - تاسىمال مەڭگەرمەسى ”مەن بۇقارا ءۇشىن ناقتى ءىس ىستەيمىن“ نىسانىن مىقتى يگەردى

بۇقارانىڭ باقىت ”جولىن“ ىركىلىسسىزدەندىردى

□ انار بۇلت / شينجياڭ گازەتىنىڭ ءتىلشىسى لۋ فىڭباۋ، ەرىكتى ءتىلشى جىڭ مين

  بيىل جىل باسىنان بەرى اۆتونوميالى رايوندىق قاتىناس - تاسىمال مەڭگەرمەسى پارتيا تاريحىن ۇيرەنۋ تاربيەسىن ىشكەرىلەي ىلگەرىلەتۋدى نىسان قۇرىلىسىمەن، قاتىناس - تاسىمالمەن قامداۋ ساپاسىن جوعارىلاتۋمەن، قاتىناس + ساياحاتتىڭ توعىسپالى دامۋىن ىشكەرىلەي ىلگەرىلەتۋ سياقتى ءتۇرلى قىزمەتتەرمەن ۇشتاستىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ورىستەتىپ، بۇقارانىڭ باقىت ”جولىن“ ىركىلىسسىزدەندىردى.

قاتىناس نىسان قۇرىلىسىن كۇشەيتتى

  12 - ايدىڭ 22 - كۇنى تۇستەن بۇرىن كوكونىس جىلىجايىنا كىرگەن ۋاڭ جيانجۇن جىلىجايداعى جيۋسايدىڭ ءوسۋ جاعدايىن تاپتەشتەي تەكسەردى. جيۋسايدان ءونىم الاتىن مەزگىلدە ساۋداگەرلەر جۇك اۆتوموبيلدەرىن ايداپ، جيۋسايدى جاڭا اسفالت جولمەن جەر - جەرگە تاسيدى.

  ۋاڭ جيانجۇن قۇمىل قالاسى يجوۋ رايونى تاۋجياگۇڭ قالاشىعى ياۋلۇڭ قىستاعىنىڭ تۇرعىنى، 40 جىلىجايدى كوتەرمەگە العان ول نەگىزىنەن اس جۋا ەگەدى. بۇرىن قىستاقتىڭ جولى توپىراق جول ەدى، تار ءارى ويلى - شۇڭقىر بولعاندىقتان، جۇك اۆتوكولىكتەرىنىڭ قىستاققا بارىپ كوكونىس تاسىمالداۋى تىم قيىن ەدى.

  بيىل اسفالت جول اتىز باسىنا دەيىن جەتكىزىلدى، قىستاق تۇرعىندارى كوكونىس، ماقتا، ءجۇزىم سياقتىلاردى جۇك اۆتوموبيلىنە اتىز باسىندا تيەپ جونەلتە الاتىن بولدى. ”كوكونىس ساتۋدان تارىقپايتىن بولدىق، مەن بۇدان بىلاي ەگىمشىلىك كولەمىن كەڭەيتۋدى جوسپارلاپ وتىرمىن“، - دەدى ۋاڭ جيانجۇن.

  بيىل جىل باسىنان بەرى اۆتونوميالى رايوندىق قاتىناس - تاسىمال مەڭگەرمەسى پارتيا تاريحىن ۇيرەنۋ تاربيەسىمەن ۇشتاستىرىپ، قاتىناس نەگىزدىك قۇرىلعى - قۇرىلىسىن باستى جاۋاپكەرشىلىك، باستى جۇمىس ەتۋگە تاباندى بولدى، جالعاستى سالىناتىن، جاڭادان سالىنعان تاس جول نىساندارى جوسپار بويىنشا تۇگەلدەي قۇرىلىس باستادى، قۇرىلىستى قالپىنا كەلتىردى. 1 - ايدان 11 - ايعا دەيىن قاتىناس تۇراقتى مۇلكىنە جالپى 69 ميلليارد 51 ميلليون يۋان قارجى قوسىلىپ، جىلدىق جوسپاردان %15 استى.

