تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ۋكراينانىڭ زۇڭتۇڭى زەلەنسكيمەن جۇڭگو مەن ۋكراينانىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 1 - ايدىڭ 4 - كۇنى بەيجيڭنەن بەرگەن حابارى. 2022 - جىلى 1 - ايدىڭ 4 - كۇنى مەملەكەت ءتوراعاسى شي جينپيڭ ۋكراينانىڭ زۇڭتۇڭى زەلەنسكيمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قۇتتىقتادى.

  شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 30 جىلدان بەرى جۇڭگو مەن ۋكراينا قارىم - قاتىناسى باستان - اياق اقاۋسىز، ورنىقتى دامۋ ارىنىن ساقتادى. ەكى جاقتىڭ ساياسي ءوزارا سەنىمدىلىگى تەرەڭدەپ، ءار سالاداعى سەلبەستىك جەتىستىكتەرى قوماقتى بولدى، گۋمانيتارلىق اۋىس - كۇيىس كۇن سايىن جيىلەپ، ەكى ەل حالقىنىڭ قۇت - ىرىسىن ارتتىردى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن ۋكراينا ءوزارا قارايلاسىپ، ىندەتكە قول ۇستاسا قارسى اتتانىپ، ەكى ەل حالقىنىڭ تەرەڭ دوستىق سۇيىسپەنشىلىگىن ايگىلەدى.

  شي جينپيڭ بىلاي دەپ باسا دارىپتەدى: مەن جۇڭگو - ۋكراينا ستراتەگيالىق سەرىكتەستىك قارىم - قاتىناسىن دامىتۋعا ايرىقشا ءمان بەرەمىن، زۇڭتۇڭ زەلەنسكيمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتىپ، جۇڭگو مەن ۋكراينا قارىم - قاتىناسىندا جانە ەكى جاقتىڭ ءار سالاداعى سەلبەستىكتەرىندە اناعۇرلىم مول جەتىستىكتەرگە قول جەتكىزۋدى ىلگەرىلەتىپ، ەكى ەلگە جانە ەكى ەل حالقىنا باقىت جاراتۋدى قالايمىن.

  زەلەنسكي مىنالاردى ءبىلدىردى: 30 جىلدان بەرى ۋكراينا مەن جۇڭگو قارىم - قاتىناسى بەلسەندى دامۋ ارىنىن ساقتاپ كەلدى، ەكى جاقتىڭ ءار جىكتەگى بارىس - كەلىسى جيىلەپ، ناقتى سەلبەستىگى مول جەتىستىك بەردى. ۋكراينا جاق ەكى ەلدىڭ ءوزارا پايداعا كەنەلەتىن سەلبەستىگىنىڭ جارقىن بولاشاعىنا كامىل سەنەدى، ەكى ەل حالقىنىڭ ءداستۇرلى دوستىعىن ۇزدىكسىز تەرەڭدەتىپ، ءار سالاداعى سەلبەستىكتى كۇشەيتىپ، ۋكراينا - جۇڭگو ستراتەگيالىق سەرىكتەستىك قارىم - قاتىناسىنىڭ العا قاراي دامۋىن ىلگەرىلەتۋدى قالايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.