تيانشان تورى
تيانشان تورى   ›   ۇيرەنۋ   ›   شولۋ

بۇل جىلدىڭ ماڭىزى وتە وزگەشە

  بۇل جىلدىڭ ماڭىزى وتە وزگەشە

  − ءتوراعا شي جينپيڭنىڭ 2022 - جىلعى جاڭا جىلدى قۇتتىقتاۋ ءسوزى تۋرالى تولعانىس (1)

  حالىق گازەتىنىڭ شولۋشىسى

  جىلدار ايالسىز اۋناپ، ۋاقىت توقتاۋسىز زىمىراۋدا. ەسكى جىلدى ۇزاتىپ، جاڭا جىلدى قارسى العان تاعى ءبىر مەرەيلى ساتتە، ءبىز 2021 - جىلعا قوش ايتىپ، 2022 - جىلدى قارسى الدىق.

  ”وسى جىلعا قايىرىلا قاراساق، ماڭىزى وزگەشە ءبىر جىل بولدى. ءبىز پارتيا مەن مەملەكەت تاريحىنداعى بەلەستىك مانگە يە ءىرى ىستەردى باسىمىزدان كەشىردىك“. جاڭا جىل قارساڭىندا، ءتوراعا شي جينپيڭ 2022 - جىلعى جاڭا جىلدى قۇتتىقتاۋ ءسوزىن جاريالاپ، ەستەن كەتپەس ”جۇڭگو ءۇنىن، جۇڭگو ءساتىن، جۇڭگو حيكاياسىن“ ەسكە الىپ، ”سان - ساناقسىز قاراپايىم قاھارماندار ايانباي كۇرەس جۇرگىزىپ، جاڭا داۋىردەگى جۇڭگونىڭ كوكىرەك كەرە العا باسقان جويقىن اعىنى بولىپ قۇيىلدى“ دەپ القادى. ءتوراعا شي جينپيڭنىڭ ءساليقالى سوزدەرى، ايبىندى ۇندەۋى، ىقىلاستى قامقورلىعى، تەرەڭ سۇيىسپەنشىلىككە تولى تىلەكتەرى ميلليارد حالىقتىڭ ”بولاشاققا بىرگە اتتاناتىن“ تاسقىنداعان كۇرەسكەرلىك ىنتاسىن قاۋلاتتى.

  100 جىلدىق تابىستار ءبىزدى جىگەرلەندىرىپ، 100 جىلدىق تاجىريبەلەر ۇلكەن وي سالدى. 2021 - جىلى مەيلى جۇڭگو كوممۋنيستىك پارتياسىنىڭ تاريحىندا بولسىن، الدە جۇڭحۋا ۇلتىنىڭ تاريحىندا بولسىن، بەلەستىك ماڭىز الاتىنءبىر جىل بولدى. بۇل جىلدا شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتاپ، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن جەڭىسپەن اشىپ، پارتيانىڭ ءۇشىنشى تاريحي قارارىن جاساپ، پارتيا تاريحىن ۇيرەنۋ تاربيەسىن ورىستەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، جاپپاي دوڭگەلەك داۋلەتتى قوعامدى ۋاعىندا ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستادى. بۇل ناتيجەلەردىڭ قولعا كەلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، بۇكىل پارتيانىڭ، بۇكىل ەلدەگى ءار ۇلت حالقىنىڭ كۇش بىرىكتىرىپ، تىلەك توعىستىرۋىنىڭ، قاجىرلىلىقپەن كۇرەس جۇرگىزۋىنىڭ ناتيجەسى.

  بۇل جىلدا كوپشىلىك قاجىرلى ەڭبەك ەتىپ، ۇلەس قوستى، تابىسقا دا قول جەتكىزدى. دۇنيە جۇزىندە 100 جىلدا بولماعان زور وزگەرىس پەن جاڭا تيپتى ايدارشا ۆيرۋس وكپە قابىنۋ ىندەتىنىڭ الەمدە كەڭ كولەمدە تارالۋىنىڭ قات - قابات ىقپالى الدىندا، ەل ىشىندەگى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ءتۇرلى مىندەتتەرى ايرىقشا اۋىر جاپالى بولعان جاعدايدا، ءبىز 100 جىلدىق وزگەرىس پەن عاسىرلىق ىندەتكە بايسالدىلىقپەن توتەپ بەرىپ، جاڭا دامۋ ارناسىن قالىپتاستىرۋدا تىڭ قادام تاستاپ، جوعارى ساپالى دامۋدا تىڭ ناتيجەگە قول جەتكىزدىك، ”14 - بەسجىلدىقتا“ تاماشا باستامانى جۇزەگە اسىردىق. ەكونوميكانىڭ دامۋى مەن ىندەتتەن ساقتانۋ - تىزگىندەۋدە دۇنيە ءجۇزى بويىنشا الدىڭعى ورىندى ساقتاۋدان، ”جۋرۇڭنىڭ“ مارستى بارلاۋىنا، ”شيحىنىڭ“ كۇن جۇيەسىن بارلاۋىنا، ”تيانحىنىڭ“ جۇلدىزدار ارا قىدىرۋىنا دەيىن؛ اۋىر تاسقىن - سەل اپاتىنا توتەپ بەرۋدەن استىق تۇسىمىندە ”18 جىل ءۇرتىس مول ءونىم“ الۋ قۋانىشىنا دەيىن؛ جوعارى جىلدامدىقتى تەمىر جولدىڭ قاتىناۋ ارالىعى 40 مىڭ كيلومەتردەن اسقاننان جەدەل جەتكىزۋدىڭ جىلدىق جۇمىس مولشەرى 100 ميلليارد دانادان اسقانعا دەيىن... بۇل جەردە اياۋلى دا ارداقتى حالقىمىز، كۇن سايىپ جاڭارىپ، اي سايىن تۇلەجىگەن دامۋىمىز، ۇزبەي ءىز جالعاپ، مۇراگەرلىك ەتكەن ىستەرىمىز بار. ءتوراعا شي جينپيڭ تەبىرەنە بىلاي دەدى: ”زىمىراعان ۋاقىت كوشىندە ءبىز قايىسپاس قايسار، گۇلدەنىپ قۇلپىرا تۇسكەن جۇڭگونى كورىپ وتىرمىز، سەزىنىپ وتىرمىز“.

  2022 - جىلى پارتيامىز 20 - رەتكى مەملەكەتتىك قۇرىلتايىن اشادى. بۇل پارتيامىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىنا وتكەن ماڭىزدى ساتتە اشىلاتىن اسا ماڭىزدى قۇرىلتاي، پارتيا مەن مەملەكەتتىڭ ساياسي ومىرىندەگى ءىرى ءىس بولماق. پارتيا 20 - قۇرىلتايىن ويداعىداي اشۋ بۇكىل پارتيانىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، حالىقتى ىنتىماقتاستىرىپ، باستاپ، جاپپاي سوتسياليستىك وسىزاماندانعان مەملەكەت قۇرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ۇزدىكسىز كۇرەس جۇرگىزۋ جونىنەن كەلەلى دە تەرەڭ ماڭىز الادى. ءبىز تاريحي ىرىقتىلىق رۋحىن ۇزدىكسىز ساۋلەلەندىرىپ، قاشاندا ۇزاق بولاشاقتى كوزدەۋىمىز، امانشىلىقتا جامانشىلىقتىڭ بولارىن ويلاۋىمىز، قولايلى جاعدايدان ۇتىمدى پايدالانىپ ورگە ۇمتىلىپ، ۇدەرە العا باسۋىمىز، ستراتەگيالىق تاباندىلىق پەن سابىرلىلىقتى ساقتاپ، ۇشان - تەڭىز مول دەڭگەيگە جەتۋىمىز ءارى جىڭىشكە، نازىك تۇستارعا دا قۇلشىنۋىمىز، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ەمتيحان تاپسىرۋ جولىمەن ويداعىداي ءجۇرۋىمىز كەرەك.

  بۇگىنگى تاڭدا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇدەرىسكە ءوتتى، ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كوكىرەك كەرە ارشىندى قادام تاستاپ كەلەمىز. سونىمەن بىرگە مىنانى دا سەرگەكتىكپەن كورە بىلگەنىمىز ءجون: عاسىرلىق ىندەتتىڭ سوققىسىندا 100 جىلدىق وزگەرىس جەدەل قۇبىلىپ، سىرتقى ورتا اناعۇرلىم كۇردەلى، قاتاڭ جانە تۇراقسىز بولۋدا، العا باسۋ جولىمىزدا ءالى دە مەجەلەۋگە بولاتىن جانە مەجەلەۋ قيىن ءتۇرلى سىن - سايىستار، حاۋىپ - قاتەرلەر ءومىر سۇرۋدە. ءتوراعا شي جينپيڭ باسا دارىپتەگەندەي: ”جۇڭحۋا ۇلتىنىڭ ۇلى گۇلدەنۋى استە جەڭىل - جەلپى، قۇر ايعاي - سۇرەنمەن جۇزەگە اسا سالاتىن ءىس ەمەس، وعان ءارقاشان كۇدىر - بوگەتسىز، قىسقا ۋاقىتتا قول جەتكىزە سالۋ دا استە مۇمكىن ەمەس“. جاڭا ەمتيحان تاپسىرۋ جولىمەن ويداعىداي ءجۇرۋ تاريحي ىرىقتىلىق رۋحى مەن تاريحي جاسامپازدىق رۋحىن قاۋلاتۋدى، نەعۇرلىم ماشاقاتتى، قيىن بولعان سايىن، سولعۇرلىم العا ۇمتىلاتىن قاھارماندىق جىگەردى ساقتاۋدى، اي - كۇنگە ءامىر شاشا الامىز جاڭارتۋعا كوك ءجۇزىن دەيتىن اسقاق كۇرەس جىگەردى ساقتاۋدى، ماڭىزدى جاۋاپكەرشىلىكتى ءبىلۋدى، ماڭىزدى جاۋاپكەرشىلىكتى ارقالاۋدى، قامال الىپ، قيىندىقتاردى جەڭۋدى، ءورىس اشا العا ىلگەرىلەيتىن باتىلدىق پەن كۇش - قايراتتى ۇزدىكسىز نىعايتۋدى، بولاشاقتاعى دامۋدىڭ ىرىقتىلىعىن مىقتاپ يگەرىپ، جاڭا داۋىردەگى جۇڭگو دامۋىنىڭ ۇلى تاريحىن جازۋدى اناعۇرلىم قاجەت ەتەدى.

  كۇرەس تاريح جاراتادى، ناقتى ىستەۋ بولاشاقتى تۇلعالايدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، مۇرات - سەنىم تۋىن بيىك جەلبىرەتىپ، جۇڭحۋا پەرزەنتتەرىنىڭ ۇلى ىنتىماعىن نىعايتىپ، جۇدىرىقتاي جۇمىلاتىن ۇلى كۇش ۇيىستىرىپ، ەرلىكپەن شىنايى ىستەيتىن باتىلدىقتى ساقتاپ، بارىستاي ايباتتى بەينەنى ايگىلەپ، جاڭا داۋىردە، جاڭا جورىقتا اناعۇرلىم ۇلى جەڭىس پەن داڭققا قول جەتكىزىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الايىق.

  (2022 - جىلى 1 - ايدىڭ 1 - كۇنى «حالىق گازەتىندە» جاريالانعان)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.