تيانشان تورى
تيانشان تورى   ›   جاڭالىقتار   ›   سۋرەتتى حابار

اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، تۇتاس جىلدىق قىزمەتتە جاقسى باستاما باستاۋ، جاقسى قادام تاستاۋ كەرەك

  ما شيڭرۇي جاڭا جىل مەرەكەسى كۇنى ارالاپ، تەكسەرۋ - زەرتتەۋ جۇرگىزىپ، حال سۇراپ، بۇكىل رايونداعى ءار ۇلت كادر - بۇقاراسىنا جاڭا جىل بايلانىسىمەن باقىت تىلەدى

  اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، تۇتاس جىلدىق قىزمەتتە جاقسى باستاما باستاۋ، جاقسى قادام تاستاۋ كەرەك

  2022 - جىلى جاڭا جىل مەرەكەسى كۇنى اۆتونوميالى رايوندىق پارتكومنىڭ شۋجيى ما شيڭرۇي شينجياڭ تيانلي مۇناي حيميا ونەركاسىپ جارنا تىزگىندەۋ توبى شەكتى سەرىكتەستىگىنە بارىپ، كاسىپورىننىڭ عىلمي زەرتتەۋ ۇسىنىلىمى، ءوندىرىس كولەمى، ولشەمدەندىرىلگەن قۇرىلىس، ءوندىرىس حاۋىپسىزدىگى سياقتى جاعدايلارىن تاپتەشتەي ۇعىستى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 1 - كۇنى ۇرىمجىدەن حابارلايدى. 2022 - جىلى جاڭا جىل مەرەكەسى كۇنى اۆتونوميالى رايوندىق پارتكومنىڭ شۋجيى ما شيڭرۇي ىلگەرىندى - كەيىندى ءۇرىمجى جوعارى جىلدامدىقتى تەمىر جول ۆوكزالىنا، جۇڭگو مۇناي مايتاۋ مۇناي حيميا ونەركاسىپ سەرىكتەستىگىنە، شينجياڭ تيانلي مۇناي حيميا ونەركاسىپ جارنا تىزگىندەۋ توبى شەكتى سەرىكتەستىگىنە جانە اۆتونوميالى رايوندىق توتەنشە جاعدايعا توتەپ بەرۋ، باسقارۋ مەڭگەرمەسىنە، ت. ب بارىپ، ”ەكى مەرەكە“ كەزىندەگى تەمىر جول قاتىناس - تاسىمالى، كاسىپورىنداردىڭ ءوندىرىس - تيجاراتى، حاۋىپسىزدىك بويىنشا شۇعىل جاعدايعا توتەپ بەرۋ قىزمەتى سياقتى جاعدايلارعا تەكسەرۋ - زەرتتەۋ جۇرگىزىپ، ءبىرىنشى شەپتەن تاپجىلماعان قالىڭ كادرلارعا، جۇمىسشى - قىزمەتشىلەرگە امانداسىپ، ولاردان حال سۇراپ، اۆتونوميالى رايوندىق پارتكوم مەن ۇكىمەت اتىنان بۇكىل رايونداعى ءار ۇلت بۇقاراسىنا ىقىلاستى سالەم جولدادى جانە ىزگى تىلەك ءبىلدىردى.

  ءۇرىمجى ۆوكزالى رايونىمىزداعى ەڭ ۇلكەن تەمىر جول جولاۋشى تاسىمال جيناۋ - جونەلتۋ ورنى. جاڭا جىل دەمالىسىنىڭ ءبىرىنشى كۇنى ۆوكزالدىڭ ءىشى - سىرتى قايشالىسقان قالىڭ ادامعا تولىپ، پويەز كەزەگى كوبەيتىلىپ، مەرەكە كەزىندەگى تاسىمال قۋاتى جەتكىلىكتى بولدى، جولاۋشىلار سالاماتتىق كودىن جايمالاپ تىزىمگە الۋ، تەمپەراتۋرا ولشەۋ، اۆتوماتتى بەلەت الۋ، بەلەت تەكسەرۋ، حاۋىپسىزدىك تەكسەرۋىنەن ءوتۋ سياقتى تارتىپتەر ارقىلى ۆوكزالعا ىركىلىسسىز كىرىپ - شىعىپ جاتتى. ما شيڭرۇي مىندەت اتقارىپ جاتقان حالىق ساقشىلارىمەن، پويەز قىزمەتكەرلەرىمەن، جولاۋشى تاسىمال كەزەكشىلەرىمەن ءبىر - بىرلەپ قول الىستى. ول بىلاي دەدى: بۇگىن جاڭا جىلدىڭ ءبىرىنشى كۇنى، كوپشىلىك جۇمىس ورنىنان تاپجىلماي، بۇقاراعا قىزمەت وتەپ جاتىرسىزدار، جاپا شەكتىڭىزدەر. زاڭ بويىنشا، عىلمي، دالمە - ءدال ساقتانىپ - تىزگىندەپ، ساپالى، جوعارى ءونىمدى قىزمەت وتەپ، ادام اينالىمىنىڭ، زات اينالىمىنىڭ حاۋىپسىز، ءتارتىپتى، ىركىلىسسىز بولۋىنا شىنايى كەپىلدىك ەتۋ كەرەك.

