تيانشان تورى
تيانشان تورى   ›   جاڭالىقتار   ›   سۋرەتتى حابار

كومىر ەلەكتر، كومىر حيميا ونەركاسىپ كاسىپ سالاسىنىڭ دامۋىن جۇيەلى، عىلمي جوسپارلاۋ كەرەك

ما شيڭرۇي جۇندۇڭ ەكونوميكالىق، تەحنيكالىق اشۋ رايونىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

كومىر ەلەكتر، كومىر حيميا ونەركاسىپ كاسىپ سالاسىنىڭ دامۋىن جۇيەلى، عىلمي جوسپارلاۋ كەرەك

  1 - ايدىڭ 4 - كۇنى 2022 - جىلعى جاڭا جىلدىڭ العاشقى قىزمەت كۇنى اۆتونوميالى رايوندىق پارتكومنىڭ شۋجيى ما شيڭرۇي جۇندۇڭ ەكونوميكالىق، تەحنيكالىق اشۋ رايونىنداعى ەرەكشە ترانسفورماتور شينجياڭ بوعدا ەنەرگيا شەكتى جاۋاپكەرشىلىك سەرىكتەستىگىنە بارىپ، تازا ەنەرگيانى اشۋ جانە ىسكە قوسۋ، سونداي - اق كومىر بايلىعىنان پايدالانۋ سياقتى جاعدايلاردى ۇعىستى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ ءتىلشىسى ياۋ تۇڭ 1 - ايدىڭ 4 - كۇنى فۋكاڭنان حابارلايدى. 1 - ايدىڭ 4 - كۇنى 2022 - جىلعى جاڭا جىلدىڭ العاشقى قىزمەت كۇنى اۆتونوميالى رايوندىق پارتكومنىڭ شۋجيى ما شيڭرۇي جۇندۇڭ ەكونوميكالىق، تەحنيكالىق اشۋ رايونىنا بارىپ، باقشا رايونىن، كاسىپورىن ءبىرىنشى شەبىن ارالاپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، كومىر ەلەكتر، كومىر حيميا ونەركاسىپ كاسىپ سالاسىنىڭ دامۋىن جۇيەلى، عىلمي ويداعىداي جوسپارلاۋ جونىندە تەكسەرۋ - زەرتتەۋ جۇرگىزدى.

  جۇندۇڭ ەلىمىزدىڭ كومىر حيميا ونەركاسىپ كاسىپ سالاسىنان ۇلگى كورسەتەتىن 4 رايوننىڭ ءبىرى. جۇندۇڭ ەكونوميكالىق، تەحنيكالىق اشۋ رايونى جۇندۇڭ كومىر الابىن جوسپارلاپ سالۋدى سۇيەنىش ەتەدى، رايونىمىزدىڭ ءىرى كومىر، كومىر ەلەكتر، كومىر حيميا ونەركاسىپ كاسىپ سالاسىنان ۇلگى كورسەتۋ رايونى. جۇندۇڭ ەنەرگيا سارايىندا ما شيڭرۇي جۇندۇڭ كومىر، كومىر ەلەكتر، كومىر حيميا ونەركاسىپ كاسىپ سالاسىنىڭ دامۋ جاعدايى جونىندەگى مالىمەتتى تىڭداپ، بىلاي دەپ باسا دارىپتەدى: شينجياڭنىڭ كومىر ەنەرگيا بايلىعى ابزالدىلىعىن تياناق ەتىپ، كاسىپ سالاسىنىڭ ورنالاسىمىن جاقسارتىپ، كاسىپ سالاسىنىڭ قۇرىلىمىن رەتتەپ، كومىرمەن قامداۋدى قامتاماسىز ەتۋ قابىلەتىن جوعارىلاتۋعا ءمان بەرىپ، وزىق كومىر ەلەكتر جانە وسى زامانعى كومىر حيميا ونەركاسىبىن زور كۇشپەن دامىتۋ كەرەك.

  ما شيڭرۇي گونىڭ شينجياڭ جۇندۇڭ ەنەرگيا شەكتى جاۋاپكەرشىلىك سەرىكتەستىگىنە بارىپ، اشىق كومىر كەننەن كومىر الۋ، ساتۋ، قامداۋدى قامتاماسىز ەتۋ، حاۋىپسىز جۇمىس جۇرگىزۋ سياقتى جاعدايلاردى ۇعىستى؛ ەرەكشە ترانسفورماتور شينجياڭ بوعدا ەنەرگيا شەكتى جاۋاپكەرشىلىك سەرىكتەستىگىنە بارىپ، زەردەلىلەندىرىلگەن كەشەندى ىڭعايلاستىرۋ قولباسشىلىق ورتالىعى ارقىلى زەردەلى كەن تاۋ اۆتوموبيلىنىڭ سوعىلۋدىڭ الدىن الۋ، كەشەندى ساقتاندىرۋ، ارالاپ تەكسەرەتىن قۇلتەمىر، قۇلاما قابىرعالاردى باقىلاۋ - ولشەۋ، ادامسىز تيەۋ سياقتىلاردى، كاسىپورىننىڭ ”5G+ ونەركاسىپ ينتەرنەتىن“ تايانىش ەتىپ، كاسىپورىننىڭ ءوز كۇشىنە سۇيەنىپ زەرتتەپ اشقان جاڭا قولدانبالى تۇعىرىنىڭ پايدالانىلۋ جاعدايىن تەكسەرىپ كوردى. ما شيڭرۇي بىلاي دەپ باسا دارىپتەدى: زەردەلى كەن تاۋ قۇرىلىسىن، زەردەلىلەندىرىلگەن كومىر قازۋدى كومىر سالاسىنىڭ دامۋ بەتالىسى ەتىپ، عىلىم - تەحنيكادان قامال الۋ تەبىنىن ارتتىرىپ، جەتىستىكتەردى كادەگە جاراتۋدى جەدەلدەتىپ، وزەكتى تەحنيكالىق تىرەك قالىپتاستىرۋ كەرەك. حاۋىپسىزدىكتى تۋ باستان يگەرىپ، قامداۋعا كەپىلدىك ەتىپ، مەملەكەتتىڭ بايلىق، ەنەرگيا حاۋىپسىزدىگىن قامتاماسىزداندىرۋ كەرەك.