قىزمەت وتەۋمەن قامداۋ ساپاسىن جوعارىلاتتى

پارتيا تاريحىن ۇيرەنۋ تاربيەسى ورىستەتىلگەننەن بەرى، اۆتونوميالى رايوندىق قاتىناس - تاسىمال مەڭگەرمەسى اۋىل - قىستاق جولاۋشى، زات، پوچتا ىستەرىنىڭ توعىسا دامۋىن ىلگەرىلەتۋدى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ ءتۇر تىزىمدىگىنە ەنگىزىپ، اۋىل - قىستاق جولاۋشى، زات ءبىر تۇتاس جوسپارلانعان، پوچتا تاسىمالى توعىسقان، قىزمەت وتەۋى ساپالى، زەردەلى، جوعارى ءونىمدى اۋىل - قىستاق زات اينالىمىنىڭ دامۋ بەتالىسىن قالىپتاستىرۋدى العا قويدى.

  قاتىناس جانە پوچتا تاراۋلارى سەلبەسىپ، پوچتا بولىمشەلەرىن اۋىل - قالاشىق جولاۋشى تاسىمال بەكەتىنە كوشىردى، وسىلايشا جولاۋشى تاسىمال كەزەكشى اۆتوبۋزدارى جولدامالاردى قىستاققا تەگىن جەتكىزەتىن بولدى، قىستاق تۇرعىندارى قىستاقتان شىقپاي - اق جولدامالاردى تاپسىرىپ الۋ، ينتەرنەتتەن زات ساتىپ الۋ سياقتى ”ءبىر بەكەتتىك“ قىزمەت وتەۋدەن يگىلىكتەنىپ، اۋىلداردان قىستاقتارعا دەيىنگى زات اينالىمىنىڭ ”ەڭ سوڭعى ءبىر كيلومەترلىك“ بوستىعىن تولىقتادى.

  قازىر بۇكىل رايونىمىزدا ”جۇڭگو پوچتا بەكەتى + اۋىل - قالاشىق تاسىمال قىزمەت وتەۋ پۋنكتىنەن“ 70ى سالىنىپ ماڭدايشالىق اسىپ، جولاۋشى تاسىمال كەزەكشى اۆتوبۋزدارىنىڭ 123 ۋاكىلدىك تاسىمال جەلىسى تۇلعالاندى.

  قاتىناس - تاسىمال قىزمەت وتەۋىمەن قامداۋ ساپاسىن جاپپاي جوعارىلاتۋ ءۇشىن، اۆتونوميالى رايوندىق قاتىناس - تاسىمال مەڭگەرمەسى ءۇرىمجى سياقتى 4 قالادا ارالاپ جۇرەتىن كىرە اۆتوموبيلدەرىن ەلەكتروندى شاقىرۋ قىزمەتىن بەلگىلەپ، قارتتاردىڭ اۆتوكولىككە وتىرۋىنا، ءجۇرىپ - تۇرۋىنا قولايلىلىق جاسادى؛ بۇكىل رايونىمىزداعى 2 - دارەجەلىدەن جوعارى 52 اۆتوموبيل جولاۋشى تاسىمال بەكەتى ەلەكتروندى جولاۋشىلار بەلەتىن تۇگەل جالپىلاستىرىپ قولداندى؛ 5 ءتۇرلى تاس جول تاسىمالىنا قولايلى اكىمشىلىك قىزمەت وتەۋ ءىسى تۇگەلدەي ”ولكە اتتاپ ءبىر جاقتى ەتىلدى“؛ جوعارى جىلدامدىقتى تاس جولدارداعى قىزمەت وتەۋ اۋماقتارىنىڭ %30ى مونشا جانە كىر جۋۋ قىزمەت وتەۋىمەن قامداۋدى جۇزەگە اسىرىپ، الەۋمەتتىڭ ءجۇرىس - تۇرىسىنا قىزمەت وتەۋدى سەزىنۋى ۇزدىكسىز ساپالىلاندى.

