− رايونىمىز اۋىل - قىستاقتى گۇلدەندىرۋ ءىرى ءىسىن تىڭعىلىقتى ويداعىداي ىستەدى
□ انار بۇلت / شينجياڭ گازەتىنىڭ ءتىلشىسى گى يوۋجۇن
12 - ايدىڭ 26 - كۇنى جۇمىسشىلار ماكىت اۋدانى يانتاق اۋىلى حامانكۇيدى قىستاعىنداعى ماكىت دولان گونۇڭ اۋىل شارۋاشىلىق قوسىمشا ونىمدەر شەكتى سەرىكتەستىگى سەحىندا شىلان سۇرىپتاۋدا. قازىر ماكىت اۋدانىندا شىلان كاسىپ سالاسى شارۋالاردىڭ كىرىسىن ۇزبەي ارتتىرىپ، اۋىل - قىستاق ەكونوميكاسىن دامىتاتىن ماڭىزدى تىرەكتى كاسىپ سالاسىنا اينالىپ، تۇتاس اۋدانداعى شىلان مانەرلەۋ كاسىپورىندارى 40تان استى.
□ سۋرەتتى انار بۇلت / شينجياڭ گازەتىنىڭ ءتىلشىسى وتكىر نيجات تۇسىرگەن
12 - ايدىڭ 26 - كۇنى تاڭەرتەڭ قاعىلىق اۋدانى اقتاش قالاشىعى قونىس جاڭالاپ كوشىرىپ ورنالاستىرۋ تۇيىنىندەگى شارۋا تۇرسۇنمامۇت يمىن ءوزى كوتەرمەگە العان كوكونىس جىلىجايىنا كىرىپ، پىسۋعا تاياپ تۇرعان پاميدوردى كورىپ ەرەكشە قۋاندى. بيىل 7 - ايدا ول 7 جىلىجايدى كوتەرمەگە الدى، قازىر كىرىسى 50 مىڭ يۋاننان استى.
بيىل جىل باسىنان بەرى رايونىمىز اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، كەدەيلىكتەن ارىلتۋدان قامال الۋ جەتىستىكتەرىن شىن مانىندە بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىنىڭ دارەجەسىن جاپپاي جوعارىلاتۋدى، اۋىل - قىستاقتاردى جاپپاي العا باستىرۋدى، شارۋالاردى جاپپاي دامىتۋدى ۇزدىكسىز ىلگەرىلەتىپ، كاسىپ سالاسى گۇلدەنگەن، اۋىل - قىستاق كورىكتەنگەن، شارۋالار بايىعان كوز جاۋىن الار اسەم كارتينا كەڭ - بايتاق اۋىل - قىستاقتاردا بىرتىندەپ قالىپتاستى.
ەرەكشە كاسىپ سالاسىن ۇزدىكسىز زورايتىپ، اۋىل شارۋاشىلىعى الۋەتتەنە ءتۇستى
2019 - جىلى تۇرسىنمامۇت وتباسى قاعىلىق اۋدانى ۇششارباس قالاشىعىنان ورنالاستىرۋ تۇيىنىنە كوشىپ كەلىپ، جاڭا تۇرمىسىن باستادى. ول بۇل جەردەن جىلىجايدا كوكونىس ەگۋ تەحنيكاسىن ۇيرەندى. ”كەلەر جىلعى نىسانام − كىرىسىمدى 100 مىڭ يۋاننان اسىرۋ“، - دەدى تۇرسۇنمامۇت نىق سەنىممەن.
اقتاش قالاشىعى شينجياڭداعى ەڭ ۇلكەن قونىس جاڭالاپ كوشىرىپ ورنالاستىرۋ ءتۇيىنى. قالاشىقتا 5500 مۋلىق جەمىس ورمانىنان ۇلگى كورسەتۋ بازاسىن جانە 1262 جوعارى ولشەمدى كۇن نۇرى جىلىجايىن، 1800 دوعاشا لاپاستى قامتىعان قۇرىلعىلى اۋىل شارۋاشىلىعى بازاسى ىلگەرىندى - كەيىندى قۇرىلىپ، قونىس جاڭالاعان 1600دەن استام ەگىنشى - مالشىنىڭ ورنىقتى جۇمىستانىپ، كىرىسىن ارتتىرۋىنا جەتەكشىلىك ەتتى.
