تيانشان تورى   ›   جاڭالىقتار   ›   ەل ءىشى حابارى

ەكى مەرەكە كەزىندەگى ىندەتتەن ساقتانۋ - تىزگىندەۋدى عىلمي، دالمە - ءدال، ويداعىداي ىستەۋ كەرەك

  ەكى مەرەكە كەزىندەگى ىندەتتەن ساقتانۋ - تىزگىندەۋدى عىلمي، دالمە - ءدال، ويداعىداي ىستەۋ كەرەك

  − مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى تولعاقتى ماسەلەلەرگە اڭىس قايتاردى

  □ شينحۋا اگەنتتىگىنىڭ تىلشىلەرى شۇي پىڭحاڭ، لي حىڭ

  بۇكىل مەملەكەتتە ىندەت جاعدايى كوپتەگەن تۇيىندەردە تارالۋدا، ىندەت جاعدايىنىڭ تارالۋىن، ءورشۋىن قايتكەندە تىزگىندەۋگە بولادى؟ بۇكىل جەر شارىندا كۇنىنە جاڭادان كوبەيگەن دياگنوزى تۇراقتانعان ناۋقاس سانى تالاي رەت 800 مىڭنان اسىپ كەتتى، ”سىرتتان كىرۋدەن ساقتانۋ“ وتكەلىن قايتكەندە مىقتاپ يگەرۋگە بولادى؟ جاڭا جىل، كوكتەم مەرەكەسى تاياپ قالدى، ىندەتتەن ساقتانۋ - تىزگىندەۋدى قايتكەندە عىلمي، دالمە - ءدال، ويداعىداي ىستەۋگە بولادى؟ مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى 12 - ايدىڭ 29 - كۇنى اقپار جاريالاۋ ءماجىلىسىن اشىپ، تولعاقتى ماسەلەلەرگە اڭىس قايتاردى.

  قاتاڭ ساقتانۋ - تىزگىندەۋ شارالارىن بۇلجىماي باتىل قولدانۋ كەرەك

  جۋىقتا ەلىمىزدىڭ كوپتەگەن جەرلەرىندە جەرگىلىكتى ناۋقاستار بايقالدى، مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدان ساقتانۋ جانە تىزگىندەۋ مەكەمەسىنىڭ 1 - دارەجەلى شارلاۋشىسى حى چيڭحۋا تانىستىرىپ بىلاي دەدى: كەزەكتە مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسىنىڭ شانشيگە، جىجياڭعا، گۋاڭشيگە، يۇننانعا جىبەرگەن قىزمەت گرۋپپاسى ءالى دە جەرگىلىكتى ورىندا ىندەت جاعدايىن ءبىر جايلى ەتۋگە قولباسشىلىق ەتۋدە.

  حى چيڭحۋا بىلاي دەپ تانىستىردى: شانشيدىڭ شي - انىنىڭ ىندەت جاعدايى كەزەكتە جىلدام كۇشەيۋ باسقىشىندا تۇر، ونىڭ ۇستىنە، ناۋقاستاردىڭ ولكە ىشىندە جانە ولكە سىرتىندا بولۋ جاعدايى بار، قاتەرلى ادامداردى ءبىر - بىرلەي تەكسەرۋ - اداقتاۋ جانە باسقارۋ - تىزگىندەۋ شارالارىن اناعۇرلىم كۇشەيتۋ قاجەت، كەيىنگى كەزدە ىندەتتىڭ الەۋمەتتىك اۋماقتارعا تارالۋ قاتەرى ءبىرشاما جوعارى.

  مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى مي فىڭ مىنالاردى ءبىلدىردى: ”سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا“ تاباندى بولۋ باس تاكتيكاسىنان بۇلجىماي، قاتاڭ ساقتانۋ - تىزگىندەۋ شاراسىن بۇلجىماي باتىل قولدانۋ كەرەك. ىندەت تۋىلعان رايوندار ىندەت جاعدايىنىڭ تارالۋىن، ءورشۋىن بار كۇشپەن تەجەۋمەن بىرگە، بارلىق ءادىس - امالدى قولدانىپ بۇقارانىڭ نەگىزدىك تۇرمىسىن، ناۋقاس كورسەتۋ، ەمدەلۋ قاجەتىن قامتاماسىز ەتۋ كەرەك.

