تيانشان تورى
تيانشان تورى   ›   جاڭالىقتار   ›   سپورت الەمى

رايونىمىزدا سالىنعان قار - مۇز سپورتى ساراي - الاڭدارى 100دەن استى

  انار بۇلت / شينجياڭ گازەتىنىڭ ءتىلشىسى دۇڭ لياڭ 12 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق دەنە تاربيە مەكەمەسىنەن ۇعىسۋىمىزشا، كەزەكتە رايونىمىزدا سالىنعان قار - مۇز سپورتى ساراي - الاڭدارى 100دەن اسقان، مۇنىڭ ىشىندەگى كوپتەگەن قار - مۇز سپورتى ساراي - الاڭدارى مەملەكەتتىك ەڭ وزىق ورەگە، حالىقارالىق الدىڭعى ولشەمگە جەتكەن.

  12 - ايدىڭ 5 - كۇنى التاي ايماعى شىڭگىل اۋدانى لاڭشان قار شاڭعى الاڭى اشىلىپ، شىڭگىل لاڭشان حالىقارالىق قار شاڭعى الاڭىن جوسپارلاۋ - جوبالاۋعا قول قويۋ سالتى وتكىزىلدى؛ 12 - ايدىڭ 18 - كۇنى بۇراتالا موڭعۇل اۆتونوميالى وبلىسىنىڭ ”قار - مۇز ساياحاتى سالتاناتى“ اراسان اۋدانى دالا قار شاڭعى الاڭىندا باستالىپ، سول كۇنى قار شاڭعى الاڭىنىڭ بۇقارالىق قار ويىنى ءوڭىرى رەسمي تيجارات باستادى؛ 12 - ايدىڭ 23 - كۇنى ءۇرىمجى وليمپيادا سپورت ورتالىعىنداعى مۇز الەمى، قار الەمى قالا حالقىنا اشىلدى... رايونىمىزدىڭ قار - مۇز ەكونوميكاسىنىڭ جوعارى ساپالى دامۋ ”جەدەل ارناسىنا“ تۇسۋىنە ىلەسە، قار - مۇز كاسىپ سالاسى، قار - مۇز ساياحاتى، سونداي - اق قار - مۇز سپورتى تۇگەلدەي جەدەل دامۋ كەزەڭىنە ءوتتى.

  ”بەيجيڭ قىسقى وليمپياداسىنىڭ جاقىنداۋىنا وراي، بۇكىل شينجياڭنىڭ جەر - جەرىندەگى قار - مۇز سپورتى ساراي - الاڭدارىنىڭ قۇرىلىسى جەدەلدەپ، سانى كورنەكتى ارتتى. جاڭا ساناق ءالى باستالماسا دا، بۇكىل شينجياڭداعى قار - مۇز سپورتى ساراي - الاڭى 100دەن استى“، - دەدى اۆتونوميالى رايوندىق دەنە تاربيە مەكەمەسى كاسىپ سالاسىن دامىتۋ ورتالىعىنىڭ الاڭ ساناق قىزمەتىنە جاۋاپتى قىزمەتكەرى حان چاۋ.

  ”وسىمەن بىرگە، رايونىمىز تاعى ەل ىشىندە ەڭ وزىق، حالىقارادا الدىڭعى ولشەمدەگى قار - مۇز ساراي - الاڭىن سالدى“. اۆتونوميالى رايوندىق دەنە تاربيە مەكەمەسىنىڭ ورىنباسار باستىعى جياڭ شىساي تانىستىرىپ بىلاي دەدى: رايونىمىزداعى جوعارى ولشەمدى قار - مۇز سپورتى ساراي - الاڭدارىن قىسقاشا ”1322 ساراي - الاڭ شوعىرى“ دەپ اتاۋعا بولادى: مۇنداعى ”1“ دەگەنى شينجياڭ مۇز ءۇستى قيمىل ورتالىعى؛ ”3“ دەگەنى كوكتوعاي حالىقارالىق قار شاڭعى الاڭى، سايرام كولى حالىقارالىق قار شاڭعى الاڭى جانە قوم جىكبەلەڭ حالىقارالىق قار شاڭعى دەمالىس ءوڭىرى، بۇلاردىڭ ءبارى اسقار تاۋ قار - شاڭعى الاڭدارى؛ ”2“ دەگەنى سارقوبى قارلى دالا شاڭعى الاڭى جانە اراسان قارلى دالا شاڭعى الاڭى؛ ەڭ سوڭعى ”2“ دەگەنى ەكى قارلى دالا باقشاسى، ياعني التاي قالاسىنداعى التاي تاۋى ەكاشا قارلى دالا باقشاسى مەن ۋشىلىك جايلاۋىنداعى التاي تاۋى قارلى دالا باقشاسىن كورسەتەدى.

  ”بيىل جىل باسىنان بەرى، ءبىز وسى ساراي - الاڭداردا ءبىر قىدىرۋ مەملەكەتتىك، حالىقارالىق قار - مۇز سپورت جارىستارىن، قيمىلدارىن وتكىزىپ، مەملەكەتتىك قار - مۇز سپورت اترەتىنەن 23 كوماندانى (رەت)، 700دەن استام ادامدى (رەت) قابىلدادىق. كوپ تۇردەن مەملەكەتتىك رەكورد جاڭالاعان، دۇنيە ءجۇزى رەكوردىنان اسقان تاماشا ناتيجەلەر جاراتىلىپ، الاڭ، اۋا رايى سياقتى شارت - جاعدايلار مەن قابىلداۋ قۋاتى جاعىندا جارىسقا قاتىناسۋشىلاردىڭ، مەملەكەتتىك دەنە تاربيە باس مەكەمەسى قىسقى سپورت باسقارۋ ورتالىعىنىڭ جانە حالىقارالىق قار - شاڭعى بىرلەستىگى ءمانساپتىلارىنىڭ جوعارى باعاسىنا يە بولدى، بۇل توپتاعى ساراي - الاڭداردىڭ سالىنۋى شينجياڭ قار - مۇز سپورتىنىڭ دامۋىنا بەرىك نەگىز قالادى“، - دەدى جياڭ شىساي تىلشىگە.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.