اۆتونوميالى رايوندىق ساياسي كەڭەس 2022 - جىلعى جاڭا جىل شاي ءماجىلىسىن وتكىزدى
سىمايىل تىلەۋالدى قاتىناستى، ما شيڭرۇي ارناۋ ءسوز سويلەدى، ەركىن تۇنياز، شاۋكەت يمىن، لي يفي، شوكىرات زاكىر، نايىم ياسىن قاتىناستى، نۇرلان ءابىلماجىن باسقاردى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 12 - ايدىڭ 31 - كۇنى ۇرىمجىدەن حابارلايدى. 2021 - جىلى 12 - ايدىڭ 31 - كۇنى تۇستەن كەيىن اۆتونوميالى رايوندىق ساياسي كەڭەس شينجياڭ يىڭبين قوناق ءۇيىنىڭ ءماجىلىس ورتالىعىندا جاڭا جىل شاي ءماجىلىسىن وتكىزدى، بۇكىل رايونداعى ءار ۇلت، ءار سالا قايراتكەرلەرىنىڭ ۋاكىلدەرى ءبىر اراعا باس قوسىپ، باس شۋجي شي جينپيڭنىڭ 2022 - جىلعى جاڭا جىلدى قۇتتىقتاۋ ءسوزىن تىڭدادى، كوردى.
سىمايىل تىلەۋالدى، ما شيڭرۇي، ەركىن تۇنياز، شاۋكەت يمىن، لي يفي، شوكىرات زاكىر، نايىم ياسىن، جاڭ چۇنلين، حى جۇڭيوۋ، ليۋ لين، ياڭ چىڭ، جاڭ جۋ، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن دەموكراتيالىق پارتيا - توپتاردىڭ شينجياڭ رايوندىق كوميتەتتەرىنىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن، اۆتونوميالى رايوننىڭ قاتىستى جاقتارىنداعى جاۋاپتى جولداستارمەن، سونداي - اق ءار ۇلت، ءار سالا قايراتكەرلەرىنىڭ ۋاكىلدەرىمەن ءبىر اراعا شاتتىقپەن باس قوسىپ، جاڭا جىلدى بىرگە قارسى الدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن شاي ءماجىلىسىن باسقاردى.
دۋ قول شاپالاق ءۇنى ىشىندە اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق پارتكوم مەن ۇكىمەت اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، حالىقتىق ۇيىمدارعا، بۇكىل رايونداعى قالىڭ جۇمىسشىلارعا، شارۋالارعا، زيالىلارعا، كادرلارعا جانە ءار سالاداعى قايراتكەرلەرگە، حالىق ازاتتىق ارمياسىنىڭ شينجياڭدا تۇراتىن كوماندير - جاۋىنگەرلەرىنە، قارۋلى ساقشى ءبولىمىنىڭ وفيتسەر - اسكەرلەرىنە، قوعام حاۋىپسىزدىگى كادر - ساقشىلارىنا، ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرىنە، شينجياڭ ءوندىرىس - قۇرىلىس بيڭتۋانىنداعى جۇمىسشى - قىزمەتكەرلەرگە، ورتالىقتىڭ شينجياڭدا تۇراتىن ورىندارىنداعى جولداستارعا، شينجياڭنىڭ ءتۇرلى ىستەرىنىڭ دامۋىنا كوڭىل بولگەن، قولداۋ كورسەتكەن دوستارعا شىنايى سالەم جولدادى جانە جاڭا جىل بايلانىسىمەن باقىت تىلەدى!
ما شيڭرۇي بىلاي دەدى: باس شۋجي شي جينپيڭ 2022 - جىلعى جاڭا جىلدى قۇتتىقتاۋ سوزىندە ءبىر جىلدان بەرگى پارتيا مەن مەملەكەت ىستەرىندە قول جەتكەن شۇعىلالى تابىستارعا تەرەڭ سۇيىسپەنشىلىكپەن قايىرىلا قاراپ، بۇكىل پارتياداعى، بۇكىل ەلدەگى ءار ۇلت حالقىنا تاماشا جاڭا جىل تىلەگىن جەتكىزىپ، العا باسۋ بەتالىسىن كورسەتىپ، ءبىزدى تەرەڭ شابىتتاندىرىپ، ايرىقشا جىگەرلەندىرىپ، ءبىزدىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى شينجياڭ قىزمەتىن جاقسى ىستەۋ سەنىمىمىزدى، بەكىمىمىزدى اناعۇرلىم بەكەمدەدى.
