ورتالىق مىنانى ۇيعاردى: چىن چۋانگو جولداس شينجياڭ ۇيعۇر اۆتونوميالى رايوندىق پارتكومنىڭ شۋجيى، تۇراقتى مۇشەسى، مۇشەسى مىندەتىن ەندىگارى قوسىمشا وتەمەيدى، باسقا مىندەتكە تاعايىندالادى؛ ما شيڭرۇي جولداس شينجياڭ ۇيعۇر اۆتونوميالى رايوندىق پارتكومنىڭ مۇشەسى، تۇراقتى مۇشەسى، شۋجيى بولىپ تاعايىندالدى
جياڭ شينجى ورتالىقتىڭ ۇيعارىمىن جاريالادى، چىن چۋانگو باسقاردى ءارى ءسوز سويلەدى، ما شيڭرۇي، ەركىن تۇنياز ءسوز سويلەدى
شاۋكەت يمىن، نۇرلان ءابىلماجىن، لي يفي، حى جۇڭيوۋ قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 12 - ايدىڭ 25 - كۇنى ۇرىمجىدەن حابارلايدى. 12 - ايدىڭ 25 - كۇنى اۆتونوميالى رايون باسشى كادرلار ءماجىلىسىن اشتى. ورتالىق كوميتەت ۇيىمداستىرۋ ءبولىمىنىڭ كۇندەلىكتى قىزمەتكە جاۋاپتى ورىنباسار باستىعى جياڭ شينجى جولداس ماجىلىسكە قاتىناستى ءارى ورتالىقتىڭ ۇيعارىمىن جاريالادى: چىن چۋانگو جولداس شينجياڭ ۇيعۇر اۆتونوميالى رايوندىق پارتكومنىڭ شۋجيى، تۇراقتى مۇشەسى، مۇشەسى مىندەتىن ەندىگارى قوسىمشا وتەمەيدى، باسقا مىندەتكە تاعايىندالادى؛ ما شيڭرۇي جولداس شينجياڭ ۇيعۇر اۆتونوميالى رايوندىق پارتكومنىڭ مۇشەسى، تۇراقتى مۇشەسى، شۋجيى بولىپ تاعايىندالدى. چىن چۋانگو ءماجىلىستى باسقاردى ءارى ءسوز سويلەدى، ما شيڭرۇي، ەركىن تۇنياز ءسوز سويلەدى، شاۋكەت يمىن، نۇرلان ءابىلماجىن، لي يفي، حى جۇڭيوۋ قاتارلىلار قاتىناستى.
چىن چۋانگو مىنالاردى ءبىلدىردى: وسى رەتكى اۆتونوميالى رايوندىق پارتكومداعى نەگىزگى باسشى جولداستىڭ رەتتەلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە وسكەلەڭ ءمان بەرگەندىگىن، اۆتونوميالى رايوننىڭ باسشىلىق القا قۇرىلىسىن كۇشەيتۋگە كوڭىل بولگەندىگىن، قامقورلىق جاساعاندىعىن، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا دەگەن شىنايى ءۇمىتىن تولىق ايگىلەدى. مەن پارتيا ورتالىق كوميتەتىنىڭ ۇيعارىمىن بۇكىلدەي قولدايمىن، وعان باتىل بويسۇنامىن.
