ما شيڭرۇي قاشقار ايماعىندا، قىزىلسۋ قىرعىز اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
”ەكىنى ءبىر تۇتاس جوسپارلاۋدى“ تياناق ەتىپ، شىنايى يگەرىپ، ناقتى ىستەپ، جوعارى ساپالى دامۋدى حالىق تۇرمىسىمەن تىعىز جاناستىرا وتىرىپ ىلگەرىلەتۋ كەرەك
ەركىن تۇنياز بىرگە تەكسەرۋ - زەرتتەۋ جۇرگىزدى
12 - ايدىڭ 29 - كۇنىنەن 30 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي قاشقار ايماعىندا، قىزىلسۋ قىرعىز اۆتونوميالى وبلىسىندا تەكسەرۋ - زەرتتەۋ جۇرگىزدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى. سۋرەتتە: 12 - ايدىڭ 29 - كۇنى قاشقار ەكونوميكالىق اشۋ رايونى كەشەندى قورعامالى باجى اۋماعىندا ما شيڭرۇي، ەركىن تۇنياز قاتارلىلار كاسىپورىن جاۋاپتىلارىمەن شارۋاشىلىقتى دامىتۋداعى قاجەتتەرى، ۇمىتتەرى جونىندە بەتپە - بەت اڭگىمەلەستى.
□سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 12 - ايدىڭ 30 - كۇنى اقتاۋدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 12 - ايدىڭ 29 - كۇنىنەن 30 - كۇنىنە دەيىن قاشقار ايماعىندا، قىزىلسۋ قىرعىز اۆتونوميالى وبلىسىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال، جان - جاقتى دايەكتىلەندىرىپ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جۇرت تىلەگىن ۇيىستىرىپ، شىنايى يگەرىپ، ناقتى ىستەپ، جوعارى ساپالى دامۋدى حالىق تۇرمىسىمەن تىعىز جاناستىرا وتىرىپ ىلگەرىلەتۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.
قاشقار ەكونوميكالىق اشۋ رايونىنىڭ كەشەندى قورعامالى باجى اۋماعىندا، چىڭبەي وڭدەۋ - كادەگە جاراتۋ اۋماعىندا ما شيڭرۇي جوسپارلاۋ - قۇرىلىس جۇرگىزۋ جاعدايى جونىندەگى مالىمەتتى تىڭدادى. ول بىلاي دەپ اتاپ كورسەتتى: ورتالىقتىڭ قاشقار ەكونوميكالىق اشۋ رايونىنا بەرگەن ستراتەگيالىق ورنىمەن تىعىز بايلانىستىرىپ، وڭىرلىك ورىن ابزالدىلىعىن تولىق ساۋلەلەندىرىپ، ىندەتتەن عىلمي جولمەن، دالمە - ءدال ساقتانىپ، بازار اينالىمىن ىركىلىسسىزدەندىرىپ، فاكتورلاردىڭ اينالىمىن جەبەپ، يمپورت - ەكسپورت ساۋداسىن جانداندىرىپ، جاڭا ارتۋ ءتۇيىنىن جەدەل قالىپتاستىرىپ، وڭىرلىك ەكونوميكانىڭ دامۋىن جەبەپ، ەلىمىزدىڭ ورتا ازيامەن جانە وڭتۇستىك ازيامەن ۇلاساتىن وڭتۇستىك، سولتۇستىك ارنالارىن اشىپ، ”ءبىر بەلدەۋ، ءبىر جول“ قۇرىلىسىنا بەلسەندىلىكپەن قىزمەت وتەۋ جانە توعىسۋ كەرەك.