  ”ادامنان، زاتتان تەڭ ساقتانىپ“، ”سىرتتان كىرۋدەن ساقتانۋ“ وتكەلىن مىقتى يگەرۋ كەرەك

  مي فىڭ بىلاي دەپ تانىستىردى: سوڭعى ءبىر اپتادا بۇكىل جەر شارىندا جاڭا تيپتى ايدارشا ۆيرۋس وكپە قابىنۋىنان كۇنىنە جاڭادان كوبەيگەن دياگنوزى تۇراقتانعان ناۋقاس تالاي رەت 800 مىڭنان اسىپ كەتتى، اۋميكرون وزگەرگەن تۇبىرشىگى ءبىر ءبولىم مەملەكەتتەردە نەگىزگى تارالعان ۆيرۋس تۇبىرشىگىنە اينالىپ، ەلىمىزدىڭ ”سىرتتان كىرۋدەن ساقتانۋ“ باسىمىن ۇزدىكسىز اۋىرلاتتى.

  جاڭا جىل، كوكتەم مەرەكەسى كەلۋ قارساڭىندا شەكارا سىرتىنان ەلگە قايتاتىن ادامدار كوبەيە باستايدى، وتكەلدەردىڭ ىندەتتەن ساقتانۋ - تىزگىندەۋىن قايتكەندە ويداعىداي ىستەۋگە بولادى؟ كەدەن باس مەكەمەسى دەنساۋلىق ساقتاۋ، كارەنتيندەۋ مەكەمەسىنىڭ ورىنباسار باستىعى لي جىڭلياڭ مىنالاردى ءبىلدىردى: وتكەلدەردە دەنساۋلىق ساقتاۋدى، كارەنتيندەۋدى قاتاڭداستىرىپ، شەكارادان كىرگەن بارلىق ادامنىڭ ىندەتكە شاتىلۋ حاۋىپ - قاتەرىن ءبىر - بىرلەپ تەكسەرۋ كەرەك؛ شەكارادان كىرگەن زاتتاردى كارەنتيندەۋدى كۇشەيتۋ، شەكارا سىرتىنداعى قاينار كوزىن باسقارۋ - تىزگىندەۋدى كۇشەيتۋ كەرەك؛ شەكارادان كىرگەن جولاۋشى تاسىمالى، اۆياتسيا جابدىقتارىن ەڭ اقىرعى زارارسىزداندىرۋدى باقىلاۋ قىزمەتىن قاتاڭ، ويداعىداي ىستەۋ كەرەك؛ ءبىرىنشى شەپتەگى قىزمەتكەرلەردىڭ حاۋىپسىزدىك قورعانىسىن قاتاڭ، ويداعىداي ىستەپ، كاسىپتە حاۋىپ - قاتەر كورىنۋدەن شىن مانىندە ساقتانۋ كەرەك.

  يمپورت ەتىلگەن سۋىق تىزبەكتى ازىق - تۇلىكتەر جونىندە، بازاردى باقىلاۋ - باسقارۋ باس مەكەمەسى ازىق - تۇلىك شارۋاشىلىعى مەكەمەسىنىڭ ورىنباسار باستىعى داڭ چيانيىڭ بىلاي دەپ تانىستىردى: بازاردى باقىلاۋ - باسقارۋ تاراۋلارى يمپورت ەتىلگەن سۋىق تىزبەكتى ازىق - تۇلىكتەردى ءوندىرۋ، تيجارات جۇرگىزۋ ارەكەتىن قاتاڭ جۇيەلىلەندىرىپ، ىندەتكە ساياتىن ازىق - تۇلىكتەردى دەر كەزىندە ءبىر - بىرلەپ تەكسەرۋدى ءونىمدى ورىستەتىپ، جاڭا تيپتى ايدارشا ۆيرۋستىڭ يمپورت ەتىلگەن سۋىق تىزبەكتى ازىق - تۇلىكتەر ارقىلى كىرۋى قاتەرىنەن قاتاڭ ساقتانۋ كەرەك.

