تيانشان تورى   ›   جاڭالىقتار   ›   ساياحات

شينجياڭ جاقسى جەر | 35 ءتۇرلى قيمىل ٴسىزدى كورلانىڭ قار – مۇز ماۋسىمىن تاماشالاۋعا باستايدى

  12 – ايدىڭ 26 – كۇنى ”قىسقى وليمپيادا سالتاناتتى جينالىسىن قارسى الۋ . قار ـ مۇز مەكەنى بايىنعولين وبلىسىنا ساياحات“ اتىنداعى 8 ـ كەزەكتى مەملەكەتتىك بۇقارالىق قار ـ مۇز ماۋسىمى جانە كورلا قالاسىنىڭ 2021 – جىلعى قار ـ مۇز ساياحات ماۋسىمىنىڭ باستالۋ سالتىنداعى ايداعار ٴبيى ويىنى. سۋرەتتى ەرىكتى ٴتىلشى حۋاڭ ۋانلي تۇسىرگەن

  انار بۇلت - شينجياڭ گازەتىنىڭ حابارى (ٴتىلشى دۋ جيانحۇي حابارلايدى). 12 – ايدىڭ 26 – كۇنى ”قىسقى وليمپيادا سالتاناتتى جينالىسىن قارسى الۋ. قار ـ مۇز مەكەنى بايىنعولين وبلىسىنا ساياحات“ اتىنداعى 8 ـ كەزەكتى مەملەكەتتىك بۇقارالىق قار ـ مۇز ماۋسىمى جانە كورلا قالاسىنىڭ 2021 – جىلعى قار ـ مۇز ساياحات ماۋسىمى كورلا قالاسىنىڭ لۇڭجىشان دۇڭگۇي قار شاڭعى الاڭىندا رەسمي باستالدى.

  قيمىل ناق مايدانىندا تارتىمدى قار - مۇز سالتاناتى، قارلى دالادا ارقان تارتۋ، سونداي - اق جالعىز تاقتالى، قوس تاقتالى شاڭعى تەبۋ سياقتى قيمىلدار وتكىزىلدى. ”قار شاڭعى الاڭىنىڭ قيمىلى اسا كوپ، جاقىن ماڭدا قار ـ مۇز سپورتىنىڭ قىزىعىن سەزىنىپ، وتە قولايلى بولدى“، ـ دەدى ساياحاتشى چي بين قۋانا.

  كورلا قالاسىنىڭ قار ـ مۇز ساياحات ماۋسىمى قيمىلى 2 ايدان استام ۋاقىتقا جالعاسادى. قيمىل مادەنيەت ـ كوركەمونەر، ساياحات جانە دەنە تاربيە تۇرلەرىنە بولىنەدى، ۇقساماعان 5 تارماق قار ـ مۇز ماۋسىمى ساياحات جەلىسى جوبالانىپ، ۇلتتىق سالت ـ سانا ويىنى، بۇقارالىق ادەبيەت ـ كوركەمونەر كونسەرتى، ات ونەرى ويىنى، تۇبەكتە ەگىلگەن المانى تاماشالاۋ، بۇلدىرگەن ٴۇزۋ ساياحاتى سياقتى 35 ٴتۇرلى فورماسى جاڭا، باي مازمۇندى قيمىلدار شىعارىلادى.

  12 ـ ايدىڭ 26 ـ كۇنى جۇمىس باستاۋ سالتىندا بالالار قۋانا سۋرەتكە ٴتۇسىپ ەستەلىك قالدىرۋدا. سۋرەتتى ەرىكتى ٴتىلشى ٴدىللارا احىمەت تۇسىرگەن

  وسىدان بۇرىن كورلا قالاسى تاعى قالا رايونىنان كورلا المۇرتى نان كاسىپ سالاسى باقشاسىنا اقىسىز كەزەكشى اۆتوبۋز جۇرگىزىپ، قالا تۇرعىندارىنىڭ كەشكى ٴجۇرىس ـ تۇرىسىنا قولايلىلىق جاساعان. سونىمەن بىرگە، كورلا قالاسىنان باعراش كولى داحىكوۋ كورىنىس وڭىرىنە، كورلا قالاسىنان لوپنۇر اۋدانى لوپنۇرلىقتار قىستاعى كورىنىس وڭىرىنە دەيىنگى قىسقى ساياحات ارناۋلى جەلىسىن دە اشقان بولاتىن.

  كورلا قالالىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى حانىمگۇل امەت بىلاي دەدى: وسى كەزەكتى قار ـ مۇز ساياحات ماۋسىمى جەلىلەس قيمىلدارىندا ” ۇكىمەت ساحنا ازىرلەۋ، كاسىپورىندار ويىن قويۋ“ قىزمەت وي جەلىسىنە تاباندى بولىپ، ”دەنە تاربيە + ساياحاتتى“ ماڭىزدى ٴتۇيىن ەتىپ، جاستار مەن ورەندەردىڭ قار ـ مۇز سپورتىن كۇش سالا جالپىلاستىرىپ، كورلا قالاسىنىڭ قىسقى ساياحات بايلىعىن جانداندىرىپ، قىسقى ساياحات ونىمدەرىنىڭ جاڭا كاسىپ كۇيىن قالىپتاستىرىپ، ”قورعان سىرتىنداعى مەرۋەرت . كوركەم المۇرت قالاسى“ مادەنيەت - ساياحات ماركاسىنىڭ تانىمالدىعى مەن اتاعىن جوعارىلاتتىق.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.