تيانشان تورى   ›   جاڭالىقتار   ›   شينجياڭ حابارلارى

قاراپايىم قىزمەتتەگى تاباندىلىق، بولماشى ىستەردەگى مەيىرىمدىلىك

جاۋ جۇڭيۇڭ:

قاراپايىم قىزمەتتەگى تاباندىلىق، بولماشى ىستەردەگى مەيىرىمدىلىك

□ انار بۇلت / شينجياڭ گازەتىنىڭ ءتىلشىسى گو ليڭ

  بىلتىر 11 - ايدىڭ 24 - كۇنى ليۋ چۋانشيۋ شينجياڭ ساقشى تاريحى مۇراجايىنا كەلىپ، كۇيەۋى جاۋ جۇڭيۇڭنىڭ سۋرەتىنە قادالا قاراپ، كوز جاسىن كولدەتتى. بۇل شينجياڭ ساقشى تاريحى مۇراجايى سالىنعاننان بەرى، ونىڭ العاش رەت باتىل قاداممەن كىرۋى بولاتىن. ”ودان كوپ سۋرەت قالماپتى، وسى سۋرەتتىڭ ءوزىن كونە سۋرەتتى PSپەن (سۋرەت وڭدەۋ) شىعاردىق“، - دەدى ليۋ چۋانشيۋ.

  جاۋ جۇڭيۇڭ كوزى تىرىسىندە اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشى باس اترەتى پارتكومىنىڭ شۋجيى، باس اترەت باستىعى بولاتىن، 2017 - جىلى 2 - ايدىڭ 20 - كۇنى ول قىزمەت بارىسىندا اۋرۋى قوزعالىپ، قىزمەت ورنىندا قۇربان بولدى.

  قىزمەت ىستەگەن 33 جىلدان بەرى جاۋ جۇڭيۇڭ قىزمەتكە ادال بولىپ، ناقتى ىستەۋگە دەن قويىپ، قاراپايىم قىزمەت ورنىنان وزگەشە ناتيجە شىعارىپ، ىلگەرىندى - كەيىندى ءبىر رەت جەكە 2 - دارەجەلى ەڭبەك، ءبىر رەت جەكە 3 - دارەجەلى ەڭبەك ءسىڭىردى، بۇكىل ەلدىڭ قوعام حاۋىپسىزدىگى جۇيەسىندەگى 2 - دارەجەلى قاھارمان ۇلگى اتاعى تولىقتاپ بەرىلدى.

  PSپەن وڭدەلگەن ءبىر سۋرەتتى تالاي جىل پايدالاندى

  2017 - جىلى 2 - ايدىڭ 20 - كۇنى ۇرىمجىدە قالىڭ قار جاۋدى، 53 جاستاعى جاۋ جۇڭيۇڭ قىزمەت ورنىندا قۇربان بولدى.

  ”شينجياڭ ساقشى تاريحى مۇراجايىنداعى مىنا سۋرەتتى كەزىندە مەن PSپەن وڭدەپ بەرىپ ەدىم، جاعاسىنىڭ تابيعي ەمەس ەكەنى بايقالىپ تۇر“. اۆتونوميالى رايوندىق قوعام حاۋىپسىزدىگى مەڭگەرمەسى ساياسي ءبولىمى كادرلار باسقارماسى جەرگىلىكتى كادرلار ءبولىمىنىڭ باستىعى جاۋ لەي بىلاي دەپ تانىستىردى: 2013 - جىلى جاۋ جۇڭيۇڭ 3 - دارەجەلى باقىلاۋشى ساقشى دارەجەسىنە كوتەرىلىپ، اق جەيدە تاراتىلىپ، ساقشى وفيتسەرلىك كىناشقاسىنا سۋرەتكە ءتۇسۋى كەرەك بولدى. نەشە رەت قۋزاساق تا، جاۋ جۇڭيۇڭنىڭ قىزمەتى قاربالاس بولعاندىقتان، سۋرەتكە تۇسەتىن ۋاقىتى بولمادى.

  كەيىن جاۋ جۇڭيۇڭ جاۋ لەيگە بۇرىنعى سۋرەتتى PS ارقىلى وڭدەي سالۋدى تاپسىرادى، سول كەزدە ول بىلاي دەيدى: ”ەشتەڭە ەتپەيدى، مەن ەكەنىم كورىنەتىندەي بولسا بولدى، جاقسى ىستەۋ ەڭ ماڭىزدى“.

  سۇيەكپەن قوشتاسار كۇنى جاۋ لەي سول كونە سۋرەتتى كورىپ، كوز جاسىنا ەرىك بەردى، ول PSپەن وڭدەلگەن وسى سۋرەتتىڭ وسىنشاما ۇزاق جىل پايدالانىلاتىنىن ويلاماعان ەدى.