قاتىناس پەن ساياحاتتى توعىستىرۋدى ىشكەرىلەي ىلگەرىلەتتى

  بيىل اۆتونوميالى رايوندىق قاتىناس - تاسىمال مەڭگەرمەسى ”قاتىناس + ساياحاتتىڭ“ توعىسا دامۋىن تەرەڭدەتىپ، تاس جول بويىنداعى ساياحات بايلىعىن جانە جالپىلىق ساياحات ساۋداسىن اشۋدى دانەكەر ەتىپ، ”قاتىناس + ساياحات“ جاڭا كاسىپ كۇيى ۇلگىسىنىڭ دامۋىن اناعۇرلىم ىلگەرىلەتىپ، جوعارى جىلدامدىقتى تاس جولداردىڭ قىزمەت وتەۋ اۋماعىنا نان كاسىپ سالاسىن ەنگىزىپ، ارى - بەرى قايشالىسقان جۇرگىنشىلەردىڭ نان جابۋ بارىسىن تاماشالاۋمەن بىرگە، ءدامىن تاتۋىنا، ءدامدى نان ساتىپ الۋىنا دا مۇمكىندىك تۋدىردى.

  قىزمەت وتەۋ اۋماقتارىنا شينجياڭ نانىن ەنگىزۋ قاتىناس پەن ساياحاتتىڭ توعىسا دامۋىن ىلگەرىلەتۋدەگى ناقتى ىستەردىڭ ءبىرى عانا. بيىل اۆتونوميالى رايوندىق قاتىناس - تاسىمال مەڭگەرمەسى ”تەز جەتىپ، اسىقپاي ساياحاتتاۋ“ تاس جول تورى جۇيەسىن بار كۇشپەن قۇردى، 20 S ۋگۇڭتاي − قارامايلى، 7 G ۋتۇڭ داچۋان − باي − اراتۇرىك سياقتى كوپتەگەن نىساندار سالىنىپ بولدى، سونداي - اق S101 جەلىسى تيانشان جاعراپيالىق سۋرەت ءدالىزى سارا ساياحات جەلىسى مەن بىرەگەي ساياحاتتان ۇلگى كورسەتۋ نىساندارىن كۇش سالا قۇرىپ، شينجياڭدا جەكە كولىكپەن ساياحاتتاۋدىڭ تىڭ ورلەۋىن كوتەردى.

  اۆتونوميالى رايوندىق قاتىناس - تاسىمال مەڭگەرمەسى تاعى دا كورىنىس وڭىرلەرىن تۇتاستىراتىن ءبىر توپ ”ەڭ سوڭعى ءبىر كيلومەترلىك“ اۋىل - قىستاق تاس جول نىساندارىن، اۋىل - قىستاق سالت - سانا ساياحاتى، شارۋالار شاتتىعى ساياجايى نىساندارىن قۇرۋعا قولداۋ كورسەتىپ، قاتىناس پەن ساياحاتتى توعىستىرا دامىتۋدى ىشكەرىلەي ىلگەرىلەتتى.

  اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ مۇشەسى، ورىنباسار مەڭگەرمە باستىعى گو شىڭ: كەلەسى قادامدا قاتىناس - تاسىمال مەڭگەرمەسى ساياحات، قاتىناس نەگىزدىك قۇرىلعىلارىن كۇش سالا كەمەلدەندىرىپ، قاتىناس، ساياحات ونىمدەرىندە جاڭالىق اشىپ، قاتىناس قىزمەت وتەۋ ساپاسىن جوعارىلاتىپ، ”قاتىناس + ساياحات“ ءبىر تۇلعالانعان اشۋ جۇيەسىن ورناتىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي، ناقتى ىستەيدى، - دەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.