  قارامايلى قالاسى مايتاۋ رايونىنداعى جۇڭگو مۇناي مايتاۋ مۇناي حيميا ونەركاسىپ سەرىكتەستىگى 10 ميلليون توننالىق مۇناي وڭدەۋ، ميلليون توننالىق ەتيلەن ءوندىرۋ قۋاتىنا يە ءىرى مۇناي حيميا ونەركاسىپ سەرىكتەستىگى. ما شيڭرۇي وسى اراعا كەلىپ، مۇناي وڭدەۋ، حيميا ونەركاسىبى مەڭگەرۋ ورتالىعىنا بارىپ، ءار ۇلت جۇمىسشى - قىزمەتشىلەرىنىڭ قىزمەت، تۇرمىس جاعدايىن ۇعىسىپ، كاسىپورىننىڭ پولي ولەفين حيميا ونەركاسىبى، وزىق اعاش ءشايىرى، تۇرلىشە كاۋچۇك سياقتى ونىمدەردى تانىستىرۋىن جانە ءوندىرىس جۇمىسىنان بەرىلگەن مالىمەتتى تىڭدادى. ما شيڭرۇي بىلاي دەدى: شينجياڭنىڭ مۇناي، تابيعي گاز بايلىعى قورى مول، مۇناي حيميا ونەركاسىبى سياقتى كەلەلى كاسىپ سالاسى نىساندارىنىڭ دامۋىنا باسا ءمان بەرىپ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋ مەن تيبىن جاڭالاپ، دارەجەسىن ءوسىرۋدى ىلگەرىلەتىپ، ءىرى كاسىپورىنداردىڭ، ءىرى توپتاردىڭ باستاماشىلدىق رولىن ساۋلەلەندىرىپ، تىزبەكتى ۇزارتۋ، تىزبەكتى تولىقتاۋ، تىزبەكتى كەڭەيتۋ، تىزبەكتى كۇشەيتۋ نىساندارىن ىرگە تەبۋگە باۋراپ، مۇناي حيميا ونەركاسىبىنىڭ ورتا، اياققى بۋىندارى، جاڭا ماتەريال سياقتى كاسىپ سالاسىنىڭ شوعىرلانا دامۋىن جەبەۋ كەرەك. كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى تارتىپپەن ىلگەرىلەتىپ، جاسىل، تومەن كومىر قىشقىل گازدى دامۋعا تاباندى بولىپ، تازا، جوعارى ءونىمدى، تومەن كومىر قىشقىل گازدى، اينالمالى ەنەرگيا كاسىپورنىن تۇلعالاۋ كەرەك.

  ما شيڭرۇي وسىدان كەيىن مۇناي حيميا ونەركاسىبىنىڭ اياققى بۋىنداعى كاسىپورىن − تيانلي مۇناي حيميا جارنا تىزگىندەۋ توبى شەكتى سەرىكتەستىگىنە بارىپ تەكسەرۋ - زەرتتەۋ جۇرگىزدى. بۇل جوعارى مولەكۋلالى ماتەريال وڭدەۋدى، نازىك مۇناي حيميا ونەركاسىبىن جەتەكشى، تەحنيكانى، ونەركاسىپتى، ساۋدانى ءبىر تۇلعالاندىرعان جوعارى عىلىم - تەحنيكالى كاسىپورىن. ما شيڭرۇي كاسىپورىننىڭ عىلمي زەرتتەۋ ۇسىنىلىمى، ءوندىرىس كولەمى، ولشەمدەندىرىلگەن قۇرىلىس، ءوندىرىس حاۋىپسىزدىگى سياقتى جاعدايلاردى تاپتەشتەي ۇعىستى، ول بىلاي دەپ باسا دارىپتەدى: شەشۋشى تەحنيكادان قامال الۋدى جەدەلدەتىپ، ۇستەمە قۇنى جوعارى جاڭا ماتەريالداردى، جاڭا ونىمدەردى دامىتىپ، سيفرلانۋعا ويىسۋدى، زەردەلىلەندىرىپ جاڭالاۋدى، جوعارى دەڭگەيلى دامۋدى جەدەلدەتىپ، زورايتۋعا، الۋەتتەندىرۋگە قۇلشىنۋ كەرەك. ءار دارەجەلى پارتكومدار مەن ۇكىمەتتەر كاسىپورىنداردىڭ تىزبەكتى كۇشەيتۋىنە، تىزبەكتى تولىقتاۋىنا، دەربەس جاڭالىق اشۋىنا، دامىپ زورايۋىنا، ت. ب قولداۋ كورسەتۋ ساياساتتارىن دەن قويا زەرتتەپ، تياناقتاندىرىپ، شارۋاشىلىق - ساۋدا ورتاسى مەن شارۋاشىلىق قۇرۋ ورتاسىن ساپالىلاندىرىپ، كاسىپورىنداردىڭ الاڭسىز دامىپ، تولىسىپ زورايۋىنا مۇمكىندىك جاساۋ كەرەك.