اۋىل - قىستاقتى گۇلدەندىرۋدىڭ تەتىگى كاسىپ سالاسىن گۇلدەندىرۋدە.
وسى نەگىزدى ارقاۋ ەتىپ، قاشقار ايماعى ”ءبىر اۋداندا ءبىر ەرەكشەلىك بولۋ، ءبىر اۋىلدا ءبىر كاسىپ بولۋ، ءبىر قىستاقتا ءبىر ءونىم بولۋ“ سىندى دامۋ ارناسىن كۇش سالا قالىپتاستىرىپ، 4 ءىرى اۋىل شارۋاشىلىعى كاسىپ سالاسىن جەتىلدىرۋ ينجەنەرياسىن ءتۇيىندى اتقارىپ، ءبىر ميلليون 500 مىڭ مۋلىق كوكونىس بازاسىن، ءبىر ميلليون 500 مىڭ مۋلىق جاس جەمىس بازاسىن، ءبىر ميلليون 500 مىڭ سويىس قوي بازاسىن جانە 150 ميلليون ءۇي قۇسى بار ءۇي قۇستارى بازاسىن سۇيەمەلدەپ دامىتىپ، ەرەكشە كاسىپ سالاسىنىڭ جوعارى ساپالى دامۋى ارقىلى اۋىل - قىستاق كاسىپ سالاسىنىڭ گۇلدەنۋىن جەبەدى.
التاي ايماعى وسى زامانعى مال شارۋاشىلىعى مەن ەرەكشە ەگىمشىلىكتى وزەك ەتىپ، ”سيىر، قوي، جىلقى، تۇيە، ءۇي قۇستارى، سۋ، ءشوپ، ءدارى، جەمىس - جيدەك، ءسۇت“ سىندى 10 ءىرى باسىمدىققا يە ەرەكشە كاسىپ سالاسىنىڭ دامۋ نەگىزىن ۇزدىكسىز بەكەمدەدى، بيىل بۇكىل ايماقتىڭ اۋىل - قىستاق ەكونوميكاسىنىڭ جالپى كىرىسى 7 ميلليارد 663 ميلليون يۋانعا جەتىپ، بىلتىرعىدان ％7.7 ارتاتىندىعى؛ ەگىنشى - مالشىلاردىڭ جىلدىق جان باسىندىق تازا كىرىسى 18 مىڭ 294 يۋانعا جەتىپ، بىلتىرعىدان 1279 يۋان ارتاتىندىعى مەجەلەنىپ وتىر.
12 - ايدىڭ 21 - كۇنى تاڭەرتەڭ بۋرىلتوعاي اۋدانى قاراماعاي قالاشىعى دەڭ قىستاعىندا مالشى مانات نۇردانبەك سەلبەستىك كووپەراتيۆىنىڭ تۇيە باعىمشىلىعى الاڭىندا تۇيە ساۋىپ جاتتى. ”بۇرىن ول ’ءشول قايىعى‘ بولاتىن، ال قازىر ءبىزدىڭ كىرىستى ارتتىرۋىمىزعا كومەكتەسەتىن ’اۋقاتتانۋ قايىعىمىز‘ بولدى“، - دەدى ول.
بىرنەشە جىلدىڭ الدىندا جەرگىلىكتى ۇكىمەت شينجياڭ ۋاڭيۋان بيولوگيالىق عىلىم - تەحنيكا توبى شەكتى سەرىكتەستىگىن ەنگىزىپ تۇيە جەلىلەس ونىمدەرىن اشىپ، جەرگىلىكتى كەدەي مالشىلاردى تۇيە باعىمشىلىعىن دامىتۋعا جەتەكتەدى. بۇرىنعى كەدەي وتباسى مانات ۋاڭيۋان سەرىكتەستىگىن سۇتپەن قامدايتىن تۇڭعىش توپتاعى مالشىعا اينالدى. قازىر ونىڭ ءۇيى 200دەن استام تۇيە باعىپ، باياشات تۇرمىس كەشىرۋدە. قازىر بۋرىلتوعاي اۋدانىندا باعىلعان تۇيە سانى 20 مىڭنان اسىپ، نەشە مىڭ شارۋا وتباسى وسى سەبەپتى كىرىسىن ورنىقتى ارتتىردى.
