شي جينپيڭ ورتالىق اسكەري ىستەر كوميتەتىنىڭ 2022 - جىلعى 1 - ءنومىرلى بۇيرىعىنا قول قويدى
بۇكىل ارمياعا جاتتىعۋدى باستاۋ اتتانىسقا كەلتىرۋ بۇيرىعىن جاريالادى
شينحۋا اگەنتتىگىنىڭ 1 - ايدىڭ 4 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 4 - كۇنى ورتالىق اسكەري ىستەر كوميتەتىنىڭ 2022 - جىلعى 1 - ءنومىرلى بۇيرىعىنا قول قويىپ، بۇكىل ارمياعا جاتتىعۋدى باستاۋ اتتانىسقا كەلتىرۋ بۇيرىعىن جاريالادى. تولىق مازمۇنى تومەندەگىدەي:
مەن مىنانى بۇيىرامىن: 2022 - جىلعى اسكەري ىستەر جاتتىعۋى باستالسىن.
بۇكىل ارمياداعى ءار دارەجەلى ورىندار پارتيا ورتالىق كوميتەتىنىڭ جانە ورتالىق اسكەري ىستەر كوميتەتىنىڭ شەشىمدەرىن، نۇسقاۋلارىن باتىل دايەكتىلەندىرىپ، مەملەكەت حاۋىپسىزدىگىن جانە اسكەري كۇرەس جاعدايىنىڭ وزگەرىسىن دۇرىس يگەرىپ، عىلىم - تەحنيكالىق وزگەرىستەردى، سوعىستىق وزگەرىستەردى، قارسىلاستار وزگەرىسىن ءجىتى قاداعالاپ، سوعىستىق جاتتىعۋدىڭ بايلانىسىن زور كۇشپەن ىلگەرىلەتىپ، اسكەردى جۇيەلى جاتتىقتىرۋدى زور كۇشپەن ىلگەرىلەتىپ، اسكەردى عىلىم - تەحنيكا ارقىلى جاتتىقتىرۋدى زور كۇشپەن ىلگەرىلەتىپ، اسكەري جاتتىعۋدىڭ تيبىن وزگەرتىپ دارەجەسىن جوعارىلاتۋدى جاپپاي ىلگەرىلەتىپ، سوعىس جۇرگىزە الاتىن، سوعىس جۇرگىزۋگە شەبەر سايلاۋىت قوسىن جەتىلدىرۋ كەرەك.
بۇكىل ارمياداعى كوماندير - جاۋىنگەرلەر، بىرىنشىدەن، جاپادان قورىقپايتىن، ەكىنشىدەن، ولىمنەن قورىقپايتىن جاۋىنگەرلىك رۋحتى اسقاقتاتىپ، جاپالى جاتتىعۋ جاساپ، عىلمي جاتتىعۋ جاساپ، حاۋىپسىز جاتتىعۋ جاساپ، پارمەندى قولباسشىلىق قابىلەتتى جەتىلدىرىپ، سوعىس جۇرگىزۋ ونەرىن ويداعىداي جەتىلدىرىپ، سوعىس جۇرگىزۋ ستيلىن بەرىك شىڭداپ، اسقاق رۋحاني بەت - بەينەمەن جانە تاڭداۋلى اسكەر جاتتىقتىرۋ ناتيجەسىمەن پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