  ”ونىڭ قىزمەتى وتە قاربالاس، اندا - ساندا جارتى كۇن دەمالىس ۋاقىتى بولا قالسا، ءبىر ۇيدەگى 3 جان ۇيدەن شىققىمىز كەلمەي، ۇيدە ءبىر - بىرىمىزگە سەرىك بولامىز“، - دەيدى ليۋ چۋانشيۋ.

  قىزمەت ىستەگەن 33 جىلدان بەرى جاۋ جۇڭيۇڭ 2 رەت قانا رۇقسات سۇراعان: ءبىر رەتكىسى قىزى دۇنيەگە كەلگەندە، ەندى ءبىر رەتكىسى اكەسى قايتىس بولعاندا.

  ”جارقىراۋىق جاسىل تۇسكە“ ونىڭ مەيىرى سىڭگەن

  تاعى ءبىر قىس ماۋسىمى، قاتىناس ساقشىلارى تاعى دا جارقىراۋىق جاسىل ءتۇستى ماقتالى ساقشى كيىمىن اۋىستىردى. اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشى باس اترەتى شىرعالاڭداردى ءبىر جايلى ەتۋ جانە ءتارتىپ باسقارۋ تارماق اترەتىنىڭ ورىنباسار باستىعى لي شياۋجيە بىلاي دەپ تانىستىردى: مىنا ماقتالى ساقشى كيىمىن 2016 - جىلى 9 - ايدا جاۋ جۇڭيۇڭ باسقا ولكە، قالالاردىڭ قاتىناس ساقشى تاراۋلارىنان ۇيرەنگەن سوڭ، شينجياڭنىڭ قىس ماۋسىمىنداعى اۋا رايى احۋالىمەن ۇشتاستىرىپ قايتا وزگەرتىپ جاساعان جانە بۇكىل شينجياڭدا جالپىلاستىرعان.

  شينجياڭنىڭ قىس ماۋسىمىندا قارلى بوراندى اۋا رايى كوپ بولادى، سۋىعى تىم ۇزاققا سوزىلادى، نەگىزگى ساتىداعى قاتىناس ساقشىلارى ۇزاق ۋاقىت سىرتتا جۇمىس ىستەيدى، وڭاي ۇسىك شالىپ، اۋىرىپ قالادى.

  ”وسى ماقتالى ساقشى كيىمى ءۇشىن، ول زاۆودپەن قايتا - قايتا اقىلداستى، قاي جەرگە تىلدەسكى ءىلۋ كەرەك، قاي جەرگە قول تەلەفون سالۋ كەرەك، شاعىلىستىرعىش جولاقتار قاي جەرگە جوبالانۋ كەرەك، بارلىق مازمۇندار تۇراقتاندىرىلعاننان كەيىن، دەرەۋ ءوندىرىلىپ، 2016 - جىلى قىس ماۋسىمى كەلۋدەن بۇرىن، دەر كەزىندە بۇكىل شينجياڭداعى قاتىناس ساقشىلارىنا تاراتىلدى“. لي شياۋجيە بىلاي دەدى: بۇرىن قاتىناس ساقشىلارى سۇركەيلى اۋا رايىندا جولعا شىعىپ مىندەت اتقارعاندا، ىلعي قارا ءتۇستى جاڭبىرلىق كيىم نەمەسە ماقتالى كيىمنىڭ سىرتىنان شاعىلىستىرعىش كۇرمە كيەتىن، قيمىلداۋعا قولايسىز ەدى. جاڭادان اۋىستىرىلعان ماقتالى ساقشى كيىمدە ماقتالى كيىمنىڭ سىرتىنا جىلۋ ساقتايتىن، جەلدەن قورعايتىن جاڭبىرلىق كيىم قوسىلعان، جەل سوعىپ، جاڭبىر جاۋسا دا قورىقپايسىز، سونداي - اق كورنەكى جارقىل شامداي كورىنەدى، اناعۇرلىم حاۋىپسىز بولدى.

  ”ول قىزمەتتەستەرىنە قاتتى كوڭىل بولەدى، ءبىز تارباعاتاي ايماعىندا قىزمەت ىستەپ جۇرگەن كەزدە، اپتا سوڭىندا ول ءۇيى الىستاعى قاتىناس ساقشىلارىن ۇيلەرىنە بارىپ تاماقتانۋعا شاقىرادى. سىرتقا شىعىپ تاماقتانساڭدار، بارلىعىڭ اقشا تولەۋگە اسىعاسىڭدار، ۇيدە تاماق ىشسەڭدەر مەيىرىمدى سەزىنە الاسىڭدار دەيدى“. ليۋ چۋانشيۋ بىلاي دەدى: سول كەزدە حالىق ساقشىلارىنىڭ اتا - انالارى سىرتتان كەلسە، جاۋ جۇڭيۇڭ ىلعي ۋاقىت شىعارىپ، ولاردى تاماققا شاقىراتىن.

