− قارامايلى قالاسى، قۇمىل قالاسى ”ەڭبەك تاماشا تۇرمىس جاراتادى“ اتىندا اڭگىمە ءماجىلىس اشتى
شينجياڭنىڭ اتاق - داڭقىن قاساقانا داتتاۋعا، وعان كۇيە جاعۋعا استە جول بەرمەيمىز
انار بۇلت / شينجياڭ گازەتىنىڭ ءتىلشىسى جاۋ شييا 12 - ايدىڭ 29 - كۇنى ۇرىمجىدەن حابارلايدى. 12 - ايدىڭ 28 - كۇنى قارامايلى قالاسى، قۇمىل قالاسى ”ەڭبەك تاماشا تۇرمىس جاراتادى“ اتىندا اڭگىمە ءماجىلىس اشتى. جۇمىسشى جانە شارۋا ۋاكىلدەرى وزدەرىنىڭ ەڭبەكپەن جۇمىستانعان ءتول كەشىرمەلەرى ارقىلى شينجياڭداعى ءار ۇلت بۇقاراسىنىڭ قاجىرلى ەڭبەگىنە سۇيەنىپ باقىتتى تۇرمىس كەشىرگەن فاكتتى اڭگىمەلەپ، امەريكاداعى، باتىستاعى جۇڭگوعا قارسى كۇشتەردىڭ ويدان قۇراستىرعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن ساندىراقتارىنا قيسىندى دا پارمەندى تويتارىس بەردى.
”ەڭبەككە سۇيەنىپ قوعامدىق قۇن جاراتىپ، جەكە باستىڭ ارمان - مۇراتىن جۇزەگە اسىرۋ ’زورلاۋدى‘ قاجەت ەتە مە؟ سوندا شينجياڭداعى ءار ۇلت حالقىن زاڭدى ەڭبەك ارقىلى تاماشا تۇرمىسقا تالپىنۋ ۇقىعىنان ماقرۇم ەتۋ كەرەك پە؟“ امەريكاداعى، باتىستاعى جۇڭگوعا قارسى كۇشتەردىڭ فاكتپەن ساناسپاي، شينجياڭعا قاساقانا كۇيە جاققاندىعىنا شينجياڭ شيبۋ ميڭجۋ ينجەنەريا قۇرىلىس شەكتى سەرىكتەستىگىنىڭ تەحنيگى احمەت مۇحتار باتىل قارسى تۇراتىندىعىن جانە ونى قاتاڭ جازعىراتىندىعىن ءبىلدىردى. جانار گازدى اينالمالى قوزعالتقىشتى تەكسەرۋ - جوندەۋ كاسىپتىك تەحنيگى رەتىندە، سوڭعى جىلدارى احمەت زەرتتەپ تاپقىرلاعان، جاڭالاعان كوپ ءتۇرلى جاڭا قۇرال، جاڭا تەحنيكا قىزمەت ونىمدىلىگىن جوعارىلاتىپ، كوپتەگەن كۇردەلى تەحنيكالىق ماسەلەلەردى شەشتى، تاعى ەكى پاتەنتكە ءوتىنىش ەتتى، بۇل وعان مول تابىس سەزىمىن جانە باقىت سەزىمىن سيلادى.
”مەنىڭ ەكى سەلبەستىك كووپەراتيۆىم بار، جىلىنا 200 مىڭ يۋان اينالاسىندا كىرىس كىرگىزەمىن، كىرىسىمدى ارتتىرىپ بايۋدا تەك قاجىرلى ەڭبەگىمە عانا سۇيەنەمىن!“ قارامايلى قالاسى قارامايلى رايونى شوگەي اۋىلىنىڭ 58 جاستاعى قىستاق تۇرعىنى فان جىحۇي وسىلاي دەدى ماقتانىشپەن.
كوپ جىل قۇلشىنىس جاساۋ ارقىلى قۇمىل قالاسى حۇڭليۋ ءۇي قۇستارى سويىسحاناسىنىڭ باستىعى ياقۇپ سوپا سويۋ، مانەرلەۋ جانە قوراپتاۋ ءبىر تۇلعالانعان وسىزاماندانعان ءۇي قۇستارىن سويۋ كاسىپورنىن قۇردى، بۇگىنگى كۇندە سويىسحانادا 30 جۇمىسشى - قىزمەتكەر بار. ”ءبىزدىڭ ءاربىر جۇمىسشىمىز ەڭبەك توقتامىنا قول قويىسقان، كوپشىلىك ءوز قالاۋىمەن جۇمىستانىپ، ءوز تالعامى بويىنشا كاسىپ تاڭداپ، ءار كۇنى ءتىپتى دە جاقسى تۇرمىس كەشىرۋ ءۇشىن ۇمتىلا ىستەۋدە“، - دەدى ياقۇپ، - جۇمىسشىلاردىڭ ەڭبەك ۇقىق - مۇددەسى ەڭبەكپەن جۇمىستاندىرۋ بەلسەندى ساياساتىنىڭ ارقاسىندا ءونىمدى قامتاماسىز ەتىلدى جانە دامىتىلدى، ولاردىڭ باقىتتى تۇرمىس جاعدايى ەڭ جاقسى دالەل.
اڭگىمە ماجىلىستە كوپشىلىك باتىلدىقپەن مىنالاردى ءبىلدىردى: شينجياڭنىڭ ىستەگەن بارلىق ءىسى اشىق تا ورىندى، تاريحتىڭ سىنىنان سۇرىنبەي وتە الادى، شينجياڭنىڭ اتاق - داڭقىن قاساقانا داتتاۋعا، وعان كۇيە جاعۋعا استە جول بەرمەيمىز. ءارقانداي سىرتقى كۇش شينجياڭنىڭ جاراسىمدىلىعىنا، ورنىقتىلىعىنا كەدەرگىلىك جاساي المايدى، شينجياڭداعى ءار ۇلتتىڭ ىنتىماعىنا، العاباسارلىعىنا بوگەت بولا المايدى، شينجياڭنىڭ ادامدىق ۇقىعىنىڭ العا باسقان وبيەكتيۆ فاكتىن جوققا شىعارا المايدى.