ما شيڭرۇي اندى فوتوۆولتتىق ەلەكتر، يۇيگۋان رەڭدى باسپا، جۇنفۋكاڭ قاتارلى كاسىپورىنداردىڭ ءوندىرىس ءبىرىنشى شەبىنە بارىپ، كاسىپورىن جاۋاپتىلارىمەن شارۋاشىلىقتى دامىتۋداعى قاجەتتەرى، ۇمىتتەرى جونىندە بەتپە - بەت اڭگىمەلەستى. ول بىلاي دەپ اتاپ كورسەتتى: ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن ۇزدىكسىز جاقسارتىپ، مەملەكەتتىڭ اشۋ رايونىنا بەرگەن ءتيىمدى ساياساتتارىن، اسىرەسە، كاسىپورىندارعا تيىمدىلىك جاساۋ ساياساتتارىن ناقتى، ەگجەي - تەگجەيلى تياناقتاندىرىپ، ساۋداگەر شاقىرىپ، قارجى ەنگىزۋ تەبىنىن ارتتىرىپ، كاسىپ سالاسى نىساندارىنىڭ تياناقتانۋىن كۇشەيتىپ، كاسىپورىنداردى دارىندى، جەر، قارجى قۇراۋ سياقتى ماڭىزدى فاكتورلار تىرەگىمەن قامتاماسىز ەتىپ، كاسىپورىنداردى شىن مانىندە ۋايىمنان ارىلتىپ، ولاردىڭ قيىنشىلىعىن شەشىپ، ولاردىڭ كاسىپتى ۇلعايتۋىنا، كۇشەيتۋىنە، جاقسارتۋىنا قولداۋ كورسەتۋ كەرەك. قاشقار وسى زامانعى كوكونىس كاسىپ سالاسى باقشاسىندا ما شيڭرۇي اۋىل شارۋاشىلىق باستاماشى كاسىپورىندارىنىڭ كاسىپ سالاسىن دامىتۋدى جەبەۋ جاعدايىن ۇعىستى. ول بىلاي دەپ باسا دارىپتەدى: اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، كولەمدەندىرىپ، كاسىپ سالالاندىرىپ، وسىزامانداندىرىپ دامىتۋ جولىمەن جۇرۋگە تاباندى بولىپ، اۋىل - قىستاق ەرەكشە كاسىپ سالالارىن زور كۇشپەن دامىتىپ، اۋىل - قىستاقتاعى 1 -، 2 -، 3 - كاسىپتەردىڭ توعىسا دامۋىن ىلگەرىلەتىپ، اۋىل شارۋاشىلىق باستاماشى كاسىپورىندارىنىڭ، شارۋالار كاسىپتىك سەلبەستىك كووپەراتيۆتەرىنىڭ، وتباسىلىق ەگىس الاڭدارىنىڭ دامۋىن جەبەپ، كاسىپ تىزبەگىن ۇزارتىپ، ۇستەمە قۇندى جوعارىلاتىپ، ەگىنشى - مالشىلاردىڭ جۇمىستانىپ، كىرىستەرىن ارتتىرۋىن جەبەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ اۋىل - قىستاقتى گۇلدەندىرۋمەن ءونىمدى ۇشتاسۋىن ىلگەرىلەتۋ كەرەك.
