تيانشان تورى   ›   جاڭالىقتار   ›   ماڭىزدى حابارلار

تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسايىق

  «ىزدەنۋ» جۋرنالى باس شۋجي شي جينپيڭنىڭ ماڭىزدى ءسوزىن جاريالادى

  تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسايىق

  شينحۋا اگەنتتىگىنىڭ 1 - ايدىڭ 1 - كۇنى بەيجيڭنەن بەرگەن حابارى. 2022 - جىلى 1 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ بيىلعى 1 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ 2 - رەتكى جالپى جيىنىنداعى «تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسايىق» دەگەن تاقىرىپتاعى ماڭىزدى ءسوزىن جاريالادى.

  سوزدە مىنالار باسا دارىپتەلدى: پارتيامىز قۇرىلعاندىعىنا 100 جىل بولعان ساتتە، پارتيا ورتالىق كوميتەتىنىڭ ءبىر رەت جالپى ءماجىلىس اشىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋدى ۇيعارۋى − بايىپتىلىقپەن جاساعان ستراتەگيالىق شەشىم، پارتيامىزدىڭ تاريح زاڭدىلىعىنا ءمان بەرەتىن جانە ودان شەبەر پايدالاناتىن وسكەلەڭ ساياسي سانالىلىعىن ايگىلەدى، پارتيامىزدىڭ اۋەلگى ماقسات پەن بورىشتى ەستە بەرىك ساقتاپ، الدىڭعىلاردىڭ ءىزىن باسىپ بولاشاققا جول اشاتىن سەنىمى مەن جاۋاپكەرشىلىگىن ايگىلەدى. بۇل رەتكى جالپى ءماجىلىستىڭ «قارارى» پارتيامىز شىعارعان الدىڭعى 2 تاريحي قارار سياقتى، ءسوز جوق، بۇكىل پارتيانىڭ يدەيانى بىرلىككە كەلتىرۋىن، ەرىك - جىگەردى بىرلىككە كەلتىرۋىن، ارەكەتتى بىرلىككە كەلتىرۋىن ىلگەرىلەتىپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋ جانە ونى دامىتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جونىندە كەلەلى دە تەرەڭ ىقپال كورسەتەدى.

  سوزدە مىنالار اتاپ كورسەتىلدى: جالپى ءماجىلىس رۋحىن ۇيرەنۋدى ماڭىزدى ءتۇيىن ەتە وتىرىپ پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋدىڭ كەلەلى ماڭىزىن جىعا تانۋ، پارتيانىڭ 100 جىلدىق كۇرەسىندەگى اۋەلگى ماقسات پەن بورىشتى جىعا تانۋ، جۇڭگوشا سوتسياليزمنىڭ جاڭا داۋىرگە وتكەندەگى تاريحي تابىستارى مەن تاريحي وزگەرىستەرىن جىعا تانۋ، پارتيانىڭ 100 جىلدىق كۇرەسىنىڭ تاريحي تاجىريبەلەرىن جىعا تانۋ، تاريحتى اينا ەتىپ، بولاشاققا جول اشۋدىڭ ماڭىزدى تالابىن جىعا تانۋ كەرەك.

  سوزدە مىنالار اتاپ كورسەتىلدى: تاريحي سەنىمدى نىعايتىپ، مۇرات - سەنىمگە سانالىلىقپەن تاباندى بولۋ كەرەك. بۇل رەتكى جالپى ءماجىلىستىڭ «قارارى» پارتيامىزدىڭ وسكەلەڭ تاريحي سەنىمىن تولىق ايگىلەپ، پارتيا ءىشى - سىرتىنا، ەل ءىشى - سىرتىنا 100 جىلدىق ءىرى پارتيانىڭ سەرگەكتىگى مەن تولىسقاندىعىن كورسەتتى. تاريح مىنانى تالاسسىز ءتۇسىندىردى: جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭگو حالقىنىڭ باقىتتى تۇرمىسى بولماق ەمەس، جۇڭحۋا ۇلتىنىڭ ۇلى گۇلدەنۋى بولماق ەمەس. تاريح پەن حالىق جۇڭگو كوممۋنيستىك پارتياسىن تاڭدادى، جۇڭگو كوممۋنيستىك پارتياسى دا تاريح پەن حالىق تالعامىنىڭ ۇمىتىنەن شىقتى. جۇڭگو كوممۋنيستەرىنىڭ تاريحي سەنىمى ءارى كۇرەس تابىسىنا دەگەن سەنىم، سونىمەن بىرگە، كۇرەسكەرلىك رۋحقا دەگەن سەنىم بولىپ تابىلادى.

  سوزدە مىنالار اتاپ كورسەتىلدى: پارتيانىڭ ساياسي قۇرىلىسىنا تاباندى بولىپ، پارتيانىڭ ىنتىماعى مەن بىرلىگىن باستان - اياق ساقتاۋ كەرەك. تاريح پەن رەالدىق تۇگەلدەي مىنانى دالەلدەدى: پارتيانىڭ ىنتىماعى مەن بىرلىگى پارتيا مەن حالىقتىڭ بولاشاعى مەن تاعدىرىنا قاتىستى، بۇكىل ەلدەگى ءار ۇلت حالقىنىڭ ءتۇبىرلى مۇددەسىنىڭ تياناعى، ءارقانداي كەزدە دە، ءارقانداي جاعدايدا وعان نەمقۇرايدى قاراۋعا بولمايدى، ودان اۋىتقۋعا بولمايدى. بۇل رەتكى جالپى ءماجىلىستىڭ «قارارى» پارتيانىڭ ورتالىقتانعان ءبىر تۇتاس باسشىلىعىن كۇشەيتۋدىڭ ماڭىزدىلىعىن ايرىقشا باسا دارىپتەدى، بۇل بۇكىل پارتيادان مىزعىماس تاباندىلىقپەن پارتيا ورتالىق كوميتەتىنە قاراپ قاتار تۇزەۋدى، پارتيا تۋى استىندا ”قۇرىشتاي بەرىك“ ىنتىماقتاسىپ، بىركەلكى قاداممەن العا باسۋدى تالاپ ەتەدى. پارتيانىڭ ىنتىماعى مەن بىرلىگىن ساقتاۋ بۇكىل پارتيادان، ءسوز جوق، پارتياعا ادال بولۋدى تالاپ ەتەدى.