  وعان العىس ايتقان ينفورماتسيا ۇزىلمەدى

  بىلتىر 10 - ايدان باستاپ، رايونىمىزداعى اۆتوكولىك يەلەرى ”قاتىناس ساقشىسى 12123“ APPى ارقىلى ەلەكتروندى جۇرگىزۋشىلىك كۋالىگىن ءوتىنىش ەتىپ الۋىنا بولاتىن بولدى. وسى جىلدارداعى قۇلشىنىس ارقىلى رايونىمىز بۇقاراسىنىڭ قاتىناس ساقشى جۇيەسىنە ريزاشىلىعى بارعان سايىن جوعارىلادى، مۇندا جاۋ جۇڭيۇڭنىڭ دا ءبىر كىسىلىك ۇلەسى بار.

  ”ول بۇقارانىڭ ءىس ءبىتىرۋىنىڭ قيىنعا تۇسۋىنەن قاتتى الاڭدايدى، سول جىلدارى ول بۇقارانىڭ شاپقىلاپ ءجۇرىپ ىستەيتىن ىستەرىنىڭ ءبارىنىڭ تەلەفوندا ءبىتىرىلۋىن ارماندادى. سونىمەن مۇنى زەرتتەپ، وسى ىسكە قۋزاۋشىلىق ەتتى، قازىر %80تەن استام اۆتوكولىك باسقارۋ ىستەرى تۇگەلدەي ينتەرنەتتە بىتىرىلەتىن بولدى“. اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشى باس اترەتى اۆتوكولىك باسقارۋ تارماق اترەتىنىڭ ورىنباسار باستىعى جۋ تاۋ بىلاي دەدى: جاۋ جۇڭيۇڭ ومىرىندە تالاي رەت قىزمەت اۋىستىردى، قىلمىستىق بارلاۋ، قوعام اماندىعى، قاتىناس ساقشىسى سياقتى كوپتەگەن ساقشى تۇرلەرىندە قىزمەت ىستەپ كورگەن، ءار رەت قىزمەت رەتتەۋى بولعاندا، ول سول قىزمەتكە دەرەۋ ۇيلەسىپ كەتەتىن.

  2006 - جىلى جاۋ جۇڭيۇڭ تارباعاتاي ايماقتىق قوعام حاۋىپسىزدىگى مەكەمەسىنىڭ ورىنباسار باستىعى بولىپ تاعايىندالىپ، قىلمىستىق بارلاۋ قىزمەتىنە جاۋاپتى بولىپ، ىلگەرىندى - كەيىندى كوپتەگەن اۋىر، ۇلكەن دەلولاردى شەشۋگە قولباسشىلىق ەتتى. 2010 - جىلى رايونىمىزدىڭ ساقشى جاعى قارا، سۇرقيا كۇشتەرگە ساياتىن قىلمىستارعا قاتاڭ سوققى بەردى، جاۋ جۇڭيۇڭ ارناۋلى دەلو گرۋپپاسى تارباعاتاي بولىمشە گرۋپپاسىنىڭ جاۋاپتىسى بولىپ، بولىمشە گرۋپپا مۇشەلەرىن باستاپ كۇندىز - ءتۇنى شايقاس جاساپ، مىندەتتى ايتا قالارلىقتاي ورىنداپ، جەكە 2 - دارەجەلى ەڭبەك ءسىڭىردى. ”ول سول كەزدە قولداعى دەلولاردان ەشقانداي وبالدى، جالعان، قاتە دەلولار تۋدىرماۋدى ايتۋشى ەدى، ايتقانىن ورىندادى“، - دەدى ليۋ چۋانشيۋ. قىزمەتتەن تۇرمىسقا دەيىن جاۋ جۇڭيۇڭ ءار ادامعا ادالدىقپەن قارادى.

  ”ول كوز جۇمعاننان كەيىنگى وسى بىرنەشە جىلدا ىلعي ءبىر بەيتانىس نومىرلەردەن ماعان حابارلاما كەلىپ، جاۋ ساقشىنىڭ كومەكتەسكەنىنە العىس ايتاتىندىعىن، ءومىر بويى ەستەرىندە ساقتايتىندىقتارىن ءبىلدىردى“، - دەدى ليۋ چۋانشيۋ.

  ”ول مەيلى قايدا جۇرسە دە، ماڭايىنداعىلاردى مەيىرگە بولەيتىن ادام“. جۋ تاۋ بىلاي دەدى: قازىرگە دەيىن اندا - ساندا جاۋ جۇڭيۇڭ كەزىندە قىزمەت ىستەگەن جەردەگى بۇقارا ءۇرىمجى قالاسىنا كەلىپ، ونىڭ ۇيىندەگىلەرگە امانداسىپ قايتادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.