ەرەكشە اۋىل شارۋاشىلىعى ونىمدەرىنىڭ بايلىق باسىمدىعىن تياناق ەتىپ، رايونىمىز وسى زامانعى اۋىل شارۋاشىلىعى كاسىپ سالاسى جۇيەسىن، ءوندىرىس جۇيەسىن، تيجارات جۇيەسىن جەدەل ورناتىپ، اۋىل - قىستاق كاسىپ سالاسىن كۇش سالا دامىتتى، زورايتتى. كۇشتى شوعىرلاندىرا وتىرىپ نان، ماقتا (ماقتا توقىماشىلىعى)، ءجۇزىم جانە ءجۇزىم اراعى، شىلان، جاڭعاق، سويىس سيىر، سويىس قوي، ءسۇت، ءۇي قۇستارى، وسى زامانعى تۇقىم شارۋاشىلىعى، قۇرىلعىلى كوكونىس سياقتى كاسىپ سالالارىنىڭ ءتۇيىندى تىزبەگىن قالىپتاستىردى. تارىم ويپاتىن، تۇرپان - قۇمىل ويپاتىن، تيانشاننىڭ سولتۇستىك بوكتەرىن، ىلە وزەنى اڭعارىن، قۇلىستاي ويپاتىن جانە ەرتىس وزەنى الابىن وراعان ەرەكشە اۋىل شارۋاشىلىق ونىمدەرى باسىمدىعى رايونى قۇرىلىسىن ۇزدىكسىز كۇشەيتىپ، كاسىپ تىزبەگىن ۇزدىكسىز ۇزارتىپ، قۇن تىزبەگىن جوعارىلاتىپ، ەرەكشە اۋىل شارۋاشىلىعىنىڭ جوعارى ساپالى دامۋىن جەدەل ىلگەرىلەتتى.
جەرگىلىكتى جاعدايعا قاراي ىستەپ ءتۇيىندى يگەرۋ، ءالسىز بۋىنداردى كۇشەيتۋ، ولقىلىقتاردى تولىقتاۋ ارقىلى ءبىر توپ اۋىل - قىستاق ەرەكشە كاسىپ سالاسى قارىشتاپ دامىپ، زورايىپ، اۋىل - قىستاق كاسىپ سالاسىنىڭ قۇن ارتتىرۋ، ونىمدىلىكتى ارتتىرۋ كەڭىستىگى كەڭەيىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، كەڭەيتۋگە، اۋىل - قىستاقتى جاپپاي گۇلدەندىرۋدى ىلگەرىلەتۋگە ماڭىزدى تىرەك ازىرلەندى.
تۇرمىس شارت - جاعدايى بارىنشا جاقساردى، اۋىل - قىستاق كورىكتەنە ءتۇستى
قىس كۇندەرى ماناس اۋدانى لانجوۋۋان قالاشىعى باجياحۋ قىستاعىنىڭ وقتاي ءتۇزۋ، تاپ - تازا جولىندا جۇرسەڭىز، ەكى جاقتاعى اپپاق قابىرعالى، كوك قاڭىلتاق كەرپىشتى انحۇي ۇلگىسىندەگى تۇرعىن ۇيلەر كورىكتى اۋىل - قىستاقتىڭ وزگەشە كورىنىسىن كەستەلەگەنىن كورەسىز.
”تاماشا ەكولوگيا تاماشا تۇرمىس اكەلدى“، - دەدى باجياحۋ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى لاڭ تۇڭشىڭ.
باجياحۋ قىستاعىنىڭ باتىسى ماناس وزەنىنە، شىعىسى ماناس مەملەكەتتىك سازدىق باقشاسىنا جالعاسادى، بۇل ارا دۇنيە جۇزىندەگى جىل قۇستارىنىڭ اۋۋىنداعى 3 - ءنومىرلى جەلىسىنە ورنالاسقان، ءار جىلى نەشە مىڭداعان اققۋ مەن نەشە ميلليونداعان جىل قۇستارى وسى ارادا دامىلداپ، ايالدايدى.
