حالىق گازەتى باسماقالاسى
اۋىل شارۋاشىلىعى، اۋىل - قىستاق، شارۋالار ماسەلەسى مەملەكەتتىڭ جوسپارى مەن حالىقتىڭ تۇرمىسىنا ساياتىن ءتۇبىرلى ماسەلە. ورتالىقتىڭ اۋىل - قىستاق قىزمەتى ءماجىلىسى 12 - ايدىڭ 25 - كۇنىنەن 26 - كۇنىنە دەيىن بەيجيڭدە اشىلدى. ءماجىلىس كەزەكتەگى اۋىل شارۋاشىلىعى، اۋىل - قىستاق، شارۋالار قىزمەتى ءدوپ كەلگەن جاعداي مەن مىندەتكە تالداۋ جاساپ، 2022 - جىلعى اۋىل شارۋاشىلىعى، اۋىل - قىستاق، شارۋالار قىزمەتىن اقىلداسىپ ورنالاستىردى. باس شۋجي شي جينپيڭ پارتيا مەن مەملەكەت ىستەرى دامۋ جالپى جاعدايىنىڭ ستراتەگيالىق بيىك تۇرعىسىندا تۇرىپ، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: ”ءتۇرلى حاۋىپ - قاتەرلەر مەن سىن - سايىستارعا توتەپ بەرۋدە، ءسوز جوق، مەملەكەتتىڭ ستراتەگيالىق قاجەتىن كوزدەپ، اۋىل شارۋاشىلىعىنىڭ نەگىزگى جاعدايىن ورنىقتىرۋ، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ، شارالار مىعىم، اتقارۋ قۋاتى كۇشتى بولۋ، ءوندىرىستى ورنىقتىرۋعا، قامداۋدى قامتاماسىز ەتۋگە شىنايى كەپىلدىك ەتۋ، اۋىل شارۋاشىلىعىنىڭ، اۋىل - قىستاقتىڭ ورنىقتى دامۋىنا شىنايى كەپىلدىك ەتۋ كەرەك“.
اۋىل شارۋاشىلىعى، اۋىل - قىستاق، شارۋالار جاقسارسا، جالپى جاعدايدا ىرىقتى ورىندا تۇرۋعا بولادى. بيىل جىل باسىنان بەرى كۇردەلى دە قاتاڭ دامۋ ورتاسى، بىتىراڭقى، ءجيى تۋىلعان ءىشىنارالىق ىندەت، ەرەكشە قالىپسىز سۇركەيلى اۋا رايى سياقتى قيىنشىلىق، سىن - سايىس الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندە اسا ماڭىزدى ورىنعا قويۋعا تاباندى بولىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، جۇڭگوشا سوتسياليستىك اۋىل - قىستاقتى گۇلدەندىرۋ جولىمەن ءجۇرىپ، اۋىل شارۋاشىلىعى، اۋىل - قىستاق، شارۋالار قىزمەتىن تىڭعىلىقتى ىلگەرىلەتتى، اۋىل شارۋاشىلىق ءوندىرىسى ورنىقتىلىق بارىسىندا ىلگەرىلەپ، استىقتىڭ ءتۇسىم مولشەرى ءبىر تريلليون 300 ميلليارد جىڭنان اسىپ، كەدەيلىكتەن ارىلتۋدان قامال الۋ تابىستارى بەكەمدەلىپ جانە كەڭەيىپ، اۋىل - قىستاقتى گۇلدەندىرۋدى جاپپاي ىلگەرىلەتۋدە نىق قادام تاستالىپ، ”14 - بەسجىلدىقتىڭ“ تاماشا باستاماسىن جۇزەگە اسىرۋعا بەرىك نەگىز قالاندى. اماليات شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇزدىكسىز تۇردە اۋىل شارۋاشىلىعىنا ءمان بەرۋ، اۋىل شارۋاشىلىعىن كۇشەيتۋ ستراتەگيالىق شەشىمىنىڭ بۇكىلدەي دۇرىس ەكەندىگىن، پارتيانىڭ اۋىل شارۋاشىلىعى، اۋىل - قىستاق، شارۋالار ساياساتىنىڭ ءجۇز ميلليونداعان شارۋانىڭ شىن جۇرەكتەن قولداۋىنا يە بولعاندىعىن تولىق دالەلدەدى.
