تيانشان تورى   ›   جاڭالىقتار   ›   ماڭىزدى حابارلار

شي جينپيڭ تاجىكستاننىڭ زۇڭتۇڭى راحمونمەن جۇڭگو مەن تاجىكستاننىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 1 - ايدىڭ 4 - كۇنى بەيجيڭنەن بەرگەن حابارى. 2022 - جىلى 1 - ايدىڭ 4 - كۇنى مەملەكەت ءتوراعاسى شي جينپيڭ تاجىكستاننىڭ زۇڭتۇڭى راحمونمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قۇتتىقتادى.

  شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 30 جىلدان بەرى جۇڭگو مەن تاجىكستان قارىم - قاتىناسى قارىشتاپ دامىپ، تاريحتاعى ەڭ جاقسى دەڭگەيگە جەتتى. اسىرەسە، تاياۋ جىلداردان بەرى ەكى ەل دامۋ ورتاق تۇلعاسىن جانە حاۋىپسىزدىك ورتاق تۇلعاسىن باستاماشىلدىقپەن قۇرىپ، ادامزاتتىڭ تاعدىرلاس ورتاق تۇلعاسىن بىرگە قۇرۋدىڭ ونەگەسىن ورناتتى. ەكى جاقتىڭ ستراتەگيالىق ءوزارا سەنىمى كۇن سايىن تەرەڭدەپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءوزارا باتىل قولداۋ كورسەتتى، ءار سالاداعى سەلبەستىكتەر تەبىندى ورىستەتىلىپ، ”ءبىر بەلدەۋ، ءبىر جولدى“ جوعارى ساپادا بىرگە قۇرۋ تابىستارى قوماقتى بولدى. جاڭا تيپتى ايدارشا ۆيرۋس وكپە قابىنۋ ىندەتى الدىندا ەكى ەل حالقى ءبىر نيەتپەن سەلبەسىپ، ءوزارا قارايلاسىپ، جاپا - ماشاقاتتا بىرگە بولۋداي باۋىرلاستىق سۇيىسپەنشىلىكتى ايگىلەدى.

  شي جينپيڭ بىلاي دەپ باسا دارىپتەدى: مەن جۇڭگو - تاجىكستان قارىم - قاتىناسىن دامىتۋعا ايرىقشا ءمان بەرەمىن، راحمون زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتىپ، جۇڭگو - تاجىكستان جالپى بەتتىك ستراتەگيالىق سەرىكتەستىك قارىم - قاتىناسىندا ۇزدىكسىز تىڭ تابىستارعا قول جەتكىزۋدى ىلگەرىلەتىپ، اناعۇرلىم تىعىز جۇڭگو - تاجىكستان تاعدىرلاس ورتاق تۇلعاسىن ورناتىپ، ەكى ەلگە جانە ەكى ەل حالقىنا باقىت جاراتۋدى قالايمىن.

  راحمون مىنالاردى ءبىلدىردى: ەكى ەل قارىم - قاتىناسى تاريحىنداعى وسىنداي ماڭىزدى ساتتە، مەن ءسىزدى جانە دوس جۇڭگو حالقىن ەڭ ىستىق ىقىلاسپەن قۇتتىقتايمىن جانە ەڭ تاماشا تىلەك بىلدىرەمىن. كەزەكتە تاجىكستان مەن جۇڭگونىڭ دوستىعى جانە ءار سالاداعى ءوزارا پايدالى سەلبەستىگى ۇزدىكسىز دامىپ، جالپى بەتتىك ستراتەگيالىق سەرىكتەستىك قارىم - قاتىناستىڭ ەڭ جوعارى دەڭگەيىنە جەتتى ءارى جاسامپازدىق تاجىريبەلەر توپتادى. تاجىكستان - جۇڭگو قارىم - قاتىناسى ءوزارا تيىمدىلىك جەتكىزەتىن، ءوزارا پايداعا كەنەلەتىن قارىم - قاتىناس، ول تاتۋ كورشىلەس دوس بولۋ، ءوزارا قۇرمەتتەۋ، ءوزارا سەنۋ نەگىزىندە ورناعان مەملەكەتتەر ارا جوعارى ساپاداعى جاڭاشا قاتىناس بولىپ تابىلادى. ءبىز ەكى ەل قارىم - قاتىناسىنىڭ قازىرگى دامۋ جاعدايىنا ريزامىز، تاجىكستان - جۇڭگو قارىم - قاتىناسىنىڭ ءتىپتى ۇزاق بولاشاققا قادام تاستايتىندىعىنا كامىل سەنەمىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.