مول سۋ بايلىعى مەن تاماشا ەكولوگيالىق ورتاعا سۇيەنىپ، قىستاق وسى بىرنەشە جىلدا تۇتاس قىستاق بويىنشا قونىس ورتاسىن رەتتەۋ - وڭاۋدى ىلگەرىلەتىپ، قىستاقتا اسفالتتاندىرۋ، جارىقتاندىرۋ، كورىكتەندىرۋ ينجەنەرياسىن اتقارىپ، قىستاقتىڭ جاعدايىنا قاراي ىستەپ كورىكتى اۋىل - قىستاق قۇردى. ىلگەرىندى - كەيىندى قىستاق جولىن اسفالتتاندىرۋ، تۇرمىستىق لاس سۋ قۇبىرى تورابى جانە لاس سۋدى ءبىر جاقتى ەتۋ پۋنكتى قۇرىلىسى اياقتاپ، بۇكىل قىستاقتا سۋمەن شايىلاتىن تازا دارەتحانانى جاڭالاۋ مولشەرى ％100كە جەتتى. قىستاق تاعى تۇرمىستىق قوقىر - قوقسىقتى تۇرگە ايىرىپ ءبىر جاقتى ەتۋ بويىنشا جيىنتىق ءنومىر اۋىستىرۋ مەحانيزمىن جاڭالىق اشا اتقارىپ، قىستاقتاعى تۇرمىستىق قوقىر - قوقسىقتى تۇرگە ايىرىپ، مولشەرىن ازايتىپ، بايلىققا اينالدىرىپ، زالالسىزداندىرىپ ءبىر جاقتى ەتۋدى جەبەدى.
بۇرىن لاس، بىلىققان، ناشار قىستاقتار قازىر ”جۇڭگوداعى كورىكتى سەيىل - سەرۋەن اۋىل - قىستاقتارىنا“ جانە ”بۇكىل ەلدەگى اۋىل - قىستاقتاردى جونگە سالۋدان ۇلگى كورسەتەتىن قىستاقتارعا“ اينالدى. كورىكتى قىستاققا سۇيەنىپ، قىستاق قىستاق تۇرعىندارىن اۋىل - قىستاق ساياحات كاسىبى مەن اۋلا شارۋاشىلىعىن دامىتۋعا شابىتتاندىردى. 2020 - جىلى باجياحۋ قىستاعىنداعى شارۋالاردىڭ جان باسىندىق تازا كىرىسى 23 مىڭ 800 يۋانعا جەتتى.
سوڭعى جىلدارى رايونىمىز اۋىل - قىستاقتىڭ قونىس ورتاسىن ۇزدىكسىز رەتتەپ - وڭاپ جوعارىلاتىپ، اۋىل - قىستاقتىڭ نەگىزدىك قۇرىلعى شارت - جاعدايىن جاقسارتىپ، اۋىل - قىستاقتىڭ تۇرمىستىق قوقىر - قوقسىقتارىن تازالاۋدى، اۋىل - قىستاقتىڭ ارىق - توعاندارىن ارشۋدى، مال، ءۇي قۇستارى باعىمشىلىعىنىڭ دايراق - ساڭعىرىعى سياقتى اۋىل شارۋاشىلىعى ءوندىرىسىنىڭ جاراقسىز زاتتارىن تازالاۋدى جانە اۋىل - قىستاق وتباسىلارىنىڭ دارەتحاناسىن جاڭالاۋدى، قىستاقتىڭ بەت - بەينەسىن جاقسارتۋدى، اۋىل - قىستاقتىڭ قونىس ورتاسىنا ىقپال جاسايتىن ناشار ادەتتەردى وزگەرتۋدى مىقتاپ يگەرىپ، كورىكتى اۋىل - قىستاقتى جوعارى ساپامەن قۇردى.
بيىل رايونىمىز اۋىل - قىستاقتارداعى ولقىلىقتاردى، ءالسىز تۇستاردى كۇش سالا تولىقتاپ، جالپىعا ءتيىمدى، تولىق قامتاماسىز ەتىلگەن، نەگىزدىك حالىق تۇرمىسى قۇرىلىسىن كۇشەيتىپ، اۋىل - قىستاقتىڭ الەۋمەتتىك قىزمەت وتەۋ دەڭگەيىن جوعارىلاتىپ، حالىق تۇرمىسىنا قاتىستى ناقتى ىستەردى كۇش سالا ويداعىداي ىستەپ، اۋىل - قىستاق بۇقاراسىنىڭ دامۋ جەتىستىكتەرىنەن بىرگە يگىلىكتەنۋىنە مۇمكىندىك جاسادى. قازىر بۇكىل رايوندا اۋىل - قالاشىقتارعا اسفالت جول جەتكىزىلۋ مولشەرى ％100، شارت - جاعداي ازىرلەگەن قۇرىلىمدىق قىستاقتارعا اسفالت جول جەتكىزىلۋ مولشەرى ％100 بولدى. اۋىل - قىستاقتىڭ وقۋ - اعارتۋ شارت - جاعدايى ۇزدىكسىز كەمەلدەندى. اۋىل - قالاشىق شيپاحانالارىنىڭ، قىستاق ەمحانالارىنىڭ ولشەمدەنۋ مولشەرى ％100كە جەتتى؛ ەگىنشى - مالشىلاردىڭ دەنساۋلىعىن تەكسەرۋمەن جاپپاي قامتۋ جۇزەگە اسىرىلىپ، اۋىل - قىستاق نەگىزگى ەمدەۋ قامسىزداندىرۋىمەن قامسىزداندىرۋعا تيىستىلەر تۇگەلدەي قامسىزداندىرىلدى...
