− ءتوراعا شي جينپيڭنىڭ 2022 - جىلعى جاڭا جىلدى قۇتتىقتاۋ ءسوزى تۋرالى تولعانىس (5)
□ حالىق گازەتىنىڭ شولۋشىسى
”الەمدەگى ءار ەل قيىندىقتى بىلەك بىرىكتىرە جەڭىپ، ىنتىماقتاسا سەلبەسكەندە عانا، ادامزاتتىڭ تاعدىرلاس ورتاق تۇلعاسىن قۇرۋدىڭ جاڭا تاراۋىن جازا الادى“. 2022 - جىلعى جاڭا جىلدى قۇتتىقتاۋ سوزىندە، ءتوراعا شي جينپيڭ بىلاي دەپ اتاپ كورسەتتى: وتكەن ءبىر جىلدا شەتەل باسشىلارى مەن حالىقارالىق ۇيىمداردىڭ جاۋاپتىلارى كوپ رەت جۇڭگونىڭ ىندەتكە قارسى اتتانۋعا جانە دۇنيە جۇزىندەگى ىندەتتەن ساقتانۋ - تىزگىندەۋگە قوسقان ۇلەسىن القادى، دۇنيە جۇزىندەگى ءار ەلدىڭ ءبىر نيەتپەن كۇش شىعارىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋىنىڭ كوركەم بولاشاعىنا كوز جىبەرىپ، ءىرى پارتيا، ءىرى ەل كوسەمىنىڭ الەمدىك ىنتا - ىقىلاسى مەن تاريحي جاۋاپكەرشىلىگىن تولىق ايگىلەپ، دۇنيە ءجۇزىنىڭ ىندەتتى ەرتەرەك جەڭىپ، دۇنيە ءجۇزى ەكونوميكاسىنىڭ قالپىنا كەلۋىن جەبەۋگە سەنىم جانە كۇش قوستى.
ەندى عانا وتكەن 2021 - جىلى ءتوراعا شي جينپيڭ شەتەل باسشىلارىمەن جانە حالىقارالىق ۇيىمداردىڭ جاۋاپتىلارىمەن 79 رەت جۇزدەسىپ، سويلەسىپ، ماڭىزدى سىرتقى ىستەر قيمىلىنان 40ىن بەينەجازبا ارقىلى باسقارىپ جانە وعان قاتىناسىپ، سەلبەسىپ، تەڭ يگىلىككە كەنەلۋدىڭ سەنترلەس شەڭبەرىن سىزىپ، ادامزاتتىڭ تاعدىرلاس ورتاق تۇلعاسىن قۇرۋدىڭ قۇدىرەتتى بىرىككەن كۇشىن ۇيىستىرىپ، جۇڭگوشا ءىرى ەل ديپلوماتياسىنىڭ ارشىندى قاداممەن العا ىلگەرىلەۋىنە جەتەكشىلىك ەتتى. جالپى 120 نەشە مەملەكەت پەن حالىقارالىق ۇيىمعا 2 ميلليارد دانا جاڭا تيپتى ايدارشا ۆيرۋس ۆاكسيناسىن بەرىپ، الەمدىك ىندەتكە قارسى تۇرۋ سەلبەستىگىنە دەم بەردى؛ بو - اۋ ازيا تالقى مىنبەرىنىڭ 2021 - جىلعى جىلدىق ءماجىلىسى، «ورگانيزمدەردىڭ كوپ تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسى قاتارلى وتاعاسى ەلدىك ديپلوماتيالىق قيمىلدار ءساتتى وتكىزىلىپ، حالىقارالىق قوعامعا اناعۇرلىم كوپ وڭ ەنەرگيا قوسىلدى؛ يمپورت كورمەسى، قىزمەت وتەۋ ساۋدا جارمەڭكەسى، گۋاڭجوۋ جارمەڭكەسى سياقتى ءىرى حالىقارالىق ەكونوميكالىق ساۋدا سالتاناتتى جينالىستارى ءساتتى وتكىزىلىپ، ەسىك اشۋدىڭ كوكتەم سامالى دۇنيە ءجۇزىن ءوپتى... وسى ءبىر جىلدا وزگەرە ورشىگەن الەمدىك ىندەت الدىندا، جەدەل قۇبىلعان الەمدىك وزگەرىس الدىندا، جۇڭگو ادامزات تاعدىرلاس ورتاق تۇلعا ۇستانىمىنا تاباندى بولىپ، ناعىز كوپ جاقتىلىقتى دارىپتەپ، ”ءبىر بەلدەۋ، ءبىر جولدى“ بىرگە قۇرۋدى تىڭعىلىقتى ىلگەرىلەتىپ، ۆاكسينانى الەمدىك الەۋمەتتىك ءونىم ەتۋ ۋادەسىن اتقارىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن پارمەندى قورعاپ، دۇنيە ءجۇزىنىڭ بەيبىتشىلىگى مەن دامۋىن جەبەۋگە بەلسەندى ۇلەس قوستى.