  سىرتقا شىعۋدا قولايلىلىق تۋدىرۋ، شارا پارمەندى دە ىڭعايلى بولۋى كەرەك

  قاتىناس - تاسىمال مينيسترلىگى شۇعىل جاعدايعا توتەپ بەرۋ كەڭسەسىنىڭ ورىنباسار مەڭگەرۋشىسى جو لي تانىستىرىپ بىلاي دەدى: باستاپقى مەجەگە نەگىزدەلگەندە، جاڭا جىل دەمالىس كەزىندەگى جولاۋشى اعىنى جالپى تۇلعالىق جاقتان ورنىقتى بولادى، مەجەلەۋىمىزشە، بۇكىل مەملەكەتتەگى جولاۋشى جونەلتۋ مولشەرى شامامەن 80 ميلليون ادام - رەتكە جەتەدى، بۇدان سىرت، بۇكىل مەملەكەتتە كوكتەم تاسىمالىنىڭ جولاۋشى تاسىمال مولشەرى 2021 - جىلمەن سالىستىرعاندا ءبىرشاما جوعارى دارەجەدە ارتادى.

  جو لي بىلاي دەپ تانىستىردى: قاتىناس - تاسىمال مينيسترلىگى 14 تاراۋمەن جانە مەكەمە - ورىنمەن كوكتەم تاسىمالى قىزمەتى ارناۋلى كەزەكشى پويەزىن اشىپ، قاتىناس - تاسىمالدا ىندەتتەن ساقتانۋ - تىزگىندەۋدى، تاسىمالمەن قامتاماسىز ەتۋدى، حاۋىپسىزدىكتى باقىلاۋ - باسقارۋدى، حالىققا قولايلى قىزمەت وتەۋ قىزمەتىن ءبىر تۇتاس جوسپارلاپ، ويداعىداي ىستەيدى، ءبىرسىپىرا پارمەندى، ىڭعايلى شارالار قولدانىپ، حالىق بۇقاراسىنىڭ جوعارى ءونىمدى، قولايلى سىرتقا شىعۋىنا شىنايى كەپىلدىك ەتەدى.

  ۇشاقپەن سىرتقا شىعاتىن جولاۋشىلارعا قاراتا، جۇڭگو حالىقتىق اۆياتسيا مەكەمەسىنىڭ ۇشۋ ولشەمى مەكەمەسىنىڭ باستىعى حان گۋاڭزۋ بىلاي دەپ تانىستىردى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، حالىقتىق اۆياتسيا مەكەمەسى ىندەت جاعدايىنىڭ وزگەرىسىنە نەگىزدەلىپ، ىندەتتەن ساقتانۋ - تىزگىندەۋدىڭ تەحنيكالىق باعدارناماسىن ىلگەرىندى - كەيىندى 8 رەت تۇزەتىپ باسىپ تاراتىپ، ەل ىشىندەگى اۆياتسيا جابدىقتارىن زارارسىزداندىرۋ قىزمەتىنىڭ جۇيەلى، ءتارتىپتى، تىڭعىلىقتى، ءونىمدى جۇرگىزىلۋىنە شىنايى كەپىلدىك ەتتى.

  مادەنيەت جانە ساياحات مينيسترلىگى بازار باسقارۋ مەكەمەسىنىڭ ورىنباسار باستىعى يۇي چاڭگو ساياحاتشىلارعا مىنالاردى ەسكەرتتى: اتتاناتىن جەرىنىڭ، كوزەۋلى جەرىنىڭ ىندەتتەن ساقتانۋ - تىزگىندەۋ جونىندەگى ەڭ جاڭا ساياساتىن الدىن الا ۇعىسۋ كەرەك، ورتا، جوعارى قاتەرلى وڭىرلەردەگى قالالارعا ساياحاتتاي بارماۋ كەرەك. ىندەتتەن ساقتانۋ - تىزگىندەۋ بەلگىلەمەلەرىنە سانالىلىقپەن بويسۇنۋ، ماسكى تاعۋ، قولدى قايتا - قايتا جۋۋ، از توپتاسۋ، ”ءبىر مەتر ارالىق ساقتاۋ“ تاماشا ادەتىن جەتىلدىرۋ كەرەك.

  (شينحۋا اگەنتتىگىنىڭ 12 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.