حالىق تۇرمىسى قۇرىلىسى جۇرت جۇرەگىن جىلىتتى، سونداي - اق بۇكىل شينجياڭداعى ءار ۇلت ەگىنشى - مالشى بۇقاراسىنىڭ اۋىل - قىستاقتى گۇلدەندىرۋدى جەدەل ىلگەرىلەتۋ سەنىمى مەن بەكىمىن دە كۇشەيتتى.
قالتا قامپايدى، وي - سانا تولىستى، ديقاندار بايي ءتۇستى
اۋىل - قىستاق كاسىپ سالاسى تىزبەگىنىڭ ۇزارۋى اۋىل شارۋاشىلىعى ونىمدەرىنىڭ قۇن تىزبەگىن جوعارىلاتتى ءارى ەگىنشى - مالشى بۇقاراسىنىڭ كىرىستى ارتتىرۋ تىزبەگىن تۇتاستىردى.
مامەتعوجى ءشىرالي وتباسى 3 جىلدىڭ الدىندا اقتاۋ اۋدانى قىزىلتاۋ اۋىلى ايجەك قىستاعىنان وسى اۋداننىڭ قونىس جاڭالاپ كوشىرىپ ورنالاستىرۋ ءتۇيىنى كۇنلۇن جيايۋان الەۋمەتتىك اۋماعىنا كوشىپ كەلىپ، عيماراتقا كىردى. جەرگىلىكتى ورىن كوپشىلىكتى جىلىجايدا كوكونىس ەگۋ تەحنيكاسىن ۇيرەنۋگە ۇيىمداستىردى، وسىدان كەيىن ول اقتاۋ اۋدانىنىڭ وسى زامانعى اۋىل شارۋاشىلىعى كاسىپ باقشاسىندا 7 جىلىجايدى كوتەرمەگە الدى، قازىر جىلدىق كىرىسى 100 مىڭ يۋاننان استى.
بيىل قىزىلسۋ قىرعىز اۆتونوميالى وبلىسى قۇرىلعىلى اۋىل شارۋاشىلىعى، مال شارۋاشىلىعى، اۋىل - قىستاق سەحى، نان كاسىبى سالاسى سياقتىلاردى تۇتقا ەتىپ، ءار وتباسىندا ەڭ كەمىندە بىردەن جەتەكشى كاسىپ سالاسى بولۋ، ءار وتباسىندا بىردەن ارتىق ادام جۇمىستانعان بولۋ نىساناسىن جۇزەگە اسىرىپ، قونىس جاڭالاپ كوشىرىلگەن وتباسىلارىنىڭ تۇراقتاپ تۇرۋىنا، دامۋىنا، بايۋىنا شىنايى كەپىلدىك ەتتى. قازىر بۇكىل وبلىستاعى 9 قونىس جاڭالاپ كوشىرىپ ورنالاستىرۋ تۇيىنىندە 2914 وتباسى، 6152 ادامنىڭ جۇمىستانۋى جۇزەگە اسىپ، قونىس جاڭالاپ كوشىرىلگەن وتباسىلاردىڭ ەڭبەك قابىلەتى بارلارى تۇگەلدەي جۇمىستاندى. بيىل بۇكىل وبلىستاعى ەگىنشى - مالشىلاردىڭ جان باسىندىق تازا كىرىسى 11 مىڭ 163 يۋانعا جەتىپ، سايكەس مەزگىلدەگىدەن ％11 ارتادى دەپ مەجەلەنىپ وتىر.