كەلەر جىلى پارتيانىڭ 20 - قۇرىلتايى اشىلادى، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ، اۋىل شارۋاشىلىعى، اۋىل - قىستاق، شارۋالار سىندى وسى نەگىزگى جاعدايدى ورنىقتىرۋ ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى ساقتاۋ جونىنەن ەرەكشە كەلەلى ماڭىز الادى. ءسوز جوق، اۋىل شارۋاشىلىعىنىڭ نەگىزگى جاعدايىن ورنىقتىرىپ، اۋىل شارۋاشىلىعى، اۋىل - قىستاق، شارۋالار نەگىزىن ويداعىداي ساقتاپ، ”ورنىقتىرعىش“ رولىن اناعۇرلىم ويداعىداي ساۋلەلەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك.
باس شۋجي شي جينپيڭ بىلاي دەپ باسا دارىپتەدى: ”باستاپقى ونىمدەرمەن قامداۋدى ويداعىداي قامتاماسىز ەتۋ − كەلەلى ستراتەگيالىق ماسەلە، جۇڭگولىقتار ىرىزدىعىن قاي - قاشان دا ءوز قولىندا مىقتى ۇستاۋى، داستارقانىندا، باستىسى، جۇڭگو استىعى بولۋى كەرەك“. استىق حاۋىپسىزدىگىنە كەپىلدىك ەتۋدە بارلىق ادام جاۋاپكەرشىلىك ارقالايدى، پارتيا مەن ۇكىمەتتىڭ بىردەي جاۋاپكەرشىلىك ارقالاۋىنان شىنايى ناتيجە شىعارۋ كەرەك. سىرتقى ورتادا تەرەڭ وزگەرىس تۋىلعان كۇردەلى جاعدايدا، ءوز كۇشىنە سۇيەنىپ ءوز ىرىزدىعىن مىقتى ۇستاعاندا عانا، ءتۇرلى حاۋىپ - قاتەرلەرگە، سىن - سايىستارعا توتەپ بەرۋدە ىرىقتىلىققا قول جەتكىزۋگە بولادى. استىق ءوندىرىسىن جانە ماڭىزدى اۋىل شارۋاشىلىق ونىمدەرىمەن قامداۋدى بار كۇشپەن ويداعىداي يگەرىپ، استىق حاۋىپسىزدىگىندە پارتيا مەن ۇكىمەتتىڭ بىردەي جاۋاپكەرشىلىك ارقالاۋىن تياناقتاندىرىپ، استىق حاۋىپسىزدىگى جاۋاپكەرشىلىك ءتۇزىمى باعالاۋىن ورىستەتىپ، سويا بۇرشاق جانە مايلى داقىل ءوندىرىسىن زور كۇشپەن كەڭەيتىپ، 2022 - جىلى استىق ءتۇسىمىن ءبىر تريلليون 300 ميلليارد جىڭنان جوعارى دەڭگەيدە ورنىقتىرۋعا شىنايى كەپىلدىك ەتىپ، ”كوجە قاتىققا“ قالا باستىعى جاۋاپتى بولۋ ءتۇزىمىن كۇشەيتىپ، ەتپەن، جۇمىرتقامەن، كوكونىسپەن جانە باسقا دا تۇرمىستىق قاجەتتى بۇيىمدارمەن قامداۋعا، باعاسىنىڭ نەگىزىنەن ورنىقتى بولۋىنا شىنايى كەپىلدىك ەتۋ كەرەك. ەگىستىك جەردى قورعاۋ ىسىندە، ءسوز جوق، مۇقيات بولۋ، استە نەمقۇرايدىلىق ىستەمەۋ كەرەك، ەگىستىك جەردى قورعاۋدا پارتيا مەن ۇكىمەت بىردەي جاۋاپكەرشىلىك ارقالاۋدى اتقارىپ، ”جارامدى“ قاتاڭ شارالاردى تياناقتاندىرىپ، ءبىر ميلليارد 800 ميلليون مۋلىق ەگىستىك جەردىڭ قىزىل سىزىعىن قاتاڭ ساقتاپ، ەگىستىك جەردىڭ پايدالانىلۋ ماقساتىن قاداعالاپ باسقارۋدى كۇشەيتىپ، 2022 - جىلى 100 ميلليون مۋلىق جوعارى ولشەمدى ەگىس اتىزىن جاڭادان قۇرۋ كەرەك. اۋىل شارۋاشىلىعىنىڭ عىلىم - تەحنيكالىق تىرەگىن كۇشەيتىپ، تۇقىم قاينارى سياقتى اۋىل شارۋاشىلىعىنداعى شەشۋشى، وزەكتى تەحنيكالاردان قامال الۋدى كۇش سالا ىلگەرىلەتىپ، اۋىل شارۋاشىلىعى ماشينا - جابدىقتارىن زەرتتەپ اشۋ، قولدانۋ دەڭگەيىن جوعارىلاتىپ، قۇرىلعىلى اۋىل شارۋاشىلىعىن جەدەل دامىتۋ كەرەك.