  تەكسەرۋ - زەرتتەۋ بارىسىندا ما شيڭرۇي تاعى اۆتونوميالى رايوندىق توتەنشە جاعدايعا توتەپ بەرۋ باسقارۋ مەڭگەرمەسىنە امانداسا بارىپ حال سۇراپ، مەرەكە كەزىندەگى حاۋىپسىزدىكتى قورعاۋ، ورنىقتىلىقتى قورعاۋ قىزمەتىن شىن مانىندە ويداعىداي ىستەپ، حاۋىپسىزدىك ساقتانۋ مەن شۇعىل جاعدايعا توتەپ بەرۋ باسقارۋ شارالارىن ونان ارى كەمەلدەندىرىپ، حاۋىپسىز، ورنىقتى، بەرەكەلى دامۋ ورتاسىن قالىپتاستىرۋ كەرەكتىگىن باسا دارىپتەدى.

  ما شيڭرۇي بىلاي دەپ باسا دارىپتەدى: جاڭا ءبىر جىلدا ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، شىندىققا جۇگىنىپ، شىنايى ىستەر ىستەپ، قاجىرلىلىقپەن ىستەپ، شىنايى ىستەپ، رەفورمانىڭ، دامۋدىڭ، ورنىقتىلىقتىڭ جاڭا تابىستارى ارقىلى ءار ۇلت بۇقاراسىن باقىتقا كەنەلتۋىمىز كەرەك. دامۋدى جوسپارلاۋ قىزمەتىن تياناق ەتىپ، دامۋ تاسىلىندە بۇرىلىس جاساۋدى جەدەلدەتىپ، وسى زامانعى كاسىپ سالاسى جۇيەسىن جەدەل ورناتىپ، كەمەلدەندىرىپ، ”ءبىر بەلدەۋ، ءبىر جولدى“ بىرگە قۇرۋمەن تەرەڭدەي توعىسىپ، اناعۇرلىم جوعارى دەڭگەيلى اشىق ەكونوميكا جاڭا ءتۇزىلىسىن ورناتىپ، دامۋدىڭ جاڭا قوزعاۋشى قۋاتىن، جاڭا باسىمدىعىن تۇلعالاپ، ءار ۇلت بۇقاراسىن جوعارى ساپالى دامۋ بارىسىندا اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدىرۋگە قۇلشىنۋىمىز كەرەك. ءىس جۇزىندىك ماسەلەلەردى شەشۋدى جاڭا جاعداي اشۋدىڭ تەتىگى ەتىپ، قايشىلىقتان جالتارماي، جاۋاپكەرشىلىكتەن تايساقتاماي، دۇرىس قىزمەت ناتيجەسى كوزقاراسىن ورناتىپ، فورماشىلدىقتى، تورەشىلدىكتى الاستاپ، ءبىرىنشى شەپكە بارىپ ىشكەرىلەي زەرتتەۋ جۇرگىزىپ، شىن سوزدەردى تىڭداپ، ناقتى جاعدايدى تەكسەرىپ، جاعدايعا شىنايى كوز جەتكىزىپ، جاعدايدى قانىق ءبىلىپ، اناعۇرلىم زور باتىلدىقپەن جانە ماندىك شارالار مەن كەدەرگىلەردى الاستاپ، تۇتاس جىلدىق قىزمەتتە جاقسى باستاما اشۋىمىز، جاقسى قادام تاستاۋىمىز كەرەك.

  اۆتونوميالى رايوننىڭ باسشىلارىنان چىن ۋيجۇن، ءيۇسۇپجان مامەت قاتارلىلار تەكسەرۋ - زەرتتەۋگە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.