تيانشان تورى
تيانشان تورى   ›   جاڭالىقتار   ›   ساياحات

جاڭا جىل دەمالىسىندا رايونىمىز قابىلداعان ساياحاتشى ءبىر ميلليون 640 مىڭ ادام - رەتكە جەتتى

قىسقا ارالىقتا ساياحاتتاۋ، توڭىرەكتە ساياحاتتاۋ تۇتىنۋ ورلەۋىن كوتەرۋگە جەتەكتەدى

  انار بۇلت / شينجياڭ گازەتىنىڭ ءتىلشىسى ياۋ گاڭ 1 - ايدىڭ 3 - كۇنى ۇرىمجىدەن حابارلايدى. جاڭا جىل دەمالىسىندا رايونىمىزدىڭ ساياحات بازارىندا قىسقا ارالىقتا ساياحاتتاۋ، قالا توڭىرەگىندە ساياحاتتاۋ نەگىزگى ساياحات بەتالىسى بولدى، جەر - جەردەگى كورىنىس وڭىرلەرى، كورىنىس تۇيىندەرى ىندەتتەن ساقتانۋ - تىزگىندەۋ شارالارىن زاڭ بويىنشا عىلمي، دالمە - ءدال تياناقتاندىرۋمەن بىرگە، ءبىرسىپىرا نەگىزگى تاقىرىپتىق قيمىلدار ورىستەتىپ، ساياحاتشىلاردىڭ باي مازمۇندى قيمىل بارىسىندا جاڭا جىل دەمالىسىن شاتتىقپەن وتكىزۋىنە مۇمكىندىك جاسادى. 1 - ايدىڭ 1 - كۇنىنەن 3 - كۇنىنە دەيىن بۇكىل رايون جيىنى ەل ىشىنەن ءبىر ميلليون 648 مىڭ 300 ادام - رەت ساياحاتشى قابىلداپ، سايكەس مەزگىلدەگىدەن %24.74 ارتتى؛ ءبىر ميلليارد 124 ميلليون يۋان ساياحات كىرىسىن كىرگىزىپ، سايكەس مەزگىلدەگىدەن %14.24 ارتتى.

  دەمالىستا شينجياڭنىڭ دۋماندى كورىنىس وڭىرلەرىندە ادامدار قايشالىستى، قىسقا ارالىقتا ساياحاتتاۋ، توڭىرەكتە ساياحاتتاۋ باسىم كوپ ساياحاتشىلاردىڭ جاڭا جىل دەمالىسىنداعى ساياحاتىنىڭ باستى تالعامىنا اينالدى. تيانشان بوعدا كولى كورىنىس وڭىرىندە ساياحاتشىلار مولشەرى ۇزدىكسىز ارتتى، ادامدار قارلى تاۋ مەن قاراعايلار اراسىندا قايشالىسىپ، سۇڭگىدەن قالىپتاسقان عاجايىپ كورىنىستەردەن كوز مەيىرىن قاندىردى؛ شينجياڭ تيانشان جابايى حايۋاناتتار باقشاسىنداعى سۇيكىمدى حايۋاناتتار مەن جاڭا جىل دەمالىسىنداعى تيىمدىلىك قيمىل كوپتەگەن ساياحاتشىنى باۋرادى؛ ءۇرىمجى قالاسى امايلۇڭ حۋانشياڭ ويىن باقشاسىنداعى دۋماندى ويىن تۇرلەرى الدىندا ساياحاتشىلار ۇزىننان - ۇزاققا شىرەتكە تۇردى، كوز جاۋىن الاتىن گۇلدى اۆتوكولىكتىڭ ارالاۋى جاڭا جىلدىڭ مەرەيىن ءتىپتى دە اسىردى.

  جاڭا جىل دەمالىسىندا بۇكىل شينجياڭنىڭ جەر - جەرىندەگى مادەنيەت الاڭ - سارايلار ءبىر توپ ۇزدىك ادەبيەت - كوركەمونەر ويىن نومىرلەرىن جانە كورمە قيمىلدارىن شوعىرلى ۇسىندى. 1 - ايدىڭ 1 - كۇنى تۇت قاعازداعى عالامات حوتان − بەيجيڭ . شينجياڭ كوركەم جازۋ جانە سۋرەت تۋىندىلار كورمەسى − ءۇرىمجى ارالامالى كورمەسى ءۇرىمجى قالاسىنىڭ اسەمونەر سارايىندا ءوتتى. ”مەن حوتاندا ەرجەتكەنمىن، وسى سۋرەت تۋىندىلارىن كورگەنىمدە بالالىق شاعىم ەسىمە ءتۇستى. بۇل كوركەمونەر سۋرەت تۋىندىلارى تۇرمىسقا ەرەكشە جاناسىمدى سالىنىپتى، اسىرەسە، تۇت قاعازىنا سالىنعان سۋرەتتەر قاراپايىمدىلىقتى قاعازدان مەن مۇندالاتىپ تۇر“، - دەدى ءۇرىمجى قالاسىنىڭ تۇرعىنى يۇي حىڭكاڭ.

  بەيجيڭ قىسقى وليمپيادا سپورت جارىسىنىڭ جاقىنداۋىنا ىلەسىپ، جەر - جەر جالپى حالىقتىق قىسقى سپورت قىزۋ ورلەۋىن كوتەردى. شينجياڭ جىبەك جولى حالىقارالىق سەيىل - سەرۋەن اۋماعى قار شاڭعى الاڭى، التاي قالاسى گەنەرال تاۋى حالىقارالىق قار شاڭعى سەيىل - سەرۋەن اۋماعى، باييۇن حالىقارالىق قار شاڭعى الاڭى سياقتى جەرلەر قىرۋار ساياحاتشى قابىلدادى. ”3 كۇن دەمالىستا سەيىل - سەرۋەن اۋماعى قابىلداعان ساياحاتشى بىلتىرعى سايكەس مەزگىلدەگىدەن %15 ارتتى، تۇنگى الاڭدى قار شاڭعى اۋەسكەرلەرى ەرەكشە ۇناتتى“، - دەدى شينجياڭ جىبەك جولى حالىقارالىق سەيىل - سەرۋەن اۋماعىنىڭ ورىنباسار باس ديرەكتورى حۋاڭ حى.

  تۇندە التاي قالاسى گەنەرال تاۋى باۋرايىنداعى 500 شاقىرىم . سالت - سانا كوشەسى كورىنىس وڭىرىندەگى ”ينتەرنەتتە تانىمال“ اق شاي دۇكەنىندە شاڭعى تەۋىپ كەلگەن كوپتەگەن جاس اق شاي ساتىپ الىپ ءىشتى، ”شاڭعى تەۋىپ بولعان سوڭ نە ىستەسە قاناعاتتانارلىقتاي بولادى؟ ارينە، ءبىر ستاكان ىپ - ىستىق اق شاي ءىشۋ!“، - دەدى شاڭحايلىق شاڭعى اۋەسكەرى ۋاڭ جيارۇي.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.