تيانشان تورى   ›   ۇيرەنۋ   ›   شولۋ

كوپشىلىكتى اناعۇرلىم تاماشا تۇرمىسقا كەنەلتەيىك

− ءتوراعا شي جينپيڭنىڭ 2022 - جىلعى جاڭا جىلدى قۇتتىقتاۋ ءسوزى تۋرالى تولعانىس ③

□ حالىق گازەتىنىڭ شولۋشىسى

  ”ءىرى ەلدە ءىرى ەلگە ءتان سالاۋات بولادى، سونداي - اق ءىرى ەلگە ءتان جاۋاپكەرشىلىك تە بولادى. سان سالالى ىستەر، تۇپتەپ كەلگەندە، جالپى جۇرتتىڭ، بارشا وتباسىنىڭ ءىسى بولىپ تابىلادى“. 2022 - جىلعى جاڭا جىلدى قۇتتىقتاۋ سوزىندە، ءتوراعا شي جينپيڭ حالىق تۇرمىسىنىڭ ىستىعى مەن سۋىعىن كوڭىل تورىنە قويىپ، سان مىڭداعان وتباسىنىڭ قامىن ويلاپ، ”حالىقتىڭ قامىن ءارقاشان كوكەيىمنەن شىعارمايمىن؛ حالىقتىڭ قالاۋىن، مەن، ءسوز جوق، ورىنداۋعا ۇمتىلامىن“ دەپ باسا دارىپتەپ، ”كوپشىلىكتى اناعۇرلىم تاماشا تۇرمىسقا كەنەلتۋدە ءبىزدىڭ كوز الداعى ناتيجەلەرگە قاناعاتتانىپ قالۋىمىزعا بولمايدى، ءالى دە ۇزاق جول باسۋىمىزعا تۋرا كەلەدى“ دەپ اتاپ كورسەتتى. مەيىرگە تولى سوزدەر، شىن ىقىلاستى سەزىم ءىرى پارتيانىڭ، ءىرى ەلدىڭ كوسەمىنىڭ حالىققا دەگەن تەرەڭ ىنتا - ىقىلاسىن ايگىلەپ، جۇڭگو كوممۋنيستەرىنىڭ وزگەرمەيتىن قۇن تالپىنىسىن ءتۇسىندىردى.