2021 - جىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. 100 جىلدان بەرى جۇڭگو كوممۋنيستىك پارتياسى جۇڭگو حالقى مەن دۇنيە جۇزىندەگى ءار ەل حالقىنىڭ تاعدىرلاس بولۋىنا تاباندى بولىپ، جۇڭگو حالقىن باقىتقا كەنەلتۋگە، جۇڭحۋا ۇلتىن گۇلدەندىرۋگە كۇش سالىپ، ادامزاتتىڭ العا باسۋىنا، دۇنيەنىڭ ۇلى بىرلىگىنە كۇش سالىپ، دۇنيە ءجۇزىنىڭ جالپى جاعدايى مەن ءداۋىر اعىمىندا جۇڭگو دامۋىنىڭ العا باسۋ بەتالىسىن يگەرىپ، ءار ەلدىڭ بىرگە دامۋىن، گۇلدەنۋىن جەبەدى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىندەگى كەلەلى تابىستار مەن تاريحي تاجىريبەلەر جونىندەگى قارارى» كۇللى دۇنيەگە كەڭ پەيىل بولۋعا تاباندى بولۋدى پارتيانىڭ 100 جىلدىق كۇرەسىندە جيناقتالعان باعالى تاريحي تاجىريبەلەردىڭ ءبىرى ەتتى، ول پارتيانىڭ باستان - اياق ادامزات دامۋىنىڭ ۇلى اعىمى، دۇنيە ءجۇزى وزگەرىسىنىڭ جالپى جاعدايى، جۇڭگو دامۋىنىڭ ۇلى تاريحى تۇرعىسىنان سىرتقى دۇنيەمەن قارىم - قاتىناستى دۇرىس تانۋىنىڭ جانە ءبىر جاقتى ەتۋىنىڭ تەرەڭ قورىتىندىسى ءارى پارتيانىڭ ادامزات وركەنيەتىنىڭ العا باسۋىنا ۇزدىكسىز اقىل - پاراسات جانە كۇش - قۋات قوسۋىنداعى ماڭىزدى ۇندەۋ. بولاشاقتى بەتكە العاندا، جۇڭگو كوممۋنيستىك پارتياسى بەيبىت دامۋ جولىمەن جۇرۋگە تاباندى بولىپ، سىرتقا ەسىك اشۋعا تاباندى بولىپ، تاريحتىڭ دۇرىس جاعىندا تۇرىپ، ادامزاتتىڭ العا باسۋ جاعىندا تۇرىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولىپ، تاريح دوڭعالاعىنىڭ نۇرلى نىساناعا قاراي العا باسۋىن ىلگەرىلەتەدى.
قازىر ىندەت جاعدايى ۇزدىكسىز قايتالانۋدا، دۇنيە ءجۇزى ەكونوميكاسىنىڭ قالپىنا كەلۋى ءالسىز، كليمات وزگەرىسى سىن - سايىسى كورنەكتى، وڭىرلىك قولامتالى ماسەلەلەر ءجيى تۋىلۋدا، ادامزات سيرەك كەزدەسەتىن داعدارىستى باستان كەشىرۋدە. نەعۇرلىم قيىن - قىستاۋ ساتتەردە سولعۇرلىم سەنىمدى بەكەمدەۋ، سولعۇرلىم قايسار بولۋ كەرەك. جاڭا جورىقتا ءبىز بەيبىتشىلىكتى سۇيەتىن بارلىق مەملەكەتتەرمەن جانە حالىقتارمەن بىرگە بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتاردان جازباي، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، باياندى دا بەيبىت، جالپى بەتتىك حاۋىپسىز، بىرگە گۇلدەنەتىن، اشىق، سيىسىمدى، تازا دا كورىكتى دۇنيە ءجۇزىن بىرگە قۇرامىز. جاڭا جىلدى قۇتتىقتاۋ سوزىندە ءتوراعا شي جينپيڭ اشىلۋ الدىندا تۇرعان بەيجيڭ قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا كوز جىبەرىپ، ”ءبىز شىن كوڭىلمەن دۇنيە جۇزىنە وليمپيادانىڭ سالتاناتتى جينالىسىن تارتۋ ەتەمىز“ دەپ باسا دارىپتەدى. بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى دۇنيە جۇزىندەگى ءار ەلدىڭ سالتاناتتى جينالىسى، بۇكىل دۇنيە جۇزىندەگى سپورتشىلاردىڭ ءادىل باسەكە ساحناسى؛ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ويداعىداي وتكىزۋ پارتيا مەن مەملەكەتتىڭ ءىرى ءىسى، ءبىزدىڭ حالىقارالىق قوعامعا بەرگەن ايبىندى ۋادەمىز. ۇنەمشىل، حاۋىپسىز، تارتىمدى وليمپيادالىق سالتاناتتى جينالىس وتكىزەدى دەپ دۇنيە ءجۇزى جۇڭگودان ءۇمىت كۇتۋدە، جۇڭگو دايىندالىپ بولدى.
دۇنيە جۇزىمەن قاۋىشقاندا عانا ەرتەڭمەن قاۋىشۋعا بولادى؛ قول ۇستاسا العا ىلگەرىلەگەندە عانا، نىق قاداممەن الىسقا جەتۋگە بولادى. دۇنيە جۇزىندەگى ءار ەل حالىقتىڭ تاماشا تۇرمىسقا دەگەن تالپىنىسىن كوكەيدە ساقتاپ، بەيبىتشىلىكتى قورعاۋ، دامۋدى جەبەۋ سىندى ءداۋىر بورىشىن ارقالاپ، كوپ جاقتىلىققا تاباندى بولىپ، ىنتىماقتاسۋ، سەلبەسۋ جولىمەن ءجۇرىپ، قول ۇستاسا العا باسىپ، ۇزدىكسىز كۇرەس جۇرگىزسە، ءسوز جوق، ارماندى رەالدىققا اينالدىرۋعا، ارەكەت ارقىلى بولاشاققا قول جەتكىزۋگە مۇمكىندىك جاساپ، ادامزاتتىڭ تاعدىرلاس ورتاق تۇلعاسىن قۇرۋدىڭ تىڭ تاراۋىن ۇزدىكسىز جازىپ، اناعۇرلىم گۇلدەنگەن تاماشا دۇنيەنى بىرگە قۇرا الادى!
(1 - ايدىڭ 5 - كۇنگى «حالىق گازەتىندە» باسىلعان)
