تيانشان تورى   ›   جاڭالىقتار   ›   ماڭىزدى حابارلار

جۇڭگو حيكاياسىن سۇيىسپەنشىلىكپەن كۇش سالا ويداعىداي بايانداپ، داۋىرگە ءتان، حالىققا ءتان اناعۇرلىم كوپ تاڭداۋلى تۋىندى جاراتۋ كەرەك

شي جينپيڭ جۇڭگو مەملەكەت تەاترحاناسىنىڭ كوركەمونەرشىلەرىنە جاۋاپ حات جازىپ، بىلاي دەپ باسا دارىپتەدى

جۇڭگو حيكاياسىن سۇيىسپەنشىلىكپەن كۇش سالا ويداعىداي بايانداپ، داۋىرگە ءتان، حالىققا ءتان اناعۇرلىم كوپ تاڭداۋلى تۋىندى جاراتۋ كەرەك

جاۋاپ حات

   جۇڭگو مەملەكەت تەاترحاناسىنداعى كوركەمونەرشىلەرگە:

  سالەمەتسىزدەر مە! حاتتارىڭىزدى تاپسىرىپ الدىم. وسى ورايدا جۇڭگو مەملەكەت تەاترحاناسى قۇرىلعاندىعىنىڭ 80 جىلدىعى، رەسمي قۇرىلعاندىعىنىڭ 20 جىلدىعى بايلانىسىمەن مەن سىزدەردى قىزۋ قۇتتىقتايمىن! تەاترحاناداعى بارلىق ارتيستەر مەن قىزمەتكەرلەرگە ىقىلاستى سالەم جولدايمىن!

  80 جىلدان بەرى سىزدەر پارتيانىڭ ادەبيەت - كوركەمونەر باعىت - ساياساتتارىن باستان - اياق دايەكتىلەندىرىپ، يان - ان تەاترحاناسىن قۇرۋ اۋەلگى ماقساتىنان جازباي، يان - ان قىزىل قان تامىرىن جالعاستىرىپ، كوركەمونەر حالىق ءۇشىن دەگەن وسكەلەڭ بورىشتى بەلسەنە امالياتتا ايگىلەپ، ادەبيەت - كوركەمونەر ىستەرىن گۇلدەندىرۋ، دامىتۋ جولىندا ماڭىزدى رول اتقاردىڭىزدار. كوركەمونەرشىلەر ساحنادا رياسىز ەڭبەك ەتىپ، قاجىرلىلىقپەن ۇلەس قوسىپ، تارتىمدى، ءمورالدى، جالىندى كوپتەگەن سارا تۋىندىلاردى، ساپالى تۋىندىلاردى جاراتىپ، ءمورال مەن ونەردە بىردەي ۇزدىك بولۋعا قول جەتكىزدى.

  سىزدەردەن كۇش ۇستىنە كۇش قوسىپ، ءداۋىر تىنىسىن ءداپ باسىپ، حالىقتىق تۇرعىدان اينىماي، تۋراشىلدىقتان جازباي جاڭالىق اشۋعا تاباندى بولىپ، جۇڭگو حيكاياسىن سۇيىسپەنشىلىكپەن كۇش سالا ويداعىداي بايانداپ، داۋىرگە ءتان، حالىققا ءتان اناعۇرلىم كوپ تاڭداۋلى تۋىندىلاردى جاراتىپ، جاڭا داۋىردەگى ادەبيەت - كوركەمونەر ىستەرىنىڭ گۇلدەنۋىنە، دامۋىنا، حالىقتىڭ رۋحاني دۇنيەسىن بايىتۋعا اناعۇرلىم زور ۇلەس قوسۋلارىڭىزدى ءۇمىت ەتەمىن.