  سانجى − گۋچۋان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى ”شينجياڭنىڭ ەلەكترىن سىرتقا جەتكىزەتىن“ ەكىنشى ەرەكشە جوعارى كەرنەۋلى ارنا، سالىنىپ جۇمىس جۇرگىزگەن 2 جىلدان استام ۋاقىتتا، انحۇيدىڭ وڭتۇستىگىنە جيىنى 120 ميلليارد كيلوۆاتتان استام ەلەكتر جەتكىزدى. ما شيڭرۇي سانجى ەلەكتر كەرنەۋىن اۋىستىرۋ پۋنكتىنە بارىپ، ينجەنەريانىڭ جۇمىس جاعدايىن ۇعىسىپ: كوپ ءتۇرلى شارالاردى قولدانىپ شينجياڭنىڭ ەلەكترىن سىرتقا جەتكىزۋ قابىلەتىن جوعارىلاتىپ، رايونىمىزدىڭ تازا ەنەرگيانى اشۋ جانە ىسكە قوسۋ، سونداي - اق كومىر بايلىعىنان جوعارى ءونىمدى پايدالانۋ دەڭگەيىن جوعارىلاتۋ كەرەك، - دەپ باسا دارىپتەدى.

  ما شيڭرۇي شينجياڭ دۇڭفاڭ شيۋاڭ جاڭا ەنەرگيا شەكتى سەرىكتەستىگىنە بارىپ، كوپ كريستالدى كرەمني، دارا كريستالدى كرەمني، اليۋمين نەگىزدى، كرەمني نەگىزدى جاڭا ماتەريال كاسىپ سالالارىنىڭ دامۋ جاعدايىنا تەكسەرۋ - زەرتتەۋ جۇرگىزدى. ما شيڭرۇي مەڭگەرۋ بولمەسىن، ءونىم كورسەتۋ اۋماعىن ارالاپ، كاسىپورىن جاۋاپتىلارىنان ءونىمدى زەرتتەپ اشۋ، ساتۋ، بازار اشۋ سياقتى جاعدايلاردى ەگجەي - تەگجەيلى ۇعىسىپ: كاسىپورىننىڭ جاڭالىق اشۋداعى تۇلعالىق ورنىن كۇشەيتىپ، ءوندىرىستى، وقىتۋدى، زەرتتەۋدى ۇشتاستىرۋدى تەرەڭدەتىپ، ءبىر توپ ەلەۋلى جاڭالىق اشۋ جەتىستىكتەرىن قالىپتاستىرىپ جۇندۇڭنىڭ تانىسقىسىنا اينالدىرىپ، جاسىل، تومەن كومىر قىشقىل گازدى اينالمالى ەكونوميكالىق كاسىپ سالالارى شوعىرىن تۇلعالاۋ كەرەك، - دەپ باسا دارىپتەدى.

  ما شيڭرۇي بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ، ورتالىقتىڭ ەكونوميكالىق قىزمەت ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، شينجياڭ قىزمەتىن ستراتەگيالىق جاقتان باعامداۋعا جانە جوسپارلاۋعا تاباندى بولىپ، كومىر ەلەكتر، كومىر حيميا ونەركاسىپ كاسىپ سالاسىنىڭ دامۋىن ساپالىلاندىرىپ، ءتۇرلى ءادىس - امالدارمەن جوسپاردى تياناقتاندىرۋدى يگەرىپ، نىساندى ورنالاستىرۋدى جوسپارلاپ، كاسىپ سالاسىنىڭ دامۋىن جەبەپ، شارۋاشىلىق - ساۋدا ورتاسىن ۇزدىكسىز جاقسارتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، جاسىل، تومەن كومىر قىشقىل گازدى دامۋعا تاباندى بولىپ، جوعارى ساپالى دامۋدى حالىق تۇرمىسىمەن تىعىز جاناستىرىپ ىلگەرىلەتىپ، شينجياڭ ەرەكشەلىگىنە يە وسى زامانعى كاسىپ سالاسىن دامىتۋدىڭ جاڭا جۇيەسىن بەلسەندىلىكپەن قۇرىپ، تۇتاس جىلدىق قىزمەتتە جاقسى باستاما باستاۋعا، جاقسى قادام تاستاۋعا شىنايى كەپىلدىك ەتۋ كەرەك.

  اۆتونوميالى رايون باسشىلارىنان چىن ۋيجۇن، قادەن كابەن قاتارلىلار تەكسەرۋ - زەرتتەۋگە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.