تيانشان تورى
تيانشان تورى   ›   جاڭالىقتار   ›   سپورت الەمى

قىسقى وليمپيادانى قارسى الۋ، قار – مۇزعا قىزىعۋ | قىسقى وليمپيادا سپورت جارىسى تاياپ، قار شاڭعى الاڭى قىزا ٴتۇستى

  انار بۇلت / شينجياڭ گازەتىنىڭ حابارى (تىلشىلەر جاڭ شياۋمي، رىن جياڭ حابارلايدى). ”بەيجيڭ قىسقى وليمپيادا سورت جارىسىنىڭ جاقىنداۋىنا ىلەسە، قار شاڭعى اۋەسكەرلەرىنىڭ قىزعىندىلىعى بارعان سايىن جوعارىلادى. اپتا سوڭى عانا ەمەس، قىزمەت كۇنىندە دە شاڭعى الاڭىنان ادامداردىڭ اياعى ۇزىلمەدى“، - دەدى 12 – ايدىڭ 28 – كۇنى شينجياڭ جىبەك جولى حالىقارالىق دەمالىس رايونىنىڭ ورىنباسار ديرەكتورى شۋە ۋىنجۇن.

  12 – ايدىڭ 28 – كۇنى قار شاڭعى اۋەسكەرلەرى شينجياڭ جىبەك جولى حالىقارالىق دەمالىس رايونىندا شاڭعى تەبۋدە. سۋرەتتى ليۋ شياۋحاڭ تۇسىرگەن

  ۇدايىلانعان ىندەتتەن ساقتانۋ - تىزگىندەۋ شارالارىن تياناقتاندىرۋ العى شارتى استىندا، 12 - ايدا اتالعان قار الاڭىنىڭ تۇنگى الاڭى اشىلعاننان بەرى، ساياحاتشىلار سانى ۇقساس مەزگىلدەگىمەن سالىستىرعاندا كوپ ارتتى. ”قازىر دۇيسەنبىدەن جۇماعا دەيىن ٴار كۇنى شامامەن 2000 ساياحاتشى قابىلدايمىز، اپتا سوڭىندا 4000 ادامعا جەتەدى“، ـ دەدى شۋە ۋىنجۇن.

  سول كۇنى شينجياڭ جىبەك جولى حالىقارالىق دەمالىس رايونىنىڭ شاڭعى جولىندا قار شاڭعى اۋەسكەرلەرى ءيا ماقتانعان بەينەلەرىن كورسەتىپ، شاڭعى جولىنىڭ شاتتىعىن سەزىنسە؛ ءيا تاۋ باسىنداعى اعاش ۇيدە وتىرىپ، الىستاعى قارلى تاۋدى ارتقى كورىنىس ەتىپ، تابيعي ۇلكەن وتتەگى قامباسىنداعى تازا اۋامەن تىنىستادى؛ نەمەسە بىرنەشە ادام ٴبىر گرۋپپا بولىپ، قار دوڭگەلەگىنە وتىرىپ، كۇلكى ٴۇنى مەن ايعايلاعان داۋىس دالانى كەرنەپ، تومەن سىرعاناپ ٴتۇستى.

  12 – ايدىڭ 28 – كۇنى قار شاڭعى اۋەسكەرى شاڭعى جولىندا قار شاڭعى تەبۋدە. سۋرەتتى ليۋ شياۋحاڭ تۇسىرگەن

  ”بۇل جەردە جالعاستى 3 كۇن شاڭعى تەۋىپ، ٴار كۇنى دەرلىك اسپالى ارقان ۆاگون توقتاعانعا دەيىن قۇمارىم قانعانشا وينادىم“. 12 ـ ايدىڭ 28 ـ كۇنى شىجياجۋاڭنان كەلگەن قار شاڭعى اۋەسكەرى لي ميڭيۋان بىلاي دەدى: بىلتىر وسى قار شاڭعى الاڭىنىڭ اي -ۋىن داڭعىلىنىڭ جانكۇيەرى بولعاننان كەيىن، بيىل بىرنەشە دوسىمدى الا كەلىپ، شاتتىق اڭعارى مەن اي -ۋىن داڭعىلىندا بىرنەشە دۇركىن شاڭعى تەۋدىم.