     شي جينپيڭ

     2021 - جىلى 12 - ايدىڭ 25 - كۇنى

    (شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى)

  شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى. جۇڭگو مەملەكەت تەاترحاناسى رەسمي قۇرىلعاندىعىنىڭ 20 جىلدىعى بايلانىسىمەن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 12 - ايدىڭ 25 - كۇنى مەملەكەت تەاترحاناسىنىڭ كوركەمونەرشىلەرىنە جاۋاپ حات جازىپ، مەملەكەت تەاترحاناسىنداعى بارلىق ارتيستەر مەن قىزمەتكەرلەردى قىزۋ قۇتتىقتادى ءارى ولارعا ىقىلاستى سالەم جولدادى.

  شي جينپيڭ جاۋاپ حاتىندا بىلاي دەدى: سىزدەر پارتيانىڭ ادەبيەت - كوركەمونەر باعىت - ساياساتتارىن باستان - اياق دايەكتىلەندىرىپ، يان - ان تەاترحاناسىن قۇرۋ اۋەلگى ماقساتىنان جازباي، يان - ان قىزىل قان تامىرىن جالعاستىرىپ، كوركەمونەر حالىق ءۇشىن دەگەن وسكەلەڭ بورىشتى بەلسەنە امالياتتا ايگىلەپ، ادەبيەت - كوركەمونەر ىستەرىن گۇلدەندىرۋ، دامىتۋ جولىندا ماڭىزدى رول اتقاردىڭىزدار. كوركەمونەرشىلەر ساحنادا رياسىز ەڭبەك ەتىپ، قاجىرلىلىقپەن ۇلەس قوسىپ، تارتىمدى، ءمورالدى، جالىندى كوپتەگەن سارا تۋىندىلاردى، ساپالى تۋىندىلاردى جاراتىپ، ءمورال مەن ونەردە بىردەي ۇزدىك بولۋعا قول جەتكىزدى.

  شي جينپيڭ بىلاي دەپ باسا دارىپتەدى: كوپشىلىكتەن كۇش ۇستىنە كۇش قوسىپ، ءداۋىر تىنىسىن ءداپ باسىپ، حالىقتىق تۇرعىدان اينىماي، تۋراشىلدىقتان جازباي جاڭالىق اشۋعا تاباندى بولىپ، جۇڭگو حيكاياسىن سۇيىسپەنشىلىكپەن كۇش سالا ويداعىداي بايانداپ، داۋىرگە ءتان، حالىققا ءتان اناعۇرلىم كوپ تاڭداۋلى تۋىندىلاردى جاراتىپ، جاڭا داۋىردەگى ادەبيەت - كوركەمونەر ىستەرىنىڭ گۇلدەنۋىنە، دامۋىنا، حالىقتىڭ رۋحاني دۇنيەسىن بايىتۋعا اناعۇرلىم زور ۇلەس قوسۋدى ءۇمىت ەتەمىن.

  مەملەكەت تەاترحاناسىنىڭ توركىنى 1941 - جىلى قۇرىلعان يان - ان جاستار كوركەمونەر تەاترحاناسى، كەيىن بىرنەشە رەت اتىن وزگەرتتى، 2001 - جىلى 12 - ايدىڭ 25 - كۇنى رەسمي ۇيىمداستىرىلىپ مەملەكەت تەاترحاناسى بولىپ قۇرىلدى. تاياۋدا مەملەكەت تەاترحاناسىنىڭ 16 كوركەمونەرشىسى باس شۋجي شي جينپيڭگە حات جازىپ، باس شۋجي شي جينپيڭنىڭ جۇڭگو ادەبيەت - كوركەمونەرشىلەر بىرلەستىگى 11 - قۇرىلتايىنىڭ، جۇڭگو جازۋشىلار قوعامى 10 - قۇرىلتايىنىڭ اشىلۋ سالتىندا سويلەگەن ماڭىزدى ءسوزىن ۇيرەنۋدەن العان اسەرلەرىنەن، سونداي - اق تەاترحانانىڭ قۇرىلعان 80 جىلدان بەرگى دامۋ جاعدايىنان مالىمەت بەرىپ، تاڭداۋلى تۋىندىلاردى جاراتىپ، مادەنيەتتە قۋاتتى ەل بولۋ قۇرىلىسىنا كۇش - قۋات ارنايتىن بەرىك بەكىمدەرىن ءبىلدىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.