تيانشان تورى   ›   ۇيرەنۋ   ›   شولۋ

جاڭا داۋىردەگى جۇڭگونىڭ اسقاق جىگەرمەن العا باسقان جويقىن اعىنىن قالىپتاستىرايىق

− ءتوراعا شي جينپيڭنىڭ 2022 - جىلعى جاڭا جىلدى قۇتتىقتاۋ ءسوزى تۋرالى تولعانىس (4)

□ حالىق گازەتىنىڭ شولۋشىسى

  ”سان - ساناقسىز قاراپايىم قاھارماندار ايانباي كۇرەس جۇرگىزىپ، جاڭا داۋىردەگى جۇڭگونىڭ اسقاق جىگەرمەن العا باسقان جويقىن اعىنى بولىپ قالىپتاستى“. 2022 - جىلعى جاڭا جىلدى قۇتتىقتاۋ سوزىندە، ءتوراعا شي جينپيڭ وتكەن ءبىر جىلداعى ەستەن كەتپەس تالاي - تالاي جۇڭگو ءۇنىن، جۇڭگو ءساتىن، جۇڭگو حيكاياسىن ەسكە ءتۇسىرىپ، ءار سالا، ءار كاسىپتەگى باتىلدىقپەن شايقاسىپ، كۇرەس جۇرگىزۋدى مۇرات تۇتقان قاراپايىم قاھارماندارعا ماداق ايتىپ، ميلليارد حالىقتىڭ جاڭا جورىقتا ەكپىندەي العا باسۋ، جاڭا داۋىرگە ۇلەس قوسۋ اسقاق مۇراتىن قاۋلاتتى.

  قاراپايىمدىلىق ۇلىلىقتى سومدايدى، قاھارمان حالىقتان شىعادى. سوتسياليستىك جۇڭگو دامىپ بۇگىنگە جەتكەندە قول جەتكىزگەن جەتىستىكتەر اسپاننان تۇسە قالعان جوق، باسقا بىرەۋ ەسىركەپ بەرە سالعان دا ەمەس، ونى قالىڭ حالىق بۇقاراسى پارتيانىڭ باسشىلىعىندا، قاجىرلى ەڭبەكپەن، اقىل - پاراساتپەن، جۇرەكتىلىكپەن شايقاسىپ، ىستەپ بارلىققا كەلتىرگەن. وتكەن ءبىر جىلدا جاس وقۋشىلاردىڭ ”پارتيا الاڭسىز بول، مەملەكەتتى قۇدىرەتتەندىرۋدە مەن بارمىن“ دەگەن اسقاق سەرتىنەن شەكارا كۇزەتكەن جاۋىنگەرلەردىڭ ”ءمولدىر ماحاببات تەك جۇڭگوعا ارنالادى“ دەگەن جۇرەك جاردى تىلەكتەرىنە دەيىن؛ سپورت ساڭلاقتارىنىڭ ”تاسقىنداعان جىگەرمەن ءوز ونەرلەرىن كورسەتىپ، قارا ءۇزىپ شىعۋعا ەرلىكپەن ۇمتىلعان“ اسقاق جىگەرىنەن عىلىم - تەحنيكا قىزمەتكەرلەرىنىڭ ”باتىلدىقپەن جاڭالىق اشىپ، قايسارلىقپەن كۇرەس جۇرگىزگەن“ ەركىنە، جىگەرىنە دەيىن... سىلدىراي اققان بۇلاقتار تەڭىز بولىپ توعىسىپ، كىشكەنتاي جۇلدىزدار قۇس جولىن نۇرلاندىرىپ، وكىنىشسىز، ۇلەس قوسۋعا پەيىل كوپتەگەن اتسىز قاھارماندار جاي ادامدارعا ءتان قاراپايىمدىلىقپەن كەرەمەت ءومىردى جازىپ قالدىردى، ولار اقىل - پاراساتىمەن جانە ماڭداي تەرىمەن، ءتىپتى، ىستىق قانىمەن جانە ومىرىمەن تاۋلى قىستاق جاڭارعان، تاۋ - وزەن ماساتىداي قۇلپىرعان ءداۋىر كارتيناسىن كەستەلەپ، بارلىعى مول دا ەلى اۋقاتتى، ءار شاڭىراقتان شام جايناعان باقىتتى تۇرمىستى جارىققا شىعاردى.

