【شينجياڭعا كومەكتەسۋ كارتيناسى】
تيانشان تورى - شينجياڭ گازەتىنىڭ ءتىلشىسى ۋاڭ شينحۇڭ
”جياڭين قالاسىنان شينجياڭعا كومەكتەسۋگە كەلگەن شيپاگەرلەردى القايمىن، ولاردىڭ الىستان بىرلەسىپ دياگنوز قويۋدى ورنالاستىرعانىنا ءارى ەمدەۋ جوباسىن دەن قويا جاساعانىنا العىس ايتامىن“. 12 - ايدىڭ 20 - كۇنى، شي - ان قالاسىنان قورعاس اۋدانىنا جۇمىس ىستەگەلى كەلگەن ليۋ مەي گيپس قاتىرعان اياعان سيپاي وتىرىپ ەرەكشە العىس سەزىمىمەن.
بىرنەشە كۇننىڭ الدىندا، ليۋ مەي ابايسىزدان جىعىلىپ، وڭ اياعىنىڭ كوپ جەرى سىنادى. ليۋ مەيدىڭ وتباسىن الاڭداتپاۋ ءۇشىن جانە ليۋ مەي ساۋىققاننان كەيىن زارداپ قالدىرماۋ ءۇشىن، قورعاس اۋداندىق ءبىرىنشى حالىق شيپاحاناسىنداعى (قورعاس اۋداندىق جياڭسۋ شيپاحاناسى) شينجياڭعا كومەكتەسۋگە كەلگەن شيپاگەر جياڭين قالالىق حالىق شيپاحاناسى سۇيەك ءبولىمىنىڭ مامانىنا ارنايى بايلانىس جاساپ، ليۋ مەيگە الىستان بىرلەسىپ دياگنوز قويدى جانە تولىق ەمدەۋ جوباسىن جاسادى.
قورعاس اۋداندىق ءبىرىنشى حالىق شيپاحاناسى (قورعاس اۋداندىق جياڭسۋ شيپاحاناسى) ەمدەۋ ءبولىمىنىڭ مەڭگەرۋشىسى حى شۇيگۋاڭ بىلاي دەپ تانىستىردى، ”ۇيىرمە قۇراۋ فورماسىنداعى“ ەمدەۋ جاعىنان شينجياڭعا كومەكتەسۋدىڭ قىزمەت تالابىن ىشكەرىلەي تياناقتاندىرىپ، قورعاس اۋدانىنىڭ ەمدەۋ، قىزمەت وتەۋ دەڭگەيىن ۇزدىكسىز جوعارىلاتۋ ءۇشىن، جياڭسۋ ولكەسى جياڭين قالاسىنىڭ شينجياڭعا كومەكتەسۋ قىزمەت گرۋپپاسىنىڭ زور كۇشپەن قولداۋىندا، بيىل 4- ايدا، قورعاس اۋداندىق ءبىرىنشى حالىق شيپاحاناسى (قورعاس اۋداندىق جياڭسۋ شيپاحاناسى) جياڭين قالالىق حالىق شيپاحاناسىمەن بىرىگىپ، الىستان بىرلەسىپ دياگنوز قويۋ جانە ينفورماتسيا ورتاقتاسۋ تۇعىرىن اشتى. قازىرگە دەيىن، 20 رەتكى بىرلەسىپ دياگنوز قويۋدى، 5 رەتكى الىستان وقىتۋ، تاربيەلەۋدى ۇيىمداستىردى. الىستان بىرلەسىپ دياگنوز قويۋ ماماندار مەن ناۋقاستاردىڭ تىكە جۇزدەسۋىنە مۇمكىندىك جاراتىپ، ەكى جاقتىڭ شيپاگەرلەرى ەمدەۋ جوباسىن بەتپە - بەت اقىلداستى.
”ءبىز ’ينتەرنەت+ەمدەۋ‘ سىندى ينفورماتسيالاندىرۋ ءتاسىلى، ’ينتەرنەت جەلىسىندە تالقىلاۋ+ينتەرنەت جەلىسىنەن تىس دارىندى ەنگىزۋ‘ سىندى دەم بەرىپ دالمە - ءدال ەمدەۋ ارقىلى، ساپالى ەمدەۋ بايلىقتارىن ورتاقتاسۋدى جۇزەگە اسىرىپ، جاعدايى كۇردەلى ناۋقاستاردىڭ ەمدەلۋىنە جاسىل ارنا قۇرىپ، تۇرعىنداردىڭ جاقىن ماڭنان ەمدەلۋىنە، الاڭسىز ەمدەلۋىنە جاعداي جاسادىق“ ،- دەدى حى شۇيگۋاڭ.
قورعاس اۋداندىق پارتكوم ۇيىمداستىرۋ ءبولىمىنىڭ ورىنباسار باستىعى ما جۇڭحۇڭ بىلاي دەپ تانىستىردى: الىستان بىرلەسىپ دياگنوز قويۋ ناۋقاستاردىڭ سىرقاتىن ەمدەۋگە كومەكتەسە الادى، سونداي - اق ول ەمدەۋ جاعىنداعى وقىتۋ تۇعىرى. الىستان دياگنوز قويۋ ورتالىعىنىڭ سەپتىگىمەن، پىكىر الماستىرۋ، ۇيرەنۋ ارقىلى جياڭيننىڭ ساپالى ەمدەۋ بايلىقتارىن ەنگىزىپ، قورعاس قالالىق ءبىرىنشى حالىق شيپاحاناسىنداعى (قورعاس اۋداندىق جياڭسۋ شيپاحاناسى) ەمدەۋ قىزمەتكەرلەرىنىڭ نازاريالىق جانە قابىلەت قارىمىن ءونىمدى جوعارىلاتىپ، قورعاس اۋدانىنداعى ءار ۇلت حالىق بۇقاراسىنىڭ اۋداننان شىقپاي - اق 3A دارەجەلى شيپاحانانىڭ ساپالى قىزمەت وتەۋى مەن ەمدەۋ تەحنيكاسىنان يگىلىكتەنۋىنە مۇمكىندىك جاسادى.
”كەلەسى قادامدا، جياڭين قالاسىنىڭ شينجياڭعا كومەكتەسۋ قىزمەت گرۋپپاسى ’ۇيىرمە قۇرۋ فورماسىنداعى‘ ەمدەۋ جاعىنان شينجياڭعا كومەكتەسۋدىڭ جاڭا ۇلگىسىنە جالعاستى ىزدەنىس جاساپ، شەكارا ءوڭىردى ورنىقتىرۋ ەمدەۋ ارناۋلى ماماندىق بىرلەسپەسىن، ۋشي جياڭينداعى ايگىلى شيپاگەرلەردىڭ قورعاستاعى قىزمەت بەكەتىن قۇرادى“ ،- دەدى ما جۇڭحۇڭ.