پارتيانىڭ اۋىل شارۋاشىلىعىنا تيىمدىلىك جاساۋ، اۋىل - قىستاقتى الۋەتتەندىرۋ، شارۋالاردى بايىتۋ ساياساتىنىڭ قولداۋىندا، رايونىمىزداعى ءار ۇلت ەگىنشى - مالشىلار بايۋدى ويلاۋدان، بايۋدى كوكسەۋدەن بايي الۋعا جانە اناعۇرلىم بايۋ نىساناسىنا قاراي قادام تاستادى.
بيىل الدىڭعى 3 ماۋسىمدا رايونىمىز اۋىل - قىستاق تۇرعىندارىنىڭ جان باسىندىق قولداعى تابىسى سايكەس مەزگىلدەگىدەن ％11.5 ارتتى، 1 - كاسىپتىڭ ارتقان قۇنى سايكەس مەزگىلدەگىدەن ％6.9 ارتتى، بۇكىل رايونىمىزدىڭ اۋىل شارۋاشىلىعى، اۋىل - قىستاق ەكونوميكاسى جالپى جاقتان ورنىقتىلىق بارىسىندا بەكەمدەلىپ، ورنىقتىلىق بارىسىندا ىلگەرىلەپ، ورنىقتىلىق بارىسىندا جاقساردى.
دوڭگەلەك داۋلەتتىلىككە قادام تاستاعان رايونىمىزداعى ءار ۇلت ەگىنشى - مالشى بۇقاراسىنىڭ ىشكى دامۋ قوزعاۋشى كۇشى مىعىم، قالتا قامپايعان ەكەن، وي - سانا دا بايۋ كەرەك.
بيىل 57 جاستاعى يمامجان تاۋاككۇل قاشقار قالاسى اۋات اۋىلى شىتلىق قىستاعىنىڭ تۇرعىنى. بۇرىن كەدەي وتباسى بولاتىن، قازىر سەلبەستىك كووپەراتيۆىن قۇرىپ، اۋىل شارۋاشىلىعى ونىمدەرىن ”ەگۋ، وڭدەۋ، ساتۋ“ ءبىر جۇيەلى تيجارات ءتاسىلى ارقىلى جەكە جىلدىق كىرىسى ميلليون يۋاننان استى، سونداي - اق توڭىرەكتەگى 2000نان استام قىستاق تۇرعىنىنىڭ كىرىسىن ارتتىرۋىنا دەم بەردى. ”ءار جىلى اۋىل شارۋاشىلىق ماماندارى بىزگە تەگىن جەتەكشىلىك جاساپ وتىرادى، سونىڭ ارقاسىندا جەمىس اعاشتارىن جاقسى ەگىپ، جەمىستى جاقسى وڭدەپ، جاقسى ساتا الدىق“، - دەدى يمامجان.
بيىل رايونىمىز عىلىم جالپىلاستىرۋ بايلىعىن نەگىزگى ساتىعا بەيىمدەۋدى، دارىندىلاردى نەگىزگى ساتىعا بەيىمدەۋدى، قىزمەت وتەۋدى نەگىزگى ساتىعا بەيىمدەۋدى ۇزدىكسىز ىلگەرىلەتىپ، نەگىزگى ەڭبەك ساپاسى، قولدانىلمالى تەحنيكا، كاسىپتىك جۇمىس ءتۇرى سياقتىلاردى باۋلۋدى جاپپاي ورىستەتىپ، عىلىم - تەحنيكا باۋلۋى ارقىلى جاڭاشا ەگىنشى - مالشىلاردى جەتىلدىرىپ، اۋىل - قىستاق كاسىپ سالاسىنىڭ جاڭا ومىرشەڭدىك كۇشىن قاۋلاتىپ، اۋىل - قىستاقتى جاپپاي گۇلدەندىرۋگە اناعۇرلىم جاقسى قىزمەت وتەدى.
جاپپاي دوڭگەلەك داۋلەتتى قوعام ورناتقان شينجياڭ كەدەيلىكتەن ارىلتۋدان قامال الۋ جەتىستىكتەرىن ونان ارى بەكەمدەپ، كەڭەيتىپ، جاڭا داۋىردەگى اۋىل - قىستاقتى جاپپاي گۇلدەندىرۋدىڭ جاڭا تاراۋىن قۇلشىنا جازۋدا.
