تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىزدا 30 مىڭنان استام ورمان باستىعى 100 مىڭ رەتتەن استام ورمان شارلادى

  انار بۇلت / شينجياڭ گازەتىنىڭ ءتىلشىسى ساۋ حۋا 12 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋعا قاراعاندا، بيىل 2 - ايدا رايونىمىز ورمان باستىعى ءتۇزىمى قىزمەتىن جاپپاي ىلگەرىلەتكەننەن بەرى قازىرگە دەيىن رايون، ايماق، اۋدان، اۋىل، قىستاق 5 دارەجەلى ورمان باستىعى ۇيىمدىق جۇيەسى جاپپاي ورناتىلىپ، 30 مىڭنان استام ءار دارەجەلى ورمان باستىعى بەلگىلەنىپ، ورمان باستىقتارى 100 مىڭ رەتتەن استام ورمان شارلاپ، شينجياڭنىڭ تۇنىق سۋ، جاسىل تاۋىن ءونىمدى قورعاعان.

  بيىل رايونىمىز ورمان باستىعى ءتۇزىمى قىزمەتىن ىلگەرىلەتۋدى وراي ەتىپ، ورمان، جايلىم بايلىعىن قورعاۋدى ۇزدىكسىز كۇشەيتىپ، ەكولوگيالىق ورتا ساپاسىن ۇزدىكسىز جاقسارتىپ، قوماقتى جەتىستىككە جەتتى. قازىر جيىنى ءار دارەجەلى 30 مىڭ 328 ورمان باستىعى بەلگىلەندى، مۇنىڭ ىشىندە 16 رايون دارەجەلى ورمان باستىعى، 118 ايماق دارەجەلى ورمان باستىعى، 1277 اۋدان دارەجەلى ورمان باستىعى، 6900 اۋىل دارەجەلى ورمان باستىعى، 22 مىڭ 17 قىستاق دارەجەلى ورمان باستىعى بار، ءار دارەجەلى ورمان باستىقتارى جيىنى 103 مىڭ رەت ورمان شارلاپ، 29 مىڭ 800 ماسەلەنى بايقاپ، 29 مىڭ 300 ماسەلەنى شەشتى.

  ورمان باستىعى ءتۇزىمى قىزمەتىنىڭ ىلگەرىلەتىلۋىنە ىلەسە، رايونىمىزدىڭ بايلىقتى قورعاۋى ونان ارى قاتايتىلىپ، ەكولوگيانى قالپىنا كەلتىرۋى اناعۇرلىم تەرەڭدەپ، مەملەكەت جەرىن جاسىلداندىرۋ اناعۇرلىم عىلمي بولدى. بيىل بۇكىل رايونىمىز ورماندى بۇلدىرۋگە سوققى بەرۋ ارناۋلى ارەكەتى مەن 2021 - جىلعى ورمان باقىلاۋ - تەكسەرۋدى ورىستەتىپ، 2604 گەكتار ورماندىق جەردى قايتارىپ الىپ، 2374 گەكتار ورماندى ءوز ورنىندا قالپىنا كەلتىردى. ”قوڭىر جەل ارەكەتىنىڭ“ جانە جابايى حايۋاناتتارعا، وسىمدىكتەرگە ساياتىن زاڭعا قايشى قىلمىستارعا سوققى بەرۋ ارناۋلى ارەكەتىنىڭ ”قايتا قاداعالاۋىن“ ءبىر تۇتاس جوسپارلاپ ورىستەتتى. 49 ميلليون 180 مىڭ مۋ تابيعي ورماندى قورعاۋ، قالپىنا كەلتىرۋ مىندەتىن جاپپاي تياناقتاندىرىپ، تارىم وزەنى الابىنداعى توراڭعى ورمانىن قۇتقارۋدىڭ 3 جىلدىق ارەكەتىن اياقتاتىپ، تاسقىن سۋىمەن جيىنى 6 ميلليون 820 مىڭ مۋ توراڭعى ورمانىن سۋاردى، مۇنىڭ ىشىندە 2021 - جىلى 2 ميلليون 78 مىڭ مۋ توراڭعى ورمانى سۋارىلدى. بۇكىل رايوندا 2 ميلليون 550 مىڭ مۋ جەرگە ورمان وتىرعىزىلدى، 570 مىڭ مۋ ەگىستىك جەر ورمانعا قايتارىلدى، ءبىر ميلليون 550 مىڭ مۋ ورمان ءوسىرىلدى، 6 ميلليون 340 مىڭ مۋ جەردەگى جايلىم قالپىنا كەلتىرىلدى، 6 ميلليون 599 مىڭ مۋ قۇمايتتانعان جەر تىزگىندەلدى.

  ”14 - بەسجىلدىق“ مەزگىلىندە رايونىمىز ورمان باستىعى ءتۇزىمىن تىرەك ەتىپ، جىبەك جولى ەكونوميكالىق بەلدەۋى وزەكتى رايونىنىڭ ەكولوگيالىق قالتقىسىن بەكەمدەپ، ورمان مەن جايلىمدى وسىزامانداندىرىپ وڭالتۋ جۇيەسىن قۇرىپ، اقاۋسىزداندىرىپ، شينجياڭنىڭ ەكونوميكاسىنىڭ، قوعامىنىڭ باياندى دامۋىنا پارمەندى دەم بەرەدى. 2025 - جىلعا جەتكەندە، بۇكىل رايونىمىزدىڭ ورمانمەن كومكەرىلۋ سالىستىرماسى %5.08كە جەتەدى، ورمان قورى 436 ميلليون تەكشەمەترگە جەتەدى، جايلىمنىڭ جالپى وسىمدىك جامىلعىسىمەن كومكەرىلۋ دارەجەسى %42.8كە كوتەرىلىپ، 22 ميلليون 300 مىڭ مۋ قۇمايتتانعان جەر تىزگىندەلەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.