چىن چۋانگو بىلاي دەدى: شينجياڭدا قىزمەت ىستەگەن 5 جىلدان استام ۋاقىتتان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەن بۇكىل رايونداعى ءار ۇلت كادرلارىمەن، بۇقاراسىمەن بىرگە باس شۋجي شي جينپيڭنىڭ ىقىلاستى تاپسىرماسىن باستان - اياق ەستە بەرىك ساقتاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن تاباندىلىقپەن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ورنىقتىلىق، دامۋ قىزمەتتەرىن بار كۇشپەن ويداعىداي ىستەدىم، شينجياڭدا قوعامدىق كەلەلى جاعداي ورنىقتى بولعان، ەكونوميكا جوعارى ساپالى دامىعان، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. بۇل ناتيجەلەرگە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسىندا، باس شۋجي شي جينپيڭنىڭ جول باستاپ، رول ۇستاۋىنىڭ ارقاسىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسىندا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ، تياناقتاندىرۋدىڭ ارقاسىندا، بۇكىل ەلدەگى ءار ۇلت حالقىنىڭ قالتقىسىز كومەگىنىڭ ارقاسىندا قول جەتتى، سونداي - اق ول بۇكىل رايونداعى ءار ۇلت كادر - بۇقاراسىنىڭ ءبىر نيەتپەن ىنتىماقتاسىپ، بىرگە كۇرەس جۇرگىزۋىنىڭ ناتيجەسى.
چىن چۋانگو بىلاي دەدى: شينجياڭدا قىزمەت ىستەگەن 5 جىلدان استام ۋاقىتتان بەرى، مەن بۇكىل رايونداعى ءار ۇلت كادرلارىمەن، بۇقاراسىمەن تىزە قوسا بىلەك بىرىكتىرە شايقاس جاساپ، تەرەڭ دوستىق سۇيىسپەنشىلىك ورناتتىم. اسىرەسە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋ، نازاردى باس نىساناعا شوعىرلاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ بارىسىندا قالىڭ پارتيالى كادرلار مەن بۇقارا ماعان تەرەڭ اسەر قالدىردى، پارتيا، ۇكىمەت، ارميا، ساقشى، بيڭتۋان، حالىقتىڭ قاجىرلى قۇلشىنىسىن، كۇن - ءتۇن دەمەي تاباندىلىق كورسەتكەندىگىن ۇمىتپايمىن، قالىڭ پارتيالى كادرلاردىڭ ادالدىقپەن جاۋاپكەرشىلىك ارقالاپ، سەنىم ارتىپ قولداۋ كورسەتكەندىگىن ۇمىتپايمىن، 25 ميلليوننان استام اياۋلى، سۇيىكتى، قادىرلى ءار ۇلت پارتيالى كادرلارى مەن حالىق بۇقاراسىنىڭ تەرەڭ سۇيىسپەنشىلىگىن، تەرەڭ دوستىعىن ۇمىتپايمىن، شينجياڭ سىندى ءبىر ميلليون 600 مىڭ شارشى كيلومەتردەن استام كەڭ - بايتاق ءوڭىردى، كوركەم تاۋ - وزەندى ۇمىتپايمىن. بۇكىل رايونداعى ءار ۇلت كادر - بۇقاراسىنىڭ مەنىڭ قىزمەتىمە كوڭىل بولگەندىگىنە، قولداۋ كورسەتكەندىگىنە جانە كومەكتەسكەندىگىنە شىن جۇرەكتەن العىس ايتامىن.
چىن چۋانگو بىلاي دەدى: قازىر بۇكىل رايوندا جوعارىدان تومەنگە دەيىن جالىندى جىگەرمەن ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا جورىعىنا قادام تاستادى. مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ما شيڭرۇي جولداس القا باستىعى بولعان اۆتونوميالى رايوندىق پارتكومنىڭ ىنتىماقتاستىرۋى مەن باستاۋىندا، شينجياڭنىڭ بولاشاعىنىڭ، ءسوز جوق، اناعۇرلىم كوركەم بولاتىندىعىنا كامىل سەنەمىن. شينجياڭنىڭ ءتۇرلى ىستەرىنىڭ گۇلدەنىپ - كوركەيۋىن، العا باسۋىن شىن جۇرەكتەن تىلەيمىن، شينجياڭداعى ءار ۇلت حالقىنىڭ باقىتتى، ساۋ - سالامات بولۋىن شىن جۇرەكتەن تىلەيمىن.