  مىزعىماس اۋەلگى ماقساتتى جۇڭگونىڭ بايتاق دالاسىنا جازدى. قارلى بورانعا قاراماي، شىجىعان ىستىقتى ەلەڭ قۇرلى كورمەي، بالشىق كەشىپ، توقتاۋسىز ءجۇرىپ، توقتاۋسىز كورىپ، توقتاۋسىز تولعانىپ، توقتاۋسىز جەتەكشىلىك ەتتى... 2021 - جىلى ءتوراعا شي جينپيڭ ىلگەرىندى - كەيىندى 10 رەت نەگىزگى ساتىعا ىشكەرىلەي بارىپ قىزمەت تەكسەردى، تەكسەرۋ - زەرتتەۋ جۇرگىزدى. جاڭا جىلدى قۇتتىقتاۋ سوزىندە، ءتوراعا شي جينپيڭ تەبىرەنە بىلاي دەدى: ”مەن ءبىراز جەردە تەكسەرۋ - زەرتتەۋ جۇرگىزىپ، ءبىرتالاي جاعدايلاردى كوردىم، ەستىدىم، بۇلار ماعان كوپ وي سالدى جانە تابىس سيلادى. ءار جولى بۇقارانىڭ ۇيىنە بارعانىمدا، تاعى قانداي قيىنشىلىقتارىڭىز بار دەپ ۇنەمى سۇراپ، اۋىلداستاردىڭ سوزدەرىن ءارقاشان كوڭىلىمە ءتۇيىپ وتىردىم“. تاۋ اسىپ، سۋ كەشىپ، سان مىڭ شاقىرىم جول باستى، ”حالىق“ دەگەن ءسوزدى بارلىعىنان ماڭىزدى ورىنعا قويدى. جۇڭگو كوممۋنيستىك پارتياسى دۇنيەگە كەلىسىمەن، جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى ءوزىنىڭ اۋەلگى ماقساتى، بورىشى ەتىپ تۇراقتاندىردى. 100 جىلدىق كۇرەس بەلەسىنە قايىرىلا قاراساق، پارتيامىزدىڭ حالىقتى ىنتىماقتاستىرىپ، باستاپ توڭكەرىس، قۇرىلىس، رەفورما جۇرگىزۋىندەگى ءتۇبىرلى ماقساتى حالىقتى تاماشا تۇرمىسقا كەنەلتۋ ءۇشىن، مەيلى قانشاما زور سىن - سايىس پەن قىسىمعا ءدوپ كەلسە دە، مەيلى قانشاما زور قۇرباندىق پەن بوداۋ بەرسە دە، وسىدان باستان - اياق اينىمادى، ەشقانداي مىزعىمادى. پارتيامىز حالىقتان كەلگەن، حالىققا تامىر تارتقان، حالىققا قىزمەت ەتەدى، حالىق پارتيانىڭ بيلىك جۇرگىزىپ، مەملەكەتتى گۇلدەندىرۋدەگى ەڭ زور سەنىمى. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ پارتيانىڭ ءۇشىنشى تاريحي قارارىن جاساۋى بۇكىل پارتياعا جاڭا داۋىردەگى العا ىلگەرىلەۋ جورىعىندا اۋەلگى ماقساتتى ۇمىتپاي، بورىشتى ەستە بەرىك ساقتاپ، ”قايدان كەلدىك، قايدا بارامىز“ سىندى نەگىزگى تاقىرىپقا ويداعىداي جاۋاپ بەرىپ، قاي - قاشان دا پارتيانىڭ حالىق بۇقاراسىمەن ەتەنە بايلانىسىن ساقتاپ، قالىڭ حالىق بۇقاراسىنىڭ 100 جىلدىق پارتيا تاريحىنان جۇڭگو كوممۋنيستىك پارتياسىنىڭ قانداي پارتيا ەكەندىگىن تەرەڭ تانىپ، سول ارقىلى مىزعىماستان پارتيانىڭ سوزىنە قۇلاق اسۋىنا، پارتياعا ىلەسۋىنە مۇمكىندىك جاساۋدى ەسكەرتۋ ءۇشىن.

  كەدەيلىكتى جويۋ، حالىق تۇرمىسىن جاقسارتۋ، بىرگە بايۋدى جۇزەگە اسىرۋ − سوتسياليزمنىڭ ماندىك تالابى، پارتيامىزدىڭ بۇكىل ىنتا - پەيىلىمەن حالىق ءۇشىن قىزمەت ىستەۋگە تاباندى بولۋداي ءتۇبىرلى باستى ماقساتىنىڭ ماڭىزدى بەينەسى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ قامال الىپ، قيىنشىلىقتاردى جەڭىپ، قايراتتانا العا ىلگەرىلەپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە قول جەتكىزدى. 2021 - جىلى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى سىندى كەلەلى تاريحي ساتتە، ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي شەشىپ، پارتيانىڭ حالىققا، تاريحقا بەرگەن ايبىندى ۋادەسىن ورىنداپ، دۇنيە جۇزىندەگى كەدەي جان سانىنىڭ كارتاسىن كورنەكتى كىشىرەيتىپ، ادامزاتتىڭ دامۋىنا، العا باسۋىنا ماڭىزدى ۇلەس قوستىق. جاڭا جىلدى قۇتتىقتاۋ سوزىندە، ءتوراعا شي جينپيڭ تەرەڭ سەزىممەن تەبىرەنە ”مەن دە اۋىل - قىستاقتان شىقتىم، كەدەيلىك جايىن ابدەن بىلەمىن“ دەدى، ”ۇرپاقتان - ۇرپاققا جالعاستىرا قۇلشىنۋ ارقىلى كەشەگى كەدەي ادامدار قازىر تويا تاماقتانىپ، جىلى كيىنە الاتىن بولدى، ولار وقيتىن وقۋعا، تۇراتىن ۇيگە، ەمدەۋ قامسىزداندىرۋىنا دا يە بولدى“ دەپ اتاپ كورسەتتى، ”جاپپاي دوڭگەلەك داۋلەتتىلىككە جەتۋ، كەدەيلىكتەن ارىلتۋ پارتيامىزدىڭ حالىققا بەرگەن جاۋابى، سونداي - اق دۇنيە جۇزىنە قوسقان ۇلەسى بولىپ تابىلادى“ دەپ باسا دارىپتەدى.

