دۋماندى قۇرىلىس جۇرگىزۋ ورنى. سۋرەتتى ەرىكتى ٴتىلشى ۋاڭ شۋەيان تۇسىرگەن
انار بۇلت / شينجياڭ گازەتىنىڭ حابارى (ٴتىلشى ياڭ شۋحان حابارلايدى). 1 ـ ايدىڭ 2 ـ كۇنى ساعات 11دە شەريا اۋدانى نۇر اۋىلى اقتاش قىستاعىنىڭ تۇرعىنى الىم ايت ىڭىلداپ اندەتىپ، ٴۇش دوڭگەلەكتى ەلەكترلى كولىكپەن قىستاقتىڭ كەڭ نەگىزگى جولىندا زىمىراپ كەلەدى، ونىڭ جۇزىنەن باقىت كۇلكىسى ەستى.
وسىنىڭ الدىندا قىستاقتىڭ اتالعان جولدى جوندەيتىنىن ەستىگەن الىم ٴبىرىنشى بولىپ تىزىمدەلدى، ”قالاي دەگەنمەن پايداسىن كورەتىن ٴوزىمىز، قىستاقتىڭ ىستەرىن سەلبەسىپ بىرگە ىستەۋىمىز كەرەك“، ـ دەدى الىم.
الىممەن ۇقساس ىشتەي قۋانعاننان اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسىنىڭ اقتاش قىستاعىندا تۇراتىن ٴبىرىنشى شۋجي ليۋ حۇڭلياڭ دا بار، ”بۇل قىزمەت اترەتىمىزدىڭ قىس تۇسۋدەن بۇرىن ەڭ كوڭىل بولەتىن ٴىسى، بۇل ٴىس ويداعىداي ىستەلسە، بۇكىل قىستاق كولەمىندەگى قىستاق دارەجەلى نەگىزگى جولدارعا بۇكىلدەي اسفالت توسەۋ مىندەتى تولىق ورىندالادى“.
10 - ايدىڭ باسىندا اقتاش قىستاعىنان اۋىلدىق ۇكىمەتكە باراتىن Y284 نەگىزگى جولىندا 1700 مەترلىك سۋ سىڭبەيتىن توعان جاڭادان سالىنىپ، توعان مەن اسفالت جولدىڭ ورتاسىنداعى ٴبىر ٴبولىم جول بولەكتەرىندە ”قۇرىلىستان كەيىنگى زارداپ“ قالىپ، قۇرىلىس جۇرگىزۋدەن توپىراق، قۇم، تاس، قۇرىلىس قوقىر ـ قوقسىقتارى توعاننىڭ شەتىنە تولىپ كەتكەن، تاعى بىرنەشە تومپەشىك قىستاقتىڭ كوركى مەن قىستاق تۇرعىندارىنىڭ ٴجۇرىس ـ تۇرىسىنا ىقپال جاساعان بولاتىن.
ليۋ حۇڭلياڭنىڭ ۇندەۋىمەن ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇراتىن قىزمەت اترەتى، قىستاق ”ەكى كوميتەتى“ جانە قىستاق تۇرعىندارى ”حالىق ٴۇشىن جول جوندەۋ“ سىندى قامال الۋ قيمىلىن بىرگە ورىستەتتى. قۇرىلىس جۇرگىزۋ بارىسىندا قىزمەت اترەتىنىڭ مۇشەلەرى مەن قىستاق كادرلارى باستاماشىلدىقپەن ۇلگى كورسەتتى، قىستاق تۇرعىندارى جابال ات سالىستى، ٴتۇرلى قۇرىلىس ماشينالارى شوعىرلى تۇردە ”شايقاس جاسادى“. 20 نەشە كۇندە قىستاق جولىنىڭ دارەجەسى جاپپاي جوعارىلاپ، قىستاقتىڭ قونىس ورتاسى شىت جاڭا تۇسكە ەندى. وسى ارالىقتا قىستاق تۇرعىندارى ۇيلەرىندە دايىنداعان پالاۋ مەن لاعماندى قۇرىلىس ورنىنا جەتكىزدى، قىستاقتاعى اسحانا اشاتىن قوجايىندار دا ٴبىر شاۋگىم ىستىق شاي مەن جاڭا پىسقان سامسانى قۇرىلىس ورنىنا جەتكىزدى، بۇل ليۋ حۇڭلياڭدى قاتتى اسەرلەندىردى.
”جول ۇزاق ەمەس، جۇمىس تا اۋىر ەمەس، ٴبىراق ٴبىر باسى قىزمەت اترەتىمەن، ەندى ٴبىر باسى حالىق بۇقاراسىنىڭ جۇرەگىمەن توعىستى، ٴبىز ۇزدىكسىز قۇلشىنىپ، نەگىزگى ساتىداعى بۇقارا ٴۇشىن ويداعىداي قىزمەت ەتەمىز“، ـ دەدى ليۋ حۇڭلياڭ.
بيىلدان بەرى، ليۋ حۇڭلياڭ ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇراتىن قىزمەت اترەتىن جانە قىستاق ”ەكى كوميتەتىن“ باستاپ، سۇيەمەلدەۋ قارجىسىن تىڭعىلىقتى ەسەپتەپ، ويداعىداي، يكەمدى پايدالانىپ، %30 ارناۋلى قاراجات شىعارىپ، قىستاق كولەمىندەگى ٴوندىرىس حاۋىپسىزدىگى نەگىزدىك قۇرىلعى قۇرىلىستارىنا جۇمسادى، ٴورت ٴوشىرۋ جابدىقتارىن شارۋا وتباسىلارىنا جەتكىزىپ، مىندەتتى ٴورت وشىرۋشىلەرىن تاربيەلەدى، قۇمدى توپىراق جولعا قاراماي جاتقىزىپ، قورعانۋ قورشاۋىن ورناتتى، ٴوندىرىس حاۋىپسىزدىگى قورعانىس تورىن ونان ارى ٴجيى توقىپ، بەكەمدەپ، بۇقارانىڭ حاۋىپسىز ٴجۇرىس ـ تۇرىسىنا قولايلىلىق جاسادى ٴارى قىستاقتىڭ ”اجارىن“ اسىردى.
”كەلەسى قادامدا كاسىپتىك باسىمدىعىمىزعا ساي، ٴوندىرىس حاۋىپسىزدىگىنىڭ نەگىزگى جاۋاپكەرشىلىگى مەن نەگىزگى كاسىبىن ارقالاپ، اپتا سايىن ۇگىت لەكسيا جاساۋعا، ۇنەمىلىك جاپپاي تەكسەرۋ جۇرگىزۋگە تاباندى بولىپ، اۋەلگى ماقساتتى، بورىشتى امالياتتا ايگىلەپ، بۇقارانىڭ اماندىعىن قورعاپ، قىستاق كوركەم، بۇقارا تىنىش بولۋداي قىستاقتىڭ جاڭا كارتيناسىن سومدايمىز“، ـ دەدى ليۋ حۇڭلياڭ نىق سەنىممەن.
اۋدارعان: قادىر ماقان