ما شيڭرۇي مىنالاردى ءبىلدىردى: پارتيا ورتالىق كوميتەتىنىڭ ۇيعارىمىن بۇكىلدەي قولدايمىن، وعان باتىل بويسۇنامىن، باس شۋجي شي جينپيڭنىڭ، پارتيا ورتالىق كوميتەتىنىڭ ماعان سەنىم ارتقاندىعىنا شىن جۇرەكتەن العىس ايتامىن، مەن بورىشىمنىڭ داڭقتى، جاۋاپكەرشىلىگىمنىڭ كەلەلى ەكەندىگىن تەرەڭ سەزىنۋدەمىن.
ما شيڭرۇي بىلاي دەدى: جاقىنعى جىلداردان بەرى چىن چۋانگو شۋجي القا باستىعى بولعان اۆتونوميالى رايوندىق پارتكومنىڭ باسشىلىق القاسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، بۇكىل رايونداعى ءار ۇلت كادر - بۇقاراسىن ىنتىماقتاستىرىپ، باستاپ، شينجياڭ قىزمەتىن ىلگەرىلەتۋدە كەلەلى ناتيجەگە قول جەتكىزدى. چىن چۋانگو شۋجي شينجياڭنىڭ رەفورما، دامۋ، ورنىقتىلىق ىستەرىنە قىرۋار ماڭداي تەرىن توگىپ، ماڭىزدى ۇلەس قوستى.
ما شيڭرۇي بىلاي دەدى: مەن باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جانە باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، تياناقتاندىرىپ، بۇكىل رايونداعى ءار ۇلت كادر - بۇقاراسىمەن بىرگە شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، باس شۋجي شي جينپيڭنىڭ شينجياڭ ءۇشىن جاساعان ايبىندى جوباسىن نىق قاداممەن كوركەم رەالدىققا اينالدىرامىن. ءبىرىنشى، پارتياعا ادال بولۋعا باستان - اياق تاباندى بولىپ، ايقىن تۋ ۇستاي وتىرىپ ساياسيدى دارىپتەيمىن. شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ، جەتە يگەرىپ، شىنايى تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتايمىن. ەكىنشى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولىپ، شينجياڭنىڭ قوعامدىق كەلەلى جاعدايىنىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن مىزعىماس تاباندىلىقپەن جەبەپ، وڭاي - وسپاق قولعا كەلمەگەن ورنىقتىلىق جاعدايىنىڭ كەرى قايتۋىنا استە جول بەرمەيمىن. ءۇشىنشى، حالىقتى وزەك ەتىپ، ەكونوميكانىڭ جوعارى ساپالى دامۋىن ىلگەرىلەتىپ، حالىقتىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرامىن. ءتورتىنشى، پارتيانى جاپپاي قاتاڭ باسقارۋعا تاباندى بولىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن باتىل ارقالاپ، جاڭا داۋىردەگى جاقسى كادر ولشەمىنە جانە ۇلتتىق وڭىرلەردەگى كادرلاردىڭ ساياسي ولشەمىنە تاباندى بولىپ، بۇكىل رايوندا جوعارىدان تومەنگە دەيىن ستيلى پاك، سالتى دۇرىس ساياسي ەكولوگيا جانە ءىس تىندىرىپ، ناتيجە شىعاراتىن تاماشا ورتا قالىپتاستىرۋدى ىلگەرىلەتەمىن. بەسىنشى، ءوزىم ونەگە بولۋدان جازباي، پاك، كىرشىكسىز ساياسي قاسيەتتى ماڭگى ساقتايمىن. ساياسي ءتارتىپ پەن ساياسي قاعيداعا باستاماشىلدىقپەن قاتاڭ بويسۇنىپ، دۇرىس ساياسي ناتيجە كوزقاراسىن بەرىك ورناتىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرىپ، ناقتى جاعدايدى تەكسەرىپ، ناقتى ءىس ىستەپ، ناقتى ونىمدىلىككە ۇمتىلامىن.