ما شيڭرۇي بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەردى. باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى كوزدەپ، شينجياڭ قىزمەتىنە ستراتەگيالىق جاقتان ءۇڭىلىپ جانە ونى جوسپارلاپ، جاڭا داۋىردەگى جۇڭگوشا سوتسياليستىك شينجياڭ قۇرۋعا العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەپ، شينجياڭ قىزمەتىندە كەلەلى ناتيجەگە قول جەتكىزۋگە جەتەكشىلىك ەتتى. كەلەلى ناتيجەگە قول جەتكىزۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، باس شۋجي شي جينپيڭنىڭ جول باستاپ، رول ۇستاۋىنىڭ ناتيجەسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ ناتيجەسى، اۆتونوميالى رايوننىڭ ءار كەزەكتەگى باسشىلىق القالارىنىڭ ۇزدىكسىز كۇرەس جاساۋىنىڭ ناتيجەسى، بۇكىل رايونداعى ءار ۇلت كادر - بۇقاراسىنىڭ ىنتىماقتاسىپ ەكپىندەي ىلگەرىلەۋىنىڭ ناتيجەسى، ءارى وعان ءار دارەجەلى پارتيا ۇيىمدارى مەن دەموكراتيالىق پارتيا - توپتاردىڭ، پارتيادا، توپتا جوق قايراتكەرلەردىڭ، حالىقتىق ۇيىمداردىڭ، سونداي - اق قالىڭ حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ جۇرەك قانى، اقىل - پاراساتى مەن ماڭداي تەرى سىڭگەن. قازىر شينجياڭنىڭ قوعامدىق كەلەلى جاعدايى ورنىقتى، حالىق تىنىش ءومىر، شات - شادىمان تىرشىلىك كەشىرۋدە، ءار ۇلت كادر - بۇقاراسى جاڭا تاريحي باستامادا شينجياڭ قىزمەتىن ويداعىداي ىستەۋگە زور ءۇمىت ارتىپ وتىر. ءبىز شينجياڭنىڭ ىستەرىن كۇش سالا ويداعىداي ىستەپ، شينجياڭنىڭ ورنىقتىلىق جانە دامۋ قىزمەتتەرىندە جاڭا ناتيجەلەرگە جەتۋدى تىڭعىلىقتى ىلگەرىلەتۋىمىز كەرەك.
ما شيڭرۇي بىلاي دەدى: 2022 - جىل پارتيانىڭ 20 - قۇرىلتايى اشىلاتىن جىل. جاڭا ءبىر جىلدا، ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ، ورتالىقتىڭ ەكونوميكالىق قىزمەت ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال، جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاستىرا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، شينجياڭ قىزمەتىنە ستراتەگيالىق جاقتان ۇڭىلۋگە جانە ونى جوسپارلاۋعا تاباندى بولىپ، جۇرت تىلەگىن ۇيىستىرۋدى ءتۇبىرلى نەگىز ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، سوتسياليستىك وزەكتى قۇن كوزقاراسىن ساۋلەلەندىرۋگە جانە جەتىلدىرۋگە تاباندى بولىپ، حالىق تۇرمىسىنا تىعىز جاناسىپ جوعارى ساپالى دامۋدى ىلگەرىلەتۋگە تاباندى بولىپ، پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، وزىنە - ءوزى توڭكەرىس جاساۋ باتىلدىعى مەن پەيىلىن ساقتاپ، ءىس تىندىرىپ ناتيجە شىعارۋ سەنىمى مەن بەكىمىن كۇشەيتىپ، جاسامپاز رەفورما شارالارىن العا قويىپ، قىزمەت بارىسىنداعى قيىنشىلىقتاردى، ماسەلەلەردى شەشىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جاساپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
اۆتونوميالى رايوندىق ساياسي كەڭەستىڭ مۇشەسى، شينجياڭ داشۋەسى ماتەماتيكا جانە سيستەما عىلىمى شۋەيۋانىنىڭ پروفەسسورى نۇرمامەت حەلەل، اۆتونوميالى رايوندىق ساياسي كەڭەستىڭ مۇشەسى، شينجياڭ مەديتسينا داشۋەسىنە قاراستى 1 - شيپاحانانىڭ ورىنباسار باستىعى مۇقيات ۇلاسقان شاي ماجىلىسىندە ءسوز سويلەدى.
اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى، اۋە ارمياسىنىڭ ءۇرىمجى بازاسىنداعى جاۋاپتى جولداستار، ۇرىمجىدەگى اۆتونوميالى رايوننان دەمالىسقا، پەنسياعا شىققان ورىنباسار ولكە دارەجەلىدەن جوعارى ساقا جولداستار شاي ماجىلىسىنە قاتىناستى.
