ما شيڭرۇي تيان يۇيلۇڭمەن جانە ونىڭ سەرىكتەرىمەن كەڭەس وتكىزىپ، پىكىر اۋىستىردى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 3 - كۇنى ۇرىمجىدەن حابارلايدى. پارتيا ورتالىق كوميتەتىنىڭ، مەملەكەتتىك كەڭەستىڭ ءبىر تۇتاس ورنالاستىرۋىنا ساي، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ قۋزاۋ - تەكسەرۋ 15 - گرۋپپاسى تاياۋدا شينجياڭعا كەلىپ جايعاسىپ، ءۇرىمجى قالاسى، ىلە قازاق اۆتونوميالى وبلىسى، شىحىزى قالاسى سياقتى جەرلەردە جاڭا جىل، كوكتەم مەرەكەسى كەزىندەگى ىندەتتەن ساقتانۋ - تىزگىندەۋگە جالپىلىق قۋزاۋ - تەكسەرۋ جۇرگىزدى. 1 - ايدىڭ 3 - كۇنى اۆتونوميالى رايوندىق پارتكومنىڭ شۋجيى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي ۇرىمجىدە قۋزاۋ - تەكسەرۋ گرۋپپاسىنىڭ باستىعى، ونەركاسىپ جانە ينفورماتسيالاندىرۋ مينيسترلىگىنىڭ باس ينجەنەرى تيان يۇيلۇڭمەن جانە ونىڭ سەرىكتەرىمەن كەڭەس وتكىزىپ، پىكىر اۋىستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي يفي كەڭەسكە قاتىناستى.
ما شيڭرۇي اۆتونوميالى رايوندىق پارتكوم جانە ۇكىمەت اتىنان قۋزاۋ - تەكسەرۋ گرۋپپاسىنىڭ شينجياڭعا كەلىپ قۋزاۋ - تەكسەرۋ جۇرگىزگەندىگىنە، جەتەكشىلىك ەتكەندىگىنە العىس ايتىپ، قۋزاۋ - تەكسەرۋ گرۋپپاسى بايقاعان ماسەلەلەردى، ورتاعا قويعان ۇسىنىس - پىكىرلەردى ءتىزىم بويىنشا تۇگەلدەي قابىلداپ، بەلسەنە رەتتەۋ - تۇزەتۋ جۇرگىزەتىندىگىن ءبىلدىردى. ما شيڭرۇي بىلاي دەدى: ءبىز باس شۋجي شي جينپيڭنىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن مۇقيات ۇيرەنىپ، دايەكتىلەندىرىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ ورنالاستىرۋلارىن، تالاپتارىن بۇلجىماي تياناقتاندىرىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ جالپى تاكتيكاسىنان اۋىتقىماۋعا تاباندى بولىپ، زاڭ بويىنشا، عىلمي، دالمە - ءدال ساقتانىپ - تىزگىندەپ، ىندەتتەن ساقتانۋ - تىزگىندەۋدى ۇدايىلاندىرۋ شارالارىن، ولشەمدەرىن ۇزدىكسىز ساپالىلاندىرىپ، كەمەلدەندىرىپ، ىندەتتەن ساقتانۋدا ساقتالعان كورنەكتى ماسەلەلەردى دەر كەزىندە شەشىپ، ءىس جۇزىندىككە ۇيلەسپەيتىن ادىستەردى دەر كەزىندە تۇزەتىپ، شەكارا وتكەلدەرىندە ىندەتتەن ساقتانۋ - تىزگىندەۋدى قاتاڭ، ناقتى يگەرىپ، قاداعالاۋ، ساقتاندىرۋ جۇيەسىنىڭ سەزگىرلىگىن، سەنىمدىلىگىن ۇزدىكسىز ساقتاپ، جاۋاپكەرشىلىكتى قاتايتىپ، ناقتىلاندىرىپ، ”ەكى مەرەكە“ كەزىندەگى ىندەتتەن ساقتانۋ قىزمەتىن ويداعىداي ىستەپ، ادام اينالىمىنىڭ، زات اينالىمىنىڭ حاۋىپسىز، ءتارتىپتى، ىركىلىسسىز بولۋىنا شىنايى كەپىلدىك ەتىپ، ىندەتتەن ساقتانۋ - تىزگىندەۋ دەڭگەيىن ۇزدىكسىز جوعارىلاتامىز.
تيان يۇيلۇڭ شينجياڭدا قۋزاۋ - تەكسەرۋ جۇرگىزگەن كەزدەگى قاتىستى جاعدايلار مەن كەلەسى قادامداعى قىزمەت ورنالاستىرۋلاردى تانىستىردى. تيان يۇيلۇڭ بىلاي دەدى: وسى رەتكى ”ەكى مەرەكە“ كەزىندەگى ىندەتتەن ساقتانۋ - تىزگىندەۋگە جالپىلىق قۋزاۋ - تەكسەرۋ جۇرگىزۋ باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى نۇسقاۋىنىڭ، بەكىتۋىنىڭ رۋحىن، سونداي - اق پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرۋدىڭ، حالىق بۇقاراسىنىڭ مەرەكەنى الاڭسىز وتكىزۋىنە شىنايى كەپىلدىك ەتۋدىڭ ماڭىزدى شاراسى. شينجياڭنىڭ ىندەتتەن ساقتانۋ - تىزگىندەۋ قولباسشىلىق جۇيەسى كەمەلدى دە پارمەندى بولىپ، ءتۇرلى ساقتانۋ - تىزگىندەۋ شارالارىن قاتاڭ، مۇقيات تياناقتاندىرىپ، ىندەتتەن ساقتانۋ - تىزگىندەۋدى ۇدايىلاندىرۋدى اناعۇرلىم ويداعىداي ىستەۋگە ءتيىمدى تاجىريبەلەر توپتادى. شينجياڭنىڭ ىندەتتەن ساقتانۋ ساندى مالىمەت ينفورماتسيالارىن بىرىكتىرۋ، ساقتانۋ - تىزگىندەۋ شارالارىن ولشەمدەندىرۋ، ىندەتتەن ساقتانۋ قىزمەتكەرلەرىنىڭ قابىلەتىن جوعارىلاتۋ، ىندەتتەن ساقتانۋدى ۇدايىلاندىرۋداعى تاماشا تاجىريبەلەردى بەكەمدەۋ سياقتى جاقتارعا ۇزدىكسىز كۇش سالۋىن، نازاردى ءتۇيىندى ماسەلەلەر مەن باستى حاۋىپ - قاتەرلەرگە شوعىرلاندىرىپ، ىندەتتەن ساقتانۋ - تىزگىندەۋ شەبىن اناعۇرلىم بەرىك ورناتىپ، ەكونوميكانىڭ دامۋىنىڭ ورنىقتى، اقاۋسىز بولۋىنا، قوعامدىق كەلەلى جاعدايدىڭ جاراسىمدى، ورنىقتى بولۋىنا شىنايى كەپىلدىك ەتۋىن ءۇمىت ەتەمىن.
اۆتونوميالى رايون باسشىلارىنان قادەن كابەن، ليۋ سۋشى قاتارلىلار كەڭەس وتكىزىپ، پىكىر اۋىستىرۋعا قاتىناستى.