  سوزدە مىنالار اتاپ كورسەتىلدى: جاۋاپكەرشىلىك ارقالاۋدى بەكەمدەپ، ۇلى كۇرەس جۇرگىزۋدىڭ ەرىك - جىگەرى مەن ونەر - قابىلەتىن ۇزدىكسىز كۇشەيتۋ كەرەك. پارتيامىز كۇرەسكە سۇيەنىپ تاريح جاراتتى، ونان دا ماڭىزدىسى، كۇرەسكە سۇيەنىپ بولاشاققا قول جەتكىزەدى. ءبىز قىسقا مەزگىلدىك ەمەس، قايتا ۇزاق مەزگىلدىك كۇرەستەرگە ءدوپ كەلىپ وتىرمىز، ول ەكىنشى 100 جىلدىق كۇرەس نىساناسىن جۇزەگە اسىرۋدىڭ جالپى بارىسىمەن قاتارلاسىپ وتىرادى. ءبىز، ءسوز جوق، جاڭا ۇلى كۇرەستىڭ تاريحي ەرەكشەلىگىن مىقتى يگەرىپ، كۇرەسكەرلىك رۋحتى ساۋلەلەندىرىپ، كۇرەس بەتالىسىن يگەرىپ، كۇرەستىڭ ىرىقتىلىعىن يگەرىپ، كۇرەسكەرلىك ەرىك - جىگەردى نىعايتىپ، كۇرەس زاڭدىلىعىن يگەرىپ، كۇرەس جۇرگىزۋ ونەر - قابىلەتىن كۇشەيتىپ، ەلەۋلى سىن - سايىستارعا ءونىمدى توتەپ بەرىپ، ەلەۋلى حاۋىپ - قاتەرلەردەن ساقتانىپ، ەلەۋلى بوگەتتەردى جەڭىپ، ەلەۋلى قايشىلىقتاردى شەشىپ، العا باسۋ جولىنداعى بارلىق ماشاقات - قيىندىقتاردى، قاتەر - بوگەتتەردى جەڭىپ، جاڭا داۋىردەگى ۇلى كۇرەستىڭ تىڭ جەڭىستەرىنە ۇزدىكسىز قول جەتكىزۋىمىز كەرەك.

     سوزدە مىنالار اتاپ كورسەتىلدى: وزىنە - ءوزى توڭكەرىس جاساۋعا تاباندى بولىپ، پارتيانىڭ سيپاتىن وزگەرتپەۋگە، ءتۇسىن وزگەرتپەۋگە، قاسيەتىن وزگەرتپەۋگە شىنايى كەپىلدىك ەتۋ كەرەك. تاريحى وسىنشاما ۇزاق، كولەمى وسىنشاما ۇلكەن، بيلىك جۇرگىزۋى وسىنشاما ۇزاق پارتيامىز تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان قالاي اتتاپ ءوتتى؟ ماۋ زىدۇڭ جولداس يان - انداعى جەر تولەدە مۇنىڭ ءبىرىنشى جاۋابىن بەرگەن بولاتىن، ياعني ”تەك حالىق ۇكىمەتتى باقىلاعاندا عانا، ۇكىمەت بوساڭسي المايدى“. 100 جىلدىق كۇرەس، اسىرەسە، پارتيا 18 - قۇرىلتايىنان بەرگى جاڭا اماليات ارقىلى پارتيامىز تاعى مۇنىڭ ەكىنشى جاۋابىن بەردى، ياعني وزىنە - ءوزى توڭكەرىس جاساۋ. پارتيامىزدىڭ ءوزىنىڭ ەشقانداي ەرەكشە مۇددەسى جوق، بۇل پارتيامىزدىڭ وزىنە - ءوزى توڭكەرىس جاساۋ باتىلدىعىنىڭ قاينارى، جىگەرىنىڭ تياناعى بولىپ تابىلادى. پارتيا قۇرىلعانىنا 100 جىل بولعان ساتتە، ءبىز امانشىلىقتا جامانشىلىقتىڭ بولارىن ويلاۋىمىز، ءبىزدىڭ 100 جىلدىق ءىرى پارتيامىزدىڭ كارىلىك قاۋساتقان دارمەنسىزگە، اۋرۋ مەڭدەتكەن ءالجۋازعا اينالىپ قالۋىنان ءار دايىم قىراعى بولۋىمىز كەرەك. وزىنە - ءوزى ۇلى توڭكەرىس جۇرگىزۋ ارقىلى ۇلى قوعامدىق توڭكەرىسكە جەتەكشىلىك ەتىپ، ۇلى قوعامدىق توڭكەرىس ارقىلى وزىنە - ءوزى ۇلى توڭكەرىس جۇرگىزۋدى جەبەپ، پارتيانىڭ جاڭا داۋىردە جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ تاريحي ۇردىسىندە قاشاندا پارمەندى باسشىلىق ۇيتقى بولۋىنا شىنايى كەپىلدىك ەتۋىمىز كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.