  جاپپاي دوڭگەلەك داۋلەتتى قوعام ورناتۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرۋ جۇڭگو كوممۋنيستىك پارتياسىنىڭ كۇرەس تاريحىندا، جاڭا جۇڭگونىڭ دامۋ تاريحىندا، جۇڭحۋا ۇلتىنىڭ وركەنيەت تاريحىندا تۇگەلدەي كەزەڭدىك مانگە يە. سونىمەن بىرگە ءبىز، ءسوز جوق، مىنانى تاني ءبىلۋىمىز كەرەك، بۇل تەك جۇڭحۋا ۇلتىنىڭ ۇلى گۇلدەنۋىنە قاراي اياق باسۋداعى شەشۋشى ءبىر قادام عانا. دامۋدىڭ بىركەلكى، تولىق بولماۋ ماسەلەسىن شەشۋدىڭ، قالا مەن اۋىلدىڭ وڭىرلىك دامۋ پارقىن كىشىرەيتۋدىڭ، ادامنىڭ جان - جاقتى دامۋىن جانە جالپى حالىقتىڭ بىرگە بايۋىن جۇزەگە اسىرۋدىڭ ءالى مىندەتى اۋىر، جولى الىس. ءبىزدىڭ ەشقانداي داندايسيتىن، توقمەيىلسيتىن، بوساڭسىپ دامىلدايتىن سەبەبىمىز جوق، ءسوز جوق، قولايلى جاعدايدان ۇتىمدى پايدالانىپ، كۇش ۇستىنە كۇش قوسىپ، ۇزدىكسىز كۇرەس جۇرگىزۋىمىز كەرەك. بارلىعىندا حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، قاي - قاشان دا حالىقتى كوڭىلدىڭ ەڭ بيىك تورىنە قويىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، رەفورمانى، دامۋدى ىلگەرىلەتۋدىڭ جەتىستىكتەرىمەن جالپى حالىقتى اناعۇرلىم كوپ، اناعۇرلىم ادىلدىكپەن يگىلىككە كەنەلتىپ، بىرگە دامۋدى ىلگەرىلەتۋدە اناعۇرلىم كورنەكتى ناقتى ىلگەرىلەۋشىلىككە قول جەتكىزسەك، ءبىز، ءسوز جوق، قالىڭ حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىق، اناعۇرلىم قامتاماسىز، اناعۇرلىم باياندى ەتە الامىز.

  بيلىك دەگەنىمىز حالىق، حالىق دەگەنىمىز بيلىك، پارتيامىز بيلىككە قول جەتكىزۋدە، بيلىكتى قورعاۋدا حالىقتىڭ تىلەگىن قورعادى. جاڭا ۇلى جورىقتا بۇقارانىڭ تۇرمىسىن ءتىپتى دە باي، ءتىپتى دە باقىتتى ەتۋ جۇڭگو كوممۋنيستەرىنىڭ ىنتا - ىقىلاسىنىڭ تياناعى، بورىشىنىڭ بايلاۋى. حالىقتى وزەك ەتكەن دامۋ يدەياسىنا تاباندى بولىپ، قاي - قاشان دا حالىقپەن بىرگە ويلاپ، بىرگە ىستەپ، ماڭگى حالىقپەن تىنىستاس، تاعدىرلاس، تىلەكتەس بولساق، جۇڭگو حالقىنىڭ ۇلى ارمانى تيەلگەن كەمە، ءسوز جوق، تولقىن جارا العا ىلگەرىلەپ، شۇعىلالى بولاشاقتى جەڭىسپەن بەتكە الاتىن بولادى.

  (1 - ايدىڭ 3 - كۇنگى «حالىق گازەتىندە» باسىلعان)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.