ما شيڭرۇي بىلاي دەدى: ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، اۆتونوميالى رايوننىڭ ءار كەزەكتى باسشىلىق القاسى قالاعان بەرىك نەگىزدە، بۇكىل ەلدەگى ءار ۇلت حالقىنىڭ قالتقىسىز كومەگىندە بۇكىل رايونىمىزداعى پارتيالى كادرلار مەن ءار ۇلت بۇقاراسىنىڭ ءبىر نيەتپەن كۇش بىرىكتىرىپ، ۇدەرە العا تارتىپ، شينجياڭنىڭ ءتۇرلى قىزمەتتەرىن ىلگەرىلەتۋدە، ءسوز جوق، تىڭ ناتيجەگە قول جەتكىزىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الاتىندىعىنا كامىل سەنەمىز.
ەركىن تۇنياز مىنانى ءبىلدىردى: پارتيا ورتالىق كوميتەتىنىڭ اۆتونوميالى رايوندىق پارتكومداعى نەگىزگى باسشى جولداستى رەتتەۋ جونىندەگى ۇيعارىمىن شىن جۇرەكتەن قولدايمىن، وعان باتىل بويسۇنامىن. ول بىلاي دەدى: چىن چۋانگو جولداس شينجياڭعا كەلىپ قىزمەت ىستەگەننەن بەرى قاتاڭ دا كۇردەلى جاعداي الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل رايوندى تۇتاستاي ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، شينجياڭ قىزمەتىن ىلگەرىلەتۋدە كەلەلى ناتيجەگە قول جەتكىزدى. پارتيا ورتالىق كوميتەتىنىڭ ما شيڭرۇي جولداستى اۆتونوميالى رايوندىق پارتكومنىڭ شۋجيلىگىنە تاعايىنداۋدى ۇيعارۋى باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭ قىزمەتىنە قامقورلىق جاساعاندىعىن جانە قولداۋ كورسەتكەندىگىن تولىق ايگىلەدى. مەن يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ما شيڭرۇي جولداس القا باستىعى بولعان اۆتونوميالى رايوندىق پارتكومنىڭ ىنتىماقتاستىرۋى مەن باستاۋىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ، ورتالىقتىڭ ەكونوميكالىق قىزمەت ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا، اسىرەسە، قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاڭا داۋىردەگى جۇڭگوشا سوتسياليستىك شينجياڭنىڭ جاڭا جاعدايىن ونان ارى اشىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الامىن.
قازىر مىندەتتە وتىرعان ولكە دارەجەلى باسشى كادرلار؛ ورىنباسار ولكە دارەجەلىدەن جوعارى قارت جولداستار؛ اۆتونوميالى رايوندىق پارتكومنىڭ مۇشەلەرى، كانديدات مۇشەلەرى؛ ايماقتىق، وبلىستىق، قالالىق پارتيا، ۇكىمەت ورىندارىنىڭ ءبىرىنشى باسشىلارى؛ رايونعا توتە قاراستى ورىنداردىڭ نەگىزگى جاۋاپتىلارى؛ رايونعا قاراستى كاسىپورىندار مەن ءىسورىندارىنىڭ جانە جوعارى مەكتەپتەردىڭ نەگىزگى جاۋاپتىلارى؛ ورتالىقتىڭ شينجياڭدا تۇراتىن ورىندارىنىڭ نەگىزگى جاۋاپتىلارى؛ دەموكراتيالىق پارتيا - توپتاردىڭ رايوندىق كوميتەتتەرىندەگى، ساۋدا - ونەركاسىپشىلەر بىرلەستىگىندەگى نەگىزگى جاۋاپتى جولداستار؛ شينجياڭ ءوندىرىس - قۇرىلىس بيڭتۋانى پارتكومىنىڭ مۇشەلەرى، كانديدات مۇشەلەرى، ءارقايسى شىلاردىڭ جىڭۋيلەرى، شى باستىقتارى، پارتيا، ۇكىمەت قىزمەت تاراۋلارىنىڭ نەگىزگى جاۋاپتىلارى، ت.ب ماجىلىسكە قاتىناستى.