  جۇڭگوشا سوتسياليزم جاڭا ءداۋىرى جۇڭگو حالقىنىڭ جاڭا سىناق پەن سىن - سايىس بارىسىندا جارقىن بولاشاق جاراتاتىن ءداۋىرى ءارى جۇڭگو حالقىنىڭ جان قيارلىقپەن كۇرەس جۇرگىزىپ تاماشا تۇرمىس جاراتاتىن ءداۋىرى. كەدەيلىكتەن ارىلتۋدان قامال الۋ شايقاس مايدانىندا كوپتەگەن ادام قيىنشىلىق الدىندا اتويلاپ العا شىعىپ، شەشۋشى ساتتە توتەپ بەرىپ، جۇرەك قانى مەن ماڭداي تەرىن اسقار تاۋلار مەن اساۋ وزەندەرگە، سان مىڭداعان وتباسىلارعا ارنادى؛ ىندەتتەن ساقتانۋ - تىزگىندەۋ شەبىندە كوپتەگەن ادام ومىرلەرىمەن بورىش ارقالاپ، سۇيىسپەنشىلىكتەرىمەن ءومىردى قورعاپ، زارەدەي كۇش ارقىلى تەلەگەي كۇش توپتاپ، ءومىردى قورعاۋدىڭ قۇرىش قورعانىن تۇرعىزدى؛ رەفورما جاساۋ، دامۋ زور اۋقىمىندا كوپتەگەن ادام قاجىرلى قوس قولىمەن، پاراساتتى اقىل - ويىمەن، مويىماس ەڭبەگىمەن ءومىردىڭ تىڭ ءورىسىن اشتى، سونداي - اق قوعامنىڭ ارشىندى قاداممەن العا باسۋىن ىلگەرىلەتتى... فاكت مىنانى دالەلدەدى: جۇڭحۋا ۇلتى − قاھارماندار تولاسسىز شىعاتىن ۇلت، جاڭا ءداۋىر قاھارمانداردى سومدايتىن ءداۋىر. قاجىرلىلىقپەن كۇرەس جۇرگىزۋ ارقىلى جۇڭگو حالقى ءوزىنىڭ قوس قولىمەن جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتۋ نىساناسىن جۇزەگە اسىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاپ، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىن قارسى الدى. بەينە ءتوراعا شي جينپيڭ باسا دارىپتەگەندەي: ”مۇندا ءبىزدىڭ اياۋلى دا ارداقتى حالقىمىز، كۇن سايىن جاڭارىپ، اي سايىن تۇلەجىگەن دامۋىمىز، ۇزبەي ءىز جالعاپ، مۇراگەرلىك ەتكەن ىستەرىمىز بار“.