قاشقار داشۋەسىندە، اقتاۋ اۋداندىق تەحنيك جۇمىسشىلار مەكتەبىندە، كونەءشار اۋدانى توعىزاق قالاشىعى سەنترلى باستاۋىش مەكتەبىندە ما شيڭرۇي جوعارى وقۋ - اعارتۋدى، كاسىپتىك وقۋ - اعارتۋدى، نەگىزدىك وقۋ - اعارتۋدى دامىتۋ جاعدايىنا تەكسەرۋ - زەرتتەۋ جۇرگىزىپ، وقۋ - اعارتۋ قىزمەتكەرلەرىنە جانە شينجياڭعا كومەككە كەلگەن وقىتۋشىلارعا امانداستى. ول بىلاي دەپ اتاپ كورسەتتى: پارتيانىڭ باسشىلىعىنا تاباندى بولىپ، دۇرىس وقىتۋ بەتالىسىنا تاباندى بولىپ، ونەگە كورسەتىپ، ادام تاربيەلەپ، وقۋ - اعارتۋ زاڭدىلىعىنا بويسۇنىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جالپى بەتتىك كۇشەيتىپ، حالىق رازى بولاتىن وقۋ - اعارتۋدى ويداعىداي جۇرگىزۋ كەرەك. جوعارى وقۋ - اعارتۋدا ءپان قۇرىلىسىنا ءمان بەرىپ، وقىتۋ ساپاسىن جوعارىلاتىپ، ەكونوميكالىق، قوعامدىق دامۋعا قىزمەت وتەۋ قابىلەتىن ۇزدىكسىز جوعارىلاتۋ؛ كاسىپتىك وقۋ - اعارتۋدا شەبەر دارىندى جەتىلدىرۋگە، جۇمىستاندىرۋعا، حالىق تۇرمىسىنا قىزمەت وتەۋگە، كاسىپ سالاسىنىڭ دارەجەسىن جوعارىلاتۋدى دەمەۋگە ءمان بەرىپ، ءتىپتى دە كوپ جاستاردى، ەگىنشى - مالشىلاردى كاسىپتىك شەبەرلىك تاربيەسىن الۋعا باۋراۋ؛ نەگىزدىك وقۋ - اعارتۋدا ايقىن تۋ ۇستاي وتىرىپ يدەيا - ساياسي تاربيەنى، احىلاق - ءمورال تاربيەسىن كۇشەيتۋ، سوتسياليستىك وزەكتى قۇن كوزقاراسى تاربيەسىن كۇشەيتۋ، جۇڭحۋا ۇلتى ورتاق تۇلعا تانىمى تاربيەسىن كۇشەيتۋ كەرەك. نەگىزگى ساتى وقىتۋشىلار قوسىنى قۇرىلىسىن كۇشەيتىپ، وقىتۋشىلاردىڭ ورنىن، يگىلىگىن ۇزدىكسىز جوعارىلاتىپ، ولاردىڭ وقىتۋمەن الاڭسىز اينالىسۋىنا، وقىتۋمەن ىنتالى تۇردە شۇعىلدانۋىنا مۇمكىندىك جاساۋ كەرەك.
ما شيڭرۇي كونەءشار اۋدانى توعىزاق قالاشىعى اياققى مانگان قىستاعىنا، اقتاۋ اۋدانى اقتاۋ قالاشىعى نۇقۇتشى ارىق قىستاعىنا بارىپ، نەگىزگى ساتى ۇيىمدىق قۇرىلىسى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتى، ەرەكشە كاسىپ سالالارىن دامىتۋ سياقتى جاعدايلاردى تەكسەردى. ما شيڭرۇي بىلاي دەپ باسا دارىپتەدى: نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال، جان - جاقتى دايەكتىلەندىرۋدى نەگىزگى ساتىنىڭ ناقتى قىزمەتىنە اينالدىرىپ، مىقتاپ يگەرىپ، ناقتى يگەرىپ، يگەرۋدەن ناتيجە شىعارۋ كەرەك. قالىڭ نەگىزگى ساتى كادرلارىنا قامقورلىق جاساپ، ولاردى ايالاپ، ءوسىپ - جەتىلۋ شارت - جاعدايىن جاراتىپ، ۇيلەسىمدى يگىلىگىن قامتاماسىز ەتىپ، ولاردى نەگىزگى ساتىعا تامىر تارتۋعا، نەگىزگى ساتىعا ءوزىن ارناۋعا جەتەكتەۋ كەرەك.
