ءبىرىنشى، كۇن نۇرى جىلىجايىنىڭ ورنى. بۇل جىلىجاي توبەسىنىڭ باعىتىن مەڭزەيدى، ادەتتە ارتى سولتۇستىككە، ەسىگى وڭتۇستىككە قاراپ، شىعىسى مەن باتىسى سوزىلىپ، جارىق تۇسەتىن بەتى تۋرا وڭتۇستىككە قاراتىلۋ ارقىلى كۇن نۇرىن تولىق قابىلدايدى. شينجياڭدا قىس ماۋسىمىندا تاڭەرتەڭ كەشتەن سۋىق بولادى، جامىلعىلارىن تىم ەرتە اشۋعا بولمايدى، ۇنەمى پايدالانىلاتىن كوكتەمدە ەرتە پىسۋ، كۇزدە جاي پىسۋ تۇرىندەگى كۇن نۇرى جىلىجايىنىڭ اۋىتقۋ بۇرىشى ادەتتە وڭتۇستىكتەن باتىسقا قاراي 5 تە 8 گرادۋس قيعاش بولادى، قىستىق ٴوندىرۋ تۇرىندەگى كۇن نۇرى جىلىجاي قالتقىسىنىڭ اۋىتقۋ بۇرىشى ادەتتە وڭتۇستىكتەن باتىسقا قاراي 5 تە 10 گرادۋس قيعاش بولادى.
ەكىنشى، جىلىجايدىڭ جىلۋ ساقتاۋ قۋاتى. جىلىجايدىڭ جىلۋ ساقتاۋ قۋاتى قورشامالى قۇرىلىمىنا تاڭداعان ماتەريالدارعا بايلانىستى، تاڭداۋ پرينسيبى − جىلىجاي ىشىندەگى جىلۋدىڭ سىرتقا تارالۋىن توساتىن كۇش بولۋ ٴارى بەلگىلى مولشەردە جىلۋ ساقتاۋ قۋاتى بولۋ. جىلىجاي تامىنىڭ ىشكى قاباتىندا جىلۋ سىمىرەتىن قابات بولىپ، كۇننىڭ جىلۋىن سىمىرەدى، ورتاسىندا جىلۋ ساقتايتىن قابات بولىپ، جىلۋ ساقتايدى، سىرتىندا جىلۋ وتكىزبەيتىن قابات بولىپ، ٴىشى – سىرتىنداعى ىستىق – سۋىقتىڭ الماسۋىن توسادى.
ٴۇشىنشى، جىلىجايدىڭ كوتەرىمدىلىگىن جوبالاۋ. كوتەرىمدىلىگىن جوبالاۋ جىلىجايدىڭ قارلى بورانعا قارسىلىق قۋاتىنىڭ باستى كۇش كورسەتكىشى، جىلىجايدىڭ قۇرىلىس قۇرىلىمىن جوبالاۋدا كوتەرىمدىلىكتى GB/T18622-2002 بويىنشا ەسەپتەۋ، سالىستىرىپ تەكسەرۋ كەرەك. قۇرىلىمىن (قاڭقاسىن) جوبالاۋدا ولشەمدى جەل قىسىمى، نەگىزگى باساتىن قار، ماڭگىلىك كوتەرىمدىلىك جانە كەزدەيسوق سالماق سىندى جالپىلىق كۇش ٴتۇسۋ تالابىن قاناعاتتاندىرۋ كەرەك.
ءتورتىنشى، سايكەستى جابدىقتارى. جىلىجايدىڭ نەگىزگى سايكەستى جابدىقتارى ورامالى پەردە ماشينا، ماقتالى كورپە، سۋ ۇنەمدەپ سۋارۋ جابدىعى، اۋا الماستىرۋ جابدىعى، ۋاقىتتىق جىلۋ تولىقتاۋ جابدىعى قاتارلىلاردى قامتيدى.
(شينجياڭ اۋىل شارۋاشىلىق عىلىم اكادەمياسى بەرگەن)
اۋدارعان: قادىر ماقان
