تيانشان تورى   ›   جاڭالىقتار   ›   شينجياڭ حابارلارى

”پايدالانۋعا جايلى، كورەر كوزگە ۇناسىمدى بولدى“

اقسۋ ايماعى اۋىل - قىستاق دارەتحانالارىن جاڭالاۋدى كۇش سالا ىلگەرىلەتتى

”پايدالانۋعا جايلى، كورەر كوزگە ۇناسىمدى بولدى“

□ انار بۇلت / شينجياڭ گازەتىنىڭ ءتىلشىسى بارشا تەگىس

  شاعىن دارەتحانانىڭ ءوزى ۇلكەن حالىق تۇرمىسى. بيىل اقسۋ ايماعى ”دارەتحانا توڭكەرىسىن“ كۇش سالا ىلگەرىلەتۋدى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ ءتۇيىندى قىزمەتى رەتىندە يگەردى. قازىرگە دەيىن بۇكىل ايماقتا جالپى 511 مىڭ 300 اۋىل - قىستاق دارەتحاناسى سالىنىپ، بۇل 462 مىڭ 800 شارۋا وتباسىن قامتىپ، اۋىل - قىستاقتاردا تازا دارەتحانانىڭ جالپىلاسۋ مولشەرى %92.84كە جەتتى.

  12 - ايدىڭ 27 - كۇنى ءتىلشى اۋات اۋدانى عۇرۇجول قالاشىعى قۇمبۇلاق قىستاعىنىڭ قىستاق الاڭىنا كەلدى، وسى اراعا سالىنعان 4 دارەتحانا مەن ءار ءتۇرلى سەپتيكالىق دارەت ۇراسى اۋات اۋدانىنىڭ اۋىل - قىستاق دارەتحانا توڭكەرىسىنىڭ وقىتۋ - ناقتى جاتتىقتىرۋ ۇلگى كورسەتۋ بازاسى سانالادى.

  ”بۇل ارادا قىستاق تۇرعىندارى مەن اۋىل - قىستاق دارەتحانا قۇرىلىسىنا جاۋاپتى ادامدار سەپتيكالىق دارەت ۇراسىن ورناتۋ تەحنيكاسى بويىنشا مەرزىم سايىن كەزەكپەن باۋلىنىپ، پايدالانعان كەزدە تۋىلۋى مۇمكىن ماسەلەلەر ەگجەي - تەگجەيلى تۇسىندىرىلەدى، سول ارقىلى قىستاق تۇرعىندارىنىڭ جاڭادان سالىنعان، وزگەرتىلىپ سالىنعان دارەتحانانى قالىپتى پايدالانۋىنا شىنايى كەپىلدىك ەتىلەدى“، - دەدى قۇمبۇلاق قىستاعى پارتيا ياچەيكاسىنىڭ شۋجيى ءاليجان امەر تانىستىرىپ.

  ”قىستاق تۇرعىندارى دارەتحانانى جاڭالاعان كەزدە تەحنيكالىق قىزمەتكەرلەر ۇستىندە جەتەكشىلىك ەتىپ تۇرادى. جاڭا دارەتحانا پايدالانىلعاننان كەيىن دە، كاسىپتىك ادامدار كەلىپ دارەت شەلەگى مەن سەپتيكالىق دارەت ۇراسىنىڭ ساپاسىن تەكسەرىپ تۇرادى“، - دەدى تىلشىگە قىستاق تۇرعىنى نۇرنيساگۇل رۇپۇل.

  بيىل اۋدات اۋدانى دارەتحانانى جاڭالاۋ بارىسىندا جارىققا شىققان جوندەۋ - سالۋ ولشەمى بىردەي بولماۋ، ساپاسىن يگەرۋ قيىن بولۋ ماسەلەسىن اناعۇرلىم ارناعا ءتۇسىرىپ، جەتەكشىلىك ەتۋ، تەكسەرۋ تەبىنىن ارتتىرىپ، قىستاق تۇرعىندارى سالعان قوس ۇرانى الما - كەزەك پايدالانۋ ۇلگىسىندەگى دارەتحانانى، سونداي - اق ساتىپ الىنعان قوس كۇبىلى، ءۇش ۇرالى، ءتورت ۇرالى سەپتيكالىق دارەت ۇرالارىن قاتاڭ ۇلگى الىپ تەكسەرىپ، ولشەمگە تولمايتىن سەپتيكالىق دارەت ۇرالارى سەبەبىنەن قىستاق تۇرعىندارىنىڭ مۇددەسىنە زيان جەتۋدىڭ الدىن الدى.

  اقسۋ ايماعى بيىل اۋىل - قىستاقتاردا ”دارەتحانا توڭكەرىسىن“ ىلگەرىلەتۋ بارىسىندا ساپانى ءبىرىنشى ورىنعا قويۋعا، جىلدامدىقتا ساپاعا بويسۇنۋعا، ۋاقىتتا ناقتى ونىمدىلىككە بويسۇنۋعا تاباندى بولىپ، ءار وتباسىنىڭ دارەتحاناسىن بىرەگەي جاڭالاپ، پايدالانىلاتىنداي جاڭالاپ، جاقسى جاڭالاپ، حالىق تۇرمىسىنداعى وسى ناقتى ءىستى شىن مانىندە ويداعىداي ىستەدى، ناقتى ىستەدى.

  كاڭچي اۋىلىنىڭ ارال قىستاعى باي اۋدانىنىڭ اۋىل - قىستاقتاردا ”دارەتحانا توڭكەرىسى“ بويىنشا جاڭالاۋدان ۇلگى كورسەتۋ قىستاعى سانالادى. قازىرگە دەيىن بۇل قىستاقتا جوبا تالابىنا ۇيلەسپەيتىن 200 نەشە قۇرعاق دارەتحانا شاعىلىپ، ءۇي - ءۇيدىڭ بارىندە رەتتى دە تازا دارەتحانا سالىندى.

  ”بۇرىنعى دارەتحانالار ءارى لاس، ءارى ساسىق بولاتىن. قازىر وزگەرتىپ سالىنعاننان كەيىنگى جاڭا دارەتحانا قولايلى ءارى تازا، راسىندا، ىستەتۋگە جايلى، كورەر كوزگە ۇناسىمدى بولدى!“، - دەدى كاڭچي اۋىلى ارال قىستاعىنىڭ تۇرعىنى توحنياز ءامار تەبىرەنە.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.