  12 – ايدىڭ 28 - كۇنى شىجياجۋاڭنان كەلگەن قار شاڭعى اۋەسكەرى لي ميڭيۋان شينجياڭ جىبەك جولى حالىقارالىق دەمالىس رايونىندا شاڭعى تەبۋدە. سۋرەتتى سۇحبات قابىلداۋشى بەرگەن

  ”بۇرىن دوسىمنان بۇل ارا ەڭ جىلى قار شاڭعى الاڭى دەپ ەستىگەنمىن، راسىندا وتە جايلى ەكەن، تاۋ باسىندا تەلەفون سوقساق تا قولىمىز توڭبايدى“، ـ دەدى لي ميڭيۋان.

  ءۇرىمجى قالاسىنان كەلگەن ۋاڭ ليڭ دەمالىسىنان پايدالانىپ شاڭعى تەبۋگە كەلدى. ول: ”5 كۇندىك جىلدىق دەمالىسىمدا قار شاڭعى الاڭىنىڭ قىزىعىنا باتتىم، اكە ـ شەشەمدى دە الا كەلدىم، بىرگە كۇن شۋاقتاپ، شارۋالار تاماعىنان ءدام تاتپاقشىمىز“، ـ دەدى.

  12 – ايدىڭ 28 - كۇنى شينجياڭ جىبەك جولى حالىقارالىق دەمالىس رايونىندا قىسقى وليمپيادا سپورت جارىسىن قارسى الۋدىڭ تاماشى رايى قالىپتاستى. سۋرەتتى ليۋ شياۋحاڭ تۇسىرگەن

  بەيجيڭ قىسقى وليمپيادا سپورت جارىسىنىڭ قىزۋ ورلەۋى كوپشىلىكتى قار - مۇز سپورتىنا قاتىناسۋعا باۋراپ، قار - مۇز شاتتىعىن سەزىندىرۋدەن سىرت، قار - مۇز تۇتىنۋىنىڭ قىزۋىن دا ارتتىردى.

  شينجياڭ جىبەك جولى حالىقارالىق دەمالىس رايونىنداعى شينجياڭ باۋفىڭشۋە قار شاڭعى بۇيىمدارى دۇكەنىندە بيىل كاسىپتىك قار شاڭعى جابدىقتارىنىڭ ساتىلۋ مولشەرى وتكەن جىلدىڭ ۇقساس مەزگىلىندەگىدەن كوپ ارتتى. ”ەرەسەكتەر قار شاڭعى جابدىقتارىنىڭ ساتىلۋ مولشەرى بىلتىرعىدان %20 شاماسىندا ارتتى، بالالار قار شاڭعى جابدىقتارىنىڭ ساتىلۋ مولشەرى %50كە تاياۋ ارتتى“، ـ دەدى اتالعان دۇكەننىڭ ورىنباسار باس ديرەكتورى لياۋ شيانچىڭ.

  ”بيىل ٴبىز بىرنەشە توپتاعى شينجياڭنىڭ سىرتىنان كەلگەن قار شاڭعى اۋەسكەرلەرىن شينجياڭ جىبەك جولى حالىقارالىق دەمالىس رايونىنا كەلىپ شاڭعى تەبۋگە ۇيىمداستىردىق. بۇرىنعى جىلدارداعىمەن ۇقسامايتىنى، بيىل 3 تە 5 ادامدىق قار شاڭعى اۋەسكەرى شاعىن ۇيىرمەسى نەگىز ەتىلدى“، ـ دەدى شينجياڭ قىسقى دەنە تاربيە قوعامىنىڭ ورىنباسار باستىعى ۋاڭ جيڭ.

  شۋە ۋىنجۇن بىلاي دەپ تانىستىردى: ”قازىر قار شاڭعى الاڭىنداعى %90 شاڭعى جولى اشىلدى، كەزەكتە قار ـ مۇز باقشاسى تيجارات باستاۋعا دايىندالىپ، 2022 ـ جىلعى جاڭا جىلدىڭ الدى ـ ارتىندا اشىلۋ جوسپارلانىپ وتىر. سول كەزدە قارلى دالا ايداعار قايىعى، قارلى دالا ۆەلوسيپەدى، قارلى دالا شاناسى سياقتى تۇرلەر قوسىلىپ، ساياحاتشىلارعا قار ـ مۇز سپورتىنداعى تالعامىن مولايتادى“.

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.