اۋىل - قىستاقتى گۇلدەندىرۋدىڭ العى شارتى − كەدەيلىكتەن ارىلتۋدان قامال الۋ جەتىستىكتەرىن بەكەمدەۋ. ونى ۇزدىكسىز مىقتى، ويداعىداي يگەرىپ، كەدەيلىكتەن ارىلعان بۇقارانىڭ تۇرمىسىن تاعى ءبىر تىڭ ساتىعا كوتەرۋ كەرەك. كەدەيلىكتەن ارىلتۋدان قامال الۋ جەڭىسكە جەتكەننەن كەيىن كەرى قايتۋعا بولمايدى، اۋىل - قىستاقتى گۇلدەندىرۋ ستراتەگياسىمەن ورگانيكالى ۇشتاستىرۋدى ءۇرتىس ىلگەرىلەتىپ، اۋىل - قىستاقتى گۇلدەندىرۋدە ءتۇيىندى كومەكتەسىپ - سۇيەمەلدەنەتىن اۋداندارعا بەيىمدەلۋ، قولداۋ كورسەتۋ سەرپىنىن ارتتىرىپ، باقىلاۋ - تەكسەرۋ، كومەكتەسۋ - سۇيەمەلدەۋ مەحانيزمىن جەدەل كەمەلدەندىرىپ جانە تياناقتاندىرىپ، كولەمدى تۇردە قايتا كەدەيلەسۋدىڭ تۋىلماۋىنا شىنايى كەپىلدىك ەتۋ كەرەك. نازاردى كاسىپ سالاسى ارقىلى اۋىل - قىستاقتىڭ دامۋىن جەبەۋگە شوعىرلاندىرىپ، اۋىل - قىستاقتاعى 1 -، 2 -، 3 - كاسىپتەردىڭ توعىسۋىن ىشكەرىلەي ىلگەرىلەتىپ، اۋدان كولەمىندە حالىقتى بايىتۋ كاسىپ سالالارىن زور كۇشپەن دامىتۋ كەرەك. اۋىل - قىستاق قۇرىلىسىن تىڭعىلىقتى ىلگەرىلەتىپ، اۋىل - قىستاقتى باسقارۋدى كۇشەيتىپ جانە جاقسارتىپ، اناعۇرلىم پارمەندى شارالار قولدانۋدى، اناعۇرلىم قۋاتتى كۇشتەردى ۇيىستىرۋ ارقىلى اۋىل - قىستاقتى گۇلدەندىرۋدى جاپپاي جەبەۋدە تىڭ ىلگەرىلەۋشىلىككە قول جەتكىزۋ، اۋىل شارۋاشىلىعىن، اۋىل - قىستاقتى وسىزامانداندىرۋدا تىڭ قادام تاستاۋ كەرەك.
كەلەر جىلعى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ماڭىزى زور، مىندەتى جاپالى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءورىس اشا ىلگەرىلەپ، قامال الىپ، قيىندىقتى جەڭىپ، اۋىل - قىستاقتى گۇلدەندىرۋدى جاپپاي ىلگەرىلەتۋ قىزمەتىنىڭ جاڭا جاعدايىن كۇش سالا اشىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ۇزدىكسىز جاڭا ۇلەس قوسىپ، جاڭا شۇعىلالى تابىس جاراتۋىمىز كەرەك.
(شينحۋا اگەنتتىگىنىڭ 12 - ايدىڭ 26 - كۇنى بەيجيڭنەن بەرگەن حابارى)
