تيانشان تورى   ›   جاڭالىقتار   ›   ماڭىزدى حابارلار

پارتيا قۇرۋ ۇلى رۋحىن اسقاقتاتىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىنە تاباندى بولىپ، تاريحي سەنىمدى نىعايتۋ، ىنتىماقتى، بىرلىكتى بەكەمدەۋ، كۇرەس رۋحىن كۇشەيتۋ كەرەك

جۇڭگو كوممۋنيستىك پارتياسى ورتالىق كوميتەتى ساياسي بيۋروسى ارناۋلى تاقىرىپتىق دەموكراتيالىق تۇرمىس جيىنىن اشىپ بىلاي دەپ باسا دارىپتەدى

پارتيا قۇرۋ ۇلى رۋحىن اسقاقتاتىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىنە تاباندى بولىپ، تاريحي سەنىمدى نىعايتۋ، ىنتىماقتى، بىرلىكتى بەكەمدەۋ، كۇرەس رۋحىن كۇشەيتۋ كەرەك

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى

  12 - ايدىڭ 27 - كۇنىنەن 28 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسى پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  12 - ايدىڭ 27 - كۇنىنەن 28 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسى پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 12 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 12 - ايدىڭ 27 - كۇنىنەن 28 - كۇنىنە دەيىن پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشىپ، پارتيا قۇرۋ ۇلى رۋحىن اسقاقتاتىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىنە تاباندى بولىپ، تاريحي سەنىمدى نىعايتىپ، اۋەلگى ماقساتتى، بورىشتى ۇمىتپاي، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، جاڭا ەمتيحان تاپسىرۋ جولىن ويداعىداي باسۋدى نەگىزگى تاقىرىپ ەتىپ، ورتالىق كوميتەت ساياسي بيۋروسى قىزمەتىمەن بايلانىستىرىپ، ورتالىق كوميتەت ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ جانە قورعاۋ جونىندەگى ءبىرقانشا بەلگىلەمەسىن باستاماشىلدىقپەن قاتاڭ اتقارۋمەن بايلانىستىرىپ، باس شۋجي شي جينپيڭنىڭ ماڭىزدى نۇسقاۋىن، بەكىتۋىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باستاماشىلدىقپەن دايەكتىلەندىرۋ، تياناقتاندىرۋ ءىس جۇزىندىگىمەن بايلانىستىرىپ، باستاماشىلدىقپەن پارتيا تاريحىن ۇيرەنۋ، يدەيانى ءتۇسىنۋ، ناقتى ءىس ىستەۋ، جاڭا جاعداي اشۋ ءىس جۇزىندىگىمەن بايلانىستىرىپ، ورتالىقتىڭ 8 ءتۇرلى بەلگىلەمەسىن، سونداي - اق ونى اتقارۋ ەگجەي - تەگجەيلى ەرەجەسىن باستاماشىلدىقپەن قاتاڭ اتقارۋ جانە فورماشىلدىق كورنەكتى ماسەلەلەرىن شەشۋ، نەگىزگى ساتىنىڭ اۋىرتپالىعىن جەڭىلدەتۋ ءىس جۇزىندىگىمەن بايلانىستىرىپ، ورتالىق كوميتەت ساياسي بيۋروسىنىڭ ءبىر جىلدان بەرگى ءوز قۇرىلىسىن كۇشەيتۋ جاعدايىنا قايىرىلا قاراپ، ناتيجەلەردى قورىتىندىلاپ، جەتەرسىزدىكتەردى تەكسەرىپ، ورتاعا قويىپ، پارتيالىلىق تالداۋ جاساپ، سىن جانە ءوز - وزىنە سىن ورىستەتتى.

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.

  جيىننان بۇرىن قاتىستى جاقتار مۇقيات دايىندىق جاسادى. ورتالىق كوميتەت ساياسي بيۋروسىنداعى جولداستار قاتىستى جاۋاپتى جولداستارمەن سىرلاسىپ، اڭگىمەلەسىپ، پىكىرلەر مەن ۇسىنىستاردى تىڭداپ، سويلەيتىن سوزدەرىنىڭ تەزيسىن دايىندادى. جيىن «2021 - جىلعى ورتالىق كوميتەت ساياسي بيۋروسىنىڭ ورتالىقتىڭ 8 ءتۇرلى بەلگىلەمەسىن دايەكتىلەندىرۋ، اتقارۋ جاعدايى جونىندەگى بايانداما» مەن «2021 - جىلعى فورماشىلدىقتى رەتتەپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ جاعدايى جونىندەگى باياندامانى» قارادى. ودان كەيىن ورتالىق كوميتەت ساياسي بيۋروسىنداعى جولداستار ءبىر - بىردەن ءسوز سويلەپ، سىن جانە ءوز - وزىنە سىن ورىستەتتى.