اقتاۋ اۋدانى كۇنلۇن جيايۋان الەۋمەتتىك اۋماعىندا قونىس جاڭالاپ كەدەيلەردى سۇيەمەلدەۋ بويىنشا كوشىپ كەلگەن 1665 وتباسى، 6640 مالشى بار. ما شيڭرۇي الەۋمەتتىك اۋماققا بارىپ، نەگىزگى ساتىداعى پارتيا مۇشەلەرىمەن، قىستاقتا (الەۋمەتتىك اۋماق) تۇرعان قىزمەت اترەتتەرىنىڭ مۇشەلەرىمەن، ءار ۇلت كادر - بۇقاراسىمەن ىشكەرىلەي اڭگىمەلەسىپ، پارتيا تاريحىن ۇيرەنۋ تاربيەسىن ورىستەتۋ، بۇقارانىڭ كوشىپ كەلگەننەن كەيىنگى جۇمىستانۋ، ەمدەلۋ، بالالارىنىڭ وقۋعا ءتۇسۋ جاعدايلارىن ۇعىستى. ما شيڭرۇي بىلاي دەپ باسا دارىپتەدى: پارتيا تاريحىن ۇيرەنۋ تاربيەسىن تەرەڭدەتىپ، كەڭەيتىپ، ۇيرەنۋ جەتىستىكتەرىن بۇقارا ءۇشىن ناقتى ءىس ىستەۋدە تياناقتاندىرۋ كەرەك. كەدەيلەردى قونىس جاڭالاپ سۇيەمەلدەۋ بويىنشا كوشىرگەننەن كەيىنگى سۇيەمەلدەۋدى ۇزدىكسىز جاقسى ىستەپ، جايعاستىرۋ اۋماعىندا كاسىپ سالاسىن جەتىلدىرۋدى جانە جۇمىستاندىرۋ ارقىلى كومەكتەسىپ - سۇيەمەلدەۋدى ۇزدىكسىز كۇشەيتىپ، كوشىپ كەلگەن بۇقارانىڭ ورنىعۋىنا، دامۋىنا، بايۋىنا شىنايى كەپىلدىك ەتۋ كەرەك.
ما شيڭرۇي اياققى مانگان قىستاعىنىڭ تۇرعىنى تالىپ اليدىڭ، كۇنلۇن جيايۋاننىڭ تۇرعىنى سارا قۇرباننىڭ ۇيىنە بارىپ، ۇيلەرىن كورىپ، كىرىس ەسەپتەرىن ۇعىسىپ، تۇرمىس جاعدايىن سۇراستىرىپ، كوپشىلىكپەن بىرگە وتىرىپ اڭگىمە دۇكەن قۇردى، ءار ۇلت بۇقاراسىنىڭ تۇرمىستارىنىڭ بارعان سايىن شالقي ءتۇسۋىن تىلەدى.
ما شيڭرۇي بىلاي دەپ باسا دارىپتەدى: اناعۇرلىم سانالى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسيدى دارىپتەۋ تۇرعىسىنان وي جۇگىرتۋگە جانە ەكونوميكالىق، قوعامدىق دامۋ قىزمەتىن ىلگەرىلەتۋگە شەبەر بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىلدىقپەن ناقتاپ تياناقتاندىرۋ كەرەك. ورنىقتىلىق، دامۋ قىزمەتتەرىن عىلمي ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي ىستەپ، دامۋ مەن حاۋىپسىزدىكتى ءبىر تۇتاس جوسپارلاپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ۇزدىكسىز جاقسى ىستەپ، كورنەكتى قايشىلىقتار مەن ماسەلەلەردى شەشۋدە، ءتۇرلى حاۋىپ - قاتەرلەردەن، كومەسكى قاتەرلەردەن ساقتانۋدا، ولاردى جويۋدا، تۇپتەپ كەلگەندە، دامۋعا سۇيەنۋ كەرەكتىگىن تەرەڭ ءتۇسىنىپ، ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، رەفورما، دامۋ، ورنىقتىلىق قىزمەتتەرىن تىڭعىلىقتى جاقسى ىستەۋ كەرەك. جوعارى ساپالى دامۋدى حالىق تۇرمىسىمەن تىعىز جاناستىرا وتىرىپ ىلگەرىلەتۋگە تاباندى بولىپ، حالىقتىڭ تاماشا تۇرمىسقا دەگەن جاڭا ءۇمىتىن قاناعاتتاندىرۋدى قاي - قاشان دا دامۋدىڭ شىعار ءتۇيىنى جانە تابان تىرەر تياناعى ەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، دامۋعا جاڭالىق اشۋ ارقىلى دەم بەرۋگە تاباندى بولىپ، ەرەكشە، باسىمدىققا يە كاسىپ سالالارىن زورايتىپ، جىبەك جولى ەكونوميكالىق بەلدەۋى وزەكتى رايونىن جەدەل قۇرىپ، سىرتقا ەسىك اشۋ دانەكەرىن مولايتىپ، سىرتقا ەسىك اشۋ دەڭگەيىن جوعارىلاتىپ، اشىق شارۋاشىلىق تۇزىلىسىندە جاڭالىق اشىپ، شينجياڭ ەرەكشەلىگىنە يە، ءار ۇلت بۇقاراسىن يگىلىككە كەنەلتەتىن، جوعارى ساپالى دامۋعا تىرەك بولاتىن وسى زامانعى كاسىپ سالاسى جۇيەسىن جەدەل قالىپتاستىرىپ، دامۋدى يگەرۋ، حالىق تۇرمىسىنا تيىمدىلىك جاساۋ ارقىلى بۇقارانىڭ ىستەيتىن ءىسى بولۋىنا، تاباتىن اقشاسى بولۋىنا، ءۇمىت - تىلەگى بولۋىنا مۇمكىندىك جاساپ، ءار ۇلت بۇقاراسىنىڭ تابىس سەزىمىنىڭ اناعۇرلىم تولىق، باقىت سەزىمىنىڭ اناعۇرلىم باياندى، حاۋىپسىزدىك سەزىمىنىڭ اناعۇرلىم قامتاماسىز بولۋىنا قۇلشىنىس جاساۋ كەرەك. زاڭمەن باسقارۋدى قاستەرلەپ، قابىلەت قۇرىلىسىن كۇشەيتۋ كەرەك، ءار دارەجەلى باسشى كادرلار شينجياڭدى زاڭمەن باسقارۋعا تاباندى بولىپ، ۇيرەنۋگە ءمان بەرىپ، ۇيرەنۋگە شەبەر بولىپ، جاڭا داۋىردەگى پارتيانىڭ جاسامپاز نازارياسىن جەتە ۇيرەنىپ، ءتۇسىنىپ، نازاريالىق جەتىلىمىن جوعارىلاتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، زاڭمەن باسقارۋ ويىن جانە زاڭمەن باسقارۋ ءتاسىلىن قولدانىپ رەفورمانى تەرەڭدەتۋ، دامۋدى ىلگەرىلەتۋ، قايشىلىقتى شەشۋ، ورنىقتىلىقتى قورعاۋ، حاۋىپ - قاتەرگە توتەپ بەرۋ قابىلەتتەرىن ۇزدىكسىز ءوسىرۋ كەرەك. شىندىققا جۇگىنىپ، ناقتى ءىس ىستەپ، شىنايى يگەرىپ، ناقتى ىستەپ، ماسەلەنى باعدار ەتۋگە تاباندى بولىپ، دۇرىس ناتيجە كوزقاراسىن ورناتىپ، ىشكەرىلەي تەكسەرۋ، زەرتتەۋ جۇرگىزىپ، ”ۇشتە قاتاڭ، ۇشتە شىنايى بولۋعا“ تاباندى بولىپ، قاراپايىمداستىرۋدان، بەتالدى ىستەۋدەن باتىل ساقتانىپ، جاۋاپكەرشىلىك ارقالاماۋعا، ىسكەرلىك كورسەتپەۋگە باتىل قارسى تۇرىپ، ءوزىن - ءوزى جاڭارتۋ ەرلىگى مەن ىنتاسىن ساقتاپ، رەفورما شارالارىن جاسامپازدىقپەن العا قويىپ، تياناقتى تۇردە ماسەلەلەردى شەشۋ، قيىن ماسەلەلەردىڭ كۇرمەۋىن شەشۋ كەرەك.
اۆتونوميالى رايون باسشىلارىنان قادەن كابەن، لي نيڭپيڭ، ءدىلشات قىدىرقان قاتارلىلار تەكسەرۋ - زەرتتەۋگە قاتىناستى.