  100 جىلدىڭ الدىندا، جۇڭحۋا ۇلتى دۇنيە ءجۇزىنىڭ الدىندا توقىراعان، تۇرالاعان بەينەدە كورىنىس بەرگەن ەدى. بۇگىنگى تاڭدا جۇڭحۋا ۇلتى دۇنيە جۇزىنە گۇلدەنىپ - كوركەيگەن بەينەمەن كورىنىپ، بوگەۋ بەرمەس ارىنمەن ۇلى گۇلدەنۋگە قادام تاستاۋدا. زامانىمىزداعى جۇڭگونىڭ تاۋ - سۋى كوركەم، حالقىنىڭ ايبىنى اسقاق، بولاشاعى زور. وسىنداي ۇلى داۋىردە تۇرعاندىعىمىز ءۇشىن ءبىز وزىمىزگە ەرەكشە سەنەمىز، ماقتانىش تۇتامىز، سونىمەن قاتار جاۋاپكەرشىلىكتىڭ اۋىر ەكەندىگىن تەرەڭ سەزىنەمىز. ءبىز باتىلدىقپەن، ارىنمەن ۇرپاقتان - ۇرپاققا جالعاسقان جۇڭگو كوممۋنيستەرىنىڭ حالىقتى ىنتىماقتاستىرىپ، باستاپ جاراتقان تاريحي ۇلى ىستەرى نەگىزىندە ءداۋىردىڭ ۇمىتىنەن شىعاتىن ناتيجە جاراتىپ، ۇمىتكە تولى بولاشاققا ارشىندى قادام تاستاۋىمىز كەرەك. ساپار الىس، ماقساتقا تەك كۇرەسپەن عانا جەتەمىز. ءبىر ميلليارد 400 ميلليوننان استام حالقى بار ءبىزدىڭ مەملەكەتىمىزدە ءار ادام ءبىر ۇلەس كۇش شىعارسا، جينالا كەلە تاۋ قوپارىپ، تەڭىز قوتاراتىن جويقىن كۇشكە اينالادى، ءار ادام ءبىر ءىستى تىندىرسا، ءبىر قىزمەتتى ويداعىداي اتقارسا، پارتيا مەن مەملەكەتتىڭ ىستەرى ءبىر قادام الدىعا ىلگەرىلەيدى. تەك مىعىم مۇرات - سەنىم، قاجىماس كۇرەسكەرلىك رۋح بولىپ، نىق قاداممەن ءاربىر جاي ءىستى ويداعىداي ىستەي بىلسە، بارلىق جاي ادامدار تۇگەلدەي وزگەشە ومىرگە يە بولادى، بارلىق جاي قىزمەتتە تۇگەلدەي وزگەشە جەتىستىك جاراتۋعا بولادى. جاڭا ءداۋىر ءاربىر ادامعا ءتان، ءاربىر ادام جاڭا ءداۋىردىڭ كۋاگەرى، اشۋشىسى، قۇرىلىسشىسى. ءبىز شىنايى ىنتىماقتاسىپ، بىرگە كۇرەس جۇرگىزەتىن بولساق، جۇڭگو حالقىنىڭ ارماندى جۇزەگە اسىرۋ اياق الىسىنا ەشقانداي كۇش بوگەت بولا المايدى.

  ءبىزدىڭ 3 عارىشكەرىمىز وسى ساتتە شەتسىز - شەكسىز عارىش كەڭىستىگىندە ”ءىسساپاردا“ ءجۇر، شەتەلدەگى باۋىرلاستار ءالى دە قاجىرلىلىقپەن ەڭبەك ەتۋدە، ەلشىلىك - كونسۋلحانالار، جۇڭگو قارجىلاندىرعان كاسىپورىندار سياقتى شەتەلدە تۇرۋعا جىبەرىلگەن ورىندارداعى قىزمەتكەرلەر مەن شەتەلدەگى قالىڭ وقۋشىلار قاجىماس تاباندىلىق كورسەتۋدە... جاڭا جىلدى قۇتتىقتاۋ سوزىندە ءتوراعا شي جينپيڭ ”ارمانعا ۇمتىلعان سان - ساناقسىز ادامدار توقتاۋسىز كۇرەس جۇرگىزىپ، ۇلەس قوسۋدا“ دەپ ماداق ايتتى. جاپپاي سوتسياليستىك وسىزاماندانعان مەملەكەت قۇرۋ جاڭا جورىعىندا قاجىرلىلىقپەن ەڭبەك ەتىپ، ءۇن - ءتۇنسىز ۇلەس قوسىپ، تالىقپاي كۇرەسسەك، ماڭگى كۇرەسسەك، ءبىز، ءسوز جوق، قاراپايىم قىزمەت ورنىندا حيكىمەتتى حيكايالاردى ۇزدىكسىز جازىپ، ەكىنشى 100 جىلدىق كۇرەس نىساناسىنا قاراي، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي ەرلىكپەن العا باسا الامىز.

  (1 - ايدىڭ 4 - كۇنگى «حالىق گازەتىندە» باسىلعان)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.