تيانشان تورى   ›   جاڭالىقتار   ›   شينجياڭ حابارلارى

«كوشباسشى» كەڭ كولەمدە شىرقالىپ، جۇرت كوڭىلىن تەربەدى

□ انار بۇلت / شينجياڭ گازەتىنىڭ تىلشىلەرى

  جۇرەكتى تەربەيتىن جاقسى ءان ادامدارعا ەكپىندەي ىلگەرىلەۋ كۇشىن سيلايدى. جاقىندا نەگىزگى اۋەندىك ءان «كوشباسشى» ينتەرنەت جەلىسىنە شىعىسىمەن - اق كەڭ كولەمدە شىرقالدى. پارتيانى ءسۇيۋ، وتاندى ءسۇيۋ، حالىق ءۇشىن ىستەۋ ىنتا - ىقىلاسى اسقاق ىرعاققا كىرىستىرىلگەن 4 مينۋتتان استام ۋاقىتتىق ءاندى تيانشان الابىنداعى ءار ۇلت كادر - بۇقاراسى تىڭداعاننان كەيىن كوڭىل كۇيلەرى تولقىن اتا تەربەلدى.

  ”بيلىك دەگەنىمىز حالىق، كوكىرەگىڭىزدە كورىنىس بولىپ سىزىلدى...“ قىزىلسۋ قىرعىز اۆتونوميالى وبلىسىنىڭ اۋدان، قالالارىندا ءاندى ۇيرەنۋ ورلەۋى جەدەل كوتەرىلدى. كوپشىلىك مىنالاردى ءبىلدىردى: بۇل ءان ءداۋىردىڭ نەگىزگى اۋەنىن شىرقاپ قانا قالماستان، ونان دا ماڭىزدىسى، ءار ۇلت حالقىنىڭ جۇرەك ءۇنىن بەينەلەپ، ءاربىر ادامعا كۇشتى ءداۋىر تىنىسىن سەزىندىردى.

  ءۇيى ۇلۇقشات اۋدانى جىعىن اۋىلى ساز قىستاعىندا تۇراتىن بۇرماحان مولدو بىلاي دەدى: ”وتانىمىز بارعان سايىن كۇشەيىپ، ءبىزدىڭ تۇرمىسىمىز بارعان سايىن جاقساردى، مۇنىڭ بارلىعى جۇڭگو كوممۋنيستىك پارتياسىنىڭ دۇرىس باسشىلىعىنان ايىرىلا المايدى. مەن وتاننىڭ شەكارا جەلىسىن ۇزدىكسىز بەرىك كۇزەتىپ، باقىتتى تۇرمىستى قورعايمىن“.

  ”اندەگى ’حالىقتىڭ باقىتى ءۇشىن، گۇلدەنۋ مۇراتى ءۇشىن، بوران - شاشىنعا قاراماي ساپار شەكتى، ەشتەڭە بوگەي المادى‘ دەگەن سوزدەردى ەرەكشە ۇناتتىم. الەۋمەتتىك اۋماق كادرى رەتىندە، مەن تاباندى، تىڭعىلىقتى ىستەپ، تۇرعىندارعا جاقسى قىزمەت ەتەمىن“، - دەدى ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) باينياۋحۋ اۋماعى شياڭيۇن الەۋمەتتىك اۋماعىنىڭ كادرى جاميلا ساداي.

  1 - ايدىڭ 2 - كۇنى حىجيڭ اۋدانى دۇڭگۇي ۇلانمۇچىر انسامبلىنىڭ جاتتىعۋ زالىنان شارىقتاي شالقىعان اۋەن ەستىلدى، انسامبل مۇشەلەرى «كوشباسشى» ءانىن ايتۋعا جاتتىعۋدا. ”ءبىز وسى ءان ارقىلى پارتيانىڭ مەيىرىنە دەگەن العىستى سەزىمىمىزدى جانە وتانعا دەگەن تەرەڭ سۇيىسپەنشىلىگىمىزدى جەتكىزگىمىز كەلەدى“. انسامبل باستىعى بادىمالا بىلاي دەدى: ءبىز اندە ايتىلعانداي، اۋەلگى ماقساتتان اينىماي، نەگىزگى ساتىداعى ”قىزىل ادەبيەت - كوركەمونەر اتتى اسكەرلەرى“ رولىمىزدى ويداعىداي ساۋلەلەندىرىپ، ءان اۋەنىمىز ارقىلى پارتيا قۇرۋ ۇلى رۋحىن جىرلاپ، ءبيىمىز ارقىلى تاماشا باقىتتى تۇرمىستى كورسەتەمىز.

  بىرنەشە كۇننەن بەرى تۇرپان قالالىق مادەنيەت سارايى ”انار ءدانى“ مادەنيەت شاعىن اترەتىن، سونداي - اق حالىق ونەرپازدارى ۇجىمىن باستاپ، قىستاق (الەۋمەتتىك اۋماق)، مادەنيەت ۇلكەن اۋلاسى، كاسىپورىن سياقتى نەگىزگى ساتى ءبىرىنشى شەبىن ارالاپ، ”ءبىزدىڭ جۇڭگو ارمانىمىز − مادەنيەتتى سان مىڭداعان وتباسىلارعا جەتكىزۋ“ اتىنداعى حالىقتى يگىلىككە كەنەلتۋ كونسەرتىن جانە مادەنيەت ەرىكتىلەر قىزمەت وتەۋ قيمىلىن ورىستەتتى. ”«كوشباسشى» دەگەن بۇل ءان رۋحى تاسقىنداعان، ادامدى جەلپىندىرەتىن ءان ەكەن، پارتيانىڭ 100 جىلدىق بەلەسى ءار ارىپتە، ءار سوزدە بەينەلەنىپتى“، - دەدى سارايدىڭ ورىنباسار باستىعى اليا يساميدىن.

  ءار جولى «كوشباسشى» ءانىنىڭ سەزىمدى سەلدەتەتىن اۋەنى كوتەرىلگەندە، التاي قالالىق مادەنيەت سارايىنىڭ باستىعى باقىتبەك اقان ۇنەمى ەرىكسىزدەن ىلەسىپ ىڭىلداي جونەلەدى، ول بىلاي دەدى: ”«كوشباسشى» ءانى قويۋ تاريح سەزىمى مەن سالماقتى بورىش سەزىمىن بەينەلەدى، ءار جولى تىڭداعان سايىن مەنىڭ ويىما جۇڭگو كوممۋنيستىك پارتياسىنىڭ ايبىنى اسقاق تاريحي جىلدارى ورالادى. ءبىز ادەبيەت - كوركەمونەر قىزمەتكەرلەرىن وسى ءاندى ءار كوشەدە، اۋىل - قىستاقتا، اتىز - دالالاردا ايتۋعا ۇيىمداستىرىپ، ءار ۇلت بۇقاراسىن اسقاق سەزىممەن تاماشا جاڭا تۇرمىسقا قادام تاستاۋعا جەتەكتەيمىز“.

  (ءتىلشى جاڭ تيڭ، قاتىناسقان تىلشىلەر سۇڭ ۋيگو، جاڭ رۇيلين، بارشا تەگىس، ەرىكتى ءتىلشى جي شياۋجىن)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.