  ورتالىق كوميتەت ساياسي بيۋروسىنداعى جولداستار سوزدەرىندە جيىننىڭ نەگىزگى تاقىرىبىن ارقاۋ ەتىپ تانىمدارى مەن ويلارىن سويلەدى ءارى وزدەرىنىڭ ءىس جۇزىندىك جاعدايلارىمەن ۇشتاستىرىپ مۇقيات تەكسەرىپ، ماسەلەلەردى ورتاعا قويىپ، تەرەڭ تالداۋ جاساپ، پارتيا مەن حالىققا وسكەلەڭ جاۋاپتى بولۋ پوزيتسياسىن ايگىلەدى، قاتاڭ، ناقتى بولۋ تالابىن ايگىلەدى، ويىن بۇكپەسىز ايتۋ، ءوزارا ەسكەرتۋ رايىن ايگىلەدى.

  جيىن مىنالاردى باسا دارىپتەدى: بيىلعى جىل پارتيا مەن مەملەكەت تاريحىنداعى بەلەستىك مانگە يە ءبىر جىل. ءبىر جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتاپ، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن جەڭىسپەن اشىپ، پارتيانىڭ 3 - تاريحي قارارىن جاساپ، پارتيا تاريحىن ۇيرەنۋ تاربيەسىن ورىستەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، جاپپاي دوڭگەلەك داۋلەتتى قوعامدى دەر كەزىندە ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىن بەتكە الىپ شەرۋ تارتۋدىڭ جاڭا جورىعىن باستادى. ءبىر جىلدان بەرى دۇنيە جۇزىندە 100 جىلدا بولماعان زور وزگەرىس پەن جاڭا تيپتى ايدارشا ۆيرۋس وكپە قابىنۋ ىندەتىنىڭ الەمدە زور كولەمدە تارالىپ قاباتتاسا ىقپال جاساۋىندا، ەل ىشىندەگى ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ مىندەتتەرى ايرىقشا اۋىر دا جاپالى بولدى، بۇكىل پارتيا، بۇكىل ەل شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىنە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ارناسىن قالىپتاستىرۋدا تىڭ قادام تاستاپ، جوعارى ساپالى دامۋدا تىڭ ناتيجەلەرگە قول جەتكىزىپ، مەملەكەتتىڭ ستراتەگيالىق عىلىم - تەحنيكا قۋاتىن جەدەل كۇشەيتىپ، رەفورما جاساۋدى، ەسىك اشۋدى جالپى بەتتىك تەرەڭدەتىپ، حالىق تۇرمىسىن پارمەندى، ءونىمدى قامتاماسىز ەتىپ، ەكولوگيالىق وركەنيەت قۇرىلىسىن ۇزدىكسىز ىلگەرىلەتىپ، قوعامدىق كەلەلى جاعدايدىڭ ورنىقتىلىعىن ساقتاپ، مەملەكەت قورعانىسى مەن ارميانى وسىزامانداندىرۋ قۇرىلىسىن جەدەل ىلگەرىلەتىپ، كوپتەگەن اۋىر جاراتىلىستىق اپاتتاردى جەڭىپ، اپاتتان كەيىنگى قالپىنا كەلتىرۋدى، قايتا قۇرۋدى تىڭعىلىقتى پارمەندى ىستەدى، ەلىمىزدىڭ ەكونوميكالىق دامۋى مەن ىندەتتەن ساقتانۋ - تىزگىندەۋى الەمدە الدىڭعى ورىندى ساقتاپ، پارتيا مەن مەملەكەت ىستەرى تىڭ دا كەلەلى تابىستارعا قول جەتكىزىپ، ”14 - بەسجىلدىقتا“ تاماشا باستاما جۇزەگە اسىرىلدى.

  ورتالىق كوميتەت ساياسي بيۋروسىنداعى جولداستار ءبىر اۋىزدان بىلاي دەپ قارادى: پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي ءۇردىستى ىلگەرىلەتۋدە شەشۋشى ماڭىز الادى. ورتالىق كوميتەت ساياسي بيۋروسىنداعى جولداستار، ءسوز جوق، جەتە تانىپ، تەرەڭدەي ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ باعىت - ساياساتتارىن جانە قىزمەت ورنالاستىرۋلارىن تاباندىلىقپەن دايەكتىلەندىرىپ، تياناقتاندىرىپ، قىزمەتتە ۇزدىكسىز جاڭا جاعداي اشۋ كەرەك.

  جيىن بىلاي دەپ قارادى: پارتيا 18 - قۇرىلتايىنان بەرگى وسى جىلدار پارتيا مەن مەملەكەت ىستەرىنىڭ دامۋ ۇردىسىندە اسا ايرىقشا، توتەنشە ەرەكشە جىلدار بولدى. پارتيا ءدوپ كەلگەن جاعدايدىڭ، ورتانىڭ كۇردەلىلىگى مەن قاتاڭدىعى، ارقالاعان مىندەتتىڭ اۋىرلىعى مەن جاپالىلىعى دۇنيەدە سيرەك كەزدەسەدى، تاريحتا سيرەك كەزدەسەدى. باس شۋجي شي جينپيڭ ماركسيزمدىك ساياساتكەرگە، ستراتەككە ءتان باتىلدىقپەن ەل ءىشى - سىرتى كەلەلى جاعدايىن جوسپارلاپ، رەفورمانى، دامۋدى، ورنىقتىلىقتى، ىشكى ءىستى، ديپلوماتيانى، مەملەكەت قورعانىسىن، پارتيانى باسقارۋ، مەملەكەتتى باسقارۋ، ارميانى باسقارۋ قىزمەتتەرىن ىلگەرىلەتىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ورايدى يگەرىپ، قامال الىپ، قيىنشىلىقتى جەڭۋىنە باسشىلىق ەتىپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن ءبىرسىپىرا قيىن ماسەلەنى شەشىپ، كەزىندە ىستەۋدى ويلاساق تا ىستەي الماي كەلگەن ءبىرسىپىرا ءىرى ىستەردى ىستەدى. پارتيا مەن مەملەكەت ىستەرىندە تاريحي تابىستارعا قول جەتكىزۋدىڭ، تاريحي وزگەرىس تۋىلۋدىڭ ەڭ ءتۇبىرلى سەبەبى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ رول ۇستاپ، جول باستاۋىنىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ بولعاندىعىندا. 100 جىلدىق پارتيا تاريحى بىزگە مىناداي ءبىر ماڭىزدى وي سالدى: پارتيا ورتالىق كوميتەتىنىڭ ۇيتقىسىن، بۇكىل پارتيانىڭ ۇيتقىسىن باتىل قورعاۋ − پارتيانىڭ ەلەۋلى ساتتەردە ورتاق تانىم ۇيىستىرۋىنىڭ، باتىل تالعام جاساۋىنىڭ تەتىگى، پارتيانىڭ ىنتىماعىنىڭ، بىرلىگىنىڭ، جەڭىسپەن العا ىلگەرىلەۋىنىڭ ماڭىزدى كەپىلى. ورتالىق كوميتەت ساياسي بيۋروسىنداعى جولداستار، ءسوز جوق، باس شۋجي شي جينپيڭنىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن باستاماشىلىقپەن قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن باستاماشىلىقپەن ۇيرەنىپ، دايەكتىلەندىرىپ، جاڭا داۋىردەگى جاڭا جورىقتا تىڭ بەينە، تىڭ ىسكەرلىك كورسەتۋ كەرەك.

  جيىن مىنالاردى اتاپ كورسەتتى: پارتيا 18 - قۇرىلتايىنان بەرى ءبىز ورتالىق كوميتەت ساياسي بيۋروسىنان باستاپ ىستەپ، ستيل قۇرىلىسىنان باستاپ ىسكە كىرىسىپ، ”ءتورت ءتۇرلى بۇرىس ستيلدى“ باتىل تۇزەتىپ - جونگە سالىپ، پارتيا ستيلىندە ورىن تەۋىپ وتىرعان كورنەكتى ماسەلەلەر مەن كىناراتتاردى شەشتىك. بيىل ءبىز بۇكىل پارتيادا پارتيا تاريحىن ۇيرەنۋ تاربيەسىن ورىستەتىپ، پارتيا قۇرۋ ۇلى رۋحىن اسقاقتاتىپ، پارتيانىڭ داڭقتى ءداستۇرى مەن تاڭداۋلى ستيلىن جالعاستىرىپ، ساۋلەلەندىرىپ، پارتيانى جاپپاي قاتاڭ باسقارۋدىڭ تەرەڭدەي دامۋىن ىلگەرىلەتتىك. ءبىز فورماشىلدىق، تورەشىلدىك ءسىڭىستى دەرتتەرى مەن كىناراتتارىن وڭاۋدى جونگە سالۋدى تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتۋدىڭ ۇدايىلانعان مەحانيزمىن ورناتىپ، نەگىزگى ساتىداعى پارتيا مۇشەلەرىنىڭ، كادرلاردىڭ ءىس ىستەپ، ناتيجە شىعارۋ بەلسەندىلىگىن قاۋلاتتىق. قاجىماي - تالماي قۇلشىنۋ ارقىلى پارتيا ستيلى، ۇكىمەت ستيلى شىت جاڭا بەينەگە ەنىپ، قوعامدىق سالت، حالىق سالتى ۇزدىكسىز جاقساردى. سونىمەن بىرگە ءبىز مىنانى دا كورە بىلدىك: ”ءتورت ءتۇرلى بۇرىس ستيل“ ءسىڭىستى دەرتىنىڭ بەلەڭ بەرۋ كومەسكى كىناراتتارى ءالى دە ءومىر سۇرۋدە، فورماشىلدىق، تورەشىلدىك قاسارىسپالىق جانە قايتالامالىلىق سيپاتقا يە بولىپ، ءتۇرىن وزگەرتىپ ۇزدىكسىز قايتا بەلەڭ بەرۋدە. ستيل قۇرىلىسى ماڭگى جالعاسادى، ءارقانداي ۋاقىتتا دا بوساڭسىتۋعا بولمايدى. وزىنە - ءوزى توڭكەرىس جاساۋعا تاباندى بولىپ، ورتالىقتىڭ 8 ءتۇرلى بەلگىلەمەسىن، سونداي - اق ونى اتقارۋ ەگجەي - تەگجەيلى ەرەجەسىن، ”ءتورت ءتۇرلى بۇرىس ستيلدى“ وڭاۋدى جونگە سالۋدى شەگە قاعۋ رۋحىمەن دايەكتىلەندىرىپ، نەگىزگى ساتىنىڭ اۋىرتپالىعىن جەڭىلدەتۋ بەلگىلەمەلەرىن تياناقتاندىرىپ، ءونىمى باياندى مەحانيزمدى كەمەلدەندىرۋ كەرەك. ورتالىق كوميتەت ساياسي بيۋروسىنداعى جولداستار ۇزدىكسىز قۇلشىنىپ، بۇكىل پارتياعا باستاماشى ونەگە بولۋ كەرەك.

  جيىن بىلاي دەپ قارادى: كەلەر جىلى پارتيامىز 20 - رەتكى مەملەكەتتىك قۇرىلتايىن اشادى، بۇل پارتيا مەن مەملەكەتتىڭ ساياسي ومىرىندەگى ءىرى ءىس. ورتالىق كوميتەت ساياسي بيۋروسىنداعى جولداستار پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن باستاماشىلىقپەن ۇيرەنىپ، دايەكتىلەندىرىپ، جاڭا دامۋ ۇستانىمىن دايەكتىلەندىرۋدە، جاڭا دامۋ ارناسىن قالىپتاستىرۋدا، جوعارى ساپالى دامۋدى ىلگەرىلەتۋدە جاڭا شارالار، جارامدى شارالار، ناقتى شارالار قولدانىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن وڭىرلەردىڭ، تاراۋلاردىڭ، ءار جاقتىڭ قىزمەتتەرىندە شىن مانىندە دايەكتىلەندىرۋ، تياناقتاندىرۋ كەرەك.

  شي جينپيڭ سوزىندە ورتالىق كوميتەت ساياسي بيۋروسىنداعى جولداستاردىڭ سالىستىرىپ تەكسەرىپ سويلەگەن سوزدەرىنە قورىتىندى جاسادى ءارى ورتالىق كوميتەت ساياسي بيۋروسىنىڭ ورتالىقتىڭ 8 ءتۇرلى بەلگىلەمەسىن، سونداي - اق ونى اتقارۋ ەگجەي - تەگجەيلى ەرەجەسىن دايەكتىلەندىرۋىنە، تياناقتاندىرۋىنا تالاپ قويىپ، بىلاي دەپ قارادى: وسى رەتكى ارناۋلى تاقىرىپتىق دەموكراتيالىق تۇرمىس جيىنى وتە جاقسى اشىلدى، وتە ناتيجەلى بولدى، يدەيا اۋىستىرىپ، ماسەلەلەردى قاداعالاپ، بەتالىستى ايقىندادى، بۇل ورتالىق كوميتەت ساياسي بيۋروسىنداعى جولداستاردىڭ پارتيا تاريحىن ۇيرەنۋ تاربيەسىن ورىستەتۋدەگى تابىستارىن سىننان وتكىزۋ بولىپ، پارتيا 20 - قۇرىلتايىنىڭ جەڭىسپەن اشىلۋىن قارسى الۋ جونىنەن كەلەلى ماڭىز الادى. كوپشىلىكتىڭ پىكىرلەرى مەن ۇسىنىستارى ورتالىق كوميتەت ساياسي بيۋروسىنىڭ قىزمەتىن جاقسارتۋعا كوپ كومەگىن تيگىزەدى.

  شي جينپيڭ بىلاي دەپ باسا دارىپتەدى: پارتيامىز 100 جىلدىق شۇعىلالى بارىستى باسىپ ءوتىپ، حالىقتى ىنتىماقتاستىرىپ، باستاپ كۇللى الەمدى جالت قاراتقان كەلەلى تابىستارعا قول جەتكىزىپ، اسا باعالى تاريحي تاجىريبە توپتادى. پارتيانىڭ تاريحى ەڭ جاندى، ەڭ يلاندىرۋ قۋاتىنا يە وقۋلىق. پارتيامىز ەجەلدەن پارتيا تاريحىن ۇيرەنۋ تاربيەسىنە ءمان بەرىپ كەلەدى. تاريحي بارىستى تانۋ نەعۇرلىم جان - جاقتىلى، تاريحي زاڭدىلىقتى يگەرۋ نەعۇرلىم تەرەڭ بولعان سايىن پارتيانىڭ تاريحي اقىل - پاراساتى سولعۇرلىم باي، بولاشاقتى يگەرۋى سولعۇرلىم ىرىقتى بولادى. بيىل پارتيا ورتالىق كوميتەتى بۇكىل پارتيادا، بۇكىل قوعامدا پارتيا تاريحىن قورىتىندىلاۋدى، ۇيرەنۋدى، تاربيەلەۋدى، ۇگىتتەۋدى ورىستەتۋدى ۇيعارىپ، بۇكىل پارتيا تاريحتى ۇيرەنۋ ارقىلى قاعيدانى ءتۇسىنۋى، تاريحتى ۇيرەنۋ ارقىلى سەنىمدى ارتتىرۋى، تاريحتى ۇيرەنۋ ارقىلى ءمورالدى اسقاقتاتۋى، تاريحتى ۇيرەنۋ ارقىلى ۇمتىلا ىستەۋى كەرەكتىگىن باسا دارىپتەدى، بۇل تاريحي سەنىمدى نىعايتۋ، ىنتىماقتى، بىرلىكتى بەكەمدەۋ، كۇرەس رۋحىن كۇشەيتۋ ءۇشىن بولىپ تابىلادى.

  شي جينپيڭ بىلاي دەپ اتاپ كورسەتتى: جاڭا ەمتيحان تاپسىرۋ جولىندا ءبىز ۇزدىكسىز تاماشا جاۋاپناما تاپسىرا الامىز با، جوق پا؟ مۇنىڭ تەتىگى بۇلجىماس تاريحي سەنىمنىڭ بولۋ - بولماۋىندا. 100 جىلدان بەرى پارتيامىز جۇڭگو حالقىن باقىتقا كەنەلتۋگە، جۇڭحۋا ۇلتىن گۇلدەندىرۋگە كۇش سالدى، ادامزاتتىڭ العا باسۋىنا، دۇنيەنىڭ ۇلى بىرلىگىنە كۇش سالدى، دۇنيە كوپكە ورتاق بولۋ، دۇنيەنىڭ دۇرىس جولىمەن ءجۇرۋ − پارتيامىزدىڭ تاريحي سەنىمگە يە بولۋىنىڭ ەڭ زور نەگىزى، پارتيامىزدىڭ جۇڭگودا بيلىك جۇرگىزۋىنىڭ ءارى ۇزاق ۋاقىت بيلىك جۇرگىزۋىنىڭ تاريحي سەنىمى، سونداي - اق پارتيامىزدىڭ حالىقتى ىنتىماقتاستىرىپ، باستاپ ۇزدىكسىز العا ىلگەرىلەۋىنىڭ تاريحي سەنىمى. بۇگىن ءبىز جۇڭگو كوممۋنيستىك پارتياسى تاريح پەن حالىقتىڭ تالعامىن ورىندادى دەپ ابدەن ايتا الامىز.

  شي جينپيڭ بىلاي دەپ باسا دارىپتەدى: تاريحتى ءبىلۋ − تاريحي سەنىمنىڭ ماڭىزدى نەگىزى. پارتيا 18 - قۇرىلتايىنان بەرى ءبىز ماتەرياليستىك تاريح كوزقاراسىنا، دۇرىس پارتيا تاريحى كوزقاراسىنا تاباندى بولىپ، پارتيا مەن مەملەكەتتىڭ تاريحى ماسەلەسىندە تۇبەگەيلى تۇزەتىپ، ادا - كۇدە شەشىپ، كورنەكتى ناتيجەگە قول جەتكىزدىك. سونىمەن بىرگە ءبىز مىنانى، ءسوزسىز، سەرگەكتىكپەن تانۋىمىز كەرەك: وسى ماسەلەنى شىن مانىندە ويداعىداي شەشۋ پارتيانىڭ پارتيا تاريحىنا بايىپتى، جان - جاقتى، قۇزىرلى تۇردە عىلمي قورىتىندى جاساپ ءارى وسى نەگىزدە پارتيا تاريحى جونىندەگى قورىتىندىلاۋدى، ۇيرەنۋدى، تاربيەلەۋدى، ۇگىتتەۋدى بۇلجىماستان ىلگەرىلەتىپ، دۇرىس پارتيا تاريحى كوزقاراسىن اناعۇرلىم تەرەڭ، اناعۇرلىم جان - جاقتىلى ورناتىپ، ناعىز تاريحتى بۇكىل پارتيانىڭ، بۇكىل قوعامنىڭ ورتاق تانىمىنا اينالدىرىپ، قالىڭ پارتيا مۇشەلەرىن، كادرلاردى جانە جالپى حالىقتى، اسىرەسە، قالىڭ جاستاردى تاريحي سەنىمدى بەكەمدەپ، تاريحتى ەستە بەرىك ساقتاپ، كوكىرەك كەرنەگەن سەنىممەن العا ىلگەرىلەۋگە تاربيەلەۋدى قاجەت ەتەدى.

  شي جينپيڭ بىلاي دەپ اتاپ كورسەتتى: پارتيانىڭ ىنتىماعى مەن بىرلىگى − پارتيانىڭ جانى، تاريحتى قورىتىندىلاۋ بارىسىندا يدەيانى بىرلىككە كەلتىرۋگە، ارەكەتتى بىرلىككە كەلتىرۋگە شەبەر بولۋ − پارتيامىزدىڭ تابىستى تاجىريبەسى. پارتيانىڭ ىنتىماعى مەن بىرلىگى، ەڭ الدىمەن، ساياسي جاقتاعى ىنتىماعى مەن بىرلىك. پارتيا 18 - قۇرىلتايىنان بەرى بۇكىل پارتيانىڭ ورتاق قۇلشىنىسى ارقىلى پارتيانىڭ ىنتىماعى مەن بىرلىگى تىڭ دەڭگەيگە كوتەرىلدى. پارتيا ورتالىق كوميتەتى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارىندا جۇڭگوشا سوتسياليزم جاڭا ءداۋىرى سىندى وسى ءتۇيىندى كورنەكتىلەندىرۋدى ۇيعاردى. بۇل بۇكىل پارتيانىڭ كەلەلى نازاريالىق جانە امالياتتىق ماسەلەلەردە يدەيانى بىرلىككە كەلتىرىپ، ارەكەتتى بىرلىككە كەلتىرىپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ جاڭا داۋىردەگى جۇڭگوشا سوتسياليزمنىڭ جاڭا ۇلى جەڭىستەرىنە قول جەتكىزۋى جونىنەن كەلەلى ماڭىز الادى.

  شي جينپيڭ بىلاي دەپ باسا دارىپتەدى: پارتيامىز حالىقتان كەلگەن، حالىققا تامىر تارتقان، حالىققا قىزمەت ەتەدى. پارتيا 19 - كەزەكتى ورتالىق كوميتەتىىڭ التىنشى جالپى ءماجىلىسى پارتيانىڭ 3 - تاريحي قارارىن شىعاردى، بۇل بۇكىل پارتياعا جاڭا داۋىردەگى العا ىلگەرىلۋ جورىعىندا اۋەلگى ماقساتتى ۇمىتپاي، بورىشتى ەستە بەرىك ساقتاپ، ”قايدان كەلدىك، قايدا بارامىز“ سىندى نەگىزگى تاقىرىپقا ويداعىداي جاۋاپ بەرىپ، باستان - اياق پارتيانىڭ حالىق بۇقاراسىمەن ەتەنە بايلانىسىن ساقتاۋدى ەسكەرتىپ، قالىڭ حالىق بۇقاراسىنىڭ 100 جىلدىق پارتيا تاريحىنان جۇڭگو كوممۋنيستىك پارتياسىنىڭ قانداي پارتيا ەكەندىگىن تەرەڭ تانىپ، بۇلجىماستان پارتيانىڭ سوزىنە قۇلاق اسۋىنا، پارتياعا ىلەسۋىنە مۇمكىندىك جاساۋ ءۇشىن بولىپ تابىلادى.

  شي جينپيڭ بىلاي دەپ اتاپ كورسەتتى: ماركسيزمنىڭ جارىققا شىعۋ جانە دامۋ، سوتسياليستىك مەملەكەتتىڭ دۇنيەگە كەلۋ جانە دامۋ بارىسى ماشاقاتتى كۇرەسكە تولى بولدى. جاڭا دەموكراتيالىق توڭكەرىس مەزگىلىندە، توڭكەرىستىك كۇرەستىڭ ماشاقاتتىلىعى، قان توگىپ، قۇربان بەرۋدىڭ ايانىشتىلىعى دۇنيە جۇزىندە سيرەك كەزدەسەدى. جاڭا جۇڭگو قۇرىلعاننان كەيىن، اسىرەسە، پارتيا 18 - قۇرىلتايىنان بەرى ءبىز ءبىرسىپىرا ەلەۋلى حاۋىپ - قاتەرلەردى، سىن - سايىستاردى باستان وتكەردىك، ءبىز بارلىعىندا تيتتەي دە تايسالماي، ەرلىكپەن العا ىلگەرىلەپ، قاجىماس قايسار كۇرەس ارقىلى جەڭىسكە قول جەتكىزدىك. جاڭا ءداۋىر شارت - جاعدايىندا، ءبىز پارتيا توپتاعان ۇلى كۇرەس تاجىريبەلەرىن ويداعىداي قورىتىندىلاپ، پايدالانىپ، تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتىپ، كۇرەس رۋحىن ساۋلەلەندىرىپ، كۇرەس تاكتيكالارىن يگەرىپ، كۇرەس قابىلەتىن شىڭداپ، نەعۇرلىم جاپالى، قاتەرلى بولعان سايىن، سولعۇرلىم العا ۇمتىلاتىن تايسالماس جىگەردى ساقتاپ، العا باسۋ جولىنداعى مەجەلەۋگە بولاتىن جانە مەجەلەۋگە كەلمەيتىن حاۋىپ - قاتەر، سىن - سايىستارعا ءونىمدى توتەپ بەرىپ، جۇڭگوشا سوتسياليزم ىستەرى كەمەسىنىڭ العان بەتىنەن قايتپاي تولقىن جارا العا تارتۋىن ىلگەرىلەتۋىمىز كەرەك.

  شي جينپيڭ بىلاي دەپ باسا دارىپتەدى: پارتيانىڭ 100 جىلدىق كۇرەس تاريحىنان اقىل - پاراسات جانە كۇش - قۋات قابىلداپ، ورتالىق كوميتەت ساياسي بيۋروسىنىڭ ءوز قۇرىلىسىن كۇشەيتۋ كەرەك. ورتالىق كوميتەت ساياسي بيۋروسىنداعى جولداستار اۋەلگى ماقساتتى، بورىشتى سانالىلىقپەن امالياتتا ايگىلەۋلەرى، ۇلى ارنادا، دارقان پەيىلدە بولۋى، بيىكتە تۇرىپ الىسقا كوز تاستاۋى، تەرەڭىنەن وي جۇگىرتۋى، ناقتى ويلاۋى، جەكە باسىنىڭ پايدا - زيانىمەن ساناسپاي، اتاق - ابىرويعا سالىنباي، قاي - قاشان دا پارتيا مەن حالىقتىڭ ءىسىن ماڭىزدى ورىنعا قويىپ، باستان - اياق حالىق بۇقاراسىمەن تىلەكتەرىن توعىستىرۋى، ويلارىن ءوبىستىرۋى، قيىن كۇندەردە ءبىر - بىرىنە سۇيەنىش بولۋى، تاعدىرلاس بولۋلارى كەرەك. باستاماشىلدىقپەن مۇرات - سەنىمدى بەكەمدەپ، مۇرات - سەنىمنەن ۇلكەن اۋقىمدى بارلايتىن، وزگەرىسكە ۇيلەسەتىن، بولاشاقتى بايقايتىن باعدارشامعا قول جەتكىزۋ، تىنباي كۇرەس جاسايتىن، بويكۇيەزدىككە سالىنباي ۇمتىلاتىن قوزعاۋشى كۇش قاينارىنا قول جەتكىزۋ، دۇرىس پەن بۇرىستى پارىقتايتىن، سوقىر تۇماندا باعداردى ايقىن كورەتىن ساياسي كورەگەندىككە قول جەتكىزۋ، شىرىتۋدەن قورعاناتىن، ازعىنداۋدان ساقتاناتىن كۇشتى قارسىلىق قۋاتقا قول جەتكىزۋ كەرەك. پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باستاماشىلدىقپەن قورعاۋدا ءوزى تاباندىلىقپەن سەرگەك بولۋمەن بىرگە، بۇكىل پارتيانىڭ پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى ورىنداۋىن ىلگەرىلەتۋ جاعىندا سانالىلىقپەن كۇش سالۋ، اسىرەسە، ناشار نىسايدان ساقتانۋ جانە ونى جەڭۋ كەرەك. اسا كۇشتى ستراتەگيالىق كورەگەندىك، بولجامپاز كورەگەندىك بولۋى، نازاردى جاڭا اماليات ورتاعا قويعان جاڭا تاقىرىپتارعا شوعىرلاندىرىپ، دەموكراتيانى ساۋلەلەندىرىپ، كوپ پاراساتىن شوعىرلاندىرىپ، ءىس جۇزىندىككە ۇيلەسەتىن، زاڭعا ۇيلەسەتىن شەشىمدىك ۇسىنىستاردى ورتاعا قويۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن باستاماشىلدىقپەن دايەكتىلەندىرىپ، اتقارىپ، قاز - قالپىندا اتقارۋ جاعىنا كۇش سالىپ، جاۋاپتى سالانىڭ، جاۋاپتى تاراۋدىڭ پارتيا ورتالىق كوميتەتىنىڭ شەشىمدەرى مەن قىزمەت ورنالاستىرۋلارىن جاپپاي، ىشكەرىلەي ۇيرەنۋىن، ءتۇسىنۋىن ىلگەرىلەتىپ، ”مەملەكەتتىڭ زور ءىسىن“ جەتە اڭعارىپ، اتقارۋدىڭ اۋىتقىماۋىنا، وزگەرمەۋىنە، قۇبىلماۋىنا شىنايى كەپىلدىك ەتۋ كەرەك.

  شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىن اشۋ − ورتالىق كوميتەت ساياسي بيۋروسىنىڭ كەلەر جىلعى قىزمەتىندەگى ماڭداي الدى ساياسي مىندەت. ورتالىق كوميتەت ساياسي بيۋروسىنداعى جولداستار كۇشتى ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن مىندەت جاۋاپكەرشىلىگىن مۇقيات اتقارىپ، ءارقايسى جاقتاعى قىزمەتتەردى ويداعىداي ىستەۋى كەرەك. بيىل مەن كەلەر جىل ءدال كەزەك اۋىستىرۋعا تۋرا كەلدى. باسشى جولداستار ساياسي ءتارتىپ پەن ساياسي قاعيداعا قاتاڭ بويسۇنۋى، ۇيىمدىق تارتىپكە، كەزەك اۋىستىرۋ تارتىبىنە قاتاڭ بويسۇنۋى كەرەك. باسشى كادرلاردى ۇيىمعا دۇرىس مامىلە جاساپ، وزىنە دۇرىس مامىلە جاساپ، كەلەلى جاعدايعا بويسۇنىپ، ۇيىمعا بويسۇنىپ، ورنالاستىرۋعا بويسۇنىپ، كوممۋنيستەردە بولۋعا ءتيىستى رۋح - جىگەردى قاۋلاتىپ، بارلىق زەيىن - زەردەسىن ءىس تىندىرىپ، ناتيجە شىعارۋعا جۇمساۋعا تاربيەلەۋ، جەتەكتەۋ كەرەك.

  شي جينپيڭ بىلاي دەپ اتاپ كورسەتتى: وسى رەتكى دەموكراتيالىق تۇرمىس جيىنىندا ورتالىق كوميتەت ساياسي بيۋروسىنداعى جولداستار قىزمەتتەردى ويداعىداي ىستەۋ جونىندە كوپتەگەن تاماشا پىكىرلەرى مەن ۇسىنىستارىن قويدى، كەيبىرەۋى ورتالىقتىڭ قىزمەتىنە سايادى، كەيبىرەۋى تاراۋلاردىڭ قىزمەتىنە سايادى، كەيبىرەۋى جەرگىلىكتى ورىننىڭ قىزمەتىنە سايادى، جيىننان كەيىن زەرتتەۋدى مىقتى ۇستاپ، شارا الىپ شىعىپ، قىزمەتتەردى جاقسارتىپ، ناقتى ونىمدىلىككە قول جەتكىزۋگە